🔸အဖြူရောင်နုနု🔸18
အပိုင်း~၁၈
ဖြူဖြူအိမ်ကိုပြန်လာမှပဲ ပိုအဆင်သွားတော့သည်။
တစ်ယောက်ထဲနေတော့လည်းပိုအာရုံရမလာပဲ..
ရုတ်တရက်အထီးကျန်သလို၊ဟိုဟာလိုသလိုဒီဟာ
လိုသလိုနဲ့..နှစ်ယောက်ရှိတဲ့အိမ်ကတစ်ယောက်ထဲ
ကျန်ရင်ခြောက်ကပ်ပြီးပျင်းစရာကောင်းသည်။
သူကအိမ်ရှေ့ဧည့်ခန်းမှာတပ်စွဲထားလျှင်၊ဖြူဖြူက
တရုတ်ကန့်လန်ကာကာထားတဲ့အိပ်ခန်းထဲမှာပဲနေ
ပြီး သူ့အတွက်ထမင်းချိန်ထမင်း၊ကော်ဖီချိန်ဆိုကော်ဖီ..ထွက်လာပြီးမပြတ်လပ်အောင်စီစဉ်ပေးပါသည်။စာမနားတမ်းဖတ်လို့အကြောတတ်ပြီးဇတ်
ကိုဘယ်ညာချိုးနေပြီဆိုရင်..နောက်ကရောက်လာပြီးနားထင်ကြောကိုနှိပ်ပေးတာကသူမလုပ်တတ်တဲ့အပိုဆားဗစ်လေးပေါ့...
" နားနားနေနေလုပ်ပါကိုကို၊ တော်ကြာစစ်မရောက်
ခင်မြှားကုန်သွားအုံးမယ်..."
ပန်ဒါမျက်ကွင်းတွေနဲ့မို့အသံကောင်းတောင်မဟစ်
နိုင်တဲ့တော့ကိုကို့ကြည့်ပြီး..ဖြူဖြူတကယ်စိတ်မ
ကောင်းဖြစ်ရသည်။ဒီလောက်ကြိုးစားခဲ့တာပဲအခု
ပေါ့ပေါ့ပါးပါးနေပြီးသွားဖြေရင်တောင်အောင်မှာပါ
ဆိုတာကို ကျရှုံးရမှာကြောက်တဲ့သူ့စိတ်ကသူ့ကိုဖိ
စီးနှိပ်စက်နေသည်။
" ကိုကိုစာကြည့်ရတာ မျက်လုံးညောင်းနေရင်ဖြူဖြူဖတ်ပြရမလား....လှဲပြီးနားထောင်ပေါ့.."
" ရပါတယ် ....."
ဖြူဖြူဆယ်တုန်းဖြေတုန်းကအချိန်ကိုပြန်သတိရမိသည်။ သင်္ချာဖြေအပြီးမှာသွေးပေါင်ထိုးကျပြီးdrip
ချိတ်ရတော့..ဖြူဖြူ့ကိုပက်လက်ကုလားထိုင်မှာလှဲ
မှီထားစေပြီး..
" ဖြူဖြူ..ခန္တာကိုယ်ကိုသက်သာအောင်ထားပြီးဦး
နှောက်ကိုပဲrunခိုင်းရအောင်၊ ဆရာ ဖတ်ပြတာကို
သေချာအာရုံစိုက်ပြီးလိုက်မှတ်နေနော်..."
သူကဖြူဖြူ့ဘေးမှာခုံရှည်နဲ့ထိုင်ပြီး ..ဓာတုဖော်မြူ
လာတွေ၊ထုတ်ဖော်ပုံတွေကိုတစ်လုံးချင်းအသံကြည်ကြည်နဲ့ဖတ်ပြသည်။ ဖြူဖြူကမျက်လုံးကိုမှိတ်ပြီး
ကိုကို့အသံကိုလိုက်မှတ်ထားသည်။ဖြူဖြူမအိပ်ခင်အထိသူလည်းမနားရပေ။
စာဖြေရတော့ အနားမှာကိုကိုထိုင်ရွတ်ပြနေတဲ့အ
တိုင်းရှင်းလင်းစွာနဲ့မှတ်မိနေသည်။
ဖြူဖြူ့စာမေးပွဲပြီးတော့ တပတ်လောက်ထိကိုကို
လည်ချောင်းနာတာမပျောက်ဘူးရယ်။
အခုသူ့အလှည့်ကြတော့batchမတူသဖြင့်ဖြူဖြူ
ကဘာမှပြန်လုပ်ပေးလို့မရပေ။
ဒီလိုနဲ့စာမေးပွဲရက်ရောက်လာသည်။
" ဒီရက်ပိုင်းတော့မာနလေးတစ်ပတ်လောက်လျော့
ပြီး..ကားနဲ့ကျောင်းသွားပါကိုကို..."
ဖြူဖြူကသူဖြေရမယ့်အခန်းနားအထိလိုက်ပို့တတ်
သည်။ဖြေပြီးရင်လည်းရောက်ရောက်လာတတ်ပြီး
ဓာတ်ဆားရည်နဲ့မုန့်ကအဆင့်သင့်မို့..ဖြူဖြူ့ကွယ်
ရာမှာသူငယ်ချင်းမတွေက၀ိုင်းပြီး..
" အဲ့လိုမှန်းသိ တို့လည်းယောက်ျားရမှအမ်အက်စီ
ဖြေပါတယ်ဟေ..."
" ဖြူဖြူကဒင်းကိုသူ့သားလေးလိုဂရုစိုက်တာ..."
" ငါတို့ထဲ ဒီကောင် ကံအကောင်းဆုံးပဲ..."
" ကိုယ့်ကံနဲ့ကိုယ်ပဲဟ ဘာမှမနာလိုမဖြစ်ကြနဲ့..."
" အေး နင်တို့ယောက်ျားလေးတွေကအဲ့လိုသည်း
သည်းလှုပ်ချစ်ပေးဖို့မတန်ဘူး၊ ဒါပေမယ့် နင်တို့
တွေကံကောင်းနေကြတုန်းပဲ..."
" ဘာ အဟား ဟား ၊အဟက် ဟက်...
နင်တို့တွေ အဲ့လိုကပ်စေးနဲလွန်းလို့အပျိုကြီးဖြစ်နေ
တာ... MScတော့ရချင်ရမယ်၊ကျန်တာတော့ရမှာ
မဟုတ်ဘူး..."
" ကောင်စုတ်ကြီး ...သူရပြီးတိုင်း..."
ရေးဖြေ၂ရက်ကတော့အဆင်ပြေပြီး၊bed side
ဖြေဖို့ကြမှစိတ်လှုပ်ရှားလွန်းလို့ ညလည်းတရေးမှမအိပ်နိုင်ပေ။
ဆရာတွေကဆေးရုံကိုသူတို့မသိတဲ့လူနာသစ်တွေ
ခေါ်လိုက်ပြီး..စမ်းသပ်ခိုင်းတာ...
ECGအဖြေ၊ဓာတ်မှန်အဖြေတွေကိုကြည့်ပြီး..ဘာ
ရောဂါ၊ညာရောဂါ..ဖြေချိန်မိနစ်ပိုင်းအတွင်းအမြန်
ဖြေရတာမို့ချွေးစေးတွေတောင်ပျံသည်။
ဖြေပြီးသွားတော့..ဖြူဖြူလာကျွေးတဲ့မုန့်တောင်သူ
မစားနိုင်လို့..ဖြူဖြူ့မှာကျောလေးပွတ်သပ်ပြီးချော့ရ
သေးတယ်...
" အောင်မှာပါကိုကိုရယ်..ဆရာတွေကကိုကို့ကို
သဘောကြပါတယ်။
ဒီနှစ်MScမှာကိုကိုမှမအောင်ရင်ဘယ်သူမှအောင်
မှာမဟုတ်ဘူး...ရော့ စားလိုက်အုံးနော်..."
>>>>>>>>
resultကသိပ်မကြာပဲအအောင်အရှုံးသိရမှာမို့..
မတိုင်ခင်ရက်တွေသူဆေးရုံပြန်ဝင်ပဲအိမ်မှာပဲနားနေသည်။
" ကိုကို ဆေးရုံမသွားဘူးပေါ့..."
" အင်း..."
" ကောင်းပါတယ် နားပြီးခေါင်းဆေးလိုက်ပေါ့"
" အင်း...."
ဖြူဖြူကတော့ကျောင်းသွားရသည်။ပြန်လာတော့
လည်းဆိုဖာမှာစာအုပ်အထူကြီးထိုင်ဖတ်နေတာ
ကြောင့်...
" စာဖတ်နေပြန်ပြီလား၊ ကိုကိုမို့မငြီးမငွေ့..."
" အိမ်မှာနေတော့လည်း စာအုပ်ပဲဖတ်စရာရှိတာ"
ဖြူဖြူကစာအုပ်အဖုံးကိုကြည့်ကာ..
" ၀တ္တုလား...."
" အင်း...ငယ်ငယ်ကဖတ်ခဲ့တာ၊စာအုပ်ပုံရှင်းရင်း
တွေ့လို့..."
"ကွိ(Queed)..လား၊ကိုကိုကြိုက်တယ်ပေါ့..
ဖြူဖြူတော့မဖတ်ဖူးဘူး၊ ဂျာနယ်ကျော်မမလေးက
သူ့လိုလူဆိုပြီးရေးသေးတယ်မှတ်လား..."
" အင်း..သူရေးတာတော့မဖတ်ဖူးဘူး။..queed
ကတော့ကိုယ့်အကြိုက်ပဲ..."
တက္ကသိုလ်တတ်ကတည်းကဘာသာပြန်တောင်မ
ဝယ်ပဲမူရင်းစာအုပ်ဝယ်ပြီးမနားတမ်းဖတ်ခဲ့ရတဲ့ကွိ
ပင်။ ၀တ္တုထဲကMrကွိလိုလူထူးဆန်းကသူ့idol
ဖြစ်ကောင်းဖြစ်မည်၊တနေ့သူရှာမယ့်လက်တွဲဖော်ကလည်း ရှာလီဝေလင်လိုမိန်းမမျိုးဖြစ်ရမယ်လို့
တွေးခဲ့ဖူးသည်။
နုနုကသူအတွက်ရှာလီဝေလင်ဖြစ်လာလိမ့်မယ်လို့
ယုံကြည်ခဲ့ပေမယ့်၊ တကယ်တမ်းကြတော့..၀တ္တု
တွေထဲကအပေါဆုံးဇတ်ကွက်ဖြစ်တဲ့မိဘသဘော
ကိုမလွန်ဆန်နိုင်လို့ပါ ဆိုတဲ့အကြောင်းပြချက်နဲ့သူ့
ကိုထားသွားခဲ့သည်။ နာကျဉ်းချက်တစ်စုံတစ်ရာ
ထားရှိတာမဟုတ်ပေမယ့်.သူဟာနုနုကိုရှာလီဝေလင်လို့အထင်မှားခဲ့တာသေချာသွားသည်။
ှရှာလီဝေလင်သာဆို သူ့ကိုဘယ်တော့မှထားခဲ့မှာ
မဟုတ်ဘူးလေ။
ဖြူဖြူကတော့ရှာလီဝေလင်နဲ့မတူပါဘူး၊ဒါပေမယ့်
ဖြစ်ကောင်းဖြစ်လာနိုင်ပါတယ်။
>>>>>>>>>
ဖြူဖြူကျောင်းကအပြန်မှာဝင်ဝယ်လာတဲ့အဆာပြေ
မုန့်တွေကိုအတူထိုင်စားနေရင်း.သူကဖြူဖြူမျက်နှာ
ကိုကြည့်ပြီး..
" ပေနေတယ်..."
" ဟင် ဘယ်မှာလဲ..."
" နှုတ်ခမ်းမှာ ချိပ်တွေ..."
ဖြူဖြူကသုပ်ဖို့အရေးဆလင်းဘတ်အိတ်ထဲမှန်ရှာ
နေတာကြောင့်..သူပဲလှမ်းပြီးလက်မနဲ့ဖိကာသုပ်
ပေးလိုက်သည်။ လှမ်းသုပ်ပေးတာရိုးရိုးသားသား
ပေမယ့်ဖြူဖြူကသူ့ကိုမျက်လုံးအ၀ိုင်းသားနဲ့ပြန်
ကြည့်လာတော့..ရင်ထဲမှာလျှပ်စီးတွေတဖျတ်ဖျတ်
လက်ကုန်သည်။
သူကာမပိုင်တဲ့ဇနီးသည်မို့လားမသိ..အရင်ကထိန်းချုပ်ခဲ့သမျှသူမနဲ့ကြမှလိင်ဆန္ဒကပေါက်ကွဲလွယ်
တတ်သည်။
နှစ်ယောက်ထဲနေတာမို့လွတ်လပ်လွန်းတော့ဘာမှ
စဉ်းစာစရာမလိုပဲ၊ နှုတ်ခမ်းကိုဖိကပ်နမ်းကာ.အကျီပေါ်သူ့လက်ရွေ့လျားနေတုန်း..ဖြူဖြူကရုတ်တရက်တွန်းဖယ်ပြီး ..
" ဖြူဖြူ ရေမချိုးရသေးဘူး၊ ချွေးစော်နံနေတယ်"
သူမလောက်အကောင်းစားအသုံးအဆောင်ရေမွှေး
တွေ၊လိုးရှင်းတွေလိမ်းတတ်တဲ့လူကဘယ်လိုလုပ်
နံမှာလဲ။
သူလည်းထရပ်ပြီး..
" လာ ထလေသွားချိုးမယ်..."
" ကိုကိုကောလား..."
" အွန်း...."
အရင်ကတော့မျက်နှာသစ်တာတောင်တစ်ယောက်
ထဲတစ်ခန်းလုံးအပိုင်စီးရမှကျေနပ်တဲ့လူက..
အခုတော့ဖြူဖြူနဲ့နှစ်ယောက်အတူရေပန်းအောက်
ဝင်ချိုးမယ်တဲ့။
" ဒီအိမ်ကရေချိုးခန်းကကျဉ်းတယ်..."
" ဟုတ်တယ် မင်းအိမ်မှာဆို အတော်ပဲ..."
" ဘာကိုလဲ..."
" သိရက်သားနဲ့ကွာ..."
" အာ မသိပါဘူးနော်..."
" တကယ်မသိဘူးပေါ့...မသိရင်စမ်းကြည့်မလား"
" ဟင့်အင်း...."
" အခုမှ ငြင်းလို့မရတော့ဘူး..."
" ကိုကို လူလည်ကြီး...."
ဖြူဖြူ့ကိုနံရံမှာကျော်ကပ်ထားပြီးလည်တိုင်တစ်လျှောက်နမ်းကာပုခုံးသားလေးကိုဆွဲကိုက်လိုက်တော့..ဖြူဖြူတွန့်သွားပြီး..လက်အစုံနဲ့သူ့ကိုတွန်းထားတာ...
" ကိုကို ခဏ..."
"••••"
" အလကားတော့မရဘူးနော်၊ ဖြူဖြူ့ကိုစာပြန်သင်
ပေးရမယ်..."
" စာသင်ချင်တာလား၊ လူကိုအနားထားချင်လား"
" နှစ်ခုလုံးပဲ...."
"မင်းကပွင့်လင်းတာတော့ကောင်းတယ်၊
အိုကေလေ.....
ဒါပေမယ့် ချွင်းချက်အနေနဲ့ ဆပ်ပလီထိလို့မရဘူး"
" ဆပ်ပလီထိရင်? ...."
" more than...."
အာ....
" တမင်ဖြေမှာလား..."
" မလုပ်ရဲပါဘူးနော်..."
ဟက်......
>>>>>>>>
မနေ့ကရေအဆော့လွန်ပြီးဖြူဖြူကိုယ်ငွေ့ငွေ့နဲ့ဖျား
သွားသည်။
သူဘေးမှာထိုင်ပြီးဖြူဖြူ့နှဖူးကိုစမ်းကာ..
" ဒီပုံစံနဲ့ကျောင်းတတ်လို့ရမှာမဟုတ်ဘူး..."
" မဖြစ်ဘူး ဖြူဖြူသွားရမယ်..."
" ဘာလို့အခုမှအသဲအသန်တတ်ချင်နေရတာလဲ"
" ပျက်ကွက်ရက်များနေပြီ..."
Shit! ကိုယ်လုပ်ထားတဲ့အပြစ်မို့ကိုယ်တာဝန်ယူ
တဲ့အနေနဲ့..
" ဌာနမှူးကိုခွင့်တိုင်ပေးမယ်၊ဒီနေ့တော့နားလိုက်"
" တကယ်လားဟင်..."
နည်းပြဖြစ်တော့မှာမို့ဌာနမှူးတွေနဲ့ကရင်းနှီးနေပြီးသားမို့ဒါကသိပ်ရှော့မရှိ။
" ဖြူဖြူနေမကောင်းလို့ပါ ..အစ်မ"
" ဟုတ်လား ဘယ်လိုဖြစ်တာလဲ..."
" ရေချိုးမှားသွားတာပါ..."
"သြော်နောက်ဆို အကြာကြီးမချိုးခိုင်းခဲ့လေ .."
" ဟုတ်..."
နောက်ဆိုသူလည်းရေချိုးခန်းထဲဝင်ဆော့ဖို့စိတ်မ
ကူးတော့ပါ။အခုပြန်ရင်တောင်ဆန်ပြုတ်ပြုပ်ပေးရအုံးမယ်မှတ်လား။
>>>>>>>>
ရှိန်းစားသောက်ကုန်လုပ်ငန်းရဲ့ ရုံးပိုင်းမှာ.၉လပိုင်း
ကတည်းကဝါကျွတ်ရာသီအတွက်ပရိုရှင်းတွေကြို
တင်စီစဉ်နေရသည်။
" ဒီနှစ်လက်ကမ်းစာစောင်မှာ သူဌေးတို့စုံတွဲပုံသုံး
မှာတဲ့..."
" မော်ဒယ်ခလည်းသက်သာ၊ သူဌေးကသူ့မိန်းမကို
လည်းကြွားပြီးသားဖြစ်တော့တစ်ချက်ခုတ်၊နှစ်ချက်
ပြတ်ပဲပေါ့..."
" ပုံတွေရပြီလားအစ်မ...သူဌေးကတော်မမြင်ဘူး
လို့..."
" ရပြီ ဗီနိုင်းထုတ်ဖို့အပ်ရတော့မှာ..."
ကွန်ပြူတာထဲက သူဌေးလင်မယားစုံတွဲပုံကိုအလုပ်ကကောင်မလေးတွေဝိုင်းကြည့်နေကြပြီး..
" သူဌေးကတော်ကချောသားပဲ..."
" ဟုတ်ပါ့ ကျောင်းဆရာမတဲ့၊ ယဉ်ယဉ်လေးနဲ့လှတယ်..တို့သူဌေးကရွေးတတ်တယ်နော်..."
" ခဏ..ခဏ ပြန်ပြပါအုံးအစ်မ..."
" ဟယ် ကဲ ကြည့်ကြည့်..."
ဝန်ထမ်းမလေးကသေချာကြည့်ကာ..
" ငြိမ်း သူ့ကိုမြင်ဖူးသလိုပဲ..."
" ဟုတ်လား..."
" အာ မှတ်မိပြီ၊ ကျောင်းဆရာမ ဟုတ်တယ်နော်"
" အင်း...အသိတွေလား..."
" ငြိမ်းနဲ့တိုက်ရိုက်သိတာတော့မဟုတ်ဘူးမရေ..
ငြိမ်းတို့အိမ်ရှေ့က အစ်ကိုကြီးနဲ့ရည်းစားတွေလေ"
"ဟယ်....ဟုတ်လို့လား..."
" ရပ်ကွက်ထိပ်ကကဗျာရိပ်ဆိုင်မှာ သူတို့စုံတွဲနဲ့
ငြိမ်းတို့ဆုံနေကြပဲ...
အစ်ကိုကြီးကဆရာဝန်လေ..."
" ဟယ်....!"
" ဒါနဲ့ သူဌေးမင်္ဂလာဆောင်တာ၊ နှစ်ဆန်းတစ်ရက်
နေ့ကြီးနော်..."
" အေးလေ ရုံးပိတ်ထားတော့ဘယ်သူမှမဖိတ်ဘူး"
" အံ့သြဖို့ကောင်းလိုက်တာ..."
" ဘာလို့...."
" အဲ့အမျိုးသမီးက သင်္ကြန်အကြတ်နေ့ကတောင်
ဆရာဝန်ဆီလာတုန်း..."
" တကယ်လား ငြိမ်းရယ်..."
" ငြိမ်းကမဟုတ်ပဲပြောပါ့မလား၊ အဲ့တာကြောင့်အံ့
သြနေတာပေါ့...
အဲ့အစ်ကိုကြီးကလည်းသင်္ကြန်ပြီးသိပ်မကြာခင်ပဲ
လက်ထပ်သွားတာ၊ အဲ့တာကြောင့်ငြိမ်းတို့လမ်းထဲ
မှာဆို ယောက်ျားတွေမကောင်းကြောင်းပြောရင်
ဆရာဝန်တွေကိုထိပ်ဆုံးထားပြောကြတာလေ..။
ရည်းစားကိုထားပြီး ချမ်းသာတဲ့မိန်းကလေးနဲ့ယူ
လိုက်တယ်လို့ထင်လို့..ဒီအစ်မဘက်ကဘယ်လောက်တောင်နာပေးခဲ့ရလဲ။
အခုကြ သူကအရင်ဆောင်သွားတယ်ပေါ့..."
" ဟယ်..အဲ့လိုလား..."
" သင်္ကြန်အကြတ်နေ့ကသူလာတာမှန်တယ်..
ငြိမ်းတို့အိမ်မှာ အဲ့နေ့ကအလှူလုပ်တာမို့ မှတ်မှတ်
ရရပဲ..."
" ဟေး တော်ကြတော့၊ ဘာလို့သူများအတွင်းရေး
ကိုလျှောက်ပြောနေတာလဲ..သူဌေးသိသွားရင်
မကောင်းဘူး..."
" နံရံတွေမှာ နားတွေရှိတယ်..."
" ဟုတ်ကဲ့ပါ.... "
ဒါတောင်မှ...
" ငြိမ်းတို့လမ်းထဲမှာတော့ ယောက်ျားတွေပြန်ကောင်းပေးရတော့မှာပေါ့နော်..." တဲ့။
>>>>>>>>>>>
ကိုကိုစာမေးပွဲအောင်ပါသည်။အခုတော့အထူးကု
ဖြစ်ပြီပေါ့။ကျောင်းမှာတော့ဖြူဖြူတို့ကိုနည်းပြ...
ညစာအတူစားပြီး..
" ဒီနေ့ စာမသင်ဘူးနော်..."
" ဘာလို့..."
" ဘောလုံးပွဲသွားကြည့်မလို့..."
သြော်!
နေရာတကာမှာအနိုင်ယူလိုစိတ်ပြင်းပြတဲ့ကိုကိုက
အားပေးတော့ မန်ယူ တဲ့။
" သြော် မန်ယူပွဲရှိတာလား..."
ဖြူဖြူကပြုံးပြီးမေးလိုက်လျှင်...
" အဲ့တာ ဘာပုံစံလဲ ဟေ့...မင်း.."
" ဖြူဖြူ ဘာပြောလို့လဲ..."
သူမကိုလက်သီးဆုပ်ပြပြီး...
" မနက်ဖြန် ကားပြန်ယူမှာ..."
သြော်! ဘယ်လောက်တောင်ပုံအောထားလဲမသိ။
"အင်းပါ ရေဆေးပေးထားမယ်လေ...."
ထမင်းစားပြီးမှ ရေချိုးပြီးအပြင်ပြန်ထွက်ဖို့ရွှိုင်းနေတာကြောင့်...
" အိမ်မှာပဲကြည့်တာမဟုတ်ဘူး..."
" မင်းနဲ့တော့ မကြည့်ချင်ပါဘူး..
ဟိုကောင်နဲ့ချိန်းထားတယ်..."
" သွားပြီ တံခါးပိတ်ထား..."
" အင်းပါ...."
ကိုကိုကတခြားဟာ ဝါသနာမပါပေမယ့်၊ဘောလုံး
ကြတော့ဝါသနာအိုးလေ။ဆေးကျောင်းမှာသူ့
batchတုန်းကလက်ရွေးစင်ဂိုးသမားဖြစ်ခဲ့တာပါ။
>>>>
ညအတော်နက်မှအိမ်ပြန်လာသည်။
ထွက်သွားတုန်းကတတ်ကြွသလောက်ပြန်လာတော့..မှုန်ကုတ်နေကာ၊ဖြူဖြူ့ကိုလည်းဘာစကားမှ
မဆို၊ရေခဲသေတ္တာဘက်လျှောက်သွားပြီးရေကို
ရေသန့်ဘူးတ၀က်မျှကုန်အောင်သောက်ပြီးအိပ်
ယာထဲသို့တန်းဝင်ကာအိပ်သွားတော့သည်။
နောက်တနေ့....
ဖြူဖြူအတန်းတတ်နေတုန်း...ဆေးရုံကအစ်မတစ်
ယောက်ကဖုန်းဆက်ပြီး...
" ဖြူဖြူရေ ဆရာသမားနဲ့ဘာဖြစ်ကြလို့လဲ..."
" ဘာမှမဖြစ်ပါဘူး ၊ဘာဖြစ်လို့လဲမမ..."
"ဟုတ်လား၊ ဖြူဖြူနဲ့ရန်ဖြစ်ထားတယ်ထင်နေတာ၊
ဒီမှာဆရာသမားလေ..အသင်လေးကသူ့ကိုလူနာ
စာရင်းသွားရေးခိုင်းမိတာ..
ဒါမျိုး အလုပ်သင်ဘ၀တုန်းကသေလောက်အောင်
လုပ်ခဲ့ပြီးပြီဆိုပြီး..အော်ထုတ်တယ်လေ။
ဒီမှာ အသင်လေးကြောက်နေလို့...
ဆရာသမားကအရင်ကအဲ့လိုမဟုတ်ပါဘူးလို့..."
" ဟုတ်လား...၊ သည်းခံပေးပါမမရယ်
ညကမန်ယူရှုံးတယ်လေ...
သုံးရက်လောက်တော့အဲ့လိုဖြစ်နေအုံးမှာပဲ..."
" သြော် ပေါက်ပြီ၊ ပေါက်ပြီ...
ဒါကြောင့် ဘူနေတာကိုး...."
" ဟုတ်တယ်မမရေ...."
" တို့ကဓာတ်မသိဘူးလေ။ အထူးကုကိုသွားခိုင်းမိ
လို့လားဆိုပြီး..."
" မဟုတ်ဘူး၊ ကိုကိုက အဲ့လိုစိတ်မရှိတာမမတို့သိ
ပါတယ်..."
" အင်းလေ အဲ့တာကြောင့် အိမ်မှာရန်ဖြစ်လာတာ
များလားလို့ ဖြူဖြူရေ...
လက်စသတ်တော့ မန်ယူကြောင့်ကိုး..."
" ဟုတ်မရေ.. ဖြူဖြူတောင်းပန်ပါတယ်နော်
ညနေကြရင်တစ်ဖွဲ့လုံးကို မုန့်လာဝယ်ကျွေးပါ့မယ်
နော်...
ကိုကို့ကို ဒီရက်ပိုင်းတော့သီးခံပေးကြပါ..."
" အို ရပါတယ် ဖြူဖြူရယ်... တို့ဆရာသမားကို
နားလည်ပြီးသားပါ..."
သူတကယ်ကြေကွဲနေတာ😁
>>>>>>>>>
ဆက်ရန်....
နောက်ကျသွားပေမယ့်၊ရှည်ရှည်ရေးပေးထားပါတယ်။အားပေးပါအုံးရှင်😊