#تــنــاثــرو_ونــدثــرت
#بــقــلــمــي_بــتــول_حــسـيــن
#بــارت18
----------------------------------
يا غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت
للشاعر عريان السيد خلف
---------------------------------------
ريحانة : من گال اخذ امانة ابوه سألته واخواته هم ألهن حصه بهذا البيت گال ما ألهن شي والتجي لهنا اكسر رجلها ،، عرفت ابني يريدني اطلع من البيت لان اني مريضة ويجن يدارني بس مرته تضوج من جهالهن گعدت انوح وابچي لا حليب الغزر بيه ولا التعب ولا الربه والدلال ماخليتهم محتاجين شي
حتى الذهب كله بعته ووزعته عليهم مافرقت بينهم
بس ليش هيج حظي اربع ولد ولا واحد حضيت بي
ثنين اخذتهم مرت الاب واخذت كل تعبي وياهم وثنين ربيت ودللت وكبرت واخذتهم الدنيه والنسوان الماتخاف الله وتحسب حساب الدنيه دور وتصير ام ويرجع الدين ألها
بعد فتره مرت حسن بدت تزيد المشاكل واني مريضة ماگدر اطلع من غرفتي وهو خابر خواته وطردهن ويخابرني عصبيات يريدن يجن ياخذني واني ماقبل
وبيوم منهن چنت گاعده بغرفتي العصرية وفتح الباب حسن عصبي ماتوقعت توصل بيه لهاي الدرجة
حسن : لو يصير عندج احساس وكرامة واطلعين منا لو تشتغلين وطبخين مثل الاوادم صار كم يوم ساگت عنج تگولين مريضة وعايفتني بدون اكل اشتري من برا اكل وخبز شصير اني لمصرف البيت لو لمصرف محمد لو مصرف مرتي ومصرف دراستها ومصرفي
طلعي من البيت بلحسنى افضلج من اسحلج گدام الناس موحلوه بحقي
ريحانة : ولك اني امك هاي تالي الربه والتعب والظيم التحملته علمودكم واحاول ألمكم بيت واحد وصرت خدامة لمرتك علمود ترضة عليه تاليها تفضلها على امك وتطردني من بيتي
حسن : الظاهر انتي متجين بلعين واغاتي شو تعالي يلة طلعي
ريحانة : ايدك عني راح اخابر خالك عقيل يجي ياخذني روح يمه روح يا حسافة انت ابن الطيب الحنين يا حسافة بس ادور الدنية ادور واذكرني من بزرتك يسون هيج وياك هاي اذا صار عندك اطفال
طلع من الغرفة واني خابرت عقيل ولميت ملابسي
اجه عقيل وراد يدخل للبيت يتعارك وياه گتله حتى الحچي خساره بي عوفة ومحمد بغرفته يخاف يحچي وينطرد من البيت
رحت لبيت عقيل سناء دائماً بلشركة التشتغل بيها طباخة وعذراء بس هيه بلبيت لحد الان مزوجت وتركت الدراسه ومؤمل بعده يدرس بس دائماً طالع ويا اصدقائه البيت هدوء كلمن بغرفته
ضليت كم يوم وبناتي سمعن واجني لبيت عقيل يتوسلن اروح وياهن تقى گاعده ويا عيال وين اروح وياها واريج ام زوجها موجوده عدهم وعيب اروح اگعد وياهم
رفضت وگتلهن مرتاحة هنا ،، بعدها بفتره عرفت شلون ماخذين بصمت صباح لان هو بلمستشفى كلش مريض يريد يموت رحت للمستشفى وشفته لا حوله ولا قوه بس نايم گلت تاليتي هيج من قهر ولدي
رجعت للبيت يومين وتوفه رحت لبيتهم ضليت اسبوع لمن خلصت الفاتحة ورجعت حفظت كرامتي لا هم انطرد لان هو هذاك البيت گاتبه نص لمرته الاولى سحر ونص للثانية ام امير واني يدري عندي بيت ونص بأسمه يعني لمحمد وتقى بس اخذه بس محمد وحسن اخذ حصه خواته
واني هناك بيت عقيل لاحظت عذراء هواي تحچي بلجهاز وابد ميوگع من ايدها بعدين عرفت عدها اكثر من علاقة لان صوتها يطلع من الغرفة من تحچي البيت هدوء دائماً الابره اذا اشمرها اسمع صوتها
وامها تدري بيها وعادي عدها ،، مادخلت بيهن اسمع واسگت ودائماً اروح لاريج اتونس ويا عمتها بلسوالف انسه قهري شوية
------------------------------------------
اريج : كلشي توقعت بس حسن هيج يسوي بأمي ويطردها وهيه فضلته علينا ودللته اكثر من عدنا وچانت اذا تعاركنا ويا متقبل نضوجة ابد ومايوم طلب شي وماتنفذ
من سجل البيت بأسمه ماخلتنه نحچي ويا ونتعارك ونطالب بحقنا وسگتنا لخاطرها لان مريضة ومن اتصل بينا وگال ماريد اشوف وحده بيتي هم سگتنا لان امي مريضة واكيد انقهرت من طردنا
هيه انطته مجال وهيج وصل مرحلة طردها من البيت
ماهر اكثر من مره يحچي وياها يريد يقنعها تضل يمنا بس امي متقبل ،، احسها كلش مكسوره بس تحاول تكابر
واني ماهر ماقبل ارجع للدراسة قافل شگد حاولت اقنعة ماقبل
وريتاج حياتها هادئه وعدها بنت وولد صاروا ثنين
واني اكتفيت بس بابني من يكبر الله كريم بعدين
وتقى هم صار عدها ثنين اطفال وخطيه متعذبه كلش لان زغار ثنينهم وعدها عيال ومسؤلية
ومشاكل ويا عيالها وزوجها ميقبل تطلع بيت وحدها
-------------------------------------------
هاي الاحداث نقلتهن أليه اريج وبعدين تعرفون شلون
عذراء : خواتي زوجن ثنينهن وبس اني واخوي مؤمل ضلينا وابوي دائماً يشتغل عنده محل يبيع خضروات
امي تشتغل طباخة بشركة ومصاحبه واحد وياها بلشركة وتريد تزوجه ورطتني وياها لان اني دائماً عندي علاقات وتهددني اذا احچي شي عنها تحچي كلشي تعرفة لابوي وعمامي
وحتى تخلص من ابوي ضلت تلح عليه وتقنع بيه
وتگولي انتي هم تاخذين راحتج اطلعين بكيفج وشتريدين تسوين
صحيح گاعدين بمنطقة حلوه وراقية وبيتنا حلو بس محرومين من هواي شغلات لان امي مو بحالي وابوي هم حاير بس بلشغل بس من اطلب منه شي يجيبلي بسرعة مدللني بس ميقبل اطلع وحدي هو يطلعني وبس لعمامي لو لخواتي
وخواتي گلمن عدها حياتها ولحد الان يدرسن ومرتاحات بزواجهن بس اني ضليت هيج
قبلت بأتفاق امي بس گتلها لا دخليني بشي سوي التسوي وحدج
وبعد فتره گالت اتفقت ويا الرجال المصاحبته اسمه مسعود يگتل ابوي
يمة اتفقتي وياه اكيد
سناء : اي اي شبيج خوافة
عذراء : زين وسلاح منين يجيب
سناء : هو عنده شبيج مو خبصتيني شوفي طريقة قنعي يطلعنا لان هو ميرفضلج طلب اخوج طلع لاصدقائة مو
عذراء : اي راح
سناء : اي خوش هسه من يجي قنعي ها وشوفي نطلع مشي مو بسيارة علمود يگدر يكتلة بسهولة
عذراء : اني خايفة
سناء : لا تخافين ضبطتها زين
عذراء : چانت عمتي ريحانة گاعده يمنا هذيج الفتره وصارت فاتحت زوجها صباح وراحت ورى الفاتحة كم يوم لبنتها اريج وامي استغلت هذا الوقت واخوي چان طالع
اجه ابوي من الشغل چان بوقتها صيف والساعة ب 3 الظهر حاره وماكو احد بلشارع توسلتله حتى اروح لبيت خواتي مو بعيد علينا هواي
گال نمشي بلسياره واني گتله اريد اطلع اتمشه اختنكت من البيت واذا اطلع بلسياره من الباب للباب وبس لخواتي هو وافق لان شافني ضايجة
اجتي امي ويانا وطبعاً خابرت مسعود قبل منطلع
طلعنا نمشي وابتعدنا عن شارعنا ضلينا نمشي وفجأه طلع مسعود وبسرعة ضرب ابوي طلقة اني صرخت وشردت وامي ركضت وراي على اساس خايفة بس هيه رادت تعوفه بلشارع حتى يموت
دخلنا للبيت وضليت اصيح على امي وابچي والطم وهيه ضربتني وحبستني بغرفتي
بعدين عرفنا ابوي ساحل روحه وداگ باب من بيوت الشارع المشينا بي ومخابرين الشرطة وماخذينه للمستشفى امي تلاحكت روحها قبل متنكشف اخذت سياره وراحت لعمامي واخذتهم للمستشفى ومن عرفو هيج شردنا احنا وتأخرت امي يله اجتهم سألوها ليش
وگايلتلهم وديت عذراء للبيت وتخربطت ماگدرت اعوفها وحدها واجيكم لمن گعدت عفتها بلبيت واجيتكم حتى اخذكم ونرجع لعقيل لان خفت ارجع وحدي ويگتلني الرجال
طبعاً الدكتور شاك بامي لان عمتي ريحانة چانت هناك وبس تبچي وتدعي وامي كل شوية تسألهم يموت لو يعيش ومتوتره
من طلع من العمليه مابي شي بس قبل متدخل امي حذرها الدكتور متنطي مي دخلت امي وعمتي ريحانة عمامي چانو مشغولين ويا الشرطة
اتصلت على امي وعرفت عمتي ريحانة طلعت من المستشفى من اطمنت على ابوي طلع من العمليه وماعليه خطر بعد لان هيه مريضة رجعت لبيتها وگالت لامي الصبح ترجع للمستشفى
-------------------------------------------
اريج : امي چانت يمي بعد فاتحت عمي صباح ماخليتها تروح لبيت خالي عقيل
بس ثاني يوم اتصلت عليه عذراء وتبچي ومتوتره گالت ابوي بلمستشفى گالت تصوب بطلقة
امي سمعت تخربطت عليه اتصلت على خوالي وعرفت بأي مستشفى واخذت امي ورحت
بس مگدرت اضل هواي رجعت للبيت وامي ضلت هناك ويا اخوتها من ابوها
بعدها بكم ساعة راح وراها ماهر لليل كلش رجعو بعد مرجعو بساعة اتصلو علينا گالو خالي عقيل توفه
مصار كم يوم من مات زوجها اروح اگولها خالي عقيل مات شلون راح اگولها
راح ماهر گاللها وهيه خطيه مثل الممصدكة ضلت صافنه شوية وبعدين ضلت تلطم وتبچي اخر شي تخربطت واخذناها للمستشفى كم ساعة يله گعدت خوالي چانو هناك
بس مرت خالي سناء ماهيه عبالي تخربطت سالت عليها گالو الدكتور بلغ عليها اخذوها الشرطة للتحقيق واخذو عذراء وياها
-----------------------------------
ريحانة : من سمعت بعقيل بلمستشفى وهيج حالته ماتحملت امي وابوي راحو وولدي ولا واحد حضيت بي بس خالد وحاير صار فتره بأبنه الزغير مريض
وماسولفتله شسوه حسن بيه گلت من يريد يجي اكله خلي حاير بهمه مازوده همي رحت للمستشفى
ماضل دعاء مادعيته وماضلت دموع مابچيتها
هو بس عقيل ضلي وعقيل حنين وزين وياي
وماقصر لا وياي ولا ويا جهالي ساعدني لمن كبرتهم وصاروا يعتمدون على روحهم وتالي ذبوني هاي بلشارع وهم عقيل اخذني يمه
طلع الدكتور وگال العمليه زينه وكم ساعة ويگعد وحچه ويا سناء الها لا تنطي مي ابد بس بللي شفته اذا طلب مي
راح الدكتور وگعدنا بلغرفة اني وسناء شوية وترخصت منها ارجع لبيت اريج خطيه رجلها وياي صار كم ساعة واگف هم يريد يرتاح واني تعبت گتلها صار زين انشالله لا تخافين والصبح اجي اني حتى تردين لبيتج ترتاحين وتنامين
رجعنا للبيت واريج مسويتلي شوربه اكلت شوية وردت انام اجه ماهر گالي البقية بحياتج صيري قوية الله يرحمة ويسكنه فسيح جناته
عقيل راح لا تگولون راح عليكم الله
اريج : يمه اترحميله لا تگولين هيج ترحميله
ريحانة : ابو گلب الطيب الحنين راح لا يربي ماضل واحد اليه لا تاخذه يربي هذا الحنين وگفاته هواي وياي والله مابيه حيل الهم والحزن بعد ماضل بيه حيل حتى اتحمل سوده عليه عقيل راح الحنين يمه اجاج عقيل يمه راح وعافني لوحدي ،، ماحسيت بشي بعد گعدت اني بلمستشفى واريج تبچي
اريج : يمه عليج الله لا تسوين هيج بس انتي عندي هم حسي بيه تريدين تعوفيني وتروحين لا تسوين هيج راح لرحمة الله ادعيله وصلي لا تبچين وتتخربطين انتي مريضة رحميني كل شوية هابطتني
----------------------------------------
عذراء : مؤمل راح للمستشفى ورجع ماطول لان اني وحدي بلبيت اجه جايب عشه وياه ويگلي لا تخافين صار زين مابي شي اكلي واني تأنيب الضمير موتني
ماگدرت اكل بس افتر خايفة امي ترجع تسوي شي وننكشف وفعلاً صار الخايفة منه خابرو عمامي گالو توفه
شوية واجتي الشرطة اخذوني بس اليه وفتشو البيت خفت كلش شنو اسوي حسيت نفسي انتهيت وتندمت على كلشي اني شلون هيج سمعت كلام امي شلون وافقت هيج تسوي بابوي وين چان عقلي
هواي افكار وهواي اسئلة وهواي ندم بس بعد كلشي ميفيد
حققو وياي هواي ما حچيت شي وامي هم اخذوها وحققو وياها واعترفت بكلشي لان ماعرفت تصرف كلشي توضح وحتى اذا ممعترفة يعرفون الدكاتره شلون مات
گعدت يمي وضلو يسألون بيها ويحققون وياها
سناء : اي اني گتلته اني اتفقت ويا مسعود چان عندي علاقة ويا وردت اخلص من زوجي واتفقنا يكتلة عذراء متعرف شي بس اني من شفتها تريد تطلع ويا ابوها اتصلت بمسعود واتفقت ويا يجي وطلعت وياهم ونفذ الاتفاق
عذراء : سألها الضابط لعد شنو سويتي بلمستشفى وخليتي يموت صاح عليها
سولفيلنا
سناء : بعد مطلع الدكتور ونبه علينا محد ينطي مي لان طالع من عمليه دخلت للغرفة وبيدي بطل مي
وبس كال عطشان اريد مي بللي شفتي شويه شربته البطل غصب عنه وهيج مات
عذراء : عمامي عرفو اليه ايد بلموظوع لان شافو جهازي بي هواي شغلات وعندي اكثر من شريحة وجهاز جنت ضامتهن
بس ماقبلو اضل بلسجن لان اضل من دمهم ولحمهم صارت التهمه على امي ولزمو مسعود اني طلعوني عمامي ومسعود انحكم اعدام وامي مؤبد
وعمامي غصبوني بأبن عمي وبسرعة بسرعة عقدولي عليه بدون زفة وهوسه وهاي السوالف
بس چانو كلش زينين وياي وزوجي هم بس اني اتمرضت وصار بيه سكر
وابوي معافني بحالي ماگدر انام كل مره انام يجيني بلحلم كل فتره ياخذوني لدكتور او سيد وحالتي
اسوء
اخذتلي اسبوع تحسنت وراحت هاي الاحلام مني
وبيوم نايمة بليل .................
اشوفكم بخير لا تنسون التصويت والتعليق ⭐⭐