🦋 حكاية أم 🦋
🐝الفصل الرابع والعشرون 🐝
في الفرح
الماذون كان بيسال عن وكيل العروسه
سمعو صوت وهو بيقول انا وكيل العرايس !!
الكل انتبه لمصدر الصوت عشان يشوفوا مين ده وكان طه ابن عم البنات
علي / دايما متاخر كده يلا اخلص يا ابني
فاطمه / بفرحه طه
طه / بعد اذنك يا مرات عمي ده طلب ابوي في اخر زياره ليا جالي اني اكون وكيل بنات عمي يوم فرحهم كانه هو اللي مكان ابوهم ولو سمحتيلي انفذ طلب ابوي
فاطمه / بابتسامه طبعا يا حبيبي بس عرفت ازاي
طه / انا اللي كلمت علي وجولتله لما تحددوا معاد فرحكم بلغني عشان اجي وطلبت منه قمان ميعرفكوش حاجه عشان تبجى مفاجاه ليكم
فاطمه / احلى مفاجاه يا ابني اتفضل
راح طه ومد ايده لايد سليم وكان وكيل البنات وتم كتب كتاب سلمى ووقف طه وسلم على سليم وباركله
سليم / راح لسلمى ووقف قدامها بابتسامه وقال حان الان موعد تلبيس الشبكه اللي هموت عليها بقالي سنه واخدها في حضنه وضمها بحنان وباس جبينها وقال مبروك يا حرم سليم ايوب
سلمى / بحب الله يبارك فيك يا جوزي يا حبيبي
سليم / انا بقول بلاش فرح ونروح وغمزلها
سلمي / ضحكت عليه و قعده جنب بعض
بعد شويه تم كتب كتاب مالك ومليكه ووقف طه وسلم على مالك وباركله
مالك / راح لمليكه وباس ايدها وقال الف مبروك يا لوكا
مليكه / الله يبارك فيك يا حبيبي
وبعده تم كتب كتاب علي وعاليه ووقف طه وبارك لعلى
على / راح لعاليه بصلها وابتسم وقالت فاكره لما قولتيلي اللي زيك اخره يطلع رجولته في الصوت العالي في اول مقابله لينا
عاليه / ههههههه انت قلبك اسود اوي ياخي
علي / لااااا انا ناوي اوريكي رجولتي كلها النهارده واولهم دلوقتي
عاليه / رجعت لورا وقالت علي اهدا يا مجنون احنا قدام الناس
على / قرب منها اوي وشدها من وسطها وضمها لحضنه جامد وفض يلف بيها
وانطلقت الزغاريط والاغاني وبدا الفرح وكانت بدايه الفرح بالاغاني سلو وكل واحد وعروسته بيرقصوا عليها بسعاده
وكانوا مختارين اغنيه كارمن سليمان(( ربنا يخليك لقلبي))
مش قادرة لسه اصدق إنك انت بقيت معايا
وخلاص كل اللي ياما حلمت بيه بقى بين إيديا
مش عايزة حاجة تاني، خلاص حبك كفاية
واحلم واتمني ايه من الدنيا دا انت كتير عليا
ربنا يخليك لقلبي تبقى طول العمر جنبي
كل ما اسمع حاجة عنك بعرف اني اخترت صح
كان لقانا أحلى صدفة ياللي جنبك ببقى عارفة
انك انت جيت حياتي تِملى كل سنيني فرح
من حسن حظي اني قابلتك تقدر تقول جيتني ف وقتك
سلمى وسليم ❣
سلمي / كان لقانا احلي صدفه فعلا يا سليم فاكر اول لقاء لينا
سليم / كان محاوطها من وسطها ومقربها عليه اوي وقال بهمس فاكر وعمري مهنساه ابدا وقرب عليها اكتر
سلمي / احممم سليم ما تبعد شويه الناس
سليم / ششش ناس مين دول اللي هفكر فيهم ... بقى ربنا نفسه محللي ده وانا هعمل حساب لكلام الناس ما يهمنيش وبعدين انا ما صدقت ألبسك شبكتك اصلا
سلمى / ههههههه يا مجنون اعقل شويه كده
سليم / قرب منها وخطف بوسه سريعه من شفايفها وقال حاااضر كده
سلمى / اتكسفت وقالت س.سليم ايه اللي انت عملته ده
سليم / ببراءه انا وانا عملت ايه مش انت اللي قولتلي اعقل وعايزه افهمك ان كل ما هتطلبي مني العقل هعمل كده
سلمى / اتنهدت بابتسامه وقالت وانا هعرف اخد منك حق ولا باطل
سليم / ايوااا صح كده انتي تنفذي اللي هقولك عليه النهارده من غير وجع قلب الله يخليكي انا راجل صحتي ضعيفه ومش حمل مناهده
سلمى / هههههه والله مجنون بس بعشقك
سليم / بعشقك يا قلب المجنون وضمها لحضنه واكتر
مالك ومليكه ❣
مالك / الف مبروك يا روحي اخيرا بقيتي معايا وفي حضني يا لوكا .. وابتسم وقال فاكره اول لقاء لينا
مليكه / ابتسمت وقالت الاغنيه دي بتوصف حالتنا بالظبط يا مالك كان لقانا احلى صدفه فعلا
مالك / خطفتي قلبي من يومها وانا قلبي اتعلق بيكي
مليكه / اتنهدت بسعاده وقالت ربنا يخليك لقلبي يا مالك قلبي اللي انت احييته من اول وجديد بكل مشاعر حب صادقه و حلوه حسيتها معاك ... معاك عرفت معنى الحب الصادق بجد اللي بيحكو عنه بحبك يامالك بحبك أوي
مالك / ابتسم وقال تعرفي انك اول مره تقولهالي كده لوحدك من غير ما اطلبها منك
مليكه / ومش هتبقى اخر مره وحياتك عندي ومش هتبقى كلام وبس
مالك / ايوه أشطااا كلام وافعال
مليكه / ايوه طبعا هثبتلك بالافعال اني بحبك
مالك / طب خليكي فاكرها الكلمتين دول كويس عشان لما نروح بيتنا بس
مليكه / باستغراب فاهمه
مالك / مش مهم المهم انا فاهم انا عايز ايه وغمزلها
علي و عاليه ❣
عاليه / انتو مختارين الاغنيه دي ليه بس كان لقانا احلى صدفه ايه دي اول لقاءتنا كانت حاجه لا تذكر
علي / ههههههه ما هو ده اللي بيقولوا عليه من حب الا ما بعد عداوه يا قلبي
عاليه / ابتسمت وقالت بس انا عمري ما كرهتك يا علي
علي / هز كتفه وقالت انتي .. انتي غلبتيني معاك اوي يا لولو تعبتيني كتير اوي
عاليه / يقطعني
على / لا مهو انتي هتتقطعي فعلا بس لما نروح
عاليه / احم على لم نفسك
على / طب هاتي بوسه وانا هتلم
عاليه / بصوت عالي .. نعمممم
على / غمض عيونه من صوتها وقال بيحضر في اوقات غريبه والله العظيم
عاليه / هههههههه
علي / بتضحكي ماشي اضحكي بس احب اطمنك ان كل اللي فات حماده واللى جاى فى لقاءاتنا مع بعض حماده تاني خالص
عاليه / طب اسكت عشان بتكسف
على / اهو الكسوف اهون من اللي بيحضر في لحظه
عاليه / ضحكت ونامت في حضنه
مانا كنت قبلك مش عايشة وخلاص هعيش
ياما عليك كنت بدور وبجد مش قادرة اتصوّر
لو عمري كان قبلك عدى مقابلتنيش
ربنا يخليك لقلبي، تبقى طول العمر جنبي
كل ما اسمع حاجة عنك بعرف اني اخترت صح
كان لقانا أحلى صدفة ياللي جنبك ببقى عارفة
_________________________________
عند اصحاب سلمي كانوا قاعدين على الترابيزه مع بعض
ميرنا ويوسف محمد وساره ومروه
محمد / همس لساره وقالت ما تيجي نرقص معاهم
ساره / ضحكت وقالت يلا بينا وقاموا يرقصوا مع بعض
يوسف / قرب من ميرنا وقال ما تيجي نرقص احنا كمان
ميرنا / بصوت واطي مينفعش اسيب مروه لوحدها على الترابيزه
يوسف / احم عندك حق ما اخدتش بالي
مروه / حست انهم عايزين يرقصوا بس محروجين يسيبوها قامت وقالت لميرنا انا رايحه التواليت يا ميرنا
ميرنا / ماشي يا حبيبتي ومشيت مروه عشان تروح التواليت
بس كان شادي داخل وخبط فيها جامد
مروه / مسكت دراعها بألم وقالت مش تفتح يا متخلف انت
شادي / رافع حاجبه باستغراب وقال انا
مروه / لا. امك
شادي / اتدايق منها وقال بنت انتي لمي لسانك
مروه / هتعمل ايه يعني لو متلمتش هتضربني يا راجل
شادي / لا مش هضربك لاني اخاف اوسخ ايدي بلمستك
مروه / لاحوش النضافه اللي بتخر منك يا عره الرجاله
شادي / انا عره رجاله يا بواقي انسات انا أعرف كل اللي موجودين هنا وكلهم ناس محترمين بصراحه مش عارفه مين اللي عزم اشكالك دي في فرح محترم زي ده
مروه / ما هو المعفن بيشوف الناس كلها زيه يا مصدي
شادي / اتعصب منها وقالت انا همشي عشان مرتكتبش فيكي جنايه
مروه / لا هتمشي عشان مش عارف ترد
شادي / اتنهد بغيظ وضرب كفه على كفه التاني وقال ربنا يشفيكي وسابها ومشي
مروه / جتك القرف عكننت عليا وسابته وراحت الحمام
________________________________
راح شادي عند رافت وسلم عليه وقال
شادي / الف الف مبروك يا رافت وعقبالك
رافت / الله يبارك فيك يا شادي عقبالك انت الاول
شادي / لا يا عم عقبالي في ايه مش عايز انا لسه متخانق مع واحده هنا كرهتني في صنف الحريم كلهم
رافت / هههههه شكلك اتهزقت جامد
شادي / دي سوتني على الجانبين يخربيت لسانها مبرد
رافت / ههههههه تعيش وتاخد غيرها اقعد
وقعدوا مع بعض ولسه بيقعد رافت شاف رامي صاحبه داخل القاعه استاذن شادي وراحله بسرعه وسلم عليه
طه / وقف وسلم علي فاطمه وقال طب اني هستاذنك بجا يا مرات عمي
فاطمه / مستعجل ليه يابني
طه / معلش يا دوب فيه جطر دلوجتي ويادوب الحجو
فاطمه / بالسلامه يابني وتشكر علي كل حاجه عملتها
طه / علي ايه بس يا مرات عمي .. ان شاء الله هزوركم مره تانيه عشان اسلم رأفت حجه كله وعلي فكره ابوي اللي جالي كديه
فاطمه / بابتسامه ربنا يفك ديقته يارب
طه / تسلمي يا مرات عمي وسلم عليها ومشي
عند رأفت ورامي
رأفت / سلم عليه بفرحه وقال حبيبي واحشني اوي
رامي / انت أكتر يا صاحبي بس قولي ايه الحكايه اللي انت حكتهالي دي .. دي زي المسلسلات الهنديه يامعلم
رأفت / ههههههه نصيبي بقا تعالي اعرفك بماما
رامي / استني بس الاول جيرمين هتتجنن عليك وعايزه تشوفك
رأفت / ابتسم وقال انا كمان هتجنن واشوفها
رامي / بسخريه يامنحنح منك ليها وبصل علي القرح وقال تصدق حلوين بنات القاهره برضو اهو الواحد يغير شويه
رافت / مسك وشه ولفه ليه وقال عينك
رامي / متفهنيش غلط بس عموما تعالي عرفني علي مزز الفرك دي وانا هثبتلك انك صح
رأفت / هههههههه هتفضل مصيبه تعالي...
اما عند اهل علي كانوا متجمعين على ترابيزه
عبد الله ورنا كانوا فرحانين جدا اما جيهان فكان جواها غيره غير طبيعيه وهي شايفه حب على لعاليه ولهفته عليها بالشكل ده
رنا / قربت منها وقالت روقي كده يا ماما اصلك عامله زي التنين بتطلعي نار من ودانك وعيونك
جيهان / انا مش عارفه عاجبه فيها ايه اللوكال دي
رنا / بصتلها وقالت عاجبوا فيها انها بتسمعله في اي وقت يحتاجها فيه .. عجبوا فيها بساطتها .. عجبوا فيها شخصيتها اللي تبانلك متمرده لكن جواها طفله صغيره بتحب وتعشق .. وعجبه قبل كل دا شخصيه امها اللي اثرت فى بناتها يا ماما
جيهان / فهمت الكلام رنا بس بتكابر كالعاده وقالت قصدك ايه يعني
رنا / اتنهدت وقالت ولا حاجه .. واتفاجئت بكارم داخل القاعه
قامت وراحت عند وسلمت عليه
كارم / بابتسامه الف الف مبروك يا رنا عقبالنا
رنا / كان كارم بالنسبالها زي طوق النجاه صحيح محبتوش لكن بيظهرلها في الاوقات الضعيفه اللي بتبقى محتاجه لسند فيها وبصيت له وقالت..
ان شاء الله تعالي اعرفك على بابا وماما وراحت بيه عند عبد الله وسلم عليه
كارم / تشرفنا يا عبد الله بيه وقرب منه وقال ان شاء الله هحتاجك قريب فى موضوع يخصني انا ورنا
عبد الله / ابتسم وبص لرنا وقال ان شاء الله يا ابني اتفضلوا
_________________________________
بعد ما انتهي الفرح كل عريس وعروسته اخدوا بعض وراحوا للمكان اللي هيقضوا فيه اول ليله من عمرهم مع بعض
في بيت سليم
وصل سليم وسلمي وكانوا في قمة سعادتهم بانهم اخيرا بقوا مع بعض
سليم / مسك ايدها وباسها برقه وقال الف الف مبروك ياروحي اخيرا بقا هقدر البسك شبكتك في وقت ما احب
سلمي / كانت مبتسمه بس وكانت متوتره جدا
سليم / لاحظ توترها وقال سلمي انتي خايفه مني
سلمي / بصتله بحب وقالت هتصدقني لو قولتلك مش خايفه منك أ.انا بس كام حاجه كدا جت في دماغي وحسيت ان دماغي وقفت عن التفكير
سليم / حاجات ايه اللي جت في دماغك دي يارب تكون حاجات سافله
سلمي / ضربته قي كتفه وقالت انت سافل علي فكره
سليم / غمزلها بعيونه وقال وماله بس لما ابقي سافل دي السفاله كنز لا يفني
سلمي / ههههههه ياخسارة الحكمه بوظتها كدا
سليم / تؤ انا بس عدلتها وبعدين ايه هنقضيها كلام هنا في الصاله يالا ندخل علي عش حبنا ونطير يا حمام
سلمي / بكسوف ط.طب استني هنا هغير هدومي بس الاول وانادي عليك نصلي مع بعض
سليم / ماشي بس يالا هوصلك الاوضه وميل عليها وشالها ودخلها الاوضه وقال نورتي اوضتك ياحببتي ونزلها
سلمي / مسكت وش سليم بايدها الاتنين وسندت جبينها علي جبينه وقالت ربنا يقدرني واقدر أسعدك
سليم / هتسعديني لو قولتيلي اللي كنتي بتفكري فيه حاجه سافله ولا مؤدبه وانا من خلاله هقولك الاجابه
سلمي / ههههههه مفيش فايده فيك
سليم / طب يالا هساعدك تغيري الفستان
سلمي / رفعت صباعها بتحذير وقالت خليك مؤدب
سليم / ضحك وقال ماشي ولونه مش في مصلحتك بس يالا وساعدها وفكلها سوستة الفستان وقال تمام كدا باحترامي اهو
سلمي / ضحكت وقالت تمام التمام اخرج بقا
سليم / طب متتاخريش عليا
سلمي / حاضر
وخرج سليم وبدات سلمي تغير هدومها واتوضت وخرجت بالاسدال لسليم وقالت انا جاهزه
سليم / بصلها بحب وقال وانا كمام جاهز
وصلوا هما الاتنين مع بعض عشان تبقي بدايه سعيده وموفقه لحياتهم الزوجيه
وبعد ما انتهو من الصلا ولسه سلمي بتقف
سليم / ميل عليها وشالها وجري بيها علي الاوضه ..........
___________________________________
في بيت مالك ومليكه
وصل مالك ومليكه وكانت مليكه متوتره وقلقانه شويه
مالك / الف مبروك ياقلبي
مليكه / احم الله يبارك فيك
مالك / قرب عليها وباس جبينها وقال ربنا يباركلي فيكي يا ملوكه يالا عشان تغيري الفستان
مليكه / بتوتر ل.ل.ليه
مالك / باستغراب ليه !!! ايه يا حببتي هتنامي بالفستان ولا ايه
مليكه / لا طبعا ب.ب.بس مش هعرف اغيره لوحدي
مالك / وانا زهريه مثلا منا هساعدك
مليكه / ا.ا.ايه ل.ل.لا اتصلي بماما وهيه تيجي تساعدني
مالك / احيه .. اتصلك بمين ياختي
مليكه / ب.ب.بماما
مالك / اتنهد وقال طب اعتبريني ماما يا ملوكه وهساعدك انا
مليكه / ل.ل.لا يا مالك هتكسف وبعدين انت بقيت تقول كلام غريب كدا اتلم
مالك / مسح وشه وقال بابتسامه صفرا حاضر يا روحي هتلم حالا وميل عليها وشالها ودخل بيها الاوضه ونزلها ووقف وراها وفتحلها السوسته وقال بااااااس انا كان نفسي اكمل اكتر من كدا والله بس بلاش عشان متخافيش مني ولفها ليه وقال يالا يا حببتي اتوضي وغيري هدومك عشان نصلي مع بعض
مليكه / م.ماشي
وحاولت مليكه تغير فستانها وغيرت هدومها واتوضت ولبست سدالها وخرجت لمالك
مالك / اتوضيتي
مليكه / احممم آه
مالك / طب يالا نصلي
وبداو يصلوا مع بعض هما كمان عشان تبقي بدايه سعيده لحياتهم الزوجيه
وبعد ما خلصو صلاه وقف مالك وقال أحمم جعانه
مليكه / ل.ل.لا
مالك / كويس اوي طب يالا بقا
مليكه / اتوترت وقالت هااا يالا علي فين
مالك / ع.علي جوه
مليكه / علي فكره انت بقيت سافل كدا وبقيت تقول كلام مش تمام وكمان بتطلب مني دلوقتي حاجات مش تمام ايه دا بقا انا اتخدعت فيك شكلي كدا
مالك / نعم ياختي بطلب حاجات مش تمام ... والله انا لو مطلبتش كدا يا حببتي هيشكوا فيا وفي أمري وهكون انا اللي راجل مش تمام يعني .. وبعدين طبيعي ان اي راجل يطلب اللي مش تمام دا الليلادي حد قالك ان الليلادي ليلة التعكف ولا ايه انا مش معتكف علي فكره انا بتجوز ياناااس بتجوووز
مليكه / م.م.محنا اتجوزنا خلاص ع.ع.عايز ايه تاني
مالك / عايز حنان من اللي انا مش حاسه بقالي زمان
مليكه / رفعت صباعها بتحذير عشان تتكلم وقالت مالك بص ....
مالك / فاجئها وقطع كلامها ببوسه طوووويله عشان تسكت
مليكه اتفاجئت من اللي حصل وبلمت
مالك / هو دا المطلوب وشالها ودخل لاوضتهم .....
_________________________________
في فيلا عبدالله العايدي
دخل علي وعاليه في قمة سعادتهم
علي / شد عاليه لحضنه وضمها اوووي وقال مبروك يا عاليه كنت هموت علي الحضن دا
عاليه / الله يبارك فيك يا حبيبي
علي / غمزلها وقال طب يالا
عاليه / ها ي.ي.يلا فين
علي / ضحك وقال يالا نلعب عريس وعروسه
عاليه / ط.ط.طب نصلي الاول
علي / طبعا يا روحي يالا غيري فستانك وانا هساعدك
وساعدها علي في تغيير الفستان وقال خليكي براحتك هنا وانت هغير هدومي في الحمام
عاليه / ماشي وبدأت تغير هدومها ولبست سدالها
علي / خرج من الحمام ودخلت عاليه واتوضت وصلوا مع بعض هما كمان
بس اول ما علي خلص صلاه لقي عاليه بدات في ركعات تانيه
علي / بصلها باستغراب وقال هما مش ركتين بس ايه اللي حصل ..وقام صلي معاها تاني
وبعد ما خلص وسلم ولسه بيلف لعاليه لقاها بدأت في ركعتين تانيين
علي / اتنهد ومسح وشه وقال آاااه ياخلبوصه انتي جايه تتوبي الليله بقا وماله نستناكي لما تخلصي توبه وقعد يستناها لحد ما سلمت
ولسه عاليه هتقوم بسرعه عشان تبدا في ركعتين تانيين
علي / مسكها بسرعه وشدها وقال رايحه فين
عاليه / ه.ه.هصلي
علي / انتي بتكفري عن ذنب حاجه غلط عملتيها زماان الليله ولا ايه
عاليه / ابتسمت وقالت لأ
علي / ابتسم علي ابتسامتها وقرب منها وقال طب ايه
عاليه / ايه
علي / هتفضلي منشفاها عليا كدا كتير دا انا زي جوزك
عاليه / بدلع ي.يعني عايز ايه
علي / كلك مفهوميه بقا وقرب من شفايفها عشان يبوسها..
عاليه / زقته وقالت يا قليل الادب وطلعت وقفت فوق السرير
علي / انتي بتعملي ايه يا مجنونه هتنتحري كدا من فوق السرير
عاليه / اه هنتحر يا علي عشان انت عايز تغتصبني
علي / اغتصبك ايه يا مجنونه انتي انتي عندك خال اهبل .. احنا متجوزين اومال الفرح واللي حصل دا كان ايه جرافك ولا ايه بس الله يحرقك
عاليه / وهو يعني عشان اتجوزنا ليك حق انك تتت.. وحطت ايدها علي وشها وقالت يالهوي علي قلة الادب
علي / يالهوي علي الليله اللي مكنتش حاسبلها كدا خالص اهدي يا عاليه يا حببتي وانزلي الله يهديكي
عاليه / لا مس هنزل
علي / بزعل مصطنع كدا يا عاليه خلاص براحتك عموما انا هسيبك براحتك خاالص وهسيبك في الاوضه وهنام في اوضه تانيه بعد اذنك وبدا يمشي ناحية الباب فعلا
عاليه / اتكسفت من نفسها ونزلت وراه عشان تصالحه وقالت ع.ع.علي استني
علي / لفلها وكان لسه باين عليه الزعل وقال نعم عايزه ايه
عاليه / خ.خ.خلاص متزعلش بقا
علي / انا مش هخرج فعلا من الاوضه بس عشان مسببلكيش احراج مع اهلي يقولوا طفشته من اول ليله انا هنام هنا علي الكنبه ومشي ناحية الكنبه فعلا
عاليه / خ.خلاص يا علي بص.... واتفاجئت بعلي زقها علي السرير
علي / ضحك بنصر وقال هاهاهاي فاكره نفسك هتفلتي مني الليله
عاليه / ع.ع.علي
علي / قلب علي من جوه بقا .......
كل اتنين غلب عليهم الطابع اللي بيتميزو بيه في ليلة العمر بالنسبالهم
سليم وسلمي .. الرومانسيه
مالك ومليكه .. النحنحه😂
علي وعاليه .. الجنان
انتظروني ان شاء الله في البارت الاخير من الجزء الاول #حكاية_أم