#تــنــاثــرو_ونــدثــرت
#بــقــلــمــي_بــتــول_حــسـيــن
#بــارت15
---------------------------------------
هذاك آنه .. الكَطعتي الماي .. عنه ..
او عاش باحزانه
هذاك آنه - الشراع .. الماكسر نوماس
سفانه
او هذاك آنه - الربط بالمستحة
اِلسانه
اعت روحي .. اويعتها الشوك ..
واشتلها اعله بنيانه
ابصبر .. بلجن ، يمرها الطيف
ياخذها اعله جنحانه
او يوديها لولف مامون .. تغفه ..
ابطيب ريحانه
او هذيج انتي اشمجالب بيج .. لنج ..
طالعه دنانه
اشرخص بيع الرخيص .. ايصير
لو ما ثكَل ميزانه
يسرّي الجزع كتمانه ..
او هذاك آنه - الونينه ايدلي ..
المتيهين .. لو ضيعوا عنوانه
او عذابه .. اولاعذاب ايوب ..
مر مره .. اعله بيبانه
او عتابه .. او يا عتب ، جندوب ..
متعلك عَلَه اردانه
ايعمت بيك .. ايتسله وياك
واترده اعله ديدانه
وجد .. واملاوح الدمعات ..
مل اعيون ندمانه
او هذيج انتي .. الخطيه .. المارضت
تغفر خطايانه
اورمتنه .. وحملتنه اهموم .. فوك
.. اهموم دنيانه
اوجفت .. لا بخّت الملهوب .. ولا وجّت
بكَايانه
او هذاك آنه .. هرش لوشح
عليه الماي .. كَوة ايعيش
باخزانه
للشاعر عريان السيد خلف
------------------------------------------
اريج : صرت اشوف ماهر هواي احسه يتقصد يطلع گدامي من ارجع من الدوام او من اريد اروح للدوام وعلاقته قوية بأخواني
وريتاج تحذرني انتبه لدراستي واعوف هيج شغلات لان متفيد
بس مو بأيدي صرت احب وجوده بحياتي
ريتاج : شبيج صافنه گومي بدلي اليوم عطلة خلي نروح لبيت خالي عقيل نتونس ويا البنات شوية
اريج : طبعاً بنات خالي عقيل اكبر منه الاولى سادس اعدادي والثانية خامس والثالثة ويانا رابع اعدادي الاولى حوراء المفروض اول سنه كلية بس عادت السادس والثانية عذراء والثالثة شهد رسبت بلثالث متوسط لهذا هيه ويانا بلرابع اكبر منه هيه وابن خالي مؤمل ثاني متوسط لحد الان لان ميدرس
اگلج ريتاج اني ماروح احسهن ميريدنه
ريتاج : لا ليش تگولين هيج ماعدهن شي بس حوراء خطية ترا تدرس حابسه نفسها بلغرفة وحتى متحچي ويا خطيبها تريدين تحچي ويانا
اريج : عذراء ومرت خالي عقيل يذبن حچي من نروح وامي بس تسمع شي تنقهر بعد لا تروحين حتى انتي شو بس شهد تگعد يمنا وكل وحده جهازها بيدها وتتختل
حتى مرت خالج تضوجين نروح لخوالنا عباس وفاضل بناتهم حبابات وزوجاتهم هم صحيح امي علاقتها مو قوية بيهم بس والله احسن من خالي عقيل مرته تضوج منه ليش نسوي مشاكل بينهم من يشوفها هيج ميقبل وبسببنا تصير مشاكل
ريتاج : اگلج ليش تبالغين انتي مو هم دوم لازمة جهازج عادي
اريج : اني ماروح وما ابالغ لا تعاندين راح اگول لامي تاخذنا لخوالي كم ساعة ونرجع
ريتاج : يله روحي نشوف تاليها وياج ،،
كلام اريج صحيح وحتى اني كم مره من اروح لغرفة مرت خالي عقيل اريد احچي وياها ودائما تحچي بلموبايل وتضوج من اروح احچي وياها بس ما احچي لاريج وصحيح عذراء خبيثة بس شهد وحوراء حبابات
اريج : يله امي گالت حسن ياخذنا خلي نبدل ونحضر نفسنا لان گاعد ويا ماهر بس يروح ماهر يضل يصيح علينا واذا اتأخرنا بعد مياخذنا وتقى تروح ويانا
اني وريتاج غرفتنا وحدنا وتقى ويا امي بغرفتها لان اخر العنقود ههه حسن بغرفة بلطابق الثاني قبل فتره بنوها اله واشترتله امي غرفة اخشاب ومحمد هم غرفة سوتله بس بمكان الحديقة مو بلطابق الثاني
بدلنا وطلعنا وحسن گال ما اسمع صوت لان راح يجي وياي ماهر صديقي ونتمشه لبيت خوالج الجو حلو
اني گال هيج لو احس گلبي يركص وريتاج تباوعلي وتعوج بحلكها ،، مشو قبلنا وضلينا نمشي وراهم واباوع لطوله همزين ميشوفني خلي اخذ راحتي اباوع عليه واشبع هه ،، ولو ريتاج ماتخلي واحد يرتاح خبيثة
بلطريق صار گبالنا عمو صباح وسئلنا وين رايحين وضل يسولف ويا حسن شوية واحنا مشينا قبلهم مقبل حسن نوگف هواي بلشارع وعمو صباح راح للبيت
حرامات صاروا ورانا بعد ماگدر اشوف ماهر ،، ريتاج تسحل بيه وصلنا لبيت خوالي بسرعة وحسن سلم وراح ضلينا كم ساعة يمهم وخالي رجعنا للبيت وامي ماقبلت يروح ضل للعشه وامي هم ودت محمد لماهر يعزمة يجي يتعشه ههه
ريتاج : بعد امتحانات اخير السنه عطلنا وگعدنا طلبت من امي نروح زياره ،،
وحسن اجرلنا سياره من هذني الگبار طبعاً حسن قبل فتره هو لزم المحل بمكان خالي عقيل لان خالي ميلحك لشغلة وميأمن يعوف المحل للعامل وحده ،،
يعني صار المصرف بأيد حسن ومخلصهن على نفسه كل شوية مبدل جهاز ومصادق كومة بنات وملابسه يومية يشتري ومن امي تگله على فلوس يتخبل اعرف ليش امي منطيته مجال وتخاف منه
من قبل واجر سياره لان يريد نزور ابونا ،، امي گالت لبدر يجيب امه سحر اجتي سحر الصبح وضلن يطبخن واني واريج علينا الخبز ،،
طلعنا اول شي للنجف زرنا وبعدين رحنا للمقبره طلعنا من الفجر وصار غدانه بكربلاء كلش ارتاحينا وتونسنه ضلينا لليل بكربلاء واكو عائلة چانو گاعدين بصفنا امي وسحر ضلن يحچن وياهن وعدهم بنيه وولد البنيه بعمرنا
اما الولد احسه بعد شوية وياكلني بنظراته والمره اخذت رقم امي ومن رجعنا بعد فتره اتصلت على امي خطبتني لابنها هو موظف حالتهم زينه وبس اخته وامه بلبيت وياه عائلة زغيره
امي گالت لعمي صباح وگالها خلي يتفضلون
بعد فتره اجتي امه واخته وهو عمي صباح وحسن ضلو يسئلو منين ووين بيتهم بلضبط حتى يروحون يسألون عليهم
اني وافقت لان عجبني الولد وعائلة زغير ودارس بس للاسف ماقبلو اكمل دراسة واخته چانت مخطوبه وزواجها قريب
راحو عمي صباح وحسن للناصرية لان همه من محافظة الناصرية وسئلو عليهم خوش ناس صارت الخطوبه وماطولت شهر وازوجت
اريج : صار زواج ريتاج بسرعة بسرعة انقهرت كلش من عافتني وراحت حسيت نص من روحي راح وياها تؤامي ونص روحي هيه فرغت الغرفة عليه وجربايتها فارغة يومية اتصل بيها فيديو بس مو مثل وجودها وياي بنفس البيت
بعد زواج ريتاج حوراء بنت خالي عقيل بدت تحضر لزواجها واخو خطيبها خطب شهد اختها وصار عرسين وريتاج هم اجت وچانت حامل باول شهر بس مبينه ضايجة ممرتاحة كلش وماقبلت تسولف شي
رحنا لعرس حوراء وشهد وضلت ريتاج اسبوع يمنا واخذها زوجها
بعدها بفتره بده الدوام وزاد الفراغ بحياتي من صرت اروح وحدي للدرام وارجع وحدي وادرس وحدي احس بملل بدون ريتاج
------------------------------------------
ريحانة : اشوف اطفالي الربيتهم وتعبت عليهم ومافهمت شي من شبابي وحياتي يكبرون گدامي ويكبر همهم وياهم
احمد وخالد تعبت وربيت وكبرت وهسه بس خالد يذكرني كل فتره يمر عليه احمد تارك الدراسه ومزوج وعنده ولد
واني لا خطبتلة ولا حضرت عرسة وفرحت ولا انطاني خبر ولا ادري بهيج شي مهم بحياة ابني الجبير وقطعة من روحي عرفت من خالد
وحتى من خالد محاچي يعزمني حالي حال الخطار مقابل ههه هاي تالي التعب والربه وتحملت علمودهم هواي تالي هيج يجازيني
خالد يدرس كليه ثالث مرحلة هاي السنه ويسولفلي كلشي بحياته ويحب وحده وياه بس يتخرج يخطبها بس مايريد يگعد ويا اهله هو يشتغل وعنده بيت بس ممكمل بنيانه وحاير
اني الذهب العندي بعت نصه بنيت غرفة لحسن وغرفة لمحمد والمصرف عد حسن من ردت اجهز ريتاج ارفع راسها گبال زوجها وعيالها ماخذت من حسن بعد من الذهب جهزتها احسن جهاز فوك فلوسهم وذهبي قديم بدلته هيه من هذني الموديلات التريدهن هيه
ومخليه لاريج وتقى واحمد وخالد ،، احمد مامحتاجلي شلت حصته وحصت خالد انطيتهن لخالد يگمل بيته وبعت الضلن لاريج وتقى سويتهن من هذني الموديلات الحلوه وانطيتهن ألهن
ضلن عندي كم قطعة ذهب قليل بس خليتهن للزمن
حمدت الله وشكرته لان مابذرت ودوم الفلوس اجمعهن واشتري ذهب وهسه استفادو ولدي وبناتي منهن
--------------------------------------------
ريتاج : اول مزوجت بعدها بفتره اخذو حماتي زوجت ضلت بس عمتي ام زوجي ياسر
ضليت فتره مرتاحة بعدين طلع وجه زوجي الحقيقي ووجه امه ومنا طلعت حامل ماگدر اسوي شي
البيت بأسم امه وهو يخاف يحچي وياها شنو تكله يسكت
هو چان مسوي طابق ثاني كامل بس متقبل نأثث المطبخ والصاله بس الغرفة مسموحلي استخدمها
شدت ويايه بكلشي وشرطت عليه لو تاخذها وتطلع لو بليل تنزل تنام بلطابق الجوه لان اخاف وحدي اني ومره چبيره اموت اتخربط يصير بيه شي ماتخافون عليه
هاي اول شهر من زواجي ،، هو يطلع الصبح للدوام لان موظف ويرجع ب 3 يتغده وينام يگعد بليل. ينزل يتعشه ويضل شوية على جهازه وينام بلصاله
مر على زواجي خمس اشهر ونفس الروتين گتلها عمه اني المن ضاله وحدي بلطابق الثاني خليني بهاي الغرفة البصفج اني وياسر ليش خطيه وحده بلصاله ،، ماقبلت وضلت تغلط عليه وعلى اهلي سوت مشگلة شكبرها
اني نفسيتي كلش تعبانه هو ماعنده شخصية ومهمل يعني من بداية زواجي بس مره رحت لاهلي لا دكتوره اخذني لا طلعني وكلماته معدوده وياي بس انظف واطبخ واغسل ملابس كلش تعبت نفسيتي ومن مشاكل امه وياي لحد الان اعتبر نفسي غريبه بيتهم او خدامة وبس
اني هم بشر يعني غير يسألني محتاجة شي شلونج حملج ماذيج لا تريدين تشوفين اهلج تريدين اطلعج
ماكو كل كلام بينه غير لو طلعيلي ملابسي لو اكل لو يسالني على شغله مضيعها غير علاقاته افتح جهازه اشكال البنات
صعدت بغرفتي لميت ملابسي وخابرت عمي صباح وحسن يجون ياخذوني گالو خابروه هو يجي وياي حتى يفتهمون شنو المشگله
ابد منزلت ولا سويت اكل ولا غلست ملابس ضليت بلطابق الثاني لل 3 هو اجه للبيت ردت انزل وسمعت امه تشكيله مني لان گتلها انزل بلغرفة اليمها
ياسر : يمه غلطت عليج علت صوتها تجاوزت حدودها وياج
ام ياسر : تگدر تحچي انعل الخلفوها واحد واحد
ريتاج : ابوي ميت من هيج حچت نزلت ،، عمه انتي مره جبيره عيب هذا الحچي الصبح غلطي عليه وعلى اهلي وهذا ابنج يسمعني وهسه رجعتي غلطتي ابوي ميت ميصير هيج ترا خلي احترام للميت كما تدين تدان
ياسر : وانتي متستحين مخابره اهلج
ريتاج : اني ماثبتت شخصيتي من اول مره چان خالي عقيل يسولف ألنا على امي من زوجت اول مره لحد مكبرنا واني مع الاسف اخذت طبع امي وفطاريتها بأول زواج الها بس هسه لا ماسكت بعد
ياسر ماريد احجي يم عمتي تعال للغرفة عندي اخر كلام وياك وكل شخص يشوف حياته
هو باوع لامه خزرته
ياسر : انجبي واحترمي نفسج واحجي هنا اني وامي واحد
ريتاج : براحتك اني محضره نفسي تبدل وتاخذني لاهلي لو بهاي ملابسك تاخذني
وعفته وصعدت هو من شاف الشغله صدك عاف امه وصعد وراي للغرفة
ياسر : شنو سويتلج اني وتريدين تروحين لاهلج وننفصل
ريتاج : ما سويت شي مع الاسف ،، ياسر اني ماگدر اضل ويا رجال ماعنده شخصية اسئلك سؤال شوكت اخر مره سئلتني شلونج عوف هذا السؤال شوكت اخر مره رحت للدكتوره تعرف اي شهر هسه اني
شوكت اخر مره رحت لاهلي شوكت طلعنا عروس بعدني اول شهر وتترك الغرفة تنزل تنام بلصاله وغير علاقاتك وتاركني بس خدامه تعرف شنو اريد شنو محتاجة يمكن مريضة تعرف مشاكل امك وياي
المفروض تثبت شخصيتك مو تعوفني وتنزل للصاله انت لو تفكر بيه وبأمك چان گلت لامك اي تدللين انزل اني وزوجتي يمج بلغرفة البصفج ونداريج بعيونه مو تجبر كسر امك وتكسر گلبي
قبل ما اطلع من هذا البيت اگلك رايحة واگعد حاسب نفسك وشوفني اذا مقصره بشي گول بس شفتني على گد ايدكم انت وامك
ياسر : ماكو طلعة اذا تريدين نزلي جوه بلغرفة اني احچي ويا امي
ريتاج : هههههههه لا صدك والله شكراً سويتلي فضل
بدل وتغده واخذني لاهلي من تحاسب نفسك وتقرر يصير عندك شخصية وتحترمني وتنهي علاقاتك هاي كلها وتأجرلي بيت وحدي تفهم شنو وحدي
لا اريد طابق ثاني ولا اگعد ويا امك لو ننفصل
ياسر : مو لهاي الدرجة شتريدين اسوي والله بس لا تروحين اعترف والله غلطان لا تروحين اسويلج هذا الطابق واسد الباب هاي افتحلج باب من الشارع لان امي مالها احد غيري خطيه تضل وحدها
ريتاج : حچيت العندي اني تاخذني لو ارجع اخابر اهلي
ياسر : اخذج اخذج هسه خلي اسبح وابدل واتغده انطيني مجال
ريتاج : مثل النايم وشمروا عليه مي بارد هيج سويت وياه خلي يتعذب شوية ويحير بنفسه غلطت من البداية ماحچيت وطلبت حقي نساني ونسه هو مزوج عايش حياة العزوبيه بعده
راح اخذ ملابسه وسبح ونزل ماكو غده رجع گال امي ممسوية اكل نزلي سويلي شي اتغدة
گتله مشكلتك منو گاللكم اني خدامة هنا
هو حس على نفسه ونزل ماعرف شنو سوه لنفسه اكل وتغده هو عنده سياره اخذني لبيت اهلي
شگد مشتاقتلهم الاتصال مو مثل من اگعد وياهم
هو گعد بالاستقبال وحسن وياه ومحمد راح لعمي صباح ينطي خبر حتى يجي
سولفت لامي كلشي وهيه تلگت عمي صباح ونفخته وهاي امانه يمك وهاي بنت المرحوم واليوم يومك مخليك للعازه طلع حقها واشلع گلبه اريدك تسويلة گلب جديد لان راح يصير عدهم طفل ماريد تجيني بتي زعلانه مره ثانية
وعمي صباح ماقصر وصاحني وگال انطانة كلمة وگتله يجيب عمامة من يخلص الطابق الثاني ويفتحلج باب يسويلج بيت وحدج
اني گتلهم البيت بأسم عمتي ومستحيل تقبل بهيج شي ،، عمي صباح گال تقبل تقبل لان ماتگدر تگعد وحدها ونصح ياسر ياخذ عمامه يحچون وياها حتى تقبل
راح ياسر واني ضليت يم اهلي امي اخذتني للدكتوره وگالت ولد وصحته زينه امي فرحت وطلعنا اني وامي واريج ومحمد وتقى للزياره خطيه امي ونستني وماخلت شي بنفسي
وياسر شگد يتصل ويدز رسائل وما ارد عليه تجاهلته مثل مچان يسوي وياي هيج عمي صباح گال حتى من يگمل البيت ويأثثه ويخابرني اگله بعدها ضايجة لا تجي وعمي تگله عفيه ههههه
هو راتبه چان گله يخلي بأيد امه لهذا ماعنده بس مصرفة ضل 3 اشهر كل شهر يسوي شي بلطابق الثاني هو كامل الطابق بس فارغ اول شهر المطبخ اثثه ويدزلي الصور واني مارد
بس كلش فرحت لان شغلات حلوه مشتري ومرتب البيت والشهر الثاني مأثث الصاله والشهر الثالث مطلع باب على الشارع وسد الباب البينا وبين الطابق الجوه
----------------------------------------
اريج : بعد حفلة زواج حوراء وشهد بأسبوع چنت گاعده بلغرفة ادرس ومخليه جهازي على الشحن اجاني اتصال باوعت رقم ماعرفة تركت الجهاز ورجعت ادرس ضل يتصل اكثر من مره وتكرر هذا الشي يومين
الفضول خلاني ارد اريد اعرف المن هذا الرقم جاوبت بس گلت الو رد عرفته من صوته
ماهر : شلونج اريج
اريج : گلبي بعد ماگدر اسيطر على دگاته سديته بوجها من الارتباك ،،، ضليت اباوع بلجهاز وابتسم معقولة هو ،، اي والله هو اني اعرف صوته يوميه اسمعه من يحچي ويا اخواني ويشاقة
بعدني افكر دزلي رساله ،،
ماهر : شنو ماعرفتيني اني ماهر
اريج : رديت عليه ،، عرفتك منين اخذت رقمي ؟؟
ماهر : من جهاز محمد صار هواي حافظة ومتردد اتصل
اريج : ليش اخذت رقمي وليش اتصلت شتريد مني
ماهر : احبج
اريج : مارديت عليه من الصدمة وضليت اسبوع گامل اباوع للرساله ممصدكة واضحك احس تخبلت
بعد فتره رجع يتصل جاوبته ،،
انت متخاف من اخوتي يشوفون رقمك بجهازي او يردون همه على المكالمة
ماهر : انتي ماخليتي عقل عندي حتى افكر هيج ليش تعذبين گلبي ادري بيج هم تحبيني لان بس تباوعيلي عيونج يلمعن
اريج : لا متوهم
ماهر : لا ما متوهم ،، راح اخلي اهلي يجون تعرفين الطريق طويل يضلون يمي اسبوع نخطب وكم شهر انشالله ونزوج شتگولين
اريج : ضليت اكمز هههه واني بمكاني وبعدين رديت عليه ،، اي هلا بيهم ،، وسديت المكالمة وكملت فرحتي وحدي هههه
دخلت للغرفة تقى للغرفة طبعاً چانت بلثاني متوسط واني بلخامس اعدادي نجحت اني وريتاج بس هيه مداومت وياي زوجت
تقى : يا شبيج تگمزين
اريج : گعدتها وسولفتلها كلشي فرحت وياي
وذكرتني بشغلة كلش مهمه دراستي
دزيتله لماهر رسالة
اسئلك سؤال مهم قبل متگول لاهلك ،، ودراستي اكمل لو لا ؟؟؟
وصلتني رسالة منه بسرعة فتحتها
ماهر : اكيد لا
اريج : اني اريد اكمل ،،، رديت عليه ،، لعد ماكو قسمه بينا اني اهم شي عندي دراستي ...........
اشوفكم بخير ولا تنسون التصويت ⭐⭐⭐