مساء الخير حبايبي شنو رئيكم اوقفها القصة برمضان وبعد رمضان ارجع انزلها لو استمر بس النشر راح يتأخر 11 بليل والمشكلة اني ممتعوده على السهر والله حايره شلون استمر بلتنزيل برمضان
#تــنــاثــرو_ونــدثــرت
#بــقــلــمــي_بــتــول_حــسـيــن
#بــارت14
------------------------------------------------------
النـــذر ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
للشاعر عريان السيد خلف
-----------------------------------------------------
بعدها بفتره صباح انطاني ورقة بصمت عليها گال بخصوص جنسية محمد بس اني ماعرف شلون رجعت وثقت بي ونسيت كلشي صار لان وگف وياي من چانت امي مريضة ومن توفت وتوقعت تعدل وصار بي خير لان بنته توفت
بس مع الاسف وعرفت هذا الشي بعد فتره طويلة
طبعاً بعد وولادة محمد زاد الحمل والمسؤلية وهو اغلب الاوقات عايف هذاك بيته وگاعد يمي فرحت اني بهذا التغيير ويودي البنات للمدرسة
بس محمد دائماً مريض واني حايره من دكتور لدكتور ويبچي هواي ومسؤلية بناتي لان دوام والتنظيف والطبخ والخبز وتعبت كلش يلة تحسن محمد
وكبر شوية وبطل يبجي صار عمر محمد 3 اشهر وجنت گاعده العصرية والباب تفلش عليه فزيت بسرعة لان محمد چان نايم خفت يگعد رحت فتحت الباب شفت سناء گبالي گلبي نقبض من شگلها
سناء : ريحانة البقية بحياتج ابوج توفه قبل شوية
ريحانة : ماصارلي فتره من دفنت امي وهسه ابوية گعدت بلگاع وضليت ابچي وجهالي طلعو على صوتي وسناء دخلت تاخذ محمد گعد من صوتي رغم هو مچان سند اليه بس عنده وگفات وياي
من چنت عدهم اني وجهالي ووگف وياي ضد عادل صحيح هو لان يكره عادل بس هم مارضة عليه واني غلطانة لان نزلت راسهم وشرت ويه عادل وخذلني بعدين لهذا عاقبني بجهالي ابوي ،،
احس انكسرت بعده حتى اذا چان مو زين وياي او مريض طريح فراش بس كلمة اب امان وفقدت امي وابوي وفقت الامان وياهم ،،
گلت لسناء تروح واني اودي جهالي واجي خليت ملابس جهالي بجنطة وملابس محمد بعلاكة واخذتهم لسحر ووصيتها تاخذ البنات بأيدها للمدرسة وترجعهم بايدها
لان بعيده عليهن شوية ووصيتها من ام امير لا تسوي شي بجهالي من حقدها واخذت محمد ورحت لبيت اهلي ماگدر اعوفة لان يرضع خطية ،،
دخلت لبيت اهلي لا امي ولا ابوي متروس ناس واخواني من ابوي وزوجاتهم موجودين هوسة كلش صايره وماقبلو نروح وياهم ضلينا بلبيت واحتاريت بين ابني وبين الفاتحة وبين حزني ووجع گلبي ثنينهم بعد ماشوفهم
منا لمن خلصت الفاتحة احس خلصت روحي وطاقتي على التحمل رجعت لبيتي وعفت جهالي يومين بعد يم سحر
ردت ارتاح واگعد بهدوء احزن بعيد عن كل البشر والهوسة والعياط واللطم بعد يومين رجعو الجهال صباح جابهم واجه
ومحمد من العياط بلفاتحة والهوسة رجع بس يبچي وتعبني كلش
بعد شهر من وفاة ابوية عقيل دز بنته حوراء عليه عفت حسن يم خواته ووصيتهن ميفتحن الباب واخذت محمد ورحت ويا حوراء لبيت اهلي. ،،
اول موصلت لگيت اخوتي گلهن موجودين خفت عبالي صاير شي ،، خير انشالله شصاير؟ ؟
عقيل : تعالي ام حسن كل خير مصاير شي گعدي اريد اسولف وياكم
ريحانة : عرفت علمود البيت لان اعرف سوالف مرت اخوي تضل تلح ،، بس حتى الاربعين مطالع عيب بحقهم هذا الشي واعرف عقيل ميهتم لهيج شي ،، طلع علاكة وخلاها گبالي وگال
عقيل : هذني فلوس قبل ميموت ابوي انطاهن اليه ودار البيت بأسمي وخلاهن امانة يمي گال حصتج من البيت وبلنسبه لاخوتي گال اني مسجل هذاك البيت بأسمهم وهم اكبر وسعره ضعف هذا البيت وگال تبريني الذمة لان اشتراه من فلوس مهرج وبيتج
ريحانة : رجعت الفلوس لعقيل وگتله قبل متوصلي كلامة اني باريته الذمة ومحالل وموهوب ،،
وهذني الفلوس لا اريد اعرف شگد ولا اريد اشوفهن هذني ألك اني الحمدلله گاعده بيتي ومستوره وانت ممقصر لازم المحل ،،
اني اريد سند للايام المره ماريد فلوس ،، اخوتي كلهم گالو انشالله احنه سندج ،، فرحت من شفتهم متفاهمين وحمدت الله وشكرته عاد ابوي مفكر بعقيل وبيه قبل ميموت ومخلي البيت بأسم عقيل
رجعت للبيت ومن اجه صباح بليل گاعد نتعشه وتخربطت اعرف هيج يصير وياي بس بلحمل محمد چان عمره اربع اشهر بعده زغير
بس صباح يلح عليه يريد بعد ولد وفرحان بمحمد واني شفته ممقصر ويانا وزين وماعدنا شي سكتت رجعنا للبيت ومر يومين على سالفة الفلوس والبيت يلة ذكرت وسولفتله اني مو قصدي شي بس لان تمرضت نسيت الموظوع
صباح : منو سمحلج تتصرفين من راسج وترجعين الفلوس ليش ماگتيلي ليش شنو هنا اني هيج ماعندج احترام اليه
تتصرفين من راسج هذا المابي عقل تدرين بيه گاعد ماعندي شغل چان سويتلي شغلة بيهن اعيشكم منها مو عايشين من فلوس المحل وتدرين بركبتي عائلتين بعد غيركم ومصرف ومسواگ
وسحر حامل هم وانتي حامل وراح يصير الحمل ثگيل واخوج لازم المحل لعد اني شنو هنا هسه تروحين تاخذين حصتج من البيت فتهمتي يله بسرعة
ريحانة : من سولفتلة چان بوقتها ليل وراى العشه گعدنا نسولف وذكرت وگتله بس ماعبالي هيج يصير عصبي ،، هيه حصتي وفلوسي واني بكيفي اخذها او احركها او انطيها انت مو من حقك تدخل بيني وبين اهلي ،،
واني الحمدلله عندي بيت وكاعده ومستوره ليش اروح اخذ من اخوي وهو ماعنده هو هم عنده عائلة واني مصرفي ومصرف جهالي والبيت عليه كلهن مماخذه منك فلس وعائلتك هذيج مشكلتك مو مشكلتي روح شوفلك شغل ليش گاعد ومعتمد عليه
صباح : ههه عدها بيت مادام هيج سويتي وحرگتي گلبي وممهتمة أليه ولمشاكلي ،،، خلي احرك گلبج شوية
ترا البيت من ولادة محمد اني مسجلة نص بأسمي وضل نص الج ولجهالج لان هاي دنية كلشي يصير خاف يكبرون ويتعاركون الاخوه عاد جهالي الهم حصة بهذا البيت ويگعدون بي ويا اخوانهم وخواتهم
ريحانة : من گمل كلامة ويبتسم بشماتة مصدگته گلت اكيد يريد يحرك گلبي ممعقول بس هو ذكرني من انطاني الورقة بحجت الجنسية ،، انصدمت من نذالته وتفكيره وتندمت لان رجعت وثقت بي ونطيتة بأيدي فرصة يرجع يذلني ويكسرني وبنفس اللحضة فرحت لان مو كل البيت بأسمة
دورت على اوراق البيت وثاني يوم رحت لاخوتي وسولفتلهم وقرو الاوراق وگالو اي صدك نص بأسمه ونص بأسمج اخذت الاوراق وضميتهن حتى بعد ميگدر يلگاهن اجه هو بليل وراح يدور بلكنتور
صباح : وين الاوراق اكيد اخذتيهن تأكدتي رجعيهن يله بسرعة وينهن
ريحانة : نام واحلم تلگاهن مو بلبيت طلعتهن من البيت
صباح : ريحانة لا تستغلين الوظع لان حامل بأبني ماگدر اضربج جيبي الاوراق بسرعة احسلج لان مراح يصير خير
ريحانة : گتلي علمود الجهال سجلته نص بأسمك
صباح : اكيد علمودهم مراح اضل عايش هواي كلنا على هذا الطريق وكلشي يضل الكم بعد ليش هذا الكلام الزايد
ريحانة : صارت مرتين وضحكت عليه متصير الثالثة الاوراق متشوفهن بعد شسوي بيهن سويت التريده بعد شنو تريد بالاوراق تريد تبيع البيت مو هه وتفكر اكيد راح ارجع اخليها تبصم بدون متدري وخلصت السالفة
وتعالي رجعي ويا نسواني هذنيج وگعدي بلخرابه بلطابق الثالث واني اشتغل بفلوس البيت موو ،،
ترا مو غبيه وفطيره لهاي الدرجة اني واذا سمعت طاري الاوراق بعد لو شفتك دورت عليهن راح اروح لعمامك واخليك غصب عنك ترجع البيت باسمي بس لا تخليني افضحك مثل ام امير وتضل مضحكة بين الزلم بهاي سوايتك وياي واكلت مال حرام لا حق يتامة هذا ،،
واطلع برا البيت ولا ترجع ابد ماريد اشوفك ولا تجبرني اتصرف غير تصرف
ضل يغلط عليه وعلى اهلي بس ماضربني لان يعرف اذا سواها ما اسكت ،، طلع من البيت وما رجع وبعد اسبوع اجاني عقيل
عقيل : ابو امير اليوم اجه للمحل وفضحني بين الناس بلسوگ راد هو يلزم المحل وماقبلت كتله حق يتامة هذا ما انطيك المحل مثل مجذبت على اختي لان ماتقره وتكتب وبصمتها على بيت اطفالها اليتامة واخذت حقهم ومثل ماصيح وفضحني وفشلني بين اصدقائي اني نزلت راسه وخليته بعد مايطب السوگ
اجيت احذرج ديري بألج منه خاف يخليج تبصمين على المحل ترا تضلين بلشارع تجدون انتي وجهالج
انتبهي منه واذا تريدين ندخل اني واخوانج وننعل اهله ونروح لعمامة هم
ريحانة : لا تسلم خوية متقصرون اني غلطت امنت بي واني اتحمل الغلط لان تصير سمعتنا بحلوك الناس وتضل لجهالي من يكبرون عار
اني منعته يطب للبيت ماريده بعد جهالي وبيتي اني متحمله مسؤليتهم ومصرفهم وحتى هو چان ياخذ مني فلوس حتى يصرف على هذاك البيت وعلى نفسه
واني عبالي تغير من توفت بنته ،، بس هو ترك شغلة واعتمد على فلوسي وچان زين وياي لان عايش براسي
عقيل : لا تضوجين ولا تهتمين بس امري شنو تريدي واني حاضر تركي خلي يولي ،، مايستاهل تضوجين
واگلج اني لگيت بيت بمنطقة راقية وخوش بيت تدرين بهذا البيت قديم كلش وتعبان ولو يعز عليه ابعد عنج واعوف ريحة امي وابوي بهذا البيت بس اني عندي عائلة وافكر بمستقبلهم
ريحانة : والله اني هم يعز عليه تبعدون عني بس هم حقك انشالله تشوف كل الخير بلبيت الجديد توكل وشوف حياتك لا تشيل همي اني اضل اجيكم دوم وانتم هم مو تنسوني ،،
ولو سناء تنساني اذا صار عدها صديقات هناك بعد ماتجي ولا تعرفني وين صايره هههه
عقيل : شعندج بسناء ودوختها اني والبنات نجي كل جمعة انشالله ،، مره عليج ومره علينا وهيج ماتخرب لمتنا
ريحانة : انشالله ،، طلع عقيل واني احس البچية خنگتني طبيت للغرفة ضليت ابچي شلون راح اتحمل هيج يبعدون واني ماعندي غيرهم
دوم اني اروح لسناء لو هيه تجيني رغم ضجت كلش على فراگهم بس دعيتلهم بلخير وماطول شهر وشال عقيل وضلو كل فتره يجوني لو اني اروحلهم واخوتي من ابوي هم دوم يجوني ويا زوجاتهم
ومرن شهور حبالتي تعب بتعب ومن صرت بنهاية شهري رحت لسناء همزين صادف عطلة المدارس اخر السنه هم بناتي تونسن ويا بنات خالهن وهم ولدت بنوته سماها عقيل ( تقى) ضليت 10 ايام لان البنات كبار البيت هدوء بس محمد وحسن يتعركون قليل بينهم ،،
سمعت صديقة سناء تريد طباخات بشركة مفتوحة جديده سناء گالتلها سجليني وياج ورادت تسجلني گتلها ماگدر جهالي مثل متشوفين ،، وبعد يومين رجعت الجواب صديقة سناء گالتلها اسبوع وتبدين اداومين بلشركة ،، وعقيل وافق ،،، خطيه چانت فرحانة كلش
رجعت لبيتي ومشت الايام وصباح رجع يجي يشوف الجهال ويروح كل فتره ماگدرت احرمه من جهاله
طبعاً ابني احمد قليل يجي كلش بس خالد ضل دائماً يجيني
والعمر يمشي ومافهمت منه شي غير مسؤلية البيت ومسؤلية الجهال وتربيتهم تربيه صحيحة
كبروا اريج وريتاج اول سنه الهن اعدادية وتقى اخر سنه ابتدائي وحسن ومحمد ثاني متوسط وكلهم مراهقين ومتعبيني كلش اخاف عليهم من سوالف المراهقة
طبعاً حسن ومحمد اليشوفهم ميگول ثاني متوسط لان ضخمين كلش
-----------------------------------------
اريج : اني واختي ريتاج روح وحده لان تؤام وكلش نحب الدراسة وشاطرات كبرنا وچان وجود امنا يعني كلشي بحياتنا هيه الاب والام النا وماقصرت ويانا ابد ولا حسستنا احنه بدون سند لا چانت هيه السند المستحيل يخذلنا بيوم نگدر نسند نفسنا وارواحنا عليها بدون خوف
ريتاج : طبعاً اكثر الدلال چان لحسن هو محمد وتقى ازغرنا بس امي اكثر شي مدلله حسن وتوصينا عليه ومنضوجة بس حسن ابد ماعنده حنيه لا علينا ولا على امي احسه بارد ماعرف هو طبعه هيج او يتعمد يحقر ويانا
وچان يجينا ابن عمو صباح وسحر اسمه بدر چان كلش حباب ويحب امي لان امي قريبه من سحر وصديقات كلش وهو ام امير متخلي اخته واخوه يختلطون وياه من خباثتها شيسوي يجي لهنا ميگعد بيت اهله بگد ميگعد هنا غرفته هو ومحمد اخو سوه وحتى ملابسهم وعلاقته بحسن مو كلش قوية مثل محمد
اريج : قبل فتره اتأجر البيت البصفنا عبالنا عائلة گاعده بي بس بدر ومحد گالو هذا ولد من اهل الموصل گاعد وحده هنا خطيه يشتغل يگول الشغل هنا احسن وحتى ضل يشغل محمد وبدر بايام العطلة عماله وياه وصاروا اصدقائه كلش وامي دائماً تعزمة لان وحده بلبيت تگول منو يطبخله منو ينظفله البيت
چنت مشايفته اني بس اسمع عنه ،، ومره رجعنا من المدرسة اني وريتاج وشفته واكف باب بيتنا يسولف ويا امي واخذ صينيه منها وراد يروح وضل يباوع علينا
اني وگفت بلباب فاتحة عيوني وحلكي على جماله
هو ابتسم بوجهي مدري ضحك عليه وراح وريتاج كرصتني وسحلتني للبيت وامي تصيح شبيجن تتعاركن
ريتاج : ولج عوبه شگد عيب فشلتينا ولج صفنتي بوجه الولد صدك جذب
اريج : ولج يا ولد هذا متأكدة ولد گولي حلقوم گولي كيك گولي عسل صدك چذب هو هذا جيرانا ماهر اليومية متغدي وتعشي يمنه واني مادري بهاي النعمة تجي للبيت امداج غير تگوليلي
ريتاج : امداج انتي ثول شبيج ولج ماتستحين صايره فد مره امشي بدلي وغسلي خلي نتغده ونقره باجر عدنا امتحان عوفي هاي السوالف والشقة التافه
اريج : ماغيرج انتي التافها ،، رحت بدلت ملابسي وتغديت وبدينا نقره اني وريتاج بس مو بأيدي ضليت افكر بماهر وبابتسامته حسيت عيونه سحرتني من باوع عليه ،، ثاني يوم بدلتا اني وريتاج نريد نروح
اول مطلعت للدوام صار بوجهي شوفي لج شوفي هذا الصباح الزين ادري اهلك ميريدوك عايفينك ظيم على گلبي
ريتاج : اتأدبي ولج وامشي والله عيب عليج شوف وجهج شلون صار فضحتينه الولد يباوعلج ولج لا يكول لاخوي يطيح حضج والله امشي
اريج : انتي دومج معقدة ولي ،، بعيد عنه شلون سمع شگد خوافة انتي ،، مشينا شوية وطلعنا من شارعنا وهو صار بصفنا وريتاج تمشي طايره لو مو عيب چان شالت صدريتها وركضت
ضليت اني وراها وامشي عادي بس توترت من حسيته قريب عليه ،، چان يگولي صباح الخير ،، باوعت عليه هم مبتسم ،، ماگدرت حتى ارد من التوتر وگلبي احسه يريد يطلع من بين ظلوعي
مشيت سريع ووصلت لريتاج
ولج عوبه الله لا ينطيج ليش عفتيني وحدي بعد ما امشي وياج لو تموتيت
ريتاج : شبيج وجهج تغير لونه
اريج : باوعت وراها ريتاج وبسرعة درت وجها گتلها لا تباوعين ولج هذا طلع مايستحي
ريتاج : يااا عزاااا شنو شبي شسوه
اريج : ولج اجه يمشي بصفي وگالي صباح الخير واني شردت اجيت يمج بس لا تباوعين وراج هسه يگول يحجن عليه
ريتاج : لا والله مايستحي لان سلم گال صباح الخير وانتي التستحين وشردتي وقبل شوية تتغزلين بلولد وخدودج طماطة وهسه صرتي ليمونه لان گال صباح الخير ،، هههههه هسه منو خوافه هههه
اريج : هو اني صوجي اسولف وياج وبعد اذا رحتي وعفتيني امشي وحدي صدك بعد ماروح وياج للمدرسه واضل امشي وحدي ............
اشوفكم بخير ولا تنسون التصويت ⭐⭐⭐