تـنـاثـرو ونـدثـرت

تعالو نوضح بعض الاحداث

#تــنــاثــرو_ونــدثــرت

#بــقــلــمــي_بــتــول_حــسـيــن

مساء الخير حبايبي ومتابعيني الحلوين

اول شي احب اگلكم رغم القصة راح توصل بس 10 ألاف واخذت المركز الثاني  واستعجلت بختامها اني لان عندي مسؤليات هواي وماريد افوت اي شي بشهر رمضان المبارك هذا شهر عظيم ومنعرف اذا السنه الجاية موجودين

ثاني شي ابد ماهمني تصعد القصة لان اني هاوية الكتابة والصراحة شجعتوني اكثر واكثر على الكتابة كمية حبكم للقصة وتفاعلكم وياها كلش فرحني
بس احب اگلكم ماكو بشر كامل والهدف من كتابة القصة انو نتعلم من اخطاء ابطالها همه صارت وياهم وتعلمو من اخطائهم وعرضو قصتهم حتى بعض الناس متوگع بنفس الخطأ

هواي منكم سئلو ليش عادل عاف ريحانة ليش ضحك عليها 

عادل وريحانة واحد حب الثاني صدك وشفتو شگد تعب يله لم مهرها ضل سنتين يشتغل بغداد حتى يجمع المهر ورغم هيج ابوها هم رفض هو ماضحك عليها حبها صدك بس كلنا نعرف شگد دمر السحر عوائل وهجم بيوت بنت خالته ماعافته ضلت وراه بلسحر گدرت تاخذه بس ذكرت ريحانة بواحد من البارتات گالت عادل ضل جسد ويمشي ولحد الان من يشوف ريحانة عيونه تضل وراها رغم كبرهم بلعمر والوضع المرو بي مع الاسف حبهم مكتمل كلمن وقسمته وهو مو قسمتها

السؤال الثاني ليش مطلعت حوبة ريحانة بعادل وزوجته

ترا زوجت عادل لحد الان بدون جهال مصار عدها ابد وهذا عقاب الها وعادل اكبر عقاب اله هيه بنت خالته نفسها الاخذها لا صار عنده جهال ولا شاف حب والعقاب الاكبر خسر ريحانة

ثالث سؤال عن حسن وزوجته ليش هيج سوو بريحان وبعدهم مرتاحين

وحسن حالياً بمشاكل ويا زوجته درست براسة ووصلت وتريد تعوفه ومتقبل تجيبلة طفل للعلم صار هواي من مزوجين يعني خواته كل وحده صار عدها ثنين جهال واول طفل الهن بأول ابتدائي وهو ماعنده اطفال منعرف السبب منه او منها او فعلاً هيه متريد اطفال

انشالله كل فتره انزل الكم اخر اخبارهم القصة صحيح اختصرت هواي بيها بس گملتها وانشالله ارجع اخذ الكم احداث وانزل الكم اخر اخبارهم لان العائلة تشتتت كل شخص عايش بعيد عن الثاني واريج وريحانة الانطوني الاحداث

وارجع واگول الكم ادعو لريحانة الله يشافيها من هذا المرض الخبيث لان كلش تعبت بحياتها

وكلش اشكركم على تعليقاتكم الحلوه ومساندتكم اليه وصبركم عليه من اتأخر بلنشر وخاصتاً متابعيني بلواتباد كلش اشكركم هوااااااي كلش

وانشالله اشوفكم بخير بقصة جديده