الزواج لمزروب (قصة مغربية مكتملة ...

ليبارت 40/41/42

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت  40
اسماء: ما شي مشكل مي نتا دافع فبرطمة ما قلتيهاش ليا

سيف : غاماجابتهاش الفرصة و صافي خلي نشد ساروت و نديك ليها راه فلوس لفراش و لي غانحتاجو كلششي مجود كنتي ناقصة غانتي

اسماء كلامو كايريحها : وهاني وليت دابا (تعلات مخلية شعرها طويل منثور و را ضهرها وقبلاتو جنب فمو ) مني تبدا تختار ديني معاك ولا ناقصة شي حاجة نعاون فيها

سيف : مايحتاججش نتي دابا هي مولات دار الالة اسماء و مولات قلبي راحتك من راحتي ماتعيش راسك نشري ليا راحتك .... ونزل لشفايفها مقبلها من قبلة خفيفة لوقبلة عمق منها تانساجمو فبحر شهوات حلال

فسبيطار المخزن

بزز باش دخلو تاضورو مع السيكوريتي و جات نوبة يقلبو على طبيبة ولا طبيب لي مالقاوهم غا بريق ناشف و من لفوق طبيب ولا الممرضة نافخين ريشهم ونيفهم فسماء

خرج من ورا ريدو و تاجه لكرسيه وجلس : ضربت ليها برا  (جبد لوردونونس ) شريو ليها هاد دواء  ونشاء الله من هنا يوماين تصبح بيخير عادي كانضن جلسات تحت شمس لمدة طويلة و هي سخونة عامت بالما بارد عادي حرارتها تطلع الله يجيب شيفة تقدرو تديوها دابة وعافاكم خلصو فالكونطوار  قبل ماتخرجو

محنة الاب لي مسكين مافجيبو تاريال فاش قالو ليه عندك خمسالاف ريال وهو لا حطها غايكملو شهرهم غا بالخبز والما والاكين تاحاجة ماتغلا على بنتو قرة عينو و اميرتو  نفسها لبنت لي طعناتو فدهرو و شرفو بلى مايعرف

صبح الصباح.....

  اول ليلة ليها فدارو وبيتو عش زوجية كاتأمل تدخل و يدخل عليها بصحة و سلامة و طول العمر و البنون والبنات...... داخلة شميسة مشرقة من سرجم ضربات ليها فعيونها تا قفزات المكان  غريب عليها اول ليلة ليها فيه تحركات ببطء تاحت كرشها الم طفيف  ضارت شافت جيهتو وهي تصدم حيت كانت مكالية غا بلمخدة هو ماكاينش طلعت شفاهها سفلى بعدم فهم وناضت لبسات بينوار ساتان و دخلات للحمام تخفف عضامها بلما دافي....خرجات منو وولحمها كايخرج البخار مشات جيهت الماريو و هزات بيجامة و دهنات لحمها ولبسات و دارت فوطة للشعرها وكحلات عينيها غا شويا يبانو كبار ولبسات بانطوفة عاد دارت تقاد ناموسية و هو يتحل عليها الباب تاع البيت بدفيع تاقفزات وشافت فيه مخلوعة و هي تبان ليها بلحمها و شحمها و تخنزيرتها فشكل و دوات بصوت عالي: واصباح الخير الالة لعروسة ل1 هادي مولفة تنوضي مع ل 1 فداركم ايوا يالله را حنا معولين نتغداو على يديك
اسماء مدهولة:أ .... مافهمتش انا عادا فصباحي
مامات سيف:ايوا هانتي رادويت مع عائيلتك بلاش من لفطور حيت نتي و سيف مسافرين وا نزلي راه تانتسناوك ...وخرجات خلاتها تاتبقلل فعيونها مصدومة لدرجة دمها غلا و تفكرات كيفاش تعاملات معاها فعرسها قدام عائيلتها بقا كلامها محفور فقلبها تاينغزها و مع دالك ستهدات باالله و نزلات وسدات البيت نازلة عندهم وحشمانة ناس مغايرين ورياض غير ليترابات ولعبات غميضة فحيوطو   و ماشي عائيلتها لي مولفة  نازلة 5دروج رياض وتاتشوف الفرق بين هاد رياض و رياضهم هادا ستيلو قديم و سراجمو على لداخل ولاكين دابا هادي دارها والعائلة هي  عائلتها خاصها تتأقلم دخلات عندهم لصالون مبتاسمة و شافت فيهم ووالاكن بادلها القليل وبالابتسامة صفرا و التصنع لي مايخفاش عليها هي كدكتورة نفسية
دخلات جلسات جنبهم محاولة تجمع معاهم وتشاركهم اطراف الحديت و بطبيعتها عفوية كايسيح ليها تالي ماحاملهاش و مواضيعها تايجدبو الانتباه ما حسو بيه غا طال عليهم بفوقية بيضة من الباب ودخل تايسلم عليهم و تاوصل عندها باسها فراسها  و ضرب ليها غميزة و اشار ليها بوجهو للبدفوق باش تتبعو
يـــتـــبـــع.......