الكاتب: تامر عبده أمين
التصنيف: كتاب عن قصص و مواقف معاشة
تدور في: بداخلنا و في كل أركان العالم
عدد الصفحات: 207
لغة الكتاب: العامية المصرية
تقييمي لها: 3,5/5
Goodreads: 4,6/5
----------------------
تكتشف مع الوقت أن أحلي شويه فضفضة هما اللي بيتقالو أو بتسمعهم مع حد متعرفهوش، تحت المطر، و مع شويه مزيكا، الناس و الحكي يبقي ليهم طعم في نوفمبر، و تحديداً في أواخر أيامه..
أسلوب الكاتب بسيط و غير ممل بالمره، قادر علي تغير حالتك المزاجية في ثواني، بين أنك تبتسم و عينك تدمع بضعة سطور قليلة.
كتاب دافئ يحكي عن الحب و الغيرة، الصداقة و الخصام، البعد و الفراق، جبر الخواطر و عظمة القدر، لم يختص بنوع معين من القصص.
كلام ليا و ليك
و قد يكون نابع من أفكارنا و جوانا احنا قبل م يكون نتاج الكاتب
فصول الكتاب هي صوتنا الخفي مكتوب علي ورق
أكتر الحاجات اللي لاحظتها أنه قادر يوصف المشهد بشكل سينمائي، بيقرأ لغة الجسد بشكل يجعله قادر يرسم المشاعر في المخيلة بكل سلاسة، قادر يفند الموقف و يعبر عن المشاعر بوضوح و في كلمات بسيطة
كلماته منتقاه رغم عاميتها المصرية إلا أنها كانت بتوصل المشاعر بالكلام البسيط للعقل على طول، القارئ قادر يحس بالمواقف و يتعايش معاه لشطارة و بساطة سردها.
مفيش ترابط بين الأحداث و مفيش مبرر واحد لجمع القصص دي في كتاب غير أنها أغلبها حدث في شهر نوفمبر، و البعض منها يتشابه في المغزي.
بكيت في بعض القصص الموجودة بالكتاب، يمكن لأن جزء منها لمس قلبي و ذكريات ليا، او عشان زي م قولت الموقف الإنسانية مكتوبة بشطارته لدرجة التأثير عليك
تجربة رائعة و بسيطة مشجعة للقراءة و تسلط الضوء علي بعض النقاط التي ننساها في حياتنا عشان نأخد بالنا منها و نراجع نفسنا و ننقذ ما يمكن إنقاذه من علاقاتنا أو من أرواحنا المهلوكة في طاحونة الحياة.
و آخيراً أنا متعلقة بأسلوب تامر عبده أمين و شطارته في إنتقاء الكلمات من تويتر و فيسبوك، و دي أول تجربة لقراءة كتبه، و مش هتكون الأخيرة إن شاء الله.
كتاب شتوي بإمتياز _لصاحبه_
------------
و الآن، هل قرأت هذا الكتاب؟!
هل تنوي قرأته؟
انتظر اقتراحاتكم للكتب و الروايات التي تريدون مني قرأتها و كتابة مراجعة بسيطة عنها؟!
استفتاء سريع، هل أكتب المراجعات بالفصحي أم العامية؟!
31/1/2022