رواية #نا_وضنوة_راجلي
الحلقه (الخامسه )
قراءة ممتعه 😁
وصلنا لعند مازفو عمتكن سناء ووصلوها لفيلا ليث وطبعا كانت راكبه من قدام مع ليث اللي اول ماوصلو للفيلا ودخلها سيبها وخش للتواليت وسناء حست بغيابه وطبعا لانها مغطية بالبرنوس ماشافت شي وقعدت دقايق مصبيه بعد ملت رفعت البرنوس من علي وجهها وشافت للفيلا كانت في قمة الرقي والفخامه وسناء الفم مفتوح منعجبه بالفيلا واتلفت علي كل جيهه وتشوف للاثاث بعدها ركزت علي حالها وقرنت حواجبها ولاحظت غياب ليث وقالت بصوت واطي : هضا وين مشا وخلاني واقفه بروحي تقول عمود ,,? اووووف وين نمشي ولا وين نقعد ,?
وكانت محتارة وحايسه علي طلعت ليث اللي قارن حواجبه وشافها بدون برنوس وطرحه ولاحظ توترها ,
سناء قرنت حواجبها وقالتلا : معليش نبي نعرف وين نغير ,, اذا مافيها ازعاج لكي 😒
ليث : اهي الدار قدامك ,, 😐
ومشت من جنبه وهي مقهورة من معاملته ووجعتها روحها ان حظها هكي وخشت لدار النوم وانفجعت من جمالها ,,😍
سناء : حي عليك ياسناء هذي داري نا توا ?? وااااوووو ولا في الأحلااام يابت ,,😍
طبعا الغرفه من الخارج تفصيل ابيض في الذهبي وكانها غرفة ملوك وعالسرير زي القوس وعليه ناموسيه بالحرير راقيه مغطيه السرير كله ومرفوعه من الجنب واللحاف الابيض مغطا بالورد الأحمر وكانت الغرفة كبيييرة ومقسومة نصين نص فيه السرير والدولاب والكوميدينات والزيانه وكنبه عند رجلين السرير,, والقسم التاني كأنها قعده افرنجيه كرسي انتريه وبينهم طاوله وتلفاز معلق مقابل الصالون والروشن عليه ستارة ملكيه اتهبل والغرفة مغلب عليها اللون الموف الغامق والذهبي الستارة والفرش يعني ,, المهم الغرفه كانت راااقيه وعجبت عمتكن سناء وبعد فاقت علي روحها فتحت باب التواليت الملحق فيها وقبل عيطت ,,
سناء : ينعلياااا هضا حمام واا غرفة نوم صغيره 😨
والله وعوضني ربي بعد معاناتي مع صباية خوتي النوباجات ,,😁
وحاولت تفك السوسته ماعرفتش وقعدت اتحاوس بيها نين اظطرت تطلع من التواليت وشافت الغرفة مازالت فاضيه وطلعت الصالة لقت ليث مقمعز عالصالون وماسك سبسي وسارح وعجبها شكله وهو سالح جاكيت البدله وقاعد رجل علي رجل وكف يده علي وجه ومتكي عالصالون بمرفقه ومش فاطنلها بكككل وسناء ابتسمت علي شكله ,, وقربت بخجل وهمست : ليث ,, ليييث !!
وطبعا مازال ماسمعها فطلعت بالشخصيه الحقيقيه وقالت بصوت عالي : لييييث ? 😒
والراجل شافلها بفجعه وقاللها : كنك ? 😬
سناء انقهرت من اسلوبه وردت : خلاااص معش نبي شي ,
ومشت اتكركر في فيلوها للدار وهي الدمعة علي سبلة ,, وقفلت الباب بالقوة ,,الشي اللي تعجب فيه ليث ,, وتنهد وقال : هذي كنها ? اووووف وسع بالك ياليث البنت مالهاش ذنب ,,
وصبا مشا ناحيه الدار وفتحها ددون مايخبط والقي عمتكن سناء فاكة الطرحه وايديها ورا ظهرها اتحاول تجبد السوسته وفهم انها تبي النساعده وعشان هكي جاته ,, فقرب منها ومسك ايديها وتنفجع عمتكن سناء بس عرفاته هو وهذي اول لمسة بيناتهم ,, احسبن اللمسات يامليشياتي باهييو ,😁
المهم قاوماته سناء ماتبيهش يساعدها وهو مستغرب عنادها ولفها بقوة ناحيته يبي يحكي معاها وانصدم بعيونها المليانات دموع وعلي سبلة بكيتها وهي ماسكة روحها بالقوة ماتبيش تبكي قدامه ,
ليث بصوت واطي : مش قصدي انزعلك ممكن تخليني اتساعدك ? عشان تغيري وترتاحي ,
سناء ماحكتش معاه ولفت عطاته ظهرها وفتحلها سوستة الفيلو ولاخظ بياض بشرتها ونعومتها وبلع ريقه وهز راسه وطلع وبعد سكر الباب عرفت سناء بخروجه ,, وغنضت عيونها بقهر ودموعها نزلن علي خدودها ,
وخشت للتواليت دوشت ولبست بيجاما ورديه نص كم وهاديه وجففت شعرها وكحلت عيونها ودهنت وجهها بكريم ليلي مرطب ودارت روج وردي هادي وقالت : مغير عليش انفتلك بس ,,اخخخ باين حظي من اوله ,,همم ,, يمشي يروح ,, نبي ناكل نا توا جيعانه 😓
وترددت تطلع ولا لا وبعدها قررت اطلع واطلعت مالقاتش وقعدت تقصقص كل مرة مندلشه في تركينه وتنفجع بالاثاث والتحف هضا كله عشان تبي المطبخ 😁 ولعد عدة لفات ودوخات لقت مبتغاها ومانحكيلكن عالنطبخ واثاثوه ولا الاكل وحركاتوه 😁
طبعا طاولة المطبخ عليها عشا العرسان خبر نعرفه وخبر ماعمري ضقته 😂 وتقربت سناء وقالت : حي حي واخيرا العشاء 😍 ينعليا رز بالخلطه وعصبان 😋
وقمعزت ولا دورت الراجل بالكي ايتعشا ولا تعزمه حتى بالكذب وقول خاطري نست انها عروس او تجوزت اصلا ,,😂
وقعدت ترفع في القزير من علي الطعام شي رز بالخلطه ومعاه عصبان ومصارين محمرات وسيخ بالدجاج ومبطن وفخذه وسلطات شي مشوي شي خضر علي سلطة الجزر والبازيلا ودجاج محمر كنتاكي ومشروب طبيعي وغاز وفواكه من كل شكل ولون خاطي الحلو شي بقلاوة علي بسبوسه علي كنافة وتورتا صغيرة بالشوكلا والكرز ومحشيه بالكريمة والكرز والبندق 😋 ينعليا سهفت روحي قبل مانسهفكن ,,😁😂
المهم قمعزت صاحبتكن لا بيها ولا عليها طايحة في الوكال بيديها وفي اللحظه هذي خش ليث من برا الحوش لعد حس انه زعل سناء وجعاته وضميره نغزه وطلع للحديقة قمعز فيها شوي وهو متمدر وبعد هدا فكر ايخش لسناء يراضيها وايحاول ايفهمها وضعها معاه وانها لازم تصبر عليه لان اخلاصه لزوجته واقف حاجز ببنه وبين اي وليه مش هي بالزبط ,, وخش وهو ايدور في الكلام اللي لازم ايقوله واتجه لغرفة النوم وخبط عليها وفتحها وخش مالقيهاش ,, قرن حواجبه وطلع ايدور عليها واخر مكان مشالا المطبخ وهنا كانت المصيبه,, لقد وجدها 😂 زودتها عارفه
المهم القيها تاكل والشدوق مليانات وهي منسجمة وقعد مصبي يتفرج عليها وجذبه منظرها زي الطفلة تاكل وفرحانه تنحنح عمكن ليث وسناء قبل ماتت من الغصة نين قرب منها ومدلها كاسة ميه ,
ليث : بشواش علي روحك الوكال قاعد نش طاير ,
سناء شافتلا وعرفت ان البرستبج طار من اول ليله وفكرت ان الافضل تقعد بطبيعتها مادام هو مش مبين روحه منجذب لها ,, او انه مش معدل عليها ,
سناء بتردد: اسفة ماناديتكش لاني مالقيتكش ونا بصراحة كنت جيعانه ,, فالقيت النطبخ وسهفني الاكل ,
ليث : صحتين اصلا العشا لكي ,, وعادي هضا حوشك توا ,, خوذي راحتك ,
سناء : لا ماتخافش واخذه راحتي حتى نا ,
ليث : سناء نبي نقولك شي وياريت تفهميني كويس وماتزعليش متي .
سناء بعفويه : قبل ماتقول شي مد يدك وكول العشاء حاجة من الأخير راه ,, ونا ناكل واعيوني عالبقلاوة خايفة نشبع معش نقدر ناكل منها 😁
ابتسم ليث وقال : حناكل ,, وعادي كولي اللي تبيه واذا شبعتي تلقيها مش خياخذها خد 😊
سناء : عارفه..باهي احكي سن تبي اتقول ?
ليث : اوعديني الاول انك تتفهمي موقفي قبل ,
سناء تنهدت وقالت : نوعدك ,,انحاول نفهمك ,
ليث تنهد وقال : طبعا انتي عارفة اني كنت متجوز من ام اولادي وتوفت من حوالي سنتين ونص وكانت حب حياتي من ايام الجامعه ونا وعدتها ان مستحيل نفكر في غيرها ,,
سناء مسكت طاسة الميه وشربت منها وقالت : اها عارفه ,انك كنت متجوز وعندك اطفال ,,بس وعدك لمراتك الله يرحمها ماحد حكاه ليا ,
ليث : تمام ,, وعارفة اني محتاج لأم لاولادي قبل زوجه تكون ليا ولا ?
طبعا سناء قرنت حواجبها وسكتت ,
ليث : كل اللي نبيه منك انك تحاولي تكسبي حب اعيالي وتساعديني في تربيتهم ,و....
سناء قاطعاته وقالت : ريت ياليث بالنسبة لعيالك حنحاول نكون ليهم صديقة قبل الام لان حياتي معاهم لازم نبداها خطوة خطوة ,, لكن نا نبي نعرف وضعي معاك انت قبل شنو ?
ليث سافلها القيها تشوفله بثبات وقال: بالنسبة ليا ولجوازي منك عارف اني ممكن انكون اناني لاني فكرت بعيالي ومافكرتش فيك ,, لكن انا مازلت مانعرفكش وشكلك اجتماعيه وتنحبي ,
سناء ابتسمت بالجنب وحست بسكينه غرزت في صدرها بس بينت روحها عاديه وقالتلا : شوف يااستاذ ليث.,,خلينا في الأول نتعرفو علي بعضنا الاول ونكونو اصدقاء ونعطو رواحنا فرصة عالاقل نتفاهمو ونتعودو علي بعضنا ,, ونتعرف علي اولادك ,, واذا نجحت في كسب محبتهم نستمر معاك ومعاهم وتكونو اسرتي ,, لاني مانمذبش عليك حتى نا استغليت فرصة بطلبك الزواج مني وحتى نا استغليتها ,,
ليث : مافهمتش. , كيف ?
سناء خذت طرف بقلاوة وقالت : مش توا نحكيلك بعد نكسب ثقتكم ونتعودو علي بعضنا ,,
وقعدت سناء تهدرزله وتحكيله بعفويه وليث يسمع فيها وساكت وايحاوب علي اسألتها بأجابات مختصرة وياكل بهدوؤ عمس سناء اللي قريب تشعبط عالطاوله 😂 وبعد كملو تعشاي وهدريز مع بعضهم ضمت سناء حوسة عشاهم والطعام اللي زاد لفاته وحطاته في الثلاجة وليث ايساعد فيها ونسح الطاوله وسناء مستغربه فيه ميف يمسح وايضم نش متعوده علي راجل ايضم لان خوتها ديما يأمرو فيها امر الا خوها سليم ,,,, وخشت لدار النوم.بعد فرشت سنونها بالمعجون وكانت محتارة في قصة نومها ,, وليث خش وراها وقاللها : عادي تقدري تاخذي السرير ونا تو نرقد الكنبه في الصالة ,,
سناء : لا عادي لو في افراشات نفر تو انفرش ونرقد لوطا عادي ,
البنت هذي غاويه طيح سعد ولا شنو ? 😒
ليث : نش عاوف الحق وحتي لو في نستحيل انخليك ترقدي لوطا ,, عادي نا واخذ عالرقده عالكنبه ,
ومسا عليهم وخذا مخدة وطلع رقد عالكنبه وسناء هشت لسريرها مخنوقه من العبرة وحظها وفي نفس الوقت معجبه باخلاص ليث لزوجته المتوفيه وقالت : معقوله في راجل يحب زوجته ويخلصلها حتى وهي ميتة ?! سبحان الله وناس تغوا بس واتخون وتزنى ,, وتغضب الله عشان يتعذرو بانه ضعيف او غاواته ,,ونزلن دموعها غصبن عنها بعد اذكرت محمود ,, حب مراهقتها وشبابها ,, وكتمت بكيتها عشان مايسمعهاش ليث ويفهمها غلط ,,
وعند سليم متكي في سريره ويفكر وخشت عايشه لابسة روب النوم وطالقة شعرها وبارمة علي رويحتها ومتعطره ولاحظت سرحان راجلها ,
عايشه : سليم كنك ?
سليم تنهد وقال : لا شي مغير شاغلتني سناء خية وحده وحاس روحي ظلمتها اني عطيتها لراجل متجوز وبعايله ,
عايشه قمعزت جنبه عالسرير وقالت : بس سناء وافقت وماعندهاش مشكله ,, ومراته الله يرحمها يعني ,,, وسنيوا حنونه ونستحيل اتعب اعيال راجلها ,
سليم : نا خايف عليها هي ,, لكن لو جتني في يوم زعلانه او شكتلي منهم او حسيت انها مش متريحه حنطلقها منه ,
عايشه شهقت وقالت : كس بس ,, وكنك اطلق فيها ? وبعدين الناس يحكو عليها وايقولو هجالة وماحد ايريحها ,
سليم بعناد : ماحد دخله بيا وباختي ,, واذا جتني وصار اللي قلتلك عليه نبي اندورلها عمل وتشتغل واتعيش حياتها وتقعد معاي في حوشي اخرا ,
عايشه ابتسمت وعرفاته خايف علي اختها وهضا اللي عاجبها فيه حنيته وحبه للي حواليه ,وهمستله : باهي ياخوها عارفينك حنين ,,مافيش حنيه ليا ولا حرام فيا 😉
سليم بلع ريقه وقال : انتي القرعة كلها ياعيووش ,😍
وضحكت عمتكن عايشه وطفت الوناسه وهش هش انتي وهي يالله عاد بلاش تكت اخشوم 😁
وانجو لمكان ثاني بنت في ال18 من عمرها ماسجة فونها واترن وشملها ماتخصلش في اللي اترن عليه ,
وخشت عليها نرا في بداية الخمسينات وقالتلها : هاااا مازال مقفل ولا شنو القصة يامنيه ? 😒
منيه : مقفل ياماما مقفل ,, شن بندير توا 😤
امها : ماعندك ماديري سيورا رادلك وايرن عليك ومرجوعه لكي ,, انتي ناسيه انك مراته توا ولا كيف ,,? المهم افتكينا من البنت سناء اللي مكبد فيها وانزاحت من طريقك وانتي ديري البي قلتلك عليه بس ,😌
منيه قمعزت وقالت : حاضر ياماما ,, محمود حبيلي نا وبس لا سناء ولا غيرها تقدر عليا ,,, وعشان نضمنه ليا فرطت في اغلى شي عندي ,,وهضا اللي خوفني انه ممكن ايسيبني ,
امها ضحكت وقالت : ايسيب من بس ,,اصلا نا حافظته حفظ المهم بعد ايزفك وتقعدي عنده ديري اللي نقولك عليه بس ,😊
منيه.: اوكي يامامي ,😉
ومشا اسبوع وطلع فرح محمود وهو متضايق والكل
لاحظ حزنه عكس يوم بيانه ,, وخذا الغندورة اللي تبي اطير من الفرحه ومترسه فيه اتقول عرسه 🐀 😒 واول ماخششها للشقه اللي بانيها فوق من هله واغلب الالوان من ذوق سناء طبعا وقربت منه منيه بجو العروس الخجوله لكن محمود كان مايشوفش فيها عروس وقاللها : مافيش دتعي اتمثلي الخجل اللي هناك صارت لها فترة يامنيه ,,
منيه قرنت حواجبها وقالت : ماهو انت السبب ,
مجمود ضحك وقاللها : ماقتلكش خشي لداري اصلا ,, واعتقد مافيش بنت محترمه اتخش دار شاب الا اذا في عقلها شي يا.... ياااامنيه 😏
اما عند سناء مشو للمزرعه ولاحظت الهدوؤ والجمال والطبيعهواول ماقربت من الباب مع ليث اتطب فيها كورة قدم من فوق علي راسها قبل انحولت وليث انصدم واول مارفع راسه شاف................
هضا الاستقبال ياسنيوا اصبري بس 😂
توقعاتكن نعموشاتي 😘
#Hamelo ✒