تـنـاثـرو ونـدثـرت

البارت 5

#تــنــاثــرو_ونــدثــرت

#بــقــلــمــي_بــتــول_حــسـيــن

#بــارت5

--------------------------------------

آنه المايدري عايش المن وليش ..
آنه الخلصت حياته بلچمه البيش ..
آنه المدفون خلگه ويحلم بريش ..

-------------------------------------

عادل : اذا اضل هيج اتخبل اني صار كم يوم هنا وهيج انتي ليش فطيره

ريحانة : والله العظيم اني مطلعت هيه قبل متگعد تتغده لبستني عباتي وطلعتني وسدت الباب وخالتك چانت موجوده ،،،، گام من مگانه فجأة وصفك ايد بأيد

عادل : اهاااااااااا هنا الحچييييييب اني اعرررررفها موووووووو وصيتج مطلعين شفتيييييييييي هااااااااا

ريحانة : بعده يحجي ماحسيت غير رفع ايده وضربني على خدي بكل قوته اني انصدمت لزمت خدي وضليت اباوع عليه ونزلن دموعي اول مره يمد ايده عليه ،،، ادنيت صرت بين الكنتور والحايط وخليت راسي بين رجليه وشبگت رجليه وضليت ابجي هو گعد يم الباب وضل ساكت وبعدها اخذ ملابس من الكنتور اعتقد راح يسبح ضليت بمكاني وبعد نص ساعة تقريباً رجع ولا اعتذر ولا حچه وياي اخذ فراش ونام گمت من مگاني طلعت غسلت ورجعت هم فرشت فراش كلش بعيد عنه ولفيت نفسي بلبطانية ماگدرت انام گل شوية اذكر شلون مد ايده وضربني وابچي نمت وماعرف شوكت لان من البچي تعبت وغفيت گعدت عيوني اريد افتحها ماگدر مورمه عيوني گد البچي البچيته والقهر باوعت لمكانه ما موجود طلعت من الغرفة شفت عمتي گاعدة بلهول وبس شافتني ابتسمت بخبث وشماته فرحانة بلمشكلة السوتها همزين مضربني گبالها عبرتها غسلت وسويتلي ريوك ورحت لغرفتي قفلتها وتريكت خلصت طلعت المراعين غسلتهن وسويت غده ورجعت قفلت الغرفة وضليت گاعده وعادل ماعرف وين للعصر گلش يله رجع عرفته طالع للشغل من سمعت صوته طلعت من الغرفة اعرفة هسه يريد غده واني ممتغدية لحد الان خليتله ملابسه بلحمام بدون ماحچي وياه هو ضل يباوع بوچهي لان عيوني لحد الان احس ثگال مورمات من البچي ردت اطلع من الحمام سد الطريق وسألني

عادل : شلونها معزوزتي

ريحانة : ماباوعت بوجها ولا جاوبت ضليت واگفة بمكاني

عادل : ادري اذيتج وادري گلمة اسف متفيد بس انتي هم عذريني چنت مستقر ومرتاح ومن رجعنا لهنا كلشي تغير لو ادري هيج يصير فلا ارجع بس هم ماگدر اعوف اهلي وماعدهم غيري خلي نفسج بمكاني وانتي فاهيه وفطيره ومتشوفين اليصير بينا شنو هذا تدرين كرهت البيت وكرهت الغرفة الگاعدين بيها لان ماعرف شنو يصيرلي من ادخل للغرفة

ريحانة : ضليت منزلة عيوني ومباوعت ابد ولا حچيت شي هو اخذ نفس وتحسر وفتحلي الطريق ابتعدت بسرعة عنه رحت للغرفة ضليت ابچي و ذكرت كلام امي معقولة صدك مسحت دموعي وطلعت حضرت الغده طلع هو اخذت الاكل وراه للغرفة وگعدت اكل بس مباوعت بوجهه ولا حچيت شي هو كل شوية ويجر حسره اخر شي حچه

عادل : تدرين ليش رحت للزياره

ريحانة : رفعت عيوني صارت بعيونه بسرعة رجعت نزلت عيوني واستمريت اكل وماحچي

عادل : هيج متأذية مني ومتريدين تباوعين بوجهي

المهم تذكرين اول يوم ألنا هنا شصار وتذكرين بعدها هم تكرر الشي ،،،، بسبب هذا الشي رحت وطلع مرشوش شي بلغرفة وهيج صار حليت الموظوع

ريحانة : مافهمت شي

عادل : استغفر الله، ريحانة انتي ليش ثولة

ريحانة : لا تتعصب ولا تغلط راح اطلع من الغرفة لا ترجع تضربني، گمت ردت اطلع طفر من مكانه ولزمني رجعني وگعد يشرحلي يله فهمت انو ميگدر يتقربلي ابد لو ضال هذا السحر وصدكت كلام امي هسه وصدكت اني ثولة

عادل : شيلي الاكل وتعالي

ريحانة : نسيت الزعل وضليت افكر شنو اسوي هسه هم ترجع تجي خالته واني ماگدر احچي وياهن شي هو مسويت شي وطلعني برا البيت اذا احچي شيسون بيه ،، رجعت للغرفة بعد مرجعت الاكل للمطبخ

عادل : بعدج ضايجة مني

ريحانة : اكيد الحچيته مو سبب يخليك تمد ايدك عليه مو ذنبي ما اعرف خالتك وامك وماعرف بسوالف السحر وما اگدر من تدك باب غرفتي وتصيحني ما اطلع عيب هذا الشي

عادل : صح كلامج فدوه اروح لگلبج الطيب

ريحانة : گام من مگانه وباسني براسي واعتذر مني سكتت ماردت المشكلة تكبر طلعت من الغرفة اسويلة چاي خليته على الطباخ وغسلت المواعين واخذتلة الچاي وطلعت من المطبخ لگيته بغرفت عمتي وصوته عالي
اوووو هم راح يرجع يتعارك وياها ويطلع حركته بيه ضليت واگفة بلصاله شوية وطلع باوعلي واخذ الچاي من ايدي

عادل : فرغي الغرفة بسرعة علمود اطلع الكنتور وباقي الغراض

ريحانة : ليش وين تريد نروح

عادل : بغرفة امي

ريحانة : لا تسوي مشاكل ترا اني تعبت من اجيت لحد الان بقلق وخايفة وبس هوسه ومشاكل خلينا بغرفتنا

عادل : انتي معليج اني راح اطلع غراضها اخليهن بغرفتنا بس سوي الگتلج عليه يله وهسه اني اساعدج

ريحانة : رحت فرغت الكنتور وطلعت الغراض بلصالة. وهو طلع الشغلات الثكيلة خلاهن گلهن بلصالة وراح لغرفة امه يطلع الغراض ويخليهن بغرفتنا وهيه طلعت تغلط وتدعي وتصيح وعادل ماحچه وياها ابد اجه عمي وبسرعة اخذه عادل برا وشوية ورجعو وهيه ضلت تشگي من عادل وعمي ابد ماحچه وساعد عادل بلترتيب وثنينهم سكتو عنها وهيه نار وشتعلت اريدها تسگت ماكو خلصو نقل الغراض ودخلت للغرفة ارتب الملابس بس ظهري احسه تكسر من التعب رتبتهن بسرعة بسرعة وسويتلهم عشه وعمتي لحد الان تغلط على عادل وتدعي لان بدل الغرف وعادل مغلس وفعلاً صدكت كلام امي وعادل اول يوم نمنا بهاي الغرفة كلش رتاحيت بس اعرف هاي الراحة مدوم وراح يرجعن يسون شي مر تقريباً شهر هدوء وماكو مشاكل والايام متشابها وكل فتره اروح لاهلي وامي تجيني كل فتره وعادل نبهني من تجي وحده من الجوارين ادخل لغرفتي لان بطني كبرت شوية ومو مال اول شهر أليه مبينه خاف وحده تشك وعمتي خوش حجه اخذتها من تجي وحده تضل تشكي مني واني مغلسه عنها هذا الشهر الفات ماشفت لا خالته ولا بنتها ما اجني للبيت بس چانت عمتي تطلع دائما وتروحلهم
-------------------------------------------

عقيل : بعد مرجعت ريحانه تتواصل ويانا ونحلت المشكلة ابوي رجع يبرد وتروح العصبيه منه شوية شوية من تسلم عليه يرد السلام وميحچي بعد بس دائما يسئل امي اذا بيها شي او مسويلها شي عادل واهله وامي اطمنه ماعدهم شي

قبل فتره جيرانه انتقلو للمنطقة مالتنا وشفت عدهم بنيه كلش عجبتني هيه مو كلش حلوه بس انعجبت بيها من ابتسمت بوجهي چانت تصيح على طفل بلباب وممنتبها على وجودي ومن شافتني خجلت وابتسمت بوجهي وسدت الباب ضلت ابتسامتها كل شوية تجي ابألي وابتسم سئلت امي عليهم لان اكيد بدت تگون صداقات وياهم گالت عدهم اثنين بنات ممزوجات واثنين ولد مزوجين وعدهم جهال
اني ارتبكت گلت خاف هاي وحده من نسوان ولدهم مو بتهم ضليت اگعد دائماً بلباب العصر بعد ما ارجع من الشغل واكثر من مره شفتها وتبتسم بوجهي ومره تجرأت ورحت يم بابهم من شفت الشارع فارغ وسئلت الولد الگاعد بلباب منو هاي البنية الطلعتك بلباب گال هاي سناء بعد مگدرت اكثر اسئلة ابتعدت ورجعت للبيت سولفت لامي ،،

ام عقيل : هاي بتهم مو من نسوان ولدهم لان من رحت اكثر من مره گالت هاي بنتي سمره البنيه وعيونها وساع

عقيل : اي يمه

ام عقيل : خلي يجي ابوك واحجي وياه اني حتى نخطبها ألك

عقيل : وصدك من اجه ابوي حجت وياه امي وراحت ثاني يوم ويا ريحانة و خطبتها وبديت ابني غرفه بلطابق الثاني
وبعد اسبوع رجعولنا الجواب موافقين

-------------------------------------------

ريحانة : بيوم الرحت خطبنا لاخوي اني وامي رجعت لغرفتي بيها ريحت زفره كلش مو طبيعيه تخنك الريحة اتوقعت فاره ميته لان الريحة كلش قوية فتحت الشباك والباب وخليت الغرفة تتهوا وهم بعدها نفس الريحة ورجع عادل من الشغل وضل يدور وياي اذا صدك اكو فاره علمود انظف المكان بس ملكينه غبر وصله ورى الكنتور وبيها مثل الصفار وبيها دهن اعتقد وماعرف شنو ومن عدها الريحة وصاير بلكنتور من ورى مثل الدهن عادل راح وذباها كبال غرفة امه عرف بيها شي واني نظفت المكان وطلعت وعمتي صارت بوجهي وتغلط عليه وتگلي هاي سوالفج اليوم انتي طلعتي ويا امج الله يعلم وين رحتي وشنو سويتي وعادل ضل يباوع عليه مثل شك بيه اني ضليت ساكته احسن متصير المشكلة اكبر ومن هذا اليوم عادل تغير كلش وصارت جيات خالته وبنتها وياها تكثر وتعجبت من يگعد وياهن ويسولف ويضحك رحت لامي سولفتلها ضلت تلوم بيه لان ماعرف اصرف وراح يروح من ايدي واني اباوع عليهن شلون ياخذنه صدك كلامها ماعرف شسوي وشلون اتصرف بس اعرف ابچي وبس
كلش اتغيرت علاقتنا اني وعادل احس نفسي عايشه ويا انسان ما اعرفه مرت الاشهر واني متحمله وساكته وصار يتحجج ويضربني ويتماده يوم بعد يوم احسه مو بوعيه ابد من يسوي مشاكل وبعدين يهدء ويعتذر مني وتعودت على ضربه واعتذاره مايهمني بعد وبنت خالته صارت تجي وتضل كم يوم يمنه مو بس تجي كم ساعة وتروح وطبعاً كل مره يدخلن يسولفن بغرفتي ويطلعني واني اعرف راح يسون شي ماگدر احچي خاف يأذني ويصير شي للطفل واني بشهري اخر مشكلة صارت تركت البيت ورحت لاهلي لان كلش اتأذيت من الضرب واخوي وابوي من شافوني بهاي الحاله راحو تعاركو ويا عادل واخوي ضربه طبعاً بلفتره الالتهيت بيها بمشاكلي اخوي ازوج وچنت متعاركة ويا عادل ومنعني اروح للعرس رغم همه جيران اهلي واخوي عزمه لعادل بس هو راد يحقر وياي منعني اروح
بعد المشكلة الاخيره امي گالت تجيبين الطفل هنا يمنا وارتاحي وخلي عافيتج ترجع والله كريم نشوفها شلون تنحل وفعلاً ولدت يم اهلي وجبت ولد سميته (احمد) وجان اول ورقة بأول ربيع أليه وعادل عرف جبت واجه يعتذر ويتوسل بأبوي يرجعني وبعد ميكررها ويمد ايده عليه ورجعت علاقتنا قوية مثل الاول بس بنت خالته مستحيل تتركنه بعد ماعرفت رجعت وجبت ولد لعادل ابتعدت وبعد ما أجتي للبيت فتره وصار البيت هدوء وماعرفت هذا الهدوء القبل العاصفة عاصفة الخذلان العاصفة الجانت سبب بدمار حياتي وحياة عادل ،،،،،،،،،،،

شنو توقعاتكم شنو راح يصير ويا عادل وريحانة

اشوفكم بخير ولا تنسون التصويت وتعليقاتكم وتوقعاتكم والتعليق والتوقع الصحيح انشره انطلقو
❤️❤️