#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 12
8:30
تك تك تك صوت تاع ساعة غا هي لي مسموعة فبيتها لمضلم تخلخلات فالمستمع صوت لالاغم تاع تيليفونها مي كان صوت نــاقص
صوت ساروت تايضور فالباب دخلات بصندالة تاع الميكة و بيجاما طويلة و فوقها بينوار لحال فصباح بارد ردات الباب و شعلات ضو وتاجهات عندها هزات العباية و صلاية لي كانو فالارض حطاتهم بلايصهم و جلسات حداها تاتمرر يدها عليها بحنان و تاتحصر على بنتها وتاتشوف فيها بحب و حنان نزلات باستها و عنقاتها وبدات تاتحرك تفيق فيها
حسناء:اسما اسما بنتي فيقي لخدمتك نوضي (بدات تاتحرك و تحل عين وتسد تانية)يالله ابنتي نوض نوض ضرب شي تدويشة و نزل انا ندير لك لفطور
ايماء:اماما غير شوية عافاك
حسناء :لا اماما نوضي ل 10 هادي
اسماء:(قفزات)اويلي
حسناء:ايه نوضي تگعدي انا نهبط نصايب لك باش تفطري (دربات على تيليفونها تايصوني و هي تمدو ليها)امم هاك شي عريس الغفلة هادا
اسماء :حلات شعرها لي كان طويل بقا طايح فلمخدة وطايح على وجهها :الله يهديك احسناء فقنا تاني اختي انا ماباغاش نتزوج باغا نبقا حداك نمشي ماتلقاي لي يحكلك ضهرك فالحمام (دوزات الخط لي فتيليفونها)مالك اختي كنتي تاتحلمي بيا
حسنا ناضرت تاتضحك :الله يرضي علك ماتعطليش عليا (شيرات ليها اسماء بيديها وناضت تاتشوف راسها فلمراية وتاتحرك شعرها طويل تايضرب ففخاطها ورطوبتو طبيعية مارطب بزااف مامخبل بزاف تاني)اييه زيدي كملي
نرمين:ايوا ولد لكلبة بالغلط مسيفط ليا تصاور تذكدة للدبي شهر جاي ولد الكلبة ومخبي عليا
اسماء:ولد الكلبة شنو كاتب عليهم
نرمين :كان واقلة باغي يسيفطهم لشي صاحبو تايقوليه وصلات الامانة شكرا اعشيري
اسماء :ايوا ومني عاق اش قال
نرمين : والقردة قلت لك مخلي ليا vu من 11 تاع ليل
اسماء:وادويت معاك اصاحبتي راسك قاااصح اش باغة واحد ماجامعش تاطاسيلتو سيري انا نتلاقاو فوقت لغدا سيري خليني ندخل نغسل فقستيني وانوضي توگضي بقاي تتغبني عليا تماك نتي ودل خوت
نرمين :واخا دابا انا مدلولة واخا دابا نشوفوك من تبغي ابنتي لا ماندير بوق فدار دباغ و نغوت ا اسماء ولا تاتحب
اسماء :سيري لا نصدق بايلة علك سيري
قطعات و دخلات دوشات مخففة على راسها وحاسة بداتها مرخية خرجات ولبسات كسيوة طويلة ونشفات شعرها ودارت فولارها ولبسات صنيديلة عالية و زينات يديها بخاتم و سنيسلة ودارت مكياج غفيف وكتفات شفارها طوال ودارت حتياجاتها فصاكها و خرجات تاتضرب ريحت القهوة من حدا بيتها سداتو و نزلات طلات عليهم من ساريات تاع رياض مجموع باها و عمها و طارق و نورة و راشد
هي من لفوق :صبااااح نووور نهار زوين هادة ....نزلات تاتدردك فدروج و دروج تايتسمعو بق بق بق مني كيتخبطو فدروج
حسناء جاية تاتجري بطبسيل البغرير معسل :بشوية بشوية يالعاقيسة جداك و بوشرى ناعسة
اسماء بلغوات :وانا مالي وا ميمة فيقي را لفياق بكري بدهب مشري هههههه قربات عند باها لي ضاحك وباستو وباست عمها لمهم انه تاحد ما فلت من بوستها تا داك لگلوص تمسح
وجلسات تفطر و حسناء تاتصايب ليهم كي ديما
اسماء:نورة صافا كيدازو ايمك لولة فالمدراسة
نورة:اختي لبراهش صغار عالم تاني كنا نسبو المعلمين و اهمالهم والايني را باش تلتازمي مع 30 تلمين عندك فالقسم وينتابهو معاك والله صعيبة
حسناء:غاصبري ابنتي ليك فيهم الاجر الله يسهل علك
راشيد:عادي غا حيت يالله بادية مني تطولي غاتحبي تلميذك وماتبقايش تسخاي بيهم
نورة :اصلا دراوش عندي مشكل غا مع ولاد 6 صافي لقيت عندهم نقص فاللغة و واعراب 0 لمهم نحاول وصافي ندير لي عليا و كتر الحمد لله الله يخلف اسماء توصليني
اسماء :(تاتشرب اتاي)امم واخة ... ناضت غسلات يديها غا فالخصة و مع هي طويلة و زادتها بطالون تاتبان بقا بينها و بين باها شبر و طول من ختها و مها :الحمد لله الله يخلف ...باست حسناء وودعاتهم و خرجات خرجو لشارع و ركبات و حداها نورة تاهي بزيفها و شكارتها و لابسة رسمي تاتبان استاذة
اسماء:مرتاحة مالقيتيش مشاكيل من غير تلامذك
نورة تنهدات وصوتها تنغنغ :اودي والو والو
اسماء صدماتها دارت خرجات فيها عينيها :بلاتي صبري (صطاسيونات حدا فارملسيان و نزلات وبزطامها دخلات خدات بيوتين (biotin) وفيتامين س و زنگ و خرجات) ركبات حداها و عطاتهم لنورة و ديمارات نورة بقات غا تاتشوف فيها
اسماء:وا بقاي تحنزي را ولو لبارح سالا ليك ل بيوتين و اقيلة باقي عند ل فيتامين لمهم ماتنسايش لفيتامينات تاعك و صافي هففف هدرة بزاف هاد صباح ههههههه
نورة ضحكات :ناشطة ليوم اش سبابك
اسماء:هه والله ما على شي حاجة غا راني حال واحوال ليوم مك نوضاتني بلبوسان را انبوسي اصاحبتي مك تفيقك بتعناق و بلا سبان و معيور هههه لالا مايمكنش
نورة :ههه الله يعفو را حنينةة واخا كلامها قاصح اسماء ياكما تاتشدي هضرتها فخاطرك
اسماء بستنكار : هه اويلي نن بلعكس انا عارفة بلي هي ماكاتقصدش هدرتها سي و صلتي يالله بون جوغني الحب خارجة مع 1 ياك
نورة :تاتهز شانطتها و صاكها :اممم
اسماء:صافي بب غاتلقايني انا و نرمين فالباب نمشيو نتغداو بتلاتة
نزلات نورة و اسماء كسيرات للعيادتها كانت جنب اوبيطال حسن الثاني عيادة كبيرة وفيها لافتة عليها
#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 13
Centre de traitement psychologique pour le Dr Asmaa Al-Talbi
سطاسيونات فجنب و خلصات الگارديان ووقفات مدةة تتأمل ديك لافتة و ضحكات ضحكة متاسعة :لهلا نتجوجو گاع حنا و صلنا هنا راسنا ماعاوننا حد من غير ريوسنا شغا نگجدر بهاد راجل گاع لاحت خطواتها داخلة للعيادة لي مع دخلة كان لغيسيبسيون فيها بنت حاملة شافت اسماء وو قفات ليها حترما
لبنت :اهلا اهلا مرحبا زين على سلامتك عندك جيهت 6 تاع ناس لداخل كاين لي رونديفوه دابا و كاين لي مع 11
اسماء : اك حبيبتي انا مني نسيفط لك دخليهم
اسماء دخلو عندها ناس بتتابع كاين لي اول مرة و كاين لي مني بدات و هو متبع معاها طبعا كاتعقل عليهم واحد بواحد وعلى سمياتهم شخص معاود لك اسرارو ماغاتنسايهش كاينة لي صغيرة وجات مع مها و كاينة لي جات بتخبية ومنهم حالات كلة و معاناتها و هي مهمتها هنا
تشخص حالت الاشخاص لي قدامها تكتاشف نقط ضعفهم و تقويها بنصائح ... تكون لهم ادن تسمعهم بلا ماتمل ديما فعقلها راه قادرة تنقد الانسان و تعطيه واحد الامان وامل فالحيات و كاتدرس حاتهم نفسية و الجسدية مي كاتميل لنفسية كتر
مرو عندها ناس گاعما حسات بالوقت وختاتمات جلساتها مع لبنت لي كاتحاول معاها مدة طويلة وماقداتش لحد الان تأتر فيها و لا تسمع منها كلمة وحدة رغم انها شخصات حالتها ماتولدش عندها توحد و ماتصدماتش وماعندهاش امراض جسدية مي اشنو طاري فهاد البنت
تنهداات و دوات بحنان معاها تاتدوز يديها على كتفها لغة جسدية نوع من الاقناع
اسماء:غيتة لا ماحاولتيش تعلونيني وتتكلمي و ت عطيني راس لخيط غانبقاو هكا لاشهر طويلة مي انا ديما معاك وخا ماباغاش تدوي ناضت عاطياها بضهر و دربات فسرسار
وجات لبنت لي فالغيسيبسيون :دخلي ليا خوها وعاونيها تخرج برا عافاك
عاونات البنت لي بحال شي جتة هامدة تخرج و سمعات صوتها برا دوات مع شي حد
داخل و صوت طرقات صباط كلاص اسود قاتم تسمعو فزليج وجسد طويل فولاذي لابس رسمي اشارت ليه اسماء يجلس
اسماء:كيديما باقا ماقدرتش ناخد من عندها تاكلما سكات ....خالد واش كاينا شي حاجة ماقلتيهاش ليا عليها
بصوت رجولي و نسمات مبحوحة فيه و نضراتو وتعبير و جهو و حروفو لكحلين لي كاتخليها تهرب عينيها مني تايشوف فيها :راه ماخبيت والو وانا حاير معاها ماعارفش شنو خلاها توصل لهاد الحالة رغم انني كنت ديما معاملها مزيان ومحاول باش عمري نتعامل قدامها بعنف ولا شي حاجة من هاد الخصوص كي قلت لك المدللة تاع لافامي ديما حاجتها قبل حاجتنا حالتها مخلية ععائلتي كلها مأزمة
اسماء جرات مذكرة رونديفوات و دارت ليه نفس الوقت بعد 30 يوم على اليوم :حرت جربت معاها كولشي المهم (مدات ليه الورقة) كيديما تجي بعد شهد نشاء الله الحصة جاية تكون محاولتي لخرا ولا را غانكون فشلت فحالتها وتشوف ليها دكتور تاني
ناض خدا الورقة ونضراتو ما تزحزحوش عليها وخدا لورقة بطريقة يلامس يديها مي دغية هرباتها واشارت ليه للباب :نتشاوفو المرة جاية نشاء الله
خالد :نفس لكلام كل حصة تاتقوليه لا فشلتي غاتخيبي ضني فيك وانا عاطيك ثقة باش تداوي ليا ختي
اسماء بحيرة ونضراتها فالفراغ حالت غيتة تتأزمها :ماعرفتها والله نشاء الله الحصة جاية تكون حسن من الحصص الفايتين
حرك راسو و تاجه للباب خرج و سدو بقا مدة امامو عاد حرك رجولو متاجه لختو مبتاسم ليها عنقها جنب و خرجو وهي غامرخية و عيونها حمرين بنيتو اية فالجمال حروفها غير خوها سواض ضلام ركبها فرونج لي كانت قدام لباب و ديمارة متحاشا نضراتها لي تبعوهم من سرجم خيدات طبلية وخدات صاكها وخرجات سدات البيرو وسلمات على لبنت موصياها تسد الباب مزيان ركبات وتاجهات للافاك لي فيها نيرمين
يـــتـــبـــع.......
#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 14
لافاك عامرة وفيها راواج وتقريبا من غير الغادي و جاي كاين مجموعات نساء و رجال شي لي كايبين تميز مثلا كاين مجموعة للمحجبات فيها المنقبات و سيدات الخمار و صوتهم ماخارجش على مجموعتهم و كاين اصحاب لحي و فقية تاهادو باينين اشخاص متديينين..... كاين سيدات جوب و تقزاب تاهوما كاينين اغالبهم مختلطين شباب و اناث
بلاصة تشع بثقافة
بين احد المجموعات صوت قهقهات ماتفرق بينهم و بين جرت سداري صوت ضحكات عالي شي لي خلى معضم المجموعات يلتافتو عند مولات ضحكة
البنت:هههههه ياويلي سكتي شوهتينا كلشي يشوف فينا
هي كاتحاول تشد ضحكتها والاكين والو تاصونا تيليفون لي فيديها جاوبات و دارتو فودنها:نعام
اسماء:نرمين شهاد ضحكة سمعتها من شاريع
نرمين هيهي هيهي وصلتي
اسماء:اممم خرجي عندي يالله
قطعات و ناضت على جماعة سلمات عليهم واحد فواحد وخرجات دايرة شكارة على جهة و حدا تاتجري و شعرها مرة يضرب فليمن و مرا ليصر و لابسة تجين مرخوف فيه تشريگات وشوميز قهوي نيلو ...ركبات فلوطو وتلاحت عليها بتعنيقة و تاتبوس
اسماء بخنقة: امممم شوكة فزيف وااع تخنقت
نرمين:توحشتك برب اصاطة تاعي
اسماء:(تاتميق فطريقة كلامها )امممم واخ واخ اصاطة يالله نتحركو نجيبو نورة
نرمين:اكي كي غادة مع الخدمة اجي ليوم كان عند رونديفو مع غيتة و خالد كيداز امممم خالد كي داز
اسماء:باقة حالتها هي حالتها جربت معاها كلشي ووالو لبنت .... ونتي يالالة لبنات شكاين مالنا مع داك زين سمية و جهو محفر كتر من البغرير
نرمين:صافي نسيتو اصلا كان غا اعجاب ماشي شي حوووب بغا يمشي يمشي لما و شطابة تال قاع لبحر
اسماء صدمات عشتها بقات غا تاتشوف ودارت عندها دايرة فيها ديك شوفا تاع من نيتك اختشي :لالا غا واش من نيتك اوييلي لبنت معاه كتر من 5 سنين احاااي وتاتقولي ماكانش حب هاي هاي سري انا ابنتي لي تانجاوبك مع 3 تاع صباح ونتي تاتباكاي عليا اااهئ اممم بلوكاني اممم تخاصمنا اممممم قالي سلام وعليكم اسيري الله يعطك العقس
نرمين:شوفي اختي انا زهوااانية
اسماء :(قاطعتها) امم ماتكون ابانت لك فشي حد تاني
نرمين:اممم يا مك تيتيييز و ديك لحية و لحروف كووووحل و هو ما سميمر ما بيض و طويل و القلدة
اسماء وقفات فسطاسيون دير ليسانس :امم زيدي و كان(تاتجبد من صاكها لفلوس) شكون هادا
نرمين (حزنات): لبروف تاعي svt والايني مزوج وعندو بنت
اسماء تجننات دارت محيدة صمطة و طارت عليها بعضة لكتفها تابردات غدايدها و خلاتها و نزلات من طموبيل خلصات ليصانص و سولاتو على شي حوايج على لوطو و طلعات تاتميق فيهاا:ولاهيلا اماربات فك فطوش غا لخلا و جلا ا نيرمين قالك اسم نيرمين هو الرقة و نعومة انتي عبد القادر لي واقف فراس درب حاضي داخل و لخارج رق و ناعم كتر منك .....دارت مديماريا نحو مدرسة نورة
سطاسيونات حدا لمدراسة لقاتها واقفة غا بوحدها ركبات لور وردخات لباب
نورة :ناري اصاحبتي حرام علك خليتينيي تماك كون غا خليتيني نشد طاكسي درتيلي روينة لي داز يبقا يشوف في لمدراسة تاتسفر
اسماء (تاتحزرها):صافي حبيبتي والله ماقصدت ها نرمين سلمي عليها
تسالمو لبنات و اسماء ديمارات لواحد ريسطو تادير الاكل صيني ودخلو يفضيو ليها خلصتها
يـــتـــبـــع.......