رمضان كريم في بيت العائلة
الثالث
عمر واقف مع حمزه علي اول الشارع
عمر : فهمت هتعمل ايه يا حمزه
حمزه : يا عم فهمت خلاص. هظبط كل حاجه
عمر : عارف يا حمزه الواد ده لو قرب من البيت هعمل فيك ايه
حمزه : يا عم متخفش. انا يعني غبي. انا بفهم كويس اوي.
عمر : ربنا يستر. انا بقلق منك
حمزه : يا سطا متخفش اللي هيعدي الحته دي هقطعه
عمر : يا خربيت ام الافلام اللي كان دماغك .. المهم ركز
حمزه : مركز . روح انت شوف حالك
. عمر مشي. وحمزه وقف علي أول الشارع
رجع البيت
يونس : عمر. كنت فين يا جدع
عمر. : كنت بجيب حاجه
يونس : فين الواد حمزه طلبت منه يجيب دسته جاتوه
عمر : حرق نار في جتهم
يونس : مين دول
عمر : الناس بتوع محل الجاتوه . عندهم زحمه يا راجل. وشكله كده مش هيجي قبل اسبوع
يونس : قول خلاص يرجع. امي عامله عصير وفي كيكه انا قولت ازود بس
عمر : امك عامله كيكه . من أمتي يا خالتي وانتي بتعرفي تعملي كيكه
خرجت ام يونس : هههه . دي البت حور هي اللي عاملته انما ايه تسلم ايديها جابت الطريقه من علي النت
يونس : لا والله. من أمتي حور بتعرف تعمل حاجه
خرجت حور : ليه ياعني .. كنت شايفني كتعه
عمر : ده انتي قمر . حد يقدر يقول كده
حور : شالله يخليك ليا يا ابيه عمر . هو في زيك
يونس كشر : ما تلم نفسك انت وهي . ايه الهبل اللي بتقوله ده . وانتي بتدلعي كده ليه
حور خافت ووقفت ورا عمر : حوشه عني يا ابيه
ام يونس : في ايه يا يونس . بتزعلها كده ليه البنت اترعبت
يونس بصصلها بشر وهي خايفه .
عمر : متخفيش يا حور . يونس بيهزر معاكي . ادخلي للبنات
حور : لا انا هنزل
عمر : وهتسيبي يمني لوحدها. هتزعل منك . خوديها يا خالتي
ام يمني : تعالي يا بنتي اما ندخل
بعد اما دخلو . عمر : في ايه يا يونس ..مش كده يا اخي انت بتتعامل معاها بغباء
يونس : اياك يا عمر تقرب من حور مره تانيه . هي خط احمر
عمر :هههههه . قسما بالله انت مجنون. دي اختي الصغيره.
يونس : مش اختك يا عمر .
عمر : ياعيني يا بنتي . انتي هتعانب مع المجنون ده
يونس : تخلص الزفت الجامعه بس وانا مش هخليكم تشوفو ضوفرها.. ابوها رافض اني افتحها في الموضوع حتي
عمر : خير ان شاء الله. العريس اتاخر ليه
يونس : جاي كمان شويه . قالي في الطريق
عمر :يارب العربيه تتقلب بيه
يونس : بتقول حاجه يا عمر
عمر : لا مش بقول . ده انا بكح بس
..
في الشارع
حمزه : واد يا بليه. رميت المسامير
بليه : اه يا استاذ حمزه .كله تمام
حمزه : قشطه عليك يا بليه . ثاني يوم رمضان هنتسحر مع بعض. علشان اول يوم بيكون مع العايله
بليه : ربنا يخليكم لبعض يا باشا والله انتم عائله زي الفل . انتم نوره الحته
حمزه : حبيبي يا بليه . شالله يخليك
وهما بيتكلمو سمعو صوت فرقعه من البيت
. حمزه : يا خربيتك يا بليه . عين امك نحس . البيت بيولع . امااااااي
جري علي البيت وهو بينادي
خرجت امه من الشباك : في ايه يا ابن المجنونه بتزعق ليه
حمزه : في ايه ياما .ايه صوت الفرقعه دي
. ام حمزه : ده ابوك يا واد كان بيصلح اللمبه علشان يعلق زينه رمضان في الشقه
حمزه : يا امي قولتلك متخلهوش يلعب في الكهرباء ، البيت هيولع انتم احرار
خرج الاب : بتتريق علي اختراعاتي يامعفن ما انا لو كنت مخلف راجل كان علق الزينه بس انت خرع
حمزه : تشكر يا ابو حمزه علي التسيح ده .
الاب : جتك نيله
.....
صوت كوتش عربيه بيفرقع
حمزه : وصل وصل. وصل. العريس وصل
خرج واحد من العربيه : الاربع فرد نامت
حمزه :نصحيها يا معلم. وله تزعل
الشاب : انت بتصلحهم
حمزه : اصلحهم ..تعال معايا
الشاب : اصل عندي ميعاد هنا عند ناس اعرفهم
حمزه : لا مينفعش. لازم تكون معايا تعال بس
خده حمزه ومشي ..
...
عمر : دي ايه المواعيد الزباله دي . الواد ده مش قد المسؤوليه
يونس : موبيله مقفول.
عمر :شكله خلع
الاب : ادي مجايبك الزباله يا يونس . شوفت اخرتها
عمر : اخرتها زي الفل . ملهاش نصيب فيه
يونس : شكله حصل حاجه .. اكيد في ظروف
عمر : يا خالتي هاتي الكيكه اكلها انا
ام يونس : من عيني يا حبيبي. عجباك
حور : عملتك سينابون كمان يا ابيه
عمر : تسلم ايديك يا
يونس بصله ... عمر : شكرا يا انسه حور
ضحكت حور عليه
يمني كانت قاعده زعلانه في الأوضه
عليا : متقوليش انك زعلانه علشان العريس اتاخر . اكيد عنده ظروف
يمني كانت سرحانه ويتكلم نفسها كان نفسها يجي علشان تغيظ عمر اكتر واحده ويعرف أن في حد عايزها
عليا : فكي التكشيره دي بقي . بكره رمضان
يمني : كل سنه وانتي طيبه يا عليا.
عليا : وانتي طيبه يا قلبي
.....
مع حمزه
الشاب هدومه اتبهدلت وحمزه قاعد حط رجل علي رجل
حمزه : اخر واحد انفخه بقي
الشاب : انا تعبت. انت ازاي صنايعي
حمزه : ده شكل صنايعي. انا قولت اساعدك وجبتام البتاع ده اللي ينفخ الكوتش. .
الشاب : كده مش هعرف ازور الناس
حمزه : الساعه ١١ بليل تزور مين بشكلك ده. انت تروح تستحمي وتنام
الشاب بصله بقرف ونفخ اخر كوتش ومشي
حمزه : اخيرا انكشح يااااه عيل ثقيل اوي. واد يا بليه. خد المنفاخ ..متشكرين علي الواجب ده
. بليه : العفو يا استاذ حمزه
.......
تاني يوم
اتجمعت العائله كلها للسحور اول يوم رمضان زي كل سنه
..
علي سطوح البيت وفرشين علي الارض والأكل قدمهم
وكلهم متجمعين مع بعض
حمزه دخل عليهم : كل سنه وانتم طيبين يا بشر . رمضان كريم عليكم
ابو حمزه : اقعد يا دوشه .
ام عمر : واد يا حمزه. تعال اقعد جنبي
حمزه: حبيبتي يا خالتي. والله احلي واحده في العائله دي
ابو عمر : بتعاكس مراتي وانا قاعد ياض
حمزه : حصل ومش هنكر
يمني : حمزه هات طبق الفول اللي جنبك ده
. حمزه : لا وانا هاكل ايه
يمني : عندك اتنين . هات واحد منهم
حمزه : لا الاتنين ليا. اصلي بجوع بسرعه
عمر خد الطبق من قدمه : خدي يا يمني.
يمني : شكرا
عمر : من غير نفس . طالعه بالعافيه
يمني : انت بتجر شكلي اهو وانا معملتش حاجه
عمر : هتعملي ايه
ام يمني : بس يا ولاد ربنا يهديكم . سمي الله وكل انت وهو
حمزه : هتاكل البيض ده يا يونس.
يونس : لا . كفايه انت
. حمزه : شكرا. هاته بقي علشان بجوع
عليا : انت ليه بتعامل نفسك معامله الجمل .
حمزه : علشان بجوع. لازم اتغذا كويس
عليا : طيب خد الفلافل دي كمان
حمزه : شالله يخليكي. شوف الذوق. هاتي يا بنتي .. حد هيتبرع بحاجه تاني
ام حمزه : ياض اتسحر وانت ساكت ..صدعت دماغنا
ابو حمزه :عيل صداع . معرفش كنت بتتوحمي عليه في ايه ده
ام حمزه : تقريبا بدلو مننا في المستشفي .
حور : ده عسل يا ماما . متقوليش عليه كده .
حمزه : اختي حبيبي . الشقييقه. محدش بينصفني غيرك
يونس : نلم نفسنا بقي وناكل بأدب
حمزه : تفتكري يا بت يا حور بدلو امك في المستشفي مننا .
حور : تفتكر
.
ابو يونس : ماشاء الله ، جوز مجانين
حور : مجانين بس حلوين .
ابو يونس : انت قمر القمرات يا حور
حور : شكرا يا احلي عمو . انت حبيبي
يونس نفخ . عمر : يا عم خف شويه علينا. كفايه غيره ده ابوك
يونس : حتي لو ابويا . متتضحكش معه ..
عمر : روح اتعالج بقي قرفتنا في عيشتنا
يونس : اسكت وحياه امك . بدل ما البس وشك في طبق الفول ده
.....
حمزه : الحمد لله شبعت اكل
ام حمزه زغردت : يا صلاه النبي. اول مره يقولها
حمزه اتعدل : انا سبت مكان علشان الزبادي . هاتو كرتونه الزبادي بقي علشان العطش
ابو حمزه : يا بني حرام .
حمزه : مش حرام . سيدنا محمد صل الله عليه وسلم
ابو حمزه : عليه الصلاه والسلام
حمزه : قال تسحرو فإن السحور بركه
ابو حمزه : اتسحر ... مش كده انت نسفت الاكل كله
حمزه : لسه الزبادي ياجدعان .. هاتو الزبادي قبل الفجر بسرعه
وهاتو ثلاثه ازايز المايه دي
عليا : خد يا حمزه
حمزه : اتصدقي يا بت يا عليا حلال فيكي الفانوس
عليا : انت جبتلي فانوس
حمزه : اه جابتلكم ثلاثه فوانيس تحت. انتي واحد . و حور واحد ويمني واحد
عليا : طيب هاته العب بيه شويه
حمزه : بعد الفجر. اصل لسه هاكل الزبادي وبعدها هشرب مايه مش عايز اضيع وقت
عليا : ماشي ..هستناك
عمر : انا كمان جابتلكم فوانيس زي كل سنه
عليا : حبيبي يا ابيه . وانت يا ابيه يونس جبتلنا ايه
يونس : مجبتش حاجه .
يمني : لا جبت . شوفت الشنط
يونس : بعد السحور هديكم الهدايا. مش فوانيس
يمني : ايه. قولي
يونس : مفاجاه
...
يتبع