"Pitong Buwan na ngayon ang Tiyan ni Olga. Bale limang Buwan din pala ako dito sa Isla. Parang kahapon lang ah. Saka alam mo ba ang ganda nitong Isla mo pare. Kaya siguro Dito gustong tumanda ni Olga."
Umupo ako sa tabi nang puntod ni Lucho. Pinakaiusapan kasi ako ni Olga na dalhan ko ito ng Bulaklak. Hindi na daw kasi niya kayang maglakad paakyat ng tuktok.
"Alam mo ba pare. Nakakainggit ka kasi mahal na mahal ka ni Olga. Kahit na sa maiksing panahon kayong nagsama biruin mo nakabuo kayo at hindi lang yon pare nakuha mo nang buo ang tiwala ni Olga."
Tumawa ako.
"Hindi gaya ko na halos limang buwan na dito pero walang pagbabago. Grabe ang hirap mong pantayan. Masmahirap pa lang kalaban ang taong Patay na kesa yung Buhay pa. Tinalikuran ko lahat pare. Tumira ako dito kasama siya pero parang ang layo layo niya kahit asa kabilang Kuwarto lang siya..."
May mumunting luha ang lumubaybay sa mga mata ko. Siguro nga nahanap ko na ang katapat ko at si Olga na nga yata. Saglit akong pumikit para damhin ang sariwang hangin. Isa isang bumalik sa akin ang unang araw na nakita ko si Olga. Tahimik lamang siya at napakamasunurin napangiti ako. Kelan kaya babalik ang Olgang nakilala ko dati.
Tumunog ang Cellphone ko. Kinuha ko iyon at sinagot.
"Papa?"
"Sethorino. Anak. Kelangan ka munang lumuwas dito may mga pipirmahan kang Dokumento. Kumusta na kayo ni Olga?"
I smirked. "Tingin ko Papa. Wala na akong pag-asa kay Olga. Siguro dapat tanggapin ko na lang na hindi na pwedeng maging kami."
Mahinang tumawa si Papa. "Talagang ganyang Anak. Kung talagang walang pag-asa o di kahit hanggang kaibigan na lang diba. Pwede naman ata yon."
Tumango ako kahit hindi ako nakikita ni Papa. "Sige po. Pupunta na po ako dyan. Magpapaalam na lang muna ako kay Olga."
"Sige. Aantayin kita." ibinaba na ni Papa ang tawag.
Tumayo ako at nagpagpag ng suot kong shorts. Saka bahagya akong umunat.
"Pano ba yan pare. Aalis muna ako ha. Ikaw na muna ang bahala kay Olga. Babalik din ako agad." saka ako nag-umpisang maglakad pababa.
Naabutan ko si Olga na nagtutupi ng mga sampay. Tinignan lang niya ako pagpasok ko ng Bahay. Sanay na ako sa mga ganitong trato niya. Hindi ko siya masisisi dahil ganito din ako sa kanya dati.
Kumuha muna ako ng baso saka ako nagsalin ng malamig na tubig. Ininum ko muna iyon bago ako nagsalita.
"Olga." ni hindi niya ako nilingon nagpatuloy lang siya sa pagtutupi ng mga damit. "Aalis ako ngayon."
Napahinto ito sa pagtutupi. Pero Hindi pa rin niya ako nilingon. Tumayo lang siya saka niya binitbit sa loob ng Kuwarto ang mga damit na tapos na niyang tupiin.
Napailing na lamang ako. Hinugasan ko ang basong ginamit ko. Saka ako humakbang palapit sa pinto ng Kuwarto niya.
"Sige. Aalis na ako. Babalik din ako bago magdilim. May gusto ka bang pasalubong?" pinakinggan kong maigi kung sasagot siya... pero wala ni isang inggay ang nagmumula sa kabilang pinto.
Mabigat ang mga hakbang ko palabas ng Bahay. Saka ako nagtungo sa dalampasigan. Ginamit ko ang nag-iisang Speed boat na nakatali sa kahoy na daungan nito. Inalis ko na ang Tali saka ko pinaandar ang makina nito.
Malayo layo na ako nang makita ko si Olga nakatayo siya sa dalampasigan. Parang may kuryenteng gumapang sa buong katawan ko. Niliko ko pabalik ng Isla ang Speed boat nang mapansin kong nagpahid ito ng mukha. Baka mapano ang dinadala niya kung umiiyak siya.
Malapit na ako sa dalampasigan. Umiiyak nga si Olga. Isinabit kong muli ang Tali ng Speed boat saka ako Dali daling naglakad palapit sa kanya.
"Iiwanan mo na naman ba ako?" malungkot na tanong ni Olga.
Napangiti ako habang umiiling. Inayos ko ang hibla ng buhok nito na tumakip sa maamo niyang mukha.
"Hindi kita iiwanan. May gagawin lang akong importante kaya ako luluwas ng Maynila. Babalik din naman agad ako. Anong gusto mong pasalubong?" nagulat ako ng tabigin ni Olga ang kamay ko.
"Kaya hindi na ako naniniwala sayo Seth! Lage na lang kasi! Lage na lang!"
saka ito nagmamadaling humakbang palayo.
"Olga!" pero hindi niya ako nilingon.
Nagpatuloy lang siya sa paglalakad paakyat ng Isla.
Tinawagan ko sina Rim para magbantay muna dito sa Isla nagsama din sila nang ilang Staff na babae ng Wanda's Resort. Binilinan ko Sila nang mga dapat nilang gawin. Bago ako tuluyang tumawid sa kabilang dalampasigan.
Pagdating sa Wanda's Resort agad akong sumakay ng Kotse ko. Saka ako nagmaneho paluwas ng Maynila. Kinuha ko ang cellphone ko para tawagan si Papa.
"Papa. Biyahe na po ako pa Maynila. Opo may mga kasama po siya doon sa Isla."
"Okay. Sige ingat ka Anak."
"Opo---" naputol ang sasabihin ko ng may bumanggang Motor sa Kotse ko. Masyadong mabilis ang Motor kaya medyo malakas ang impact nun kaya gumewang gewang ang Kotse ko sa kalsada saka bumunggo sa poste.
Huli kong narinig ang malakas na boses ni Papa na tinawag ang pangalan ko.
"SETHORINO ANAK?!" sigaw nito.
"P-pa-pa..." saka nagdilim ang paningin ko.
MAY MALAMIG NA hangin ang biglang umihip kaya nilipad ang hawak kong kumot katatanggal ko lang non sa sampayan para sana tupiin.
"Seth...." ito bigla ang pumasok sa isip ko. Bumagsak ang kumot sa damuhan. Humakbang ako palapit dito para kunin iyon... biglang tumulo ang luha ko saka ko napansin na ito ang kumot na dinala niya sa tuktok ng Isla para pakainin ako ng tanghalian. Dinampot ko iyon saka dinala sa dibdib ko.
"S-Seth..." mahinang hikbi ko.
Gumabi na pero wala pa si Seth. Lalo akong kinabahan. Mauulit ba ang nangyari kay Lucho? Talaga bang lagi na lang akong iniiwan ng mga taong pinapahalagahan ko.
"Miss Olga. Kain na po tayo.". tawag sa akin ng isa sa mga Staff ng Wanda's Resort.
"Mauna na po kayo. A-antayin ko si Seth. Para sabay na kaming kumain." alam kong ramdam nila na nag-aalala na ako.
"Ah... Okay po." sumunod naman ito sa sinabi ko.
Nasa Veranda ako at naghihintay Kay Seth. Gusto ko nang umiyak. Napahawak na lamang ako sa tiyan ko. Baka nagsawa na siya sa kakasuyo sa akin. Mawawala na naman yung isang taong nagpapahalaga sa akin...
Tatalikod na sana ako para pumasok sa loob ng Bahay ng may mapansin akong bulto ng tao na naglalakad palapit. Matagal ko iyong tinitigan. Ang alam ko walang ibang tao ang pwedeng makarating dito maliban lang sa mga tauhan ni Lucho at si...
"SETH!" agad akong tumakbo palapit sa kanya saka siya niyakap ng mahigpit. Narinig ko siyang tumawa.
"Wow ang higpit naman ng yakap na yan." masayang turan nito.
Isiniksik kong lalo ang mukha ko sa dibdib niya. Namiss ko si Seth. Sobra.
"Bakit andito ka sa labas mahamog na diba. Saka may mga pasalubong ako sayo."
Tumingala ako. Saka ko napansin ang mga galos niya sa mukha.
Kumunot ang noo ko. "Bakit ka may sugat Seth?"
Hinaplos nito ang bahagi may konteng galos. "Ah. Ito ba? Ano Kasi medyo nadisgrasya lang ng konte kaya ginabi ako ng uwi. Sorry kong pinag-alala kita ha."
"Seth? Nadisgrasya ka?" ramdam kong uminit ang magkabilang dulo ng mata ko. "Ka---pag ini---wan mo ko uli dito sa Isla magagalit na ako sayo!"
Sa halip na magalit. Mukhang tuwang tuwa pa si Seth sa sinabi ko.
"Opo. Hindi ko na po uulitin. May inaasikaso lang po ako na mga papel. Tapos bumili na din ako ng bagong Kotse." masayang sagot ni Seth.
Hinampas ko siya sa braso niya. "Hindi mo ko madadala sa pasalubong mo! Pinag-alala mo ako!"
Tinalikuran ko siya saka ako humakbang. Nahinto ako sa paghakbang ng tawagin ako ni Seth.
Pumihit ako paharap sa kanya. Mukhang natunaw ang asar ko nang makita kong nakaluhod ang Isang tuhod nito.
"Itatanong ko uli ito sayo yung tinanong ko sayo dati at sana maging positive ang sagot mo. Olga Sta.Ana. I want to spend the rest of my life with you. I know I'm not perfect but I will try my Best to be a perfect Husband and a Father to your Baby. Will you marry me?"
Ramdam ko ang bawat salitang yon ni Seth. Hindi gaya noong una niya akong tinanong na parang napipilitan lamang siya. Lumapit ako sa kanya at tinitigan siya ng maigi.
"S-seryoso ka ba Seth? B-buntis na ako at malapit na akong manganak. At sa ibang lalake pa tong dinadala ko"
Ngumiti ito. "Alam ko. Kaya nga tinatanong kita. Kasi gusto kong paglabas ni Baby Apilyedo ko ang dadalhin niya. Pero kung ayaw mo. Okay lang naman. Iba na lang aalukin ko----"
"SETH!" sabay pisil nito sa pisnge ko.
"Aray Olga! Masakit." reklamo ko.
Hinatak pa nitong lalo ang pisnge ko. "Aray Olga naman eh!"
"Ibang babae Pala ha! Sige tignan ko lang kung gugustuhin ka pa nila kapag lumaylay na tong mga pisnge mo!". mataray na sagot ni Olga.
Natawa ako. Mukhang nagseselos si Olga. Hinawakan ko ang magkabila niyang kamay saka ko inilayo ang mukha ko.
"Ang sakit naman Mama!" natatawang asar ko sa kanya.
Kumunot ang noo nito. "Mama ka dyan! Bakit umo-o na ba ako sa alok mo ha!"
Lalo akong napangiti sa sagot niya. "Hindi pero bakit ka nagseselos?"
"Selos ka dyan Seth! Hindi ah! Umalis ka na nga lang nang Islang to at wag na wag ka nang babalik!" taboy sa akin ni Olga.
Tumayo ako habang hawak pa din ang kamay niya. "Okay aalis ako. Sabi mo e."
Humigpit ang hawak ni Olga sa kamay ko. "Seth nakakaasar ka na! Hindi na ako natutuwa sayo!"
Kinabig ko siya palapit sa akin. "Olga. Mahal kita. Sorry kung naaksidente ako kanina. Minor injury lang naman. Inantay mo ba ako?"
Tumitig siya sa akin at tumango. Napangiti ako. Nilagay ko ang kanan niyang kamay sa kaliwang dibdib ko.
"Nararamdaman mo ba? Ikaw lang ang nakakapagpabilis ng tibok niyan. Alam ko na Babaero ako at marami na akong naikama. Lahat sila pinaligaya ako... Pero pang Isang gabi lang silang lahat. Alam mo ba kung bakit?"
Umiling si Olga.
"Dahil Ikaw pala ang inaantay nito.". maslalo kong idiniin ang kamay niya sa dibdib ko.
She gulped. "S-Seth... baka magsisi ka bandang huli na ang ako pinili mong pakasalan."
"Bakit naman Olga?"
Pumikit si Olga saka dinama ng palad niya Ang dibdib ko. "Dahil buntis ako."
Tumawa ako nang mahina. "Hindi problema yon. Mamahalin ko ang batang yan na parang tunay kong Anak pero gusto kong ipakilala natin sa kanya kung sino ang tunay niyang Ama. Pwede ba iyon. Olga?"
Kagat labi siyang tumango at inilahad ang kaliwang kamay. Napatitig ako sa kamay niyang iyon.
"Oo. Sethorino Cru."
"Olga?" saka ko nilagay ang sing sing sa maliit niyang daliri. Pakiramdam ko kumpleto na ang Buhay ko. Nahanap ko na ang Babaeng magiging Tahanan ko...si Olga.