وقفنا هنا في هالبارت قبل آرشفتها اسعدوني بتفاعلكم عشان اكمل
باقي البارتات....
اتمنى القى تفاعل يحمسني لاكمال الروايه ❤️
~
~
~
جالس مع اخوه في مكتب الضابط ويهز رجله
:وليث وش دخله بهذا كله
قال مطلق بعصبيه
:من غيره بيلفق علي تُهمه!
رد مسفر بهدوء
:بس حسب ماعرفت م هو اللي بلغ
غمض عيونه مطلق وهو يحس انه بينفجر على اخوه
:تُهمتي اني معتدي على شخص ومن غير ليث بيشتكي؟
رص على اسنانه مسفر
:وكيف تتجرأ يدك وتمدها على ولد اخوك هاا
قال مطلق
:وكل اللي سواه يروح كذا! وانت راضي
قال مسفر
:لا ماني راضي بس م معناها انت تضربه كأني عطيتك الضوء الاخضر
اصحى يامطلق هو ولدي مثل رام وفيراس ماهو طوفه هبيطه عندك
:تدافع عنه؟ وكأنك ماعرفته من كم اسبوع كأنه ربى معك من صغره
وقف مسفر واعصابه اتلفت وهو يحس م قادر يصبر على استفزاز مطلق
:انا انتهت زيارتي
مشى طالع متجاهل نداء مطلق له وخرج من المكتب وصادف اخوه
بكر
:شوف لك حل معه اخوك لان انا خلاص تعبت منه
تنهد بكر
وقال:مسفر مالنا الا ليث يتنازل عشان يطلع مطلق
:وش اسوي يابكر قولي انت وش اسوي انا عارف الحال ليث
مستحيل يسمع لي ولا حتى يحترم اي شي اسويه له واخوك استعجل
لما مد يده عليه وانا بنفسي ماحبيتها منه
رد عليه بكر وهو يمسح على كتفه
:بعد ليث اللي سواه م هين لا تنسى بسبب اللي سواه شوف ابوي طايح
بالمستشفى والله العالم وش بيصير له
صد مسفر وطلع من المكان وهو م عارف شلون يرقعها لليث اللي
تصرفاته زادت عن حدها بالنسبه له
•
•
جالس بالغرفه ومتجاهل اللي صاير برا ومقفل على نفسه حتى
ابوه ماخلاه يدخل الغرفه
تنهد وهو يحط قلم الرصاص بعد ماخلص رسمته وانسدح يتأملها
"تدري نماري انا خايف لكن وانت معي اصير قوي"
ابتسم وباس الصوره وغمض عيونه متجاهل كل شي ويتخيل نمار
وحياتهم قبل يدخل كل هذا ويبعدهم عن بعض
"بس انا بكون احسن منك وبدور عليك لين القاك"
سكت شوي من حس بقرصه ببطنه بلع ريقه وتحرك شوي من السرير
" لا لا ماراح اطلع من الغرفه "
اخذ نفس ونزل للدولاب اللي جنب سريره وفتح الدرج الاخير
وكان فيه شبسات وحلويات
مد بوزه بعفويه واخذهم كلهم بيده وحطهم ع السرير وهو جالس
ع الارض و مكشر
"لما كان عندي نمار يجيب لي اكل حلو"
فتح الشيبس وبدا ياكل منه ويفكر وساهي لين خلص الشيبس وماحس
على نفسه
فز من سمع الباب يدق
:ريان حبيبي تسمعني
بلع ريقه ريان من سمع صوت ابوه ينادي عليه بس مارد
وقف بتوتر وهو يسحب شنطته الصغيره على ظهره ويمشي للنافذه
المطله للشارع الرئيسي
فتحها وكان فرحان انها بدون حديد يقفلها يعني يقدر يطلع براحته
ناظر المسافه بينه وبين الارض بعيده بس م استسلم للهالشي
وعزم انه يهرب
في هاللحظه ريان م كان خايف من الهروب كثر مقابلتهم ونظرات
اللوم والكره تحاوطه بعد فعلته بأم زياد
بلع ريقه وهو يناظر جذع الشجره ورفع يده الصغيره عشان يوصل
لها ومع دقات الباب تزيد توتره
مسكها ورفع نفسه عشان يتصلقها لكن جسده طاح على حين غره
وضرب جسده الصغير بالارض بقوه عنيفه تحت انظار العامه
هادي عقد حواجبه من سمع اصوات تجي من غرفة ريان وبدون
اي تردد حاول يكسر الباب حتى فتحه
ركض بسرعه للنافذه وحس ان قلبه هبط من ولده من شاف منظره
بين الناس ومغشي عليه
صرخ بأعلى صوته وصورة زوجته تمُر بين عيونه
:رياااااان
•
•
فزيت من مكاني وغمضت عيوني بقوه وتنفسي زاد بعد ماكنت
مريح راسي على الطاوله
بلعت ريقي وانا احس بشي قابض صدري وكاتمني وقفت من مكاني
ورحت للنافذه عشان اشم شوية هوا
جسلت اتأمل السماء بسحابها واجواءها الجميله بحكم ان الربيع
قرب وبدا يعدل الجو
ناظرت تحت ولقيت تجمع غريب في الحديقه وكأنه اجتماع عائلي
طبعاً بدوني
ضحكت من تفكيري ومن متى انا من العايله الكريمه
لفيت من حسيت بنظرات مسفر عليه ورفعت حاجبي ببرود له
بمعنى وش فيه
تنهدت وصديت من اطال النظر فيني احس بشعور ماينوصف للانسان
هذا اللي تخلى عني وعن امي وتركها تتألم بقربه لين ماتت
عضيت شفتي بقوه وانا اقوي نفسي
" م وقت ضغفك م وقته "
بللت شفايفي من شفت وهّاج يناظرني بتساؤل واضح من عيونه
ضميت كفوفي لصدري وانا اناظره بهدوء بدون لا ازحزح اناظري
عنه بدون اي سبب وهو بالمثل
تنهد وهّاج وتأمله وهو ناسي وجودهم او وش يقولون مع ان
الموضوع يخص ابوه
:وهّاج معنى
رمش وهّاج بسرعه وناظر جده
:لا يالغالي
هز راسه الجد ورجع كمل
:مثل ماقلت طلوع مطلق يعتمد على كلمه وحده من ولدك يامسفر
تنهد مسفر
:وانا ادري يابوي بس انت عارف البير وغطاه
:ياولدي مايصير كذا كلمه فهمه بالنهايه هذا عمه مايصير على اي
مشكله يروح للشرطه مهما كان تصير بين العايله مشاكل بس مايخلون
كل الناس تدري
:بابوي انا معك بس فعلت مطلق خطأ واسمح لي يالغالي مهما صار
مايمد يده على ولدي وانا موجود صار شي يجيني انا وانا اتصرف
معه ولا كلامي غلط
:هو عمه يامسفر ماهو غريب
تنهد مسفر
:عمه مايمد يده عليه عنده ابوه يتكلم معه
تنهد وهّاج من قفل نمار النافذه واختفى زوله ووقف
:خلاص ياعم لا تصير مشكله ثانيه انا بحاول احلها
:وين رايح؟
قال وهّاج
:بطلع البس اروح للقسم اتكلم مع ابوي عن اذنكم
مشى وهّاج ودخل للفيلا قاصد غرفة نمار
طق الباب بهدوء على امل يفتح له
:نمار ممكن تفتح هذا انا وهّاج
توتر وهّاج ومايدري ليش صدر من هالشي وحس انها حركه
بايخه منه اذا ابوه مافتح له بيفتح له هو
صد وبيمشي لكن وقفه صوت فتح الباب مما زاد دق قلبه
التفت وهّاج وهو م مصدق ان نمار تنازل وفتح له بهالسهوله
ناظره نمار وهو ماسك الباب
:فيه شي ولا جاي تسمعني سكوتك؟
هز راسه بالنفي وهّاج وهو يشوف بعض الكدمات على وجهه
وشفته المجروحه من ضرب ابوه
:ابدا بس جاي اتطمن عليك
ضحك نمار بخفه
:والله؟ لك العافيه ماقصرت مع اني بهالعايله يبي يتطمن علي
:ليش هالكلام؟ كأنك عدو لنا بالنهايه انت ولدنا
تنهد نمار بملل من هالقصه
وقال:تسلم على تذكيري وجاي عشان هااشي!
زم شفايفه وهّاج ورفع اصابعه بخفه يتحسس وجهه نمار
:يعورك لما المسها؟
ارتعش نمار من فعلته الصادمه له وجمد مكانه
:ل.لاا ابعد يدك
نزل يده بعد ماتحسس خده برقه صعقت صدر نمار الصامت
:راح اجيب لك مرهم يخفف عنك الاثار
:وهّاج انت هنا؟
لف وهّاج من شاف عمه مسفر يناظرهم وهو مستغرب
:هلا ياعمي ايه شفت نمار بوجهي قلت اتطمن عليه
سمعوا صوت الباب يتقفل من نمار حك خشمه وهّاج بحراج
وقال:عن اذنك
مشى وهّاج للغرفه تارك مسفر وحده بهالمكان وهو يناظر باب
نمار المقفل
عض شفته بقهر من ردت فعل نمار النافر منه
:الله يرحمك ياغيداء اتمنى تسامحيني ويرضى علي ولدنا
رفع جواله وشاف رساله من الاحوال يبلغونه بموعده اللي حجزه
حط جواله بجيب ثوبه ومشى طالع من البيت
•
•
راجع للبيت وبيده اكياس شاريها من البقاله لكن وقف من اعترض
طريقه شخص
:هلا بالحلو
سكت بملل من هالانسان
وقال:هلا بالشين
:افا وهذا انا امدحك؟
ابتسم بمجامله
:طيب وانا امدحك ليش زعلت؟
هز راسه ببتسامه
:ماعليه نقبلها منك يالمزيون ماتبي مساعده
:لا تسلم مساعدتك انك تذلف من هنا
ضحك وحط يدينه بجيوب قميصه القطني
:ياولد برد ليش لابس خفيف
تنهد من سخافته ومشى
:احب البرد تصدق
وقف من شد يده وسحبه له
:ليش متكبر علي تراك زودتها
عقد حواجبه بصدمه من جرئته
:مجنون انت احنا بالشاارع
:مافيها شي نروح مكان مستور
عض شفته بقهر منه
:ابعددد يدك لا اتلف بوجهك
عض شفته ونزل يده
:عسسل
شمق وجهه بقرف منه ومشى للبيت وهو يشتم فيه
:ايسم سلم لي على ابوك
مسك الباب بيدخل بس وقف وهو يشوف واحد عند الجدار يناظره
بجمود وملامح الحده بوجهه
فتح الباب ودخل وقفله بالمفتاح
:وش هالحي اللي لا بيوتها واهلها صاحيين
دخل لابوه عشان يعشيه ويعطيه دواه وينومه
بدون لا يحس باللي قدر يدخل للبيت بسهوله ويتبعه بخطى خفيفه
!!!!
~
~
~
توقعاتكم...