رمضان كريم
٩
أستغفر الله العظيم
عمر كان نازل رايح الشغل ويمني كانت بتفتح الباب
بصلها وكمل طريقه
رغم أنها بتعمل نفسها تقيله ومش في بالها إلا أنها مقدرتش تتجاهل نظرته
يمني : عمر .. عمر
وقف علي السلم وهو باصص في الأرض : نعم
.يمني : هو انت رايح فين
عمر : الشغل . غريبه اول مره تسألي
يمني : بسال عادي . بس اصل . مفيش خلاص .
عمر : لو محتاجه حاجه من بره قوليلي
يمني : بجد . يعني لو قولتلك عايزه حاجه هتجبهالي
عمر : طبعا. اي حاجه
يمني ' حتي وانت زعلان
عمر : زعلي ده حاجه احتفظ بيها بيني وبين نفسي . لكن انتي بعيد
يمني: متهيالي انا السبب في زعلك
عمر يصلها: اما انتي عارفه انك السبب ، بتكلميني ليه. انتي تقتلي القتيل وتمشي في جنازته
يمني استغربت من اسلوبه كان هادي وفجاه اتعصب . بس عمر كان كاتم في قلبه
يمني : وبعدين ايه قتيل ده وامشي في جنازته
عمر : ده مثل شعبي معروف. انتي مش عارفاه بقي مليش فيه
يمني : اتصدق انا غلطانه عشان كنت عايزه اصالحك ، بس الحقيقه انك متستهلش
عمر : اما انا مستهلش مين ده اللي يستاهل يا بت ، انا بحذرك يا يمني ، لو في بدماغك حد تاني فاكره أنه هيتجوزك . تشيليه خالص ، عشان انا مش هقول حد غريب يدخل البيت ده ويتجوزك
يمني : نعم يا عمر. ليه بقي ..
عمر ؛ هو كده . وخليني ساكت عشان صايم و في رمضاااان كمان
ام يمني خرجت من وراها : في ايه ي ولاد.
عمر : مفيش يا خالتي . صباح العسل
ام يمني : صباح الخير. بلاش العسل عشان انا صايمه .. هههه
عمر : ههه ، ماشي يا قمر . تقبل الله منك . عايزه حاجه قبل ما انزل
ام يمني ' عايزه سلامتك يا حبيبي .
عمر : الله يسلمك ..سلام عليكم
يمني واقفه وهي مكشره بس من جواها فرحانه من كلام عمر . ام يمني : واقفه متنحه ليه يا بت. يلا علي المطبخ
يمني : يوووه . حاضر يا ماما.
.....
يونس كان واقف بره الجامعه .. عاليا دخلت لاصحابها
حور كانت داخله وهي قلقانه مكنتش عايزه تيجي الجامعه ، بس الهروب مش حل .. جسمها كله بيترعش من الخوف والقلق بس بتحاول تقوي نفسها
وقف قدامها الشله
منال : ها يا قطه . عملتي التلخيص اللي ياسر قالك عليه
حور : انا. انا
ياسر ' عارفه لو مكنتيش عملتيه ، انا هعمل فيكي ايه
حور خافت : لو قربتلي انا هقدم فيك شكوي للجامعه
ضحك ياسر: هههههه. الحقي يا منولا عايزه تقدم فيا شكوي ..
منال : كان غيرك اشطر يا كتكوته. محدش يقدر يقف قدمنا
ياسر : سمعتي .. فين بقي اللي قولتلك عليه
حور : انا لسه مخلصتش
ياسر ' انتي بطيئه جدا ، لازم اديكي دافع
بيقرب منها وهي بترجع لورا ومرعوبه منه لحد اما خبطت في حد بتبص برعب وعيونها كلها دموع
كان يونس واقف وهو متعصب وعينه كلها غضب
حور : يونس انت رجعت ليه
يونس بصلها بغضب بس لاحظ أنها بتترعش ووشها اصفر . كتم غضبه : مفيش . كنت هسالك خدتي مصروفك ..
حور : اه
يونس ' مين دول اللي واقفه معاهم
. منال : انت اللي مين ، وازاي تدخل الجامعه. شكلك غريب
يونس مردش عليها بس بصلها بطريقه خافت منها ووقفت جنب ياسر اللي بيتابع اللي بيحصل
يونس : سالتك مين دول. مردتيش ليه
حور : د دول معايا في الجامعه ، مفيش حاجه . دي هي كانت بتسالني عن المحاضره
يونس : طيب اهدي. مالك متوتره ليه
حور : مفيش يا يونس . انا كنت عايزه ارجع البيت
يونس. : ليه .
حور : تعبانه شويه
يونس : طيب تعالي اوصلك
حور : روح علي شغلك ، انا كده هاخرك
يونس: فداكي .
قبل ما يخرج يونس بصلهم بصه توعد .. وخد حور في عربيته ومشي وهو هيتجنن وزعلان من نفسه عشان مقدرش يحميها قبل كده ... محدش كان يقدر يزعل حور من صغره دائما كان هو بيحميها ويخاف عليها
حور بتفرك في ايدها وخايفه
وقف يونس العربيه : مالك ..ومتقوليش مفيش. عشان وضعك مش طبيعي
حور فتحت في العياط .، يونس : انا مش بزعق. اسف ، بس كنت عايز اعرف فيكي ايه ..
حور : انا مش عايزه اروح الجامعه دي تاني.
يونس: حد زعلك
. حور : لا . بس انا عايزه اذاكر في البيت واروح علي الامتحانات
يونس : انتي كده بتهربي من مشاكلك ، من امتي وانتي بتخافي .. حور قويه وتقدر تقف قدام اي حد
حور مسحت دموعها : بس انا مش عارفه اعمل ايه
يونس: طيب احكيلي وانا اساعدك . فاكره زمان كنتي بتيجي تحكيلي كل حاجه . حتي ام حمزه بيضايقك وياخد منك الشوكولاته
ضحكت حور : ههههه. كنت بتخدها مني وتجبلي واحده جديده . بس ده كان زمان قبل ما تتغير وتكبر وتفضل تزعقلي
يونس: لا عاش وله كان اللي يزعقلك . انا كنت بعمل كده من ورا قلبي .. مش هتكرر تاني ، احكيلي بقي في ايه
حور ' مفيش . انا كنت بتكلم عادي .
يونس اتنهد : طيب . هوصلك للبيت واجبلك شوكولاته اللي بتحبيها بس خليها بعد الفطار . مش انتي صايمه برضو
حور : اه والله صايمه . حتي بص لساني
ضحك علي حركتها الطفوليه وهي بتخرج لسانها ليه
وصلها للبيت وهي بتضحك وشايله شنطه الشوكولاتات اللي جبهم ليها
.. .
يونس اتصل بعمر وحمزه وقعدو مع بعض في مكان
عمر : في ايه يا بني . خلتني سبت الشغل وجتلك
حمزه : يا عم ما تتكلم . خضتنا
يونس : في موضوع وعايزكم تساعدوني فيه
حمزه ،: موضوع ايه . عصابه عايزنا نقبض عليها.
يونس: لا . ده موضوع بره الشغل. عشان كده جبتكم ..
عمر : سامعين. قول في ايه
يونس : في واد اسمه ياسر جمال . وبنت اسمها منال صادق . الاتنين دول عايز اربيهم
حمزه : طيب انا هجمعلك كل المعلومات . اديني بس رقم تليفونهم وملكش دعوه
يونس : معايا كل المعلومات عنهم . انا عايز اربيهم . عشان لو حبستهم اهلهم هيطلعوهم من اي قضيه .
عمر : ليه
يونس : العيال اهلهم واصلين. ابو منال ده محامي كبير . والتاني ابوه رجل اعمال. العيال دي بيبلطجو علي الناس. ومعاهم كام عيل كده من العيال التوتو
حمزه : عندي الموضوع ده . احنا نجيبهم المخزن ونرزعهم. علقه محترمه
عمر : الضرب مش حل
.يونس : لا حل . انت عايزنا نربيهم ازاي . دول اهلهم نفسهم معرفوش يربوهم احنا اللي هنعرف
....
بعد الساعه ١٢
كان الاربع شباب قاعدين ومعاهم منال سهرانين مع بعض في شقه . . وبيلعبو بلاستيشن وصوت الاغاني والضحك عالي ..
دخل يونس وحمزه وعمر وقفلو باب ووقفو الثلاثه جنب بعض
ياسر : مين دول .
منال : انتم مين ، وازاي تتدخلو علينا كده
عمر : بتتسحرو مخدرات .. ي شويه صيع
حمزه : لفلي يا بني كل المخدرات دي
يونس : انت عبيط ياض
حمزه : مش ليا . ده انا هرميهم في الشارع . حرام الصنف شكله عالي
عمر : انت عرفت منين انه عالي
حمزه : اصل الاتنين اللي هناك دول بيرقصو وشكلهم عاملين دماغ صراصير
يونس : مش وقت هزار . انا هاخد الواد ده اربيه . وانتم عليكم بالباقي
يونس شد ياسر اللي بيزقه وبيزعق : نزل ايدك . انت متعرفش بابي مين .
يونس : انا هربيك يا ابن بابي . بتستقوي علي البنات . فاكر نفسك راجل ..
ياسر خاف : بنات مين . انا معرفش حد
يونس : الخادمه اللي عندكم اللي بتتعدي عليها واهلك بيخوفو البنت تتكلم. وحور اللي بتضايقها في الجامعه . وغيرهم
ياسر : انا معملتش حاجه . كلهم كدابين
يونس فك الحزام : كمان بتنكر . انا هخليك تمشي جنب الحيط يا بتاع بابي ومامي
يونس بيضرب في ياسر ..ياسر : حرمت مش هقرب لحد تاني . انا اسسسسف
يونس : مش من قلبك . مش حاسس انك ندمان ..
ضربه تاني .
بره كان عمر وحمزه معلقين الشباين علي الحيطه
حمزه : ضرب وضربنهم ولسه بيضحكو
عمر : علي رايك . شكل الصنف ده عالي . مفيش اي احساس
حمزه : البت دي ، هنعمل معاها ايه
منال خافت : انا معملتش حاجه ، خد كل الفلوس وسبوني ارجع ليالي
عمر : مينفعش نمد ايدنا علي بنت . حرام يا جدع
حمزه : بت . اضربي نفسك بالقلم . عشان حرام امد ايدي عليكي
منال ضربت نفسها بس القلم كان خفيف
حمزه : جامد
ضربت نفسها تاني . حمزه : عضي نفسك بقي
عمر : انت بتقول ايه.
حمزه : بخليها تربي نفسها . بت شدي في شعرك ..
منال بتعمل اللي حمزه بيقول ايه
خرج يونس بعد ما علم ياسر الادب وبص لمنال : لو شوفتك مره مع العيال دي . متلوميش الا نفسك ..
لو عرفت انك افتريتي علي حد من الجامعه وله حد أقل منك . هرجع تاني والمره دي هيكون معايا واحده هخليها تربيكي عشان احنا مش بنمد ايدنا علي البنات
منال بتعيط : انا اصلا مش عايزه اعرفهم تاني .
خرج يونس وهو فرحان مع حمزه وعمر
عمر : اقدر اعرف عملت كده ليه
يونس : اصل العيال دي كانت بتضايق حد عزيز عليا
حمزه : مين ده اللي عزيز عليك. بتخون اختي قبل ما تتجوزو
يونس : لا . بقولك ايه ما تحاول تقنع عمي . نكتب الكتاب حتي وبعد ما تخلص نتجوز
حمزه : ما هو قال لا
يونس : ده ظلم والله.
عمر : معلش يا يونس . اصبر
يونس : يا عم ده كتب كتاب . انا مقولتش حاجه اكبر
حمزه : بلاش رغي . يلا عشان نلحق نتسحر
يونس : ياض انا مش جبتلك عشر سندوتشات من شويه
حمزه : دول تصبيره . لسه الفجر فاضله كام ساعه . اتسحر تاني عشان عملت مجهود
يونس : نفسي اعرف الاكل بيروح فين .. قدامي
.......
يتبع