🔸အဖြူရောင်နုနု🔸3
အပိုင်း~၃
နံနက်၆နာရီ..
နုနုပုံမှန်ထတတ်တဲ့အချိန်မို့မျက်လုံးကနိုးစက်မလို
ပေ။နုနုဘေးမှာတော့..နုနုအသွေးအသားတွေကို
မြိန်ရေယှက်ရည်သုံးဆောင်သွားတဲ့ခင်ပွန်းအသစ်
စက်စက်ကြီးကအိပ်မက်ကမ္ဘာထဲမှာမြောနေဟန်ရှိ
သေးသည်။
နုနုဖြေးညှင်းစွာနဲ့ထပြီး..ရေချိုးခန်း၀င်သည်။
ရေအေးအေးလေးချိုးချလိုက်တော့မှပဲငြီးစိတာတွေ
ပျောက်သွားတော့သည်။
နုနု အ၀တ်စားလဲပြီးသည့်အထိကိုဗညားရှိန်းတုပ်
တုပ်ပင်လှုပ်မလာသေး။
" အင်း ညကသောက်ထားတဲ့အရှိန်နဲ့လွှင့်နေတာ
ထင်တယ်..."
ိုနုနုအိပ်ခန်းထဲကထွက်ကာအောက်ထပ်သို့ဆင်း
လာခဲ့သည်။
" နုနု လက်ထပ်ပြီးရင်လည်းမီးဖိုချောင်၀င်စရာမလို
ဘူးသိလား၊ကိုယ့်အိမ်မှာအဒေါ်ကြီးရှိတယ်..
နုနုကစီမံပေးယုံပဲ...၊ပြီးတော့..
နုနုခိုင်းဖော်ရအောင်နောက်ထပ်ကောင်မလေးတစ်
ယောက်ပါခေါ်ထားသေးတယ်..." တဲ့။
ကိုဗညားရှိန်းကလက်မထပ်ခင်ကတည်းကထိုသို့
ပြောသည်။မေမေကတော့..
ယောက်ျားအတွက်ထမင်း၊ဟင်းချက်ကျွေးစရာမလို
ရင်တောင်နံနက်စာကိုတော့ကိုယ်တိုင်ထပြင်ဆင်
ပေးဖို့တိုးတိုးတိတ်တိတ်မှာကြားလိုက်သည်။
ဒါကနုနုအတွက်သိပ်မခက်ခဲပါဘူး၊အိမ်မှာလည်း
နံနက်စာကနုနုဖာသာပြင်ဆင်ရတာကိုး...
ဟိုးအရင်ကသားအမိနှစ်ယောက်တလှည့်စီချက်ပြုတ်စားလာပေမယ့်..နုနုကောလိပ်တတ်တော့အမေ
ကသူ့ဆွေမျိုးနီးစပ်ထဲကညီမအပျိုကြီးတစ်ယောက်
ကိုအိမ်ခေါ်ထားလိုက်တော့..ကူဖော်ရသွားသည်။
အခုလည်းအဒေါ်နဲ့အမေနှစ်ယောက်ထဲသာကျန်ရစ်
ခဲ့တော့သည်။
နုနုအမေကအိမ်ပွဲစား၊ရတနာပွဲစားလုပ်တာမို့
ပိုက်ဆံအချမ်းသာကြီးမဟုတ်ပေမယ့်၊အတန်အ
သင့်တော့ပြေလည်ပါသည်။
" ပွဲစားအလုပ်ကသူများမျက်ခုံးမွှေးပေါ်စကြံင်္လျှောက်ရတော့..အချိန်မရွေးပြုတ်ကျပြီးစုတ်ပြတ်သွား
နိုင်တယ်လေ။ အဲ့တာကြောင့်ငါ့သမီးကိုနောက်ခံ
ခိုင်ခိုင်မာမာရှိတဲ့လူနဲ့အိမ်ထောင်ကျစေချင်တာပေါ့ကွယ်...
အိမ်ထောင်သည်ဘ၀မှာငွေကြေးပူပန်ရတာကအဆိုးဆုံးပဲ...
ချစ်လှပါချည်ရဲ့ဆိုပြီးယူထားတဲ့ယောက်ျားတွေ
တောင်ငွေမရှိရင်..ရှိတဲ့မိန်းမရောက်လာရင်ကောက်ကောက်ပါသွားကြသေးတာ...။
အဲ့တော့အစေခံမယားမဖြစ်စေနဲ့...အစကတည်း
ကသူများထက်တစ်ဗန်းသာအောင်တင့်တောင်း
တင့်တယ်ထားနိုင်မယ့်လူကိုရွေးယူတာ မမှားဘူး
သမီး....."
ငွေရှိတဲ့ယောက်ျားတွေရဲ့ဖောက်ပြန်ပျက်စီးနေတဲ့
လောကကြီးကိုကောမေမေထည့်မတွက်ဘူးလား
လို့နုနုပြန်မမေးချင်။
နံနက်စာပြင်ဆင်ဖို့မီးဖိုခန်းထဲလှမ်း၀င်လိုက်သည်။
အဒေါ်ကြီးနဲ့ကောင်မလေးတို့အရိပ်အယောင်ပင်မ
မြင်ရသေး..၊အင်းလေညကဒင်နာပွဲမှာပြီးတဲ့အထိ
သူတို့လည်းခါးချိမတတ်သိမ်းဆည်းရသည်ကိုး။
ကိုဗညားကဘာစားတတ်မှန်းမသိသေးတော့..ရှိတဲ့
ပစ္စည်းနဲ့နုနုစားတတ်တာပဲပြင်နေလိုက်သည်။
နောက်ကြမှမေးပြီး အကြိုက်ညှိယူရမည်။
နုနု ပါမုန့်နဲ့ကြက်ဥကြော်နေတုန်း..နောက်ကနေ
ခါးလေးကိုယှက်ဖက်ချင်းခံလိုက်ရသည်။
" အမလေး...."
" နုနု လန့်သွားလား ဆောရီး ဆောရီး..."
ယောင်ရမ်းကာယောင်းမနဲ့လှည့်ခေါက်မိတော့မလို့၊
ဗညားရှိန်းကရယ်ကြဲကြဲနဲ့..
" ကိုယ် နိုးနိုးချင်းနုနုကိုမတွေ့လို့ ဆင်းလာတာ..
နုနုများ ကိုယ့်ကိုစိတ်ဆိုးသွားပြီလားလို့..."
ဟွန်း..သူလုပ်ထားတာသူမှတ်မိပြီးမျက်နှာချိုလာ
သွေးနေတာပေါ့။
နုနုကဘာမှပြန်မဖြေတော့...
" နုနု ကိုယ့်ကိုစိတ်ဆိုးနေသလားဟင်..."
ဆိုးတယ်လို့ဖြေရမှာလား?မဆိုးပါဘူးလို့ဖြေရမှာလား? ဒုက္ခပါပဲ။
" နုနုက ဘာကိုစိတ်ဆိုးရမှာလဲ?"
" အင်း အဲ့တာ..ကိုယ်...လေ...
ကိုယ် နုနုကိုချစ်တယ်.. နုနုကို စတွေ့ကတည်းက
စိတ်၀င်စားမိတာပါ..."
စောစောစီးစီးမျက်နှာမသစ်ဘာမသစ်နဲ့..ကြည့်အုံး
ရည်းစားစစကားပြောတာကလည်းမင်္ဂလာဦးည
တောင်ဖြတ်သန်းပြီးမှတဲ့လား။ သိပ်စောလွန်းမနေ
ဘူးလားရှင့်...
" နုနု ကော..ကိုယ့်ကိုပြန်ချစ်နိူင်မလားဟင်"
" ကိုဗညား..."
" အင်း...ပြောပါနုနု..."
" မျက်နှာအရင်သွားသစ်လိုက်ပါလား ဒီမှာနံနက်
စာကရတော့မယ်..."
" သြော် သြော် ဟုတ်သားပဲ.. မေ့နေတာ...
မျက်နှာသစ်ပြီးမှ..နုနုကို အဲ..နုနုပြင်တာ စားတော့မယ်..."
ပြောပြီးရယ်ကြဲကြဲနဲ့ခလေးလိုပြန်ပြေးတတ်သွား
တော့သည်။
ဟင်းးး တကယ်ပါပဲ။
>>>>>>>>>>>>>
မင်းထက်နေနိုင်..ဆရာ၀န်တစ်ယောက်မို့မနေ့က
ချစ်သူရဲ့မင်္ဂလာရက်မြတ်မှာနိုက်ဂျူတီကျနေခဲ့တော့..အသဲတောင်ဖြောင့်အောင်မကွဲနိုင်ခဲ့ပေ။
ဆေးရုံမှာလူနာတွေကြားမှာအယောင်ယောင်အမှားမှားနဲ့၊ အော်ညည်းညူနေတဲ့လူနာတွေကြားမှာသူအသဲကွဲတာကပမွှားကိစ္စဖြစ်သွားရသည်။
မနက်လင်းတော့မှငေါင်တောင်တောင်နဲ့အိမ်ပြန်
လာပြီးရေခဲသေတ္တာထဲမှာအသင့်ရှိတဲ့ဘီယာတစ်
ဘူးဖောက်သောက်ကာထိုးအိပ်ပစ်လိုက်သည်။
သူ့မိဘတွေကဆင်းရဲသားမျိုးရိုးမှပေါက်ဖွားလာတာမို့ဘာအမွေပိုင်ဆိုင်မှုမှမရှိ၊အဖေကအစိုးရ၀န်
ထမ်းလခစား၊အမေကသမကအရောင်းစာရေးမ..
ညားပြီးသူ့ကိုမွေးပြီးတော့အမေကအလုပ်ဆက်မလုပ်နိုင်ပဲမှီခိုဖြစ်သွားသည်။
အဖေ့တစ်လုပ်စာထဲကိုမှီခိုစားသောက်ရတော့..သူ့
ရဲ့ကျောင်းစရိတ်ဘာညာကလည်းရှိသေးတော့
မလောက်ငှ၊ အမေကကြံဖန်ကာ..ကြားပေါက်၀င်ငွေရအောင်ရှာသည်။
ရပ်ကွက်ထဲကမိန်းမကြီးတစ်ယောက်အဆက်အသွယ်နဲ့ငွေကြာရံထဲကသူဌေးအိမ်တစ်အိမ်က အ၀တ်
များကိုယူလျှော်ကာမီးပူတိုက်ပေးရသည်။
သူအစကတော့ သူ့အမေဒီအလုပ်လုပ်တာကိုရှက်
ူစရာကောင်းတယ်ဟုထင်သည်။
" သားရယ် အမေကလမ်းထဲမှာတစ်အိမ်၀င်တစ်
အိမ်ထွက်လိုက်လျှော်နေတာမှမဟုတ်ပဲ....
သူဌေးအိမ်ကအ၀တ်ပဲကို၊ ပြီးတော့သူဌေးမကပေး
ရင်ရက်ရောတယ်သားရဲ့..."
ကံကောင်းတာကသူတို့မိသားစုမှာအမေ့ဘက်က
ရထားတဲ့ဒီအိမ်ကလေးရှိနေတာပဲ။
အိမ်လေးက၁၅ပေဆိုပေမယ့် မိသားစု၃ယောက်ထဲ
နေဖို့တော့ကျယ်ပါသည်။အိမ်ရှေ့မှာအဖိုးလုပ်ပေး
ခဲ့တဲ့ရေကန်ရှိသည်၊မလာရင်တုံကင်နှိပ်ရသည်။
အ၀တ်တွေကိုလည်း အိမ်ရှေ့မှာကြိုးတန်းတွေလုပ်
ကာအမေကလှမ်းသည်။
အဲ့ဒီ့အ၀တ်အစားတွေထဲမှာအဖြူရောင်ခပ်ရှည်ရှည်နဲ့ကုတ်အကျီတွေအမြဲပါပါလာတတ်သည်။
အမေကသူ့ကိုပြပြီး..
" ဒါကဆရာ၀န်ကြီးအကျီလေသားရဲ့...ဂျူတီကုတ်
လို့ခေါ်တယ်။ဒါမျိုးကိုဆရာ၀န်ဖြစ်မှ၀တ်လို့ရတာ..
အမေလေ ငါ့သားကြီးလာရင်ဒါမျိုး၀တ်ပြီးလူနာတွေကိုဆေးကုပေးနေတာမြင်ချင်လိုက်တာကွယ်၊
စာကြိုးစားနော်သားလေး..."
သူ့အမေပြောတာကိုခေါင်းငြိတ်ပြီး..သူ့ရဲ့အနာဂဏ်
ကိုဒီအဖြုရောင်အကျီရှည်တွေနဲ့တွေးကာပုံဖော်
ကြည့်ဖူးသည်။ ဒီအကျီတွေမြင်တိုင်းစာကြိုးစားချင်
စိတ်ဖြစ်လာခဲ့သည်။
သူ၈တန်းနှစ်မှာသူ့အဖေရဲ့အစိုးရရုံးမှလူကြီးအပြောင်းအလဲကြားအဖေပါအလုပ်ပြုတ်သွားသဖြင့်
သူတို့မိသားစုဒုက္ခရောက်ရသည်။
အမေက၀မ်းရေးပိုကျောင်းရပြီးသူဌေးအိမ်မှာအစေ
ခံတစ်ပိုင်းသွားလုပ်ရင်း..သူဌေးမကအမေ့အကြောင်းသိသွားတော့..အဖေ့ကိုပါသူဖွင့်ထားတဲ့
စားသောက်ဆိုင်မှာအလုပ်ခန့်လိုက်ပါသည်။ဒါကတော့အမေ့အပြောပေါ့၊တကယ်တော့ဒီအလုပ်ရဖို့
အမေဘယ်လိုအောက်ကျို့ခဲ့လဲသူမတွေးကြည့်ချင်
၊အခုထိအဖေကအဲ့စားသောက်ဆိုင်မှာမန်နေဂျာဖြစ်နေတုန်းပါပဲ...
သူဌေးမရဲ့ယောက်ျားကဆရာ၀န်ကြီးဆိုပေမယ့်..
သူဌေးမရဲ့ပုံစံကတော့ထူးဆန်းလွန်းသည်။
ဆံပင်ကလိမ်ကောက်ကောက်..မျက်နှာကိုမိတ်ကပ်တွေဖွေးနေအောင်ပြင်ပြီး၊မျက်လုံးမှာကာခြယ်တွေဆွဲကာ..နှုတ်ခမ်းနီခပ်ရဲရဲအမြဲဆိုးတတ်သည်။
လူပုံစံမှာလှပေမယ့် ကြောက်စရာကောင်းနေသည်
၀တ်စားဆင်ယင်မှုကလည်းရင်သား၊ပေါင်သားတွေ
အမြဲပေါ်ကာ အတော်ဟော့လွန်းပါသည်။
တစ်ခါတစ်လေအလုပ်ရှိလို့အဖေ့ကိုလာခေါ်ရင်
သူ့ကားပေါ်မှာယောက်ျားခပ်ငယ်ငယ်တွေလည်း
မရိုးအောင်ပါပါလာတတ်သည်။
သူဌေးမရဲ့ပုံစံကိုသူမကြိုက်ကြောင်းဝေဖန်မိတော့
သူ့အဖေနဲ့အမေကဝိုင်းဆူကြသည်။
" အမြင်မှာတော့တစ်မျိုးပေမယ့်၊ သဘောထားမဆိုးပါဘူးသားရယ်။
ဘယ်လိုပဲဖြစ်ဖြစ်မေမေတို့ရဲ့ကျေးဇူးရှင်ပဲ
သားမကြိုက်ရင်တောင်မဝေဖန်နဲ့..." တဲ့။
သူဆယ်တန်းအောင်တော့AllDရပေမယ့်၊သူမိဘ
၀င်ငွေနဲ့ဘယ်လိုလုပ်ဆေးတတ်နိုင်မှာလဲ?
ဒါကိုသူဌေးလင်မယားကကြားပြီး.သူ့အားပညာသင်စရိတ်ထောက်ပံ့ပေးခဲ့သည်။
ဟုတ်တယ်..သူကသူများအထောက်အပံ့နဲ့ပညာ
သင်ခဲ့ရတဲ့လူ။
ဒါပေမယ့် သူ့အဖေကလည်းသူဌေးမအတွက်လက်
ရုံးလိုစားသောက်ဆိုင်တစ်ခုလုံးကိုဦးစီးပေးရတာ
တောင် မခိုးမဝှက်နဲ့လစာပဲယူတတ်တဲ့သူမျိုး၊
သူ့အမေကလည်းအစကအ၀တ်လျှော်ယုံ၊နောက်
ပိုင်းကြအ၀ယ်တော်ပါဖြစ်၊အိမ်ရှိအလုပ်ဟူသမျှပြေးပြေးလုပ်ပေးနေရတာပဲလေ။
သူကိုယ်တိုင်လည်းကျေးဇူးရှင်ရဲ့သမီးကို၈တန်းနှစ်
ကတည်းကနေဆေးကျောင်းရောက်တဲ့အထိ
guideပြန်သင်ပေးနေရတာ။
ဒါဆိုသူတို့မိသားစုကသူများအထောက်အပံ့
ကိုအလွယ်တကူရယူတဲ့သူမျိုးတွေမဟုတ်ဘူးပေါ့။
ဒါနဲ့များ ဘာဖြစ်လို့လဲ?
" သူတစ်ပါးလောင်းရိပ်အောက်ကယောက်ျားမို့
သဘောမတူဘူး" တဲ့။
နုနုအမေကသူ့ဘ၀ကိုထက်ပိုင်းချိုးချပြီးနှိမ်ခဲ့သည်။
ငွေမက်လို့သူဌေးသားမက်လိုချင်ရင်လိုချင်တယ်
ပေါ့...ဘာလို့သူ့ရဲ့အားနည်းချက်ကိုပါထိခိုက်ပြီး
သူ့မိဘတွေကိုပါစော်ကားခဲ့ရတာလဲ။
တောက်))))))
တနေ့လုံးအိပ်ယာထဲလူးလှိမ့်တွေးကာ..တွေးမိသမျှကလည်းခါးလွန်းနေသည်။
>>>>>>>>>>>>>>>
လွန်းဖြူဖြူ...သူမသည်လိုတိုင်းတရနိုင်သောဘ၀
မို့ဘာကိုမှအလေးအနက်မထားတတ်သောမိန်းခလေးဖြစ်သည်ဟုဆိုကြလေသည်။
သူမသည်လွတ်လွတ်လပ်လပ်နေတတ်သည်။ခပ်
ဟော့ဟော့ခပ်လန်းလန်း၀တ်သည်။ဂီတာတီးသည်
သီချင်းဆိုသည်။ဟိုက်စကူးတတ်ကတည်းကကျောင်းပျက်ချင်တိုင်းပျက်သည်၊ဆေးလိပ်သောက်တတ်သည်။ယောက်ျားလေးတွေကြားထဲမှာလည်းhot girlအဖြစ်နဲ့နာမည်ကြီးသည်။
အတန်းဖော်သူငယ်ချင်းတွေရဲ့မိဘတွေကသူ့လိုမိန်းကလေးမျိုးနဲ့သူတို့သားသမီးကိုအပေါင်းအသင်းမလုပ်စေချင်ကြပါ။ ပေါ်တင်တစ်မျိုး၊ကွယ်ရာတစ်ဖုံ
မေးငေါ့ကြပေမယ့်..သူမအနေနဲ့ဘယ်လိုမှသဘော
မထား...။ အပေါင်းအသင်းကယောက်ျားလေး၊မိန်း
မလေးသူမမှာများလွန်းသည်၊ဒါပေမယ့်သူတို့နဲ့ပတ်
သတ်တဲ့အကြောင်းအရာတွေကိုဘာတစ်ခုမှသူ့စိတ်ထဲအမှတ်မထားပါ။တွေ့တဲ့အခါခေါ်ပြောဆက်
ဆံလိုက်သည်ဒါပါပဲ။
သူမဘ၀မှာစွဲစွဲလမ်းလမ်းချစ်ခင်သူကတစ်ဦးထက်
ပင်မပိုခဲ့ပါ။
ဒါပေမယ့်...ဆယ်တန်းresultထွက်တော့သူမက
5Dထွက်သည်။
အားလုံးကမယုံနိုင်၊သူမအဖေကဆရာ၀န်ကြီးမို့
Dတွေ၀ယ်တာဟုစွတ်စွဲသမုတ်ကြသည်။
လွန်းဖြူဖြူ ခပ်ယဲ့ယဲ့ပဲပြုံးပြလိုက်သည်၊အဲ့ဒီ့ဆရာ
၀န်ကြီးကဖြူဖြူ့အကြောင်းစိတ်၀င်စားပါစေအုံး။
အခုလည်းဘော်ဒါတစ်သိုက်နဲ့အလေလိုက်ပြီးနောက်လမ်းခွဲပြီးအိမ်သို့ပြန်လာတဲ့လမ်းမှာ...
ဖြူဖြူကကားမောင်းရင်အဲကွန်းဖွင့်ထားရတာထက်
.ဘေးတံခါးလေးဖွင့်ပြီးလေတဟူးဟူးတိုး၀င်နေတာကိုခံစားရတာပိုကြိုက်သည်။
သီချင်းတငြီးငြီးနဲ့မောင်းလာရင်း...
မီးပွိုင့်မှာကားတန်းပိတ်မိနေတုန်း..ဘေးကကားပေါ်မှပုရိသသတ္တဝါတွေကဖြူဖြူ့ကိုလှမ်းကာ..
" ဟေ့ အကိတ်လေးပဲ...."
" လန်းတယ်ကွာ..."
" တစ်ယောက်ထဲလား... "
" အဖော်လိုရင် ဒီမှာရှိတယ်နော်...."
" ဘယ်သွားမလို့လဲ.လမ်းကြုံလိုက်ချင်တယ်.."
စသဖြင့်သရေတမြားမြှားနဲ့ပါးစပ်သရမ်းကြပါလျှင်၊
ဖြူဖြူသည်သူတို့ဘက်ကိုလှည့်ကြည့်ကာ
လက်ခလယ်ထောင်ပြပြီး F***kဟုဆဲကာ
ကားမှန်ချပစ်လိုက်သည်။
သူမအကြောင်းမသိသူများကို ဒါဘုရားစူးဆေးကျောင်းသူပါဟုကျိန်တွယ်ပြောရင်တောင်ယုံကြမည်
မထင်ပါ။
ခြံထဲသို့ကားကိုအကြမ်းပတမ်းမောင်း၀င်လိုက်ပြီး
ဂိုထောင်ထဲပင်မသိမ်းရပ်ထားခဲ့ပြီး.အိမ်ထဲ၀င်တော့
" ဟော ဖြူဖြူပြန်လာပြီပဲ ..ထမင်းတစ်ခါထဲ၀င်စား
မလားပြင်လိုက်မယ်..."
ဖြူဖြုငယ်ငယ်ကတည်းကအိမ်မှာအလုပ်လုပ်တဲ့
ဒေါ်မြင့်ကလှမ်းမေးပါသည်။
တစ်ခါထဲ၀င်စားမလားဆိုတော့တစ်ယောက်ယောက်စားနေလို့ပေါ့..
" ဟင့်အင်း.. ဖြူဖြူမဆာဘူး...."
ပြောပြီးဆလင်းဘတ်ကြိုးကိုလက်ကနေတန်းလန်း
တရွတ်တိုက်ဆွဲကာလေတချွန်ချွန်နဲ့လှေကားတွေ
ပေါ်နင်းတတ်လာခဲ့သည်။
>>>>>>>>
ဒီအချိန်ဆိုနုနုတစ်ယောက်ဘာများလုပ်နေမလဲ?..
သူ့ကိုသတိရနေမလား?၊ဒါမှမဟုတ်လူချမ်းသာခင်
ပွန်းဘေးမှာအလိုက်သင့်ခစားနေရမလား?
မတွေးပဲနေချင်ပေမယ့်လည်းမရ..စိတ်ထဲကယောက်ကယက်နဲ့အိမ်မှာတစ်ယောက်ထဲဆိုတော့ပိုဆိုး
ပါသည်။
တနေ့လုံးလည်းဘီယာတစ်ဘူးအပြင်ဘာမှမစား
မသောက်ရသေးတော့..ညပိုင်းအထိမနေနိုင်တော့
ပဲအပြင်ထွက်လာခဲ့သည်။
ဘယ်သွားရမလဲရုတ်တရက်အစီအစဉ်မရှိတော့...
ခြေဦးတည့်ရာလျှောက်ရင်း..သူ့အဖေအလုပ်လုပ်
တဲ့နန်းထိုက်စားတော်ဆက်နားရောက်လာသည်။
(သူတို့အိမ်နဲ့၂မှတ်တိုင်စာပဲဝေးတာမို့ပါ)
သူခြံထဲ၀င်သွားတော့သူ့ကိုသိနေသောအဖေ့လက်အောက်ကတာ၀န်ခံကိုစိုးသိမ်းကသူ့ကိုမြင်တာ
နဲ့...
" ဟာ ညီ မလာစဖူးပါလား..."
" အင်းဗျာ..စိတ်ကူးပေါက်တာနဲ့... "
တကယ်ပါအရင်တုန်းကတော့ဒီလိုနေရာမျိုးကိုသူ
ကအ၀င်အထွက်တောင်သိပ်လုပ်ချင်တာမဟုတ်
ဘူး။ စာမေးပွဲအောင်တုန်းကသူငယ်ချင်းတွေညှည်းဆဲသဖြင့်တစ်ခါ၊အမေခိုင်းလို့အဖေ့ဆီ၀င်တုန်း
ကတစ်ခါ၊နောက်..သူငယ်ချင်းထဲကနိုင်ငံခြားထွက်
မယ့်သူကိုနှုတ်ဆက်ပွဲလုပ်တုန်းကတစ်ခါရယ်...
၃ခါလားပဲအထဲရောက်ဖူးပါတယ်။
" လာ ညီလေး" ဆိုပြီးကိုစိုးသိမ်းကဆိုင်ထဲခေါ်လာ
သည်။
အထဲမှာဝိုင်းအပြည့်၊လူအပြည့်ပင်။
စတိတ်ပေါ်မှာအဆိုတော်မလေးတစ်ယောက်ကခုန်
ကာခပ်မြူးမြူးသီချင်းဆိုနေသည်။
" အခုကတည်းကလူအပြည့်ပဲနော်..."
" ဟုတ်တယ် ညီရေ..အခုလောက်ကတည်းကအချိန်ယူသောက်စားမှနောက်တစ်နေရာဆက်နိုင်မှာ
ပေါ့ ..ဟား ဟား လာညီ...ဒီမှာထိုင်"
သူကတစ်ယောက်ထဲဆိုတော့ထောင့်နားကဝိုင်းကို
ခေါ်သွားသည်။
" ကဲ ပြော ဘာသုံးဆောင်မလဲ..."
" ကျနော်ဗိုက်ဆာတယ်.. အရင်ဆုံးစားရမယ်ထင်
တယ်၊အစာရှိမှအရည်၀င်မှာပေါ့ ဟုတ်တယ်မှတ်
လား..ပြီးရင်သောက်စရာလည်းပေးဗျာ."
" အိုကေ..."
သူ့ကိုကုန်းဘောင်ကြော်၊ဘဲကင်၊တခြားအကြော်
အလှော်သုံးလေးပွဲလောက်ချပေးပြီး.အရက်လည်း
ချပေးသည်။
" အိုကေ လားညီ၊လိုတာရှိရင်ပြောနော်။
ဆရာမရှိတော့အစ်ကိုနဲနဲအလုပ်များနေလို့.."
" ရပါတယ် အစ်ကို အိုကေ..."
ဘီယာလာရောင်းသောကောင်မလေးတွေကိုလည်းရတယ်မလိုဘူးဟုပြောလိုက်သည်။
သူတစ်ယောက်ထဲစားလိုက်သောက်လိုက်နဲ့အတော်ရေချိန်ကိုက်လာရသည်။
စတိတ်ပေါ်မှာအဆိုတော်တွေတစ်ယောက်ပြီးတစ်
ယောက်လဲကာဆိုကြသည်။
🎵🎶🎵🎶🎵🎶🎵🎶
အခြေနေတွေဟာ အမြဲတမ်း
ပြောင်းလဲနေတဲ့ အချစ်ရေ
ဒီကမ္ဘာပေါ်မှာ ချစ်တိုင်းလည်း
မညားကြတဲ့သူတွေ အများကြီးထဲ.....
"ဟုတ်တယ် ချစ်တိုင်းလည်းမညားကြဘူး..နုနုရေ
ငါတကယ်ခံစားရတယ်ကွာ၊ ငါ့ကိုချစ်ရက်နဲ့ဘာလို့
များတခြားလူရင်ခွင်ထဲ၀င်သွားရက်တာလဲ ဟမ်"
🎵🎵ပြောင်းလဲတိုင်း မပြောင်းလဲနဲ့
ဘယ်တော့မှ မင်းမမုန်းနဲ့ အချစ်ရေ
မင်းနဲ့တို့ ဝေးများ ဝေးရင် အိုး
သေချာတယ် ကိုယ့် အသက်တိုလိမ့်မယ်
ချစ်သူလေးရေ ကိုယ့် အသည်းကို
ရက်ရက်စက်စက်
ခွဲမသွားနဲ့ ခွဲမသွားနဲ့...............။
" ဟင့်အင်း.. ငါကတော့အသက်ရှည်အောင်နေမှာ
ပါ။ မင်းယောက်ျားကြီးထက်အသက်ရှည်အောင်
နေမှာနုနု..
သူသေသွားရင်ဖြစ်ဖြစ်၊ မင်းမပျော်ရင်ဖြစ်ဖြစ် ငါ့ဆီ
ပြန်လာခဲ့...."
>>>>>>>>>>
ဖြူဖြူတစ်ယောက်ရေချိုးခန်းထဲကထွက်လာပြီး.
.မွှေးပွသဘတ်နဲ့ပတ်ထားရင်းကုတင်ပေါ်ခြေတွဲလောင်းချထိုင်ကာ..ဘာလုပ်ရမလဲစဉ်းစားနေသည်။
ကိုကိုကလည်းစာမသင်ရတဲ့အချိန်တွေဆိုရင်တွေ့
ဖို့ခက်ခဲလိုက်တာအရမ်းပဲ...။
အနားကအံဆွဲထဲကရီမုကိုယူကာလှမ်းနှိပ်လိုက်လျှင်.ရှေ့တည့်တည့်ကနံရံပေါ်ကခန်းစီးစမှာဘယ်ညာ
ခွဲသွားပြီး.လူအရွယ်အစားနဲ့ဆိုက်တူကိုယ်တစ်ပိုင်း
ပိုစတာဓာတ်ပုံတစ်ပုံပေါ်လာသည်။
ဖြူဖြူ လက်ထဲကဝိုင်ခွက်ကိုလှုပ်ရမ်းရင်းမေးဖျား
ကိုလက်ထောက်ကာငေးကြည့်သည်။
အချစ်ကဘာလဲ ဖြူဖြူမသိဘူး...
ဖြူဖြူ့အချစ်ကတော့ ကြည့်လိုက်ရင်သိပ်ကိုငြိမ်းချမ်းတာပဲ....။
ခန့်တည်ကြည်ကာမာဆတ်သောမျက်နှာတစ်စုံ၊
မဟာနှဖူးပြင်၊မျက်ခုံးထူတန်းတန်းအောက်ကစူးရှရှမျက်၀န်းတစ်စုံ၊ဖြောင့်စင်းနေတဲ့နှာတံချွန်ချွန်လေး၊
တင်းတင်းစေ့ပိတ်ထားတဲ့ မထူမပါးနှုတ်ခမ်းလွှာရယ်...
အိုး ကြည့်လိုက်တိုင်းမှာကိုကိုက လက်ရာမြောက်
တဲ့အနုပညာတစ်ခုပါပဲလား။
သူမနှုတ်ခမ်းတွေပြုံးနေခဲ့သည်။
ဒီလူသားကသာ သူမအတွက်ကမ္ဘာငယ်လေး။
ဒီလူသားကသာ သူမအတွက်ငြိမ်းချမ်းရေး..။
ဒီလူသားတစ်ယောက်ဒီကမ္ဘာပေါ်မှာရှိနေချင်းကိုက
သူမအတွက်ဆုလာဘ်တစ်ခုလိုပင်။
အသည်းရဲ့ဒိုင်ယာရီ ××××ကိုကိုအချစ်ဦး
တအားချစ်ခဲ့ ××××ရင်တွေခုန်လာလွန်းလို့
ကိုကိုအချစ်ဦးနဲ့ထာဝစဉ် ×××အသည်းအသက်နဲ့
ဆက်လို့ချစ်ကြမယ် အလွမ်းများဝေးပါစေကွယ်....
ခံစားချက်တွေအရမ်းကောင်းနေတယ်၊အခုချိန်
မှာအသံလေးပါကြားလိုက်ရရင်..ဒီညဒိုင်ယာစီပင်
မမြိုရပဲအိပ်ပျော်သွားမယ်ထင်တယ်။
ဖုန်းဖွင့်ပြီးဆက်ရမဆက်ရ..တွေးနေစဉ်..အဲနှိပ်မိ
သွားပြီပဲ။
ကိုယ်လေးခပ်တောင့်တောင့်ထိုင်ပြီးကိုင်မလားစောင့်နေခဲ့သည်။
" ဟလို..."
" ဟင် ကိုကိုမဟုတ်ဘူးလား....ဘယ်သူလဲ..."
" မမလေး လားမသိဘူး..."
သူ့ကိုမမလေးလို့ခေါ်သူတွေအများအပြားရှိတာကြောင့်ထိုအသံပိုင်ရှင်ကိုဝေခွဲမရ...
" ဘယ်သူလဲ ကိုကို့ဖုန်းကိုဘာလို့ကိုင်တာလဲ.."
" ကျွန်တော် စားသောက်ဆိုင်ကတာ၀န်ခံစိုးသိမ်းပါ
..ဒီမှာဆရာ့သားကအရက်မူးနေလို့..."
" ဘာ....."
မသောက်စဖူးနဲ့ဘာတွေဖြစ်နေတာလဲကိုကိုရယ်။
>>>>>>>>>>>>>>
ဆက်ရန်
ဝေဖန်ပေးကြနော်