ဘတ်စ်ကားပေါ်ကတစ်ခုံထဲတွင်ထိုင်၍နားကြပ်လေးတပ်ကာ ပါလာသော 'ဂန်ဟန်'။အဲကွန်းဘတ်စ်ဟုသာကားဘေးတွင်ကပ်ထားသော်လည်း တစ်စက်ကလေးမျှမအေးသည်မှာမထူးဆန်းတော့ပါ။YBSတို့ထုံးစံပင်မဟုတ်လား။ပူပြင်းလှသောနွေရာသီဖြစ်သည့်အပြင် ဝတ်စားလာသည့်အဝတ်အစားတို့ကြောင့် နှဖူးမှချွေးစလေးများထွက်စပြုလာသည်။ဘတ်စ်ကားကိုလဲအပြစ်မတင်လို မနက်ကကားကြုံစီးခဲ့မိသည့်မိမိအမှားသာဖြစ်သည်။
ဘေးမှန်တံခါးကိုဆွဲဖွင့်လိုက်တော့မှ တိုက်ခတ်လာသောလေအဝှေ့ကြောင့် ခေတ္တအေးသွားရသည်။ပုံမှန်ရှူတင်ရှိသည့်ရက်ဆိုလျှင်ကိုယ့်ကားနှင့်ကိုယ်သွားနေကျဖြစ်သော်လည်း မနက်က 'တန်' လာခေါ်သဖြင့်မုန့်သွားစားရင်းရှုတင်ဝင်ပို့ခဲ့သောကြောင့်အပြန်YBSနှင့်ညားရ၏။ယနေ့သွားရိုက်ပေးရသောနေရာမှာ မြို့တွင်းမဟုတ်ပဲသန်လျင်ဘက်ဖြစ်သောကြောင့်အပြန်အနည်းငယ်နောက်ကျနေသဖြင့် ရုံးဆင်းချိန်နှင့်တိုက်နေသည်။ရုံးဆင်းချိန်ဆိုတော့ လူများရသည့်အထဲကားဆရာကကားထဲသို့လူရသလောက်ထည့်နေပုံပေါ်သည်။ကားပေါ်လူပြည့်နေသည့်တိုင် ထပ်ထပ်ခေါ်နေသောကားဆရာကြောင့် ဂန်ဟန်တစ်ယောက်ဒေါကန်နေမိတာအမှန်။လူတွေများလာ၍အနံ့ပေါင်းစုံ၊လူပေါင်းစုံနှင့်အသားချင်းကပ်နေအောင်ကြပ်နေသဖြင့် မခံနိုင်သည့်အဆုံးရှေ့မှတ်တိုင်တွင်ဆင်းလိုက်ရတော့သည်။
အောက်ရောက်တော့မှ အင်းယားကန်ဘက်ကတိုက်လာသည့်လေညှင်းလေးကြောင့် စိတ်ပြန်ရွှင်သွားရသည်။"ဦးလေး မြောက်ဥက္ကလာ၊မေဓာဝီဈေးကိုပို့ပေးပါ" ဟုပြောရင်းနားကြပ်လေးတပ်ကာ လိုက်သွားသည်။
"ဒီညတော့ဆိုင်မှာမစားပဲ၊အပြောင်းအလဲလေးဖြစ်အောင် ကိုယ့်ဘာသာပဲရှမ်းကောလေးလုပ်စားတာပေါ့" ဟုတစ်ယောက်ထဲပြောရင်းဈေးထဲလျှောက်သွားလိုက်သည်။လိုအပ်သည်များဝယ်ပြီးသည်နှင့် မေဓာဝီလမ်းပေါ်ရှိသူမနေအိမ်ကွန်ဒိုဆီလျှောက်ခဲ့လိုက်သည်။'ဂန်ဟန်' သည်တစ်ယောက်ထဲသီးသန့်နေရသည်ကိုနှစ်သက်၍ ကွန်ဒိုမှာနေခြင်းဖြစ်သည်။သူသုံးချင်ဝယ်ချင်သမျှပစ္စည်းတိုင်းလည်းဝယ်နိုင်ရနိုင်နေသည့် လူသားတစ်ဦးပင်။ပိုက်ဆံရေလျှံသုံးနိုင်သလောက် စည်းကမ်းရှိပီးအသန့်ကြိုက်သောသူတစ်ယောက်လဲဖြစ်သေးသည်။
ပါလာသောအထုပ်များကိုရေခဲသေတ္တာထဲထည့်ခဲ့ကာ စက်ဘီးသော့ယူ၍အောက်ထပ်ဆင်းသွားလိုက်သည်။ကွန်ဒိုမြေအောက်ပါကင်ထဲ ရှိလုံခြုံရေးဦးလေးကြီးထံလျှောက်သွားကာ "လေးငယ်၊ဘာမှာဦးမလဲ။ 'ဂန်ဟန်' ဟိုဖက်လမ်းမှာရေခဲမုန့်သွားဝယ်မလို့" ။ "မမှာတော့ပါဘူးငါ့တူမရယ်၊ဂရုစိုက်သွားဦး၊မိုးချုပ်နေပီ၊မိန်းကလေးတစ်ယောက်ထဲဆိုတော့မြန်မြန်ပြန်ခဲ့နော့"
"ဟုတ်၊လေးငယ် မြန်တယ်မြန်တယ် စက်ဘီးလေးနဲ့ဝှစ်ခနဲ ဟားဟား" ပြောပြောဆိုဆိုနှင့်အနက်ရောင်စက်ဘီးလေးစီးကာice pointသို့ထွက်ခဲ့သည်။
Ice pointသည် 'ဂန်ဟန်' စားနေကြရေခဲမုန့်ကြော်ဆိုင်လေးဖြစ်သည့်အပြင် ထိုဆိုင်ကအကိုနှင့်အမကလဲသဘောကောင်းကြသည်။
"စတော်ဘယ်ရီတစ်ခွက်နော်အမ ပုံမှန်အတိုင်းပဲ" ။ရေခဲမုန့်ခွက်လေးကိုင်ကာ စက်ဘီးနင်းရင်း
မြေအောက်ခန်းထဲသို့ဝင်သွားလေသည်။
ဆိုဖာပေါ်ထိုင်ကာရေခဲမုန့်စားအပီး အဝတ်အစားများချွတ်ကာ တောင်းထဲသို့လှမ်းပစ်လိုက်သည်။အိပ်ခန်းထဲရှိဘီရိုထဲမှ အဖြူရောင်tshirtအပွကိုထုတ်ဝတ်ကာ မီးဖိုချောင်ထဲဝင်လာ၏။'ဂန်ဟန်'သည် ဖုန်းထဲရှိမာလာရှမ်းကောချက်နည်းvideoကိုဖွင့်ကာ လိုက်ပြင်ဆင်ချက်ပြုတ်နေ၏။ယခုမှvideoကြည့်ပြီးပထမဆုံးချက်သော်လည်း ထွက်လာသောလက်ရာသည်ဆိုင်အပြင်အဆင်အတိုင်းတစ်ထပ်ထဲထွက်လာသောကြောင့် ကိုယ့်ကိုယ်ကိုချီးကျူးမဆုံး။
အိုးထဲရှိရှမ်းကောများပန်းကန်ထဲထည့်ကာရေခဲသေတ္တာထဲရှိအအေးဗူးဆွဲထုတ်ပြီးတီဗီရှေ့ယူလာခဲ့သည်။အရင်ကြည့်လက်စ Thai seriesဖွင့် မာလာရှမ်းကောများကိုမြိန်ရေယှက်ရေစားသုံးနေသူ။စားသောက်ပီးစီးသွား၍ရေချိုးအဝတ်စားလဲပီး အိပ်ယာပေါ်ဘုန်းခနဲပစ်လှဲချလိုက်တော့ တစ်နေကုန်ပင်ပန်းထားသမျှမေ့သွားသယောင်။ကုတင်ဘေးစားပွဲပေါ်တွင်တင်ထားသောဖုန်းကိုလှမ်းယူကာ youtubeထဲသီချင်းဝင်နားထောင်နေ၏။
မက်ဆင်ဂျာမှဝင်လာသောစာတစ်ဆောင်၊"မနက်ဖြန်ဘယ်သွားကြမလဲ ငါအားတယ်" "ငါရှာလိုက်ဦးမယ်၊မနက်ဖြန်အားတော့ တစ်နေရာရာသွားကြတာပေါ့"ဟုပြန်ပို့ရင်းfb search boxထဲဝင်ကာ bar in yangonဟုနှိပ်မိသည်။တစ်ခုဝင်တစ်ခုထွက်ရှာရင်း Serious Bar Yangonဟူသော profileသည် သူ့ရဲ့ အာရုံများကိုဖမ်းစားလိုက်သည်။Pageထဲဝင်ကြည့်တော့ "လုံးဝငါ့အကြိုက်ပဲ"။groupထဲသို့ page linkပို့ကာမနက်ဖြန်ညနေသွားကြမယ်။
'lexi' ရောလိုက်မှာလား 'တန်'။"
"သူကဘဲရနေတော့သူလိုက်ရင်သူ့ဘဲလဲပါမှာပဲ"
"ဒါလဲရတာ၊ခေါ်ခဲ့လိုက်လေ၊လေးယောက်ဆိုတော့ပိုကောင်းတာပေါ့"
"ဒါဆိုမနက်ဖြန်ညနေငါလာခေါ်မယ်"
"မခေါ်နဲ့တော့၊ငါနေ့လည်မေကြီးဆီသွားဦးမှာမလို့။မသွားတာလေးရက်လောက်ရှိပီမလို့"
"အိုကေဘေဘီ"
ဒီလိုနဲ့တစ်နေ့တာကိစ္စအဝဝတို့အပြီး ဖဲသားမွေ့ယာဖြူဖြူပေါ်တွင်အိပ်မောကျသွားတော့၏။
(Part 2/Part 3 မှာ ဂန်ဟန်မမနဲ့စတွေ့မှာပါ)