🦋حكاية أم🦋
🐝الفصل الرابع عشر🐝
في بيت امين شكري
كانت فاطمه قاعده قلقانه علي مليكه وجه عليها مالك
فاطمه / ها يا ابني في اخبار
مالك / بزعل لسه
فاطمه / بدموع يا ترى انتي فين يا بنتي يارب ريح قلبي عليهم يارب
وفي الوقت ده دخل على عليهم وهدومه متبهدله وبيعيط
فاطمه / وقفت بقلق وقالت في ايه يا على مالك
على / بدموع عاليه اتخطفت
فاطمه / سمعت كده اغمي عليها
مالك وعلى جريوا عليها عشان يفوقوها وبعد شويه فاقت
فاطمه / بنتي فين يا علي هي دي الامانه اللي امنتك عليها
على / والله معرفش مين دول ناس اخدوها ولما حاولت امسك حد منهم التاني ضربني على دماغي محستش بحاجه
فاطمه / وقفت وقالت يعني الاتنين يختفوا مع بعض يبقى اكيد هما الاتنين مع بعض دلوقتي
وفي الوقت ده دخل شهاب وهو بينهج
فاطمه / باستغراب شهاب
شهاب / انا عرفت فين مليكه
فاطمه / بفرحه بجد وعاليه معاها
شهاب / باستغراب عاليه معرفش
مالك / بغيظ وانت عرفت مكانها ازاي
شهاب / راندا زميلتنا هي اللي خطفتها
علي / ليه يعني هيه سايبه
مالك / وخطفها ليه دي كمان
شهاب / بص في الارض وقال عشان عارفه ان عمري ما هفكر فيها وهي فاكره السبب مليكه
فاطمه / خبطت على صدرها وقالت يا كبدي يا بنتي
شهاب / راح عند فاطمه وقال اوعدك هرجعهالك بس ابوس ايدك سامحيني على اي غلطه صدرت مني في حق مليكه وسابهم ومشي
مالك / طب استني انا هاجي معاك
شهاب / متخافش يا مالك كده افضل عشان مليكه ما تتازيش وانا هرجعهالكم بنفسي اوعدكم وسابهم ومشي
فاطمه / انا مش هقعد كده انا لازم اروح وراه
علي / فعلا عندك حق يلا بينا ومشيوا التلاته ورا شهاب من غير ما يشوفهم
______________________________
في الصعيد
كانت عاليه فاقت من اثر المخدر ولقت نفسها في اوضه قامت زي المجنونه وحاولت تفتح الباب لكن كان مقفول
فضلت تخبط على الباب لحد ما حست بحد بيفتحلها
عاليه / اتصدمت وقالت عمي عرفان
عرفان / ضحك بشر وقال ايوه اني
عاليه / باستغراب انت اللي خطفتنى طب ليه
عرفان / عشان اجوزك ولدي والارض ترجع لينا من تاني
عاليه / ارض ايه و اتجوز مين انت ناسي اننا مكتوب كتابي
عرفان / كفاياكي حديتك الماسخ ده لعبتك احنا كشفناها من اول يوم جيتو فيه هنه وسمعنا اللي كان بيمثل علينا انه جوزك وهو بيكلمك ويجول اتعامل معاكي كيف جدامهم عشان محدش يكشف سرنا بس حبينا نسيبكم لحالكم لما امك جالت هتبيع الارض لكن ترجع تاني في كلامها معايا يبجى الارض من حجي كوليتها
عاليه / انا مش فاهمه حاجه ارض ايه دي انت مش بتقول عليها ارض بور ليه عامل عليها كل ده
عرفان / ضحك وقال بور ايه الارض البور دي هي ارضي لكن الارض اللي جدك كتبها في الوصيه هي الارض اللي بتنتج وبتطلع ملايين
عاليه / يعني انت كنت عايز تضحك علينا كمان وتاخد حقنا
عرفان / ايوه ما هو مش بعد ما استنيت السنين دي كوليتها وعملت كل احتياطاتي وفي الاخر انتم برضك اللي تكسبوا امال بجى لو كان المحروس اخوكي لسه معاكم كنتو دبيتو صوابعكم دي في عيوني بجى امال
عاليه / ليه يا عمي الفلوس متستاهلش عليها العداوه دي كلها وبعدين حتى لو كان اخويا عايش عمرنا ما كنا هنقف على حاجه
عرفان / ضحك بشر وقال ومين جالك انه مات
عاليه / بصدمه ايه ......
YOU ARE READING
حكاية أم
Romanceانا ام البنات انا تلك التي عاشت حياتها فانية لهم لآراهم جنتي في الدنيا وضوءً لقبري في الممات ولم أبالي بكلام أحد بأن أم البنات حاملةً همومهم للممات بل انهم نسوا تماماً ان حنيتهم هي التي تدوم للممات
