حب محرم

الفصل الثاني

ركضت العائلة بعد سماع خبر حادث حازم مشرعة إلي المستشفي حتي وصلوا. فاقتربت رانيا من إحدي الممرضات الجالسات في غرفة الاستقبال لتسألها عن غرفة زوجها
رانيا و هي تلهث:- بعد إذنك، جوزي عمل حادثة و إنتوا نقلتوه المستشفي هنا. هو في انهي دور ولا لسة في أوضة
الممرضة:- اسم جوز حضرتك إيه؟
رانيا:- حازم، حازم سيف الدين الممثل، عمل حادثة و جالي خبر أنه موجود هنا
الممرضة:- طب لحظة واحدة اشوف في السجلات عندنا
لتقول الممرضة بعد بضع دقائق
الممرضة:- ده فعلًا يا فندم هو موجود عندنا بس هو في غرفة العمليات دلوقتي
رانيا:- و فين غرفة العمليات دي؟
الممرضة في الدور الرابع بس حضرتك مش هتعرفي..
لتركض رانيا سريعًا دون أن تستمع لباقي حديث الممرضة حتي صعدة إلي الدور الرابع لتركض اتجاه غرفة العمليات و كانت تحاول اقتحامها ليتتفض الأطباء و يأمر رئيس الأطباء تحد الممرضة بإخراج زوجة المريض من الغرفة بينما كانت رانيا تبكي و تنوح هاتفة باسم زوجها الذب لا يعي شيء من حوله سينجح الأطباء اخيرًا في إخراج رانيا من الغرفة بعد عناء لتخرج رانيا و لكنها تتمسك بإحدى الممرضات و تنزيل إليها باكية قائلة
رانيا:- من فضلك استني طمنيني علي حازم هو عامل إيه؟ حالته خطيرة ولا لاء؟ طب العملية هتنجح ولا لاء؟ طب هو بقاله قد إيه جوة؟ من فضلك تطمنيني قوليلي أي حاجة
الممرضة:- ممكن من فضل حضرتك تهدي أنا للأسف مش عارفة افيد حضرتك بأي معلومة تخص حالة أستاذ حازم، كل اللي عليكي انك تفضلي هنا و تدعيله ربنا يشفيه و يقومه بالسلامة و من فضلك متحاوليش تقتحمي غرفة العمليات تاني عشان ده غير مسموح. أنا يرجو حضرتك تفضلي قاعدة هنا و إحنا بنبلغ حضرتك بأي حاجة بتحصل بعد العملية. ادعيله
رانيا ببكاء:- يا رب، يااا رب قومه بالسلامة و رجعهولي يا رب.
كان الوقت يمر ببطء و كأن رانيا منتظرة منذ أعوام، لا أحد يخبرها بشيء عن حالة زوجها مما جعل خوفها يزداد و كأنها تشعر أنها ستفقد زوجها. ظلت هكذا حتي شعرت بيني و هاتفها لتنظر إليه بحزن و إرهاق لتجدها والدة حازم بتبقي في حسرة من أمرها لبعض الوقت، هل تجيب و تخبرها بالحادث الذي قام به حازم أم تنتظر ولا تتسرع حتي تعرف طبيعة حالة زوجها لتقرر أنه لا مفر من أخبارها الحقيقة فأجابت رانيا علي الهاتف و لكنها سمعت صوت نياح والدة حازم قبل أن تنطق بشيء فسمعتها رانيا تقول ببكاء.
والدة حازم:- رانيا هو صحيح اللي بيقولوه في التليفزيون ده ؟ حازم عمل حادثة و في المستشفي؟
لتفهم رانيا فقد نسيت لوهلة أن زوجها ممثل معروف و بالطبع حدث كهذا لا يمكن أن يظل مخفي لفترة طويلة، وبالطبع قامت الصحافة و التليفزيون بنشر أخبار عن الحدث بل أنه لا شك أنها إذا خرجت من المستشفي اليوم فسيجتمع الجميع حولها ليطرحوا عليها أسئلة لا تنتهي. عادت رانيا من شرودها لتنتبه لوالدة حازم التي تحدثها علي الهاتف
والدة حازم:- ماتنطقي يا رانيا، حازم حصله إيه بالظبط؟
رانيا:- أنا مش عارفة، معرفش ايه اللي حصل، كل الموضوع أن حد كلمني قالي أن حازم في المستشفي و عمل حادثة و كل نسأل حد يقولي استني، لسة مش عارفين، هنبقي نوافيكي بالأخبار غير كده معرفش
والدة حازم ببكاء:- طب إنتوا في مستشفي إيه؟ قوليلي و أنا هجيلكم دلوقتي
أخبرت رانيا والدة حازم بعنوان المستشفي ثم أغلقت الهاتف وعادت تنتظر أحد الاطباء يخبرها بأي تطورات عن حالة زوجها. كانت الساعات تمر ببطء دون جديد حتي انضمت عائلة حازم لزوجته و كان كل فرد شارد غير واعياً لما يدور حوله. كانت والدة حازم جالسة في ركن بمفردها تبكي و هي تنظر لزوجة ابنها و والده كان يتجول في الممر و هي يقرأ بعض الأدعية أما فهد صديق حازم فكان جالسًا بجانب رانيا التي لم تتوقف عن البكاء و هو يحاول تهدئتها قائلًا
فهد:- ماتقلقيش يا رانيا أن شاء الله حازم هيفوق و يقوم بالسلامة و يرجعلكم أحسن من الأول
رانيا:- أحسن من الأول إزاي؟ انت مش شايف؟ ده إحنا داخلين علي ست ساعات و محدش خرج يطمنا علي حالته، هو في إيه؟ ليه محدش بيطمنا؟ ايه اللي بيحصل جوة أوضة العمليات كل ده؟
فهد و هو ممسك بيد رانيا:- ماتقلقيش كله هيبقي كويس و أن شاء الله تطمنوا علي حازم
لم يكد فهد ينتهي من جملته حتي تفاجأ الجميع بالطبيب يخرج من غرفة العمليات لتركض الجميع إليه و يبدءوا في طرح الأسئلة عليه
والدة حازم:- كمان يا دكتور ابني حازم بقي عامل إيه دلوقتي؟
رانيا:- أيوة من فضلك يا دكتور قلنا بصراحة و متخبيش عندنا حاجة. حازم هيبقي كويس صح؟
الطبيب:- العملية مكنتش سهلة أبدًا، الحادثة اللي عملها الأستاذ حازم مكنتش سهلة خالص و نتج عليه حدوث كسور كتير في جسمه، ده غير ان وشه اتعرض لتشوهات كتيرة محتاجة كذا عملية عشان يقدر يرجع لشكله الأولاني و حتي نسبة رجوعه لحالته اللي كان عليها قبل كده دي مجرد احتمال و احتمال ضئيل جدًا كمان
والد حازم:- تقصد ايه يا دكتور إحنا مش فاهمين حاجة ممكن حضرتك توضح
الطبيب:- قصدي أن في احتمال كبير أستاذ حازم يعيش مشوه طول عمره
وقع الخبر علي أذان الجميع كالصاعقة غير مصدقين حديث الطبيب لتقول رانيا
رانيا:- مشوه يعني إيه يا دكتور؟!! يعني إيه مشوه يعني؟ لو إنتوا مش عارفين تعالوا جوزي قولولي ة أنا انقله من المستشفي دي المستشفي تاني أكبر و هما يعالجوه هناك لكن تقلي أن جوزي ممكن يعيش مشوه طول عمره و الكلام الفارغ ده كش هقبل بيه
الطبيب:- اهدي يا مدام رانيا، صدقوني يا جماعة أنا مقدر خوفكم و الحالة النفسية السيئة اللي إنتوا فيها و عارف قد إيه الكلام اللي بقلهلكم ده صعب بس صدقوني الموضوع مش مرتبط بالمستشفي فيها إمكانيات علاج جوز حضرتك ولا لاء، لو علي المستشفي فأحنا عندنا كل جاجة بس النوعية دي من العمليات بنضطر نلجأ لخبراء من برة عشان ينزلوا مصر و يعالجوا الحالات دي و للأسف الدكتور اللي احنا بنتعامل معاه في الحالات دي مش موجود في مصر دلوقتي هو رجع لندن عشان عنده عمليات هناك و امكانية أنه ينزل القاهرة تاني الفترة دي صعبة. عمومًا لو عاوزني ابعت ايميل لأخصائي التجميل اللي كلمتكم عنه أنا مستعد أروح اكلمه دلوقتي عشان ابلغه بحالة حازم بيه و ابعتله التحاليل بتاعته و اشوف رده هيبقي إيه و أن كان هقدر يعمل العملية ولا لاء و لو قدر هيبقي امتي بالظبط اقرب وقت و برضه لو عاوزين تنقلوا الباشا من هنا أنا مش همنع حضراتكم بس صدقوني الكلام اللي قلته مش هيختلف كتير عن الكلام اللي أي دكتور تاني هيقلهلكم بخصوص حالة حازم بيه و ارجو أن قرار النقل ده كمان متخدوهوش دلوقتي لحد منطمن علي الباشا و نشوف حالته هتوصل لحد فين و بعد كده أنا تحت امركم
والد حازم:- طيب ممكن حضرتك تبعت للدكتور ده تكلمه و تشوف هيقلك إيه في حالة حازم لحد ما إحنا نفكر مع بعض و نشوف أنهي اللي في مصلحة ابننا
الطبيب:- اللي حضرتك تشوفه طبعًا
والدة حازم:- طب هو كده ابني لسة فيه خطر علي حياته؟
الطبيب:- للأسف يا هانم حازم بيه لسة متخطاش مرحلة الخطر لأني زي ماقلتلك الحادثة مكنتش سهلة و محتاجين نعمل كده عملية تانية لحازم بيه بسبب الكسور اللي في جسمه و لحد الوقت ده هيبقي صعب تشوفوه أو تزوروه و اللي ربنا عاوزه هيكون و أن شاء الله ابنكم يقوملكم بالسلامة ادعوله بعد إذنكم.
كانت والدة حازم تستمع إلي الطبيب و هي في حالة إنهيار صم سقطت علي الأرض و هي تبكي ليحتضنها زوجها و يحاول أن يطمئنها أن ابنهم سيكون بخير لتقع مغشيًا عليها ليفزع زوجها و يدعو الأطباء ليعاونوه بينما رانيا لا تقل حالتها سوءًا عن حالة الجميع لتركض إليها فهد و يحتضنها و هو حزين علي حال صديقه بل صديق عمره..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

كان عالي جالسًا في منزله مع والدته التي كانت تطعمه لتجد زوجها يدخل المنزل و علي وجهها معالم الحزن لتندهش والدة علي و تجلس بجانبه لتسأله عن سبب حزنه
والدة علي:- مالك يا عزيز في إيه؟
عزيز:- مافيش يا سيدة مافيش سيبيني في حالي دلوقتي ربنا يخليكي
سيدة:- لاء مافيش إزاي بقي، ده فيه و نص أكيد انت مش مكشر كده لله في لله قلي مالك بس جايز أعرف اساعدك و اهون عنك
ليلتفت عزيز إلي علي ثم ينظر لزوجته التي تفهمه لتأتي بجانب علي الذي كان ينظر إليهم و تقول
سيدة:- خلصت اكلك يا حبيبي؟
علي:- الحمد لله بس أبويا ماله زعلان ليه؟؟
سيدة بخيبة أمل:- و اللهي معرف يابني بس أن شاء الله خير المهم قوم أنت يلا اغسل إيدك و أنا هقعد مع أبوك أشوف ماله؛ تحب أجي أساعدك؟؟
علي:- لاء يا ماما كتر خيرك، أنا عاجز اه بس اقدر أمشي و أقف لوحدي و اغسل أيدي بنفسي و أكل لوحدي بلاش يا أمي تحسسيني أني عاجز أو أني عالة علي حد أنتي عارفة أنا بكره الشعور ده قد إيه؟
سيدة بدموع:- لا عاش ولا كان اللي يقول عليك كده يا حبيبي صدقني أنا مكنش قصدي احسكك بالكلام ده خالص حقك عليا يا حبيبي خلاص يا سيد الرجالة قوم اغسل إيدك و أنا هشوف ابوك ماله.
قالتلي بالفعل لتعود سيدة لزوجها مجددًا
سيدة:- في إيه يا عزيز أنت خلقتني ايه اللي حصل و مخليك مضايق كده و مش عاوز علي يسمعه
عزيز:- حازم يا سيدة
سيدة و قد رأوها القلق:- ماله حازم يا عزيز، انطق بقي نشفت دمي
عزيز:- حازم عمل حادثة يا سيدة و هو دلوقتي في المستشفي بين الحياة و الموت
سيدة و هي لا تصدق ما تسمعه:- يعني إيه بين الحياة و الموت؟ ايه اللي حصل فهمني
عزيز:- معرفش تفاصيل يا سيدة، كل اللي اعرفه انه عمل حادثة و هو في المستشفي دلوقتي حالته خطيرة. من شوية البيه والده و الهانم شفتهم و هما بيجروا مش شايفين قدامهم، حاولت أعرف في إيه بس معرفتش و دلوقتي الخبر بقي مالي كل الجرايد و التليفزيون. الصحفيين ملهمشسيرة غير الموضوع ده..
سيدة ببكاء:- يا عيني يابني ده لسة في عز شبابه، هو ممكن ميقمش منعا يا عزيز
عزيز:- الأعمار بيد الله يا سيدة، علي العموم أهله هناك و أن شاء الله يرجعلنا كلنا بالسلامة
سيدة:- يا رب، طب إحنا هنفضل قاعدين كده؟!! إحنا لازم نروح نزوره في المستشفي و نطمن عليه و نفضل جنبه.
عزيز:- إحنا لا هنروح ولا هنيجي، اصلًا هما كده كده مانعين الزيارة يعني مرواحنا مش هينفع ولا هيفيد بحاجة. إحنا خلينا هنا مكاننا لحد ما البيه و الهانم يرجعوا و يطمنونا علي حالته و حتي لو هنا مطمنوناش التليفزيون هنقلها كل الأخبار، أنتي بس ادعيله
سيدة:- إزاي عاوزني أفضل قاعدة هنا و هو بيصارع الموت!! ده حازم يا عزيز، عارف يعني إيه حازم! ده احنا عمرنا ما ربنا بينه و بين علي ابننا و هو عمره ماعاملناعلي إننا البوابين اللي شغالين هنا، علي طول بيعاندك زي ابوه و أنا زي أمه و علي زي أخوه. إزاي يعني متبقاش واقفين ٠نبه في الظروف اللي هو فيها دي. بعدين أنت عارف إننا عمرنا معاملتها علي أنه اين الناس اللي احنا شغالين عندهم، حازم ده أنا بعمله زي ابني؛ أنا أوقات بحس انه ابني بجد. مش هقدر اقعد هنا و أتصرف كأن مافيش حاجة حصلت؛ أنت مش فاهم أنا حاسة أن فيه حاجة تقيلة علي قلبي دلوقتي، حاسة أن قلبي انسحب من مكانه. مش هقدر أفضل قاعدة هنا
عزيز:- صدقيني يا سيدة حبك لحازم ميقلش عن حبي للولد ده و أنا فاهم كل اللي انتي بتقوليه و عارف أنتي حاسة بإيه لأنه ميختلفش كتير عن اللي أنا حاسه دلوقتي. بس انتي عارفة علي متعلق بحازم قد إيه و مش هيستحمل أبدًا الخبر ده و الواد فيه اللي مكفيه و بعدين عاوزاني اعرفه فيجب هو كمان يروح المستشفي اوديها إزاي ساعتها، أخرجه إزاي للشارع و شكله كده. مش هقدر استحمل اسمع الناس و هما بيلقحوا كلام عليه كل شوية و علي شكله و علي عجزه ولا لما نروح هناك و مدام رانيا تعينازي كل مرة و تهين علي كعادتها. حازم معزته عندك متختلفش عني صدقيني بس كمان أنا مش راجل معنديش كرامه عشان يشوف ابنه بيتهان كل شوية و يفضل ساكت. لو انت عاوزة تطمني علي حازم قيراط فأنا عاوز اطمن عليخ ٢٤ قيراط بس علي مينفعش يعرف دلوقتي و إلا لا انا و لا أنتي هنقدر نوقفه عن زيارته لحازم. استهدي بالله كده دلوقتي و أنا هبقي اطمنك عليه كل معرف حاجة جديدة عن حالته. قومي شوفي علي بيعمل ليه دلوقتي و هصليلي ركعتين أدعي ربنا يقوملنا حازم و يرجعلنا بالسلامة.
قامت سيدة بعناء لتطمئن علي ابنها علي و تطمئن أنه لم يصل إلي مسامعه أي شيء من حديثها مع زوجها بينما قام عزيز و أحضر المصلاة و أخذ يسجد اما ربه و هو رافع يديه للسماء طالباً من الله ان يترأف علي عائلتهم و يمد يد العون لحازم. كان عزيز يبكي بقوة و هو يدعو علي الرغم من محاولاته لإظهار قواه أمام زوجته علي مدار الدقائق الماضية و لكنه لم يستطع الصمود أكثر.
بينما في المستشفي كامت عائلة حازم مازالت جالسة كما هي لم تتحرك في انتظار أي جديد و كانت والدته جالسة في إحدي الغرف بعد فقدانها للوعي و زوجها بجانبها منتظرًا اياها تستيقظ لتفتح عينيها بعد بضع دقائق
والدة حازم:- فيه اخبار جديدة عن حازم ابني؟
والد حازم:- لسة يا حبيبتي، استريحي أنتي و ماتقلقبش الدكاترة مش ساكتين و متابعين حالة حازم و أن شاء الله خير بإذن الله
والدة حازم:- عاوزة اقوم أشوفه
والد حازم:- تشوفي مين دلوقتي! أنتي مسمعتنيش الدكتور قال ممنوع الزيارات؟ مش هنعرف نشوف حازم غير بعد ما الدكتور يأذنلنا بكده. ريحي دلوقتي و بكرة يحلها حلال أن شاء الله.
والدة حازم:- قلبي واجعني عليه أوي يا سيف، مش قادرة أفضل قاعدة كده و ابني بيصارع الموت جوة
والد حازم:- أنا عارف واللهي عارف و أنا حالتي متفرقش عنك بس لازم نبقي متماسكين عشان خاطر حازم. حازم قوي و هيرجعلنا بالسلامة أنا عارف و متأكد. أنتي بس ادعيله. أنا قايم اشوف الدكتور و الممرضة هتجبلك حاجة تاكليها دلوقتي و متقوليش لاء
والدة حازم:- هي رانيا فين؟؟
والد حازم:- أنا خلتها تروح عشان متسبش بنتها أكتر من كده و فهد راح يوصلها و بكرة هيبقي يجيبها و ييجي علي المستشفي أن شاء الله و أنتي خليكي مستريحة لحد مرجعلك..
خرج والد حازم بينما ظلت زوجته تبكر و هي تنظر للسماء و تدعو ربها ان يعيد لها ابنها معافي مما أصابه..

انتهي الفصل
ماذا سيحدث في الفصول المقبلة؟ ما هو مصير حازم بعد الحادث؟ هل سيظل مشوه أم للقدر رأي أخر؟ كيف سيغير هذا الحادث حياة حازم و ماذا يخبئ له الحياة بعد؟ سنعلم في الفصول المقبلة من حب محرم