في منتصف الرجولة

البارت السابع والعشرون

مساء المحبه على عيون اجمل متابعين
في منتصف الرجوله
البارت السابع والعشرون
بقلمي... حنين العلي

كل عام وانتو بالف خير يارب سنه تحقيق الاماني

مکتوب اشوفك من بعيد واصبر على المكتوب
مکتوب الك دايم سعيد ومكتوب الي متعوب
مشتاقلك مثل الطيور اللي هوت غصن الشجر
مشتاقلك شوك النسيم الي عبر بر وبحر
صابر وكل عمري صبر والحب على العاشق امر
لك والدنيا لو صارت عسر اصبر على المكتوب
ياريت لو مرة تمر عاشق مع صبره نطر
ياريت يرويني الصبر وتصيرلي قمرة سهر

روز...... هذه منو  اليغينها؟

رضا.....  محمد جواد اموري متعرفي؟

روز...... لا  اعرف ابنه المطرب نؤاس اموري

رضا....... عفيه هوه.... تدرين  من اول يوم شفت عيونج واني صابر على المكتوب. بس ربچ عوض صبري! 

روز..... ابتسمت ودرت وجهي على جامه استمع لكلمات الاغنيه شكد معبره وحلوه

شيخ رضا..... وين سرحتي؟

روز.......هاااا وياك

شيخ رضا......  حضري روحج هالسبوع نعقد محكمه بس نكمل اجراءات التحاليل والمستشفى  

روز....... ان شاء الله وصلني وراح وره يومين سوينه التحاليل وكملنه كلشي طبعا مو بسهوله بطلعان الروح و الي لحظته رضا عصبي ومن شي ميجي على مرامه يضل يدردم ويحجي واني اسكت  ماتناقش وياه اخاف احجي حجايه ليطلع عصبيته بيه واسحل بهل عباية وكل ميشوف رجال يكلي لفي روحج  غطي وجهج نزلي عينج بوده يضمني بكونيه ويشيلني ولا امشي بصفه على طولي  ما اعرف كل الرياجيل هيج لو بس هوه لو اني جنت فاقده هذه الاحساس ماعرف تصرفات غريبه عليه  ومن نلتم ويه خواتي واسولف على تصرفاته يضحكن

رهف....... وداعتج كل المخطوبين هيج بس انتي جانت  حالتج نشاز ويه احمد والله اني رجلي مو جان ياخذني البيتهم ونطب للغرفه نفس الشي غير مرته وحلاله يبوس ويحضن

نرمين.....نسيتي من جان يجيني بفتره الخطوبه  يلزك ل 12 تنامون انتو وهوه كاعد وانتي تخبثين تكولين  الابويه ادري عصا نريد انام

نور   ..... خو اني جان شايل المستحه اخاف رياجيلكم تستحي اني جان والا يستحي والا يخجل يبوس بيه حته كدام امي

حور....... وداعتج كل المخطوبين هيج لعد ليش سموها فترت خطوبه ونكول اجمل ايام لان غير شكل تبقه بذاكره بس احمد  الله لا يوفقه حرمج من كلشي لا  من انتي مخطوبه والا من انتي مزوجه  هم حاسبته مثل باقي الرياجيل عيشي خيه وتونسي ونسي الاول والتالي ايام حلوه لاضيعيها من عمرج كافي الراح منج محد يستاهل اضيعين عمرج علموده

روز...... اتفقنه على يوم نروح للمحكمه نعقد اجه هوه واخته واني وابويه كال عدي ابن اختي من ابويه محامي هوه يسهل علينه  صدك رحت مبدله ولابسه عبايه وهوه لابس بنطرون وقميص وصلنه تلكانه ابن اخته اخذ مستمسكاتنه وكمل كلشي بقة شي بسيط يحتاجونه فكاعده موضفه وره ميز وعالم واكفه حچه وياها ابن اخته

هذوله من طرفي كمليلهم بسرعه عفيه

هيه شافت مستمسكاتي مكتوبه مطلقه ورضا  اعزب جان تشيل راسها تباوعلنه كالت انتي حامل؟؟ اني تفاجأت  ورضا كذالك كتلها  لا

شيخ رضا....... ليش هالسؤال؟؟؟

مو قريت مطلقه وانته اعزب عبالي غلطان وياها  ادري  من قله البنات ؟؟

روز.......  صدك صدمتني ضليت لا اخذ ولا انطي  على فشله على مستحه ما اعرف الشعور بس دموعي نزلت  لان ابن اخته ماعرفه ومشايفته والعالم واكفه وسمعو كلامها  رضا  عيونه صارت بگصته  هاي حجت هيج لو تخبل  لو رجال جان ذبحه بيده

شيخ رضا....... انتي شنوووووو متستحييييين موووووعيب عليج منوووووو سمحلج تحجين هيج انعل ابو الخلااااااج بهيج مكان انتي ياهو مااااااااالتج العليج اسوين شغلج وكاااااااااافي واااالله لوووو  مو مره چان  اعرف شصرف ويااااااج

روز...... ابن اخته يجر بي ويرزل بيها وهوه بركان وانفجر تقربت منه  لزمته من ايده كتله بتوسل ودموع تنزل جمر  رضا حباب  ماريد  بطلت امشي طلعني  الناس تباووع ابويه واخته كاعدين بره بصاله كبيره ميدرون بطلابه

رضا...... شنو بكيفهاااا غصبا عليها  تسوي شغلها وهيه سااكته منو هيه وتدخل بحياه غيرهااا خلك موضفه وين المسؤول عنها صيحووووله

روز........ هوه كال هيج جان تجاوبه  اوي وشدعواك محروك كلبك قابل شحجينه واني اسفه موقصدي

رضا.... اسفج خلي الروحج

روز....... الله يخليك امشي نطلع جرني من ايدي وطلعنه وكفنه على صفحه طبعا بودي الكاع تنشك وتبلعني على الفشله الصرت بيها وهوه وجهه  غده احمر من العصبيه حته اذانه وعيونه الخضر صارت دم ويشرب جكاره وره جكاره وابن اخته يمه يهدي بي اني بس دموعي تنزل وامسح كتله رضا  بطلت امشي ماريد

رضا....... سكتي روز

روز..... ابن اخته كله خالي خلي تولي متستحي اني حطب على السريع اكمل كلشي انته بس توقع طب الولد وصاحلنه اني  مقبلت اطب لان الغرفه  مليانه بعدهم العالم واكفين فشلت ماكدر اطب

رضا....معليج اني وياج لاتضوجين

روز......ماكدر  نجي غير يوم ماحس عليه غير حضني خله  ايده وره ضهري، وسوالي مجال خلاني اوقع قبله و وقع هوه وطلعنه كله ابن اخته حودي الاوراق للقاضي حته من يوصل سراكم اصيحكم اكعدو انتو بين ماكمل

رضا......روز  امسحي وجهج ولتبينين شي حته اختي لتعرف  وتروح تكلهم هيج وهيج ويكولون   شفت محد قابل حته الغريب لشمتين احد بيه اني رايدج انتي وانعل ابو اليحجي والميحجي

روز....... مسحت دموعي كتله افهم من كلامك اخوتك واخواتك ضد زواجي منك؟

رضا.....شحجيت اني مو كتلج متهمني الدنيا كلها المهم اني رايدج  الرضو والمارضو امي وجوه التراب محد اله يمي شي

روز..... لزمني من ايدي ورحنه كعدنه يم ابويه اخته بس شافتنه سألت

ساهره...... خير يااستار شبيكم اشو انته وجهك احمر  وهيه مدري شلونها شصاير

شيخ رضا....... يعني شكو  مثلاااا خنكه وحاره وغرفه صغيره  وناس كومه شتردينه نجي غير طلعت ارواحنه لمن وصل سرانه

ساهره.... اي  اعصابك شحجيت اني

روز..... التافت عليه كالت

ساهره........ شبي رجلج والا واحد يكدر يحاجي اشو كب بوجهي

روز..... باالله هاي شحجي وياها والبيه كافيني حسيت الناس مستكثره  عليه الفرحه حقهم ميعرفون البيه احاجي روحي اكول اني مجبرته عليه والا ضربته على ايده هوه خطبني اني مضميت عليه شي هوه يعرف كل ضروفي  ويعرفني مطلقه  حته الفرحه واللهفه راحت مني وره شويه اجه ابن اخته كله خالي تعال طبيت على القاضي وشرحت وضعك كال خلي يجي اعقدلهم قبل الناس كمنه كلنه حماتي وابويه واكفين بره واني وياه  وابن اخته طبينه كلنه السلام عليكم القاضي وجهه بشوش رجال كبير كال وعليكم السلام شاف الاوراق طبعن اني واكفه وره رضا  ومنزله راسي ذب القلم كال ليش خاتله وراه  ومنزله راسج تعالي داشوفج وكفت يم رضا  وابتسمت ابتسامه خفيفه كال القاضي  اذا ختلتي وراه  من حقج هذه سندج  والنعم منه اريدج  تخلي بعينج لان مهتم الظروفج  ندار على رضا كله انته رجال والنعم منك واريدك تحافض عليها وتخليها  بعينك اريدك تكون سند واب وزوج وكلشي الها لان هاي ضحيه رجل فاشل  عقدلنه وكال شايفين كل الخير عاد نحصل جكليت لا كله ابن اخته تدلل حضرتك هسه ادزلك طلعنه  نضحك حجايته نستنه الهم الجنه بي لزم ايدي وكال  الاخته

رضا....... كملنه صارت مرتي شرعا وقانونا!

روز...... هلهلت اخته وطشت جكليت حضنته وكامت تبجي

ساهره...... شكد امي وابوي تمنو هاي اللحضه اكيد  هسه همه فرحانين لفرحك

روز...... بوستني وكالت الله يسعدكم ويبعد عنكم كل شر لتاف عليه رضا كلي مبروك كتله الله يبارك بيك

ساهره.......  الغده يمي لان البنات هناك

ابو وليد...... عذريني اني ما اكدر ام وليد  وحدها خطيه خو ماعوفها تتغده وحدها 

ساهره..... نمر عليها  ناخذه ويانه وننجمع جمعه حبايب

ابو وليد........ لا يابه الله يسلمج اخذي روز هيه بعد صارت  جنتكم ورضا  يرجعها

روز...... سمع رضا  ابويه جاب اسمي كدام الناس لو تخبل عيونه نطت  عصر ايدي وهمس قريب اذاني

رضا......ابوج ميعرف  يكول رضا ومرته الا  يجيب اسمج استغفر الله يااااربي

ساهره...... خوش تبقه روز يمنه البنات يشوفنها  ويكعدون وياها ورضا يرجعها الكم

روز...... التاف رضا عليها يخنزر عيونه حتطلع من مكانهن

رضا...... بعد اجيبلج مكبر صوت تصيحين باسمها؟

ساهره....... والله ما ادري ليش اسويت

رضا...     عرفنه راح تجي كافي عاد كلسع احد يصيح بأسمها

روز...... خليت الكلينسه على حلكي واضحك اخته نغتني

ساهره.....  ترزلنه وانتي اضحكين

روز.... هنوب غير اسكت وهوه  كاعد بصفي وانما مو بصفي  نص جسمه ذابه عليه ويلتاف عليه يكلي اكو شي اشر ابراسي اكله لا وصلنه ابويه للبيت  لتاف عليه كال

رضا...    اشو انتي ذابتها على الصامت كلتلج مبروك وانتي مكتيلي

روز....مبروك ابتسمت نسيت والله

رضا....... بعد وكت والله ليش مستعجله لوعايفتهه بيوم الزفه

روز.....  هوه كال هيج درت وجهي خربانه ضحك نزلنه البيت امه الي هيه مرت ابوه  لكيت خواته  وبنات خواته هلهلو وطشو جكليت وهوه يحشش يكلهم

رضا..... هذه الجكليت تلمو كله واخذه وياي حته بالعرس اليجي يبارك انطي منه خوما  اخسر مره ثانيه  وهذه جكليت مطشر

ساهره......... ياعزه خزيتنه يمعود اني اجيبلك جكليت

رضا......  لا يابه ليش هذه اشبي  وانتو جبتو النه عليش بعد بس،كضن زعاطيطچن  ولكم ولد  الكلب هذه مخصوم من حصتكم اذا اجيتو جكليته ما انطي

روز...... انتبهتله بره شكل ويه اهله شكل  بره الي يشوفه ميتحاجه وخشمه يابس وشايف روحه بس هوه ابو ضحكه ويحشش عليهم ومتعلمين على سوالفه
صبو الغده كعدني بصفه ويجيب ويخلي كدامي اني معايشه هيج اجواء صح مزوجه وعدي ولد بس طبعي استحي  وممتعلمه عليهم والا عدي علاقه بيهم والا حجايه ولابد بهيج مواقف تصير اكو مستحه فنقشت شويه استحيت اكل واني طالعه بدون ريوك وكاعده من الصبح والتوتر والقلق وصارت الشغله والقهره حسيت اوضاعي تخربطت واني من انقهر ادوخ اتخربط كتله رضا  كوم وديني

رضا.....   ليش بعد وكت؟؟

روز...... لا عفيه مدري شبيه

رضا....   شبيج روز !؟؟

روز.....  اشو دخت واحس وضعي مو تمام

رضا...... ..  اوديج مستشفى  اخاف صار عدج هبوط

روز....... ما اعرف شبيه دخت كلش

رضا....... اخاف من القهره مال المحكمه لسه  كلامها براسج

روز....... ما انكر لسه  مقهوره واكول لو متراجعه احسن 

رضا....... روز صدك تحجين؟؟ تخلين وحده مثل.هاي  تافهه تأثر عليج بكلامها  لا بويه ممقبوله منج اني حبيتج وردتج حجو وان ماحجو انتي ماخذتني الي لو الهم جااااوبيني

روز...... الك

رضا......  خلص شعليج بغيري

روز..... صاح اخته كلها روز  دايخه سويلها جاي نومي بصره كتله  ماشربه هوه الجاي كوه اشربه الصبح بس

رضا........ لا تشربي وغصب واني اشربج بيدي

روز....... لا اني  اشربه كعدنه نشرت جاي وعصرتلي اخته ليمونه وكلاص ماي شويه  صرت احسن للعصر كتله عفيه وديني

رضا.......  بيتنه  5 دقايق قريب كلش تردين تروحين ترتاحين بي تنامين اخاف بعدج دايخه

روز...... اني سمعت هيج صحيت كتله كلشي مابيه اصلا راحت الدوخه لاروح والا اجي  هوه سمع هيج عبالك حجيتله نكته وطكها  بضحكه  يا عزززه شحجاني  كتله حباب كوم وديني فضحتنه بضحكتك

رضا..... ادللي بس اكمل الجاي مالتي

روز...... اخته صاحتني بالغرفه كالت روز  تعالي رحت يمها كتله نعم كعدت توصي

ساهره........ دير بالج عليه  رضا  خوش رضا وتعب بحياته وفاه امي تركت اثر نفسي بي لذالك تشوفي دائما عصبي بس صدكي ماكو بطيبه كلبه  وهوه يحبج وشاريج واختارج من بين كل النسوان مراه اله برغم شكد جنه نتوسل بي ويرفض   وانتي حبابه ماوصيج ديري بالج عليه

روز..... ان شاء الله بعيني

ساهره..... سالمه عينج خل اصيحه يسوي الكنتور خويه رضااااا  متجي تشوفلي الكنتور شبي

روز....... اباوع شبي كلشي مابي هسه جانت تحجي ويايه شجاب الكنتور بالنص  هوه ماصدك طب

رضا........ وينه شبي؟

روز...... اني مثل الهبله عيني على الكنتور اباوع شبي ابو بريص عليه  حشره شبي اباوعلهم وارجع اباوع للكنتور شاورته وتضحك هوه ابتسم وكاللها

رضا...... والله لنچ تحسين بخيج وبمعاناته

روز....... اني مازلت صافنه ادور شبي الكنتور حته النقشه حفضتها طلعت وسدت  الباب اجه يمي على الجربايه

رضا....... شبيج وين تباوعين؟

روز....... على الكنتور.مو كلتلك تعال شوفه شبي يمه اني حجيت هيج لو هذه حيوكف كلبه من الضحك عزه بعيني شحجيت اني غير افتهم اباوع عليه  عيونه ادمع شكو شبيك كفخني على راسي بهوه ايده

رضا.......  ولج غير سوت هيج حته نكعد وحدنه

روز....... وصار ساعه ركبتي انكسرت وعيوني راحت اريد اشوف الكنتور شبي!

رضا........ والله انتي فلم شكد فطيره انتي وروحج طيبه

روز..... انتو سويتوني فلم كوم وديني عفيه تأخرت

رضا........ خلينه شويه نشبع شوف

روز.....  عيب خواتك بره

رضا...... اعرف والله ماسوي شي بس اشوفج

روز......... جرني لحضنه 

رضا........ تره مريتي انتي وشحده اليحجي عليج  او يجيب سيرتج واني موجود

روز...... باسني من راسي وعدل حجابي كلي يلا  كومي.اوديج هانت مبقه شي على العرس سلمت عليهم وطلعت وصلني للبيت ورجع
مشت الايام بين تجهيز ومخابراته المتواصله خابرني بيوم كال

رضا..... روز  مبقه شي للعرس و البيت بيتج تعالي  رتبي غراضج  على ايدج ماريد خواتي يجن ويكولون ليش مرته ممرتبه بيتها  ومن هالحجي واختي عدها عاملات حبابات من تجين  ادز عليهن  شويه سمعهن ونطقهن ثكيل
وانطيهم هالقاسمه الله يساعدنج

روز........ عادي ماعدي اشكال  مر عليه الصبح اخذت ويايه دشداشه كلت اخاف ابدل وصلنه للبيت كتله لعد وينهن

رضا...... بربج شلون ادز عليهن واني وحدي غير تجين وادز عليهن

روز...  نسيت والله خابر اخته كلها خلي ابنج يجيبهن كمت افتر بالبيت بين ميجن

رضا....   شنو بهاي اهدومج تنضفين؟.

روز...... لا جايبه دشداشه

رضا...... لعد متنزعيهن

روز...... هسه اطب للحمام وابدل

رضا..... نزعي  كدامي ولاتخافين اغمض عيوني 

روز......  اووف منك اسكت  تره والله اروح

رضا....... سكتنه شحجيت هسه اني فوك ماريد راحتج ويضحك

روز...... شويه وجني البنات طبيت للحمام نزعت هنه نزلن البردات مال الهول اني طبيت جان يعيط بيه

رضا.... وووووووين جااااااايه رجعي رررجعي 

روز.....  يمه اخترعت احس.الدمعه صارت بطرف عيني رجعت بسرعه للمطبخ  لحگني

رضا....... وين طابه متكليلي

روز.... غير دانضف وياهن

رضا....... وانتي هيج ومنزلين البردات والجوارين كدامنه؟؟

روز.....    قابل كاعدين بسطح

رضا....  .. وشمدريج انتي يجوز احد واكف ولمحج شنو الحل

روز...... لعد شلون شسوي طب. طلعلي جبه  بيها  طباكات من الطول للطول سوده 

رضا........ البسي هاي مال امي الله يرحمه محتفظ بيها  واجه وكتها   ولفي راسج بالحجاب وطبي

روز...... ما اعرف حسيته يخاف عليه لو يخنكني لو يبالغ لو اني ممجربه الرجال الحريص على مرته نظفت وياهن ونمسح ونعدل طبعا يفتر ورايه عبالك ابني كل ما اندار ولكاه   ورايه وترني كلش، كتله سويلك حاجه  شنو اضل تفتر ورايه

رضا.....لازم  زاعجج؟

روز...... عافني وصعد فوك شنو حجيت؟ جفصت شي ؟ اشو هذه زعل كملنه الجوه اخذت البنات وصعدنه فوك لكيته يكلب بتليفونه كتله تعال نزللنه البردات  يباوعلي صفح كتله شنو عود زعلان

رضا...... نزليهن  انتي دراج يمج

روز..... وتقبل اصعد على دراج مو اخاف احد يشوفني شمر التلفون وكام نزل كتله صدك عود زعلت

رضا....... ليش  ميحقلي؟؟

روز....... مو قصدي والله اسفه

رضا..... هيج ناشفه؟

روز...    لعد شنو؟

رضا..... بكيفج الخير ومدت ايده

روز....   البنات واكفات وهوه يغمزلي عرفت قصده كتله عيب واشرتله على بنات بعيوني

رضا....... تعالي جوه

روز.....   الهول مابي بردات

رضا.....   ضلمتيها  يعني

روز......  ضحكت نضفت وياهن عفتهن ونزلت على المطبخ نزل ورايه حضني

رضا......  ها مالج عذر  بعد

روز..... عزه البنات هسه ينزلن

رضا....... لا ملتهيات ينظفن

روز...... جرني للحمام كتله  لا فدوه عيب منهن والله يروحن يفتنن

رضا.....   بربج مطبب غريبه للبيت غير مرتي و مرايد شي بس بوسه صلح

روز...   بسته من خده وابتعدت بسرعه هوه حاشرني على مغسله ومثبت اديه عليها

رضا......  شنو جاي اسلم على ابوج تبوسيني من خدي

روز....... عزززه بعيني كتله وخر الله يخليك.

رضا...... يابه ولا يهمج اني ابادر

روز...... اشو بعدني محاجيه واخذ شفتي ابوسه مميته حبست انفاسي من قوته لهفته سمعت حس على الدرج دفعته وطلعت اركض لمن كملت البيت بالموت اتهزم منه من دنرجع بسياره  كال

رضا....   روز  منين تجيبين البدله

روز...... يابدله؟

رضا..... مال العرس غير

روز......  شلون اني البس بدلة عرس؟

رضا...... وشنو يعني اليعرس شيلبس  اني بنفسي اسوي عرس

روز...... لو اموت ماسوي

رضا....... ليش روز هيه مره بالعمر

روز....... لاعمري والا وضعي يسمح اسوي عرس انته مكتلي بهذه الموضوع ولاكلت تسوي عرس

رضا.....  چا اليزوج شيسوي ؟

روز.     لا اني ماسوي والا البس

رضا....... چا  شتلبسين؟

روز......  فستان ابيض شي حلو راقي وخلص بس مال عرس وزفه وبدله مستحيل

رضا...... اني علمودج وبنفسي تلبسين بدله بس  بكيفج روز  الي يريحج حته اذا تردين عرس ماكو اجي عليج الصبح اخذج ونروح للبيت

روز........ وصلني البيتنه وراح طبيت ضايجه شافتني امي سولفتله كالت

هيله...... والله مااعرف شكلج هوه حقه بحساب اول زواجه  وانتي حقج شلون نحلها  تفاهمي ويا وعلى كيفج طولي خلك الرجال ميجي بالعنتكه والعصبيه يجي بالمسايسه سايسي وقنعي بالي يريحج ويريحه مو كلشي بالعركه والهوسه

روز........... لليل خابر ضايج مبين من نبره صوته  كتله عيني اني ممانعه والله بس شغلت البدله صعبه  شتكول عليه الناس قدر وضعي  سوي حنه الك وتونس وافرح وبزفه تعال تلكاني لابسه شي ابيض مرتب حلو  ونروح البيتنه

رضا...... اني ماسوي  حنه

روز...... ليش

رضا....... ماريد روز  اني كلت بس الزفه اجي اخذج عبالي افرحج بالبدله وهاي هيه  على العموم الي يريحج سوي

روز.......ثاني يوم  خابرت اخته كتلها على موضوع البدله كالت

ساهره..... عندي اقتراح  معميلنه يبيع صايات راقيه نشوفلج وحده  بيضه راقيه تلبسيها وعادي روحي صالون صبغي شعرج و مكياج مو الا بدله جبيره

روز..... اقتنعت بالفكره كتلها ماشي ثاني يوم مرت عليه صدك رحنه المحل يخبل صايات فدشي كلتله عيني هاي مرت شيخ  رضا  ونريد منك شي توب كللها  مو يدلل الشيخ ومرته حطلعلها شي معارضه صدك طلع صايه بيضه اوف وايت هيج شي وبيها شغل ذهبي عبالك بدله صدك اقتنعت بيها شافوها   امي ابويه كالو كلش حلوه وراقيه رحت صبغت شعري غيرت لونه عسلي وحفيت اني من النوع حواجبي كلش ثخان وشعرتهن سوده من احف شكلي كله يتغير

جواهر .. قريت الها  الزياره وهي تردد وراية لان عبالي امية جنت  لابسة كمامه نزلت الكمامه وركزت بعيوني كالت هاي امج؟ 
اي خاله امي
التفت عليها وكالت ... اريد بنتج لأبني وخطبتها منج هسة واذا تقبلين حتى اجي واجيب بناتي ونتفق على كلشي
ضحكت امي وكالت ..
اسماء ... حجية شنو القصه انتي منين اجيتي علينه اليوم ؟

والله شفتجن كاعدات وبنيتج حلوة وصغيرة  كلت أخطبها لأبني لان  ددورله على مرة ..

اسماء .. ليش ابنج شيشتغل ؟

. ابني دكتور جامعي ويدرس بوحده من الكليات الاهليه .. ها خية هسة شكلتي تنطيني رقمج حتى اتواصل وياج ونندل عنوانكم ونجي عليكم نتفاهم ؟؟

جواهر .... امي صفنت اني هنا تملكني الخوف 
دعيت بكلبي اني بحضرتك يابو الجوادين  ياامولاي  ساعدني حتى احجي وادافع عن نفسي ماكو بعيني غير مقداد ولازم ادافع عن نفسي وعنه ..
قبل لتحجي امي بثواني اني وكفت على حيلي والمرة كاعدة اشرتلها بأصبعي ..
خالة  اني ممستعدة للزواج ولا اريد اتزوج تريدين مرة  هواي نسوان روحي خطبيله  من رخصتج خاله ..
عفتها وطلعت للباب الرئيسية اركض صارت كدامي القبه مال الأمام نزلت دمعتي ودعيت الله يساعدني ويخلصني من هالعيشه..
عيوني غوشت من الدموع اشوف امي من بعيد اجت عليه جان تجرني من ايدي حيل ..

اسماء ... ها ولج  متريدين تزوجين شمتانيه؟ حبيب الكلب مقداد يخطبج ؟؟

جواهر... اني ماااريد اتزوج من الاساس  ترة خبلتيني شنو عمري ٣٠ سنة وادللين بيه جوزي مني عااااد وفكي ياخه عنه اني مالي دخل بمقداد والله حتى عيب عليج تبلين بنتج بي العالم من تسمعج شتكول؟؟؟

اسماء... متهمني العالم ولتصيرين شريفه براسي اني الج يجواهر اذا ماخليتج  انتي بنفسج تكرهين مقداد   ماطلع اني اسماء وبنت امي وابوي  والله حلم تصيرين مرة  لهذا العار ..

جواهر ... اي خوش خلفله عليج ..
طلعنه من الامام ورجعنه للبيت والهم الي بصدري ميشيله جبال احس روحي مكسورة لا مقداد فاض اموره وكاسر اهلي وجاي ولا امي عفت عني ...
ظليت بدوامة كلش جبيرة ماعرف اتخذ القرار الصحيح لان مقداد احبه وعيت عليه علمني وفهمني عالصح من الغلط صار الي اب واخ وصديق قبل ليكون حبيب ساعدني بهواي شغلات خلاني احب نفسي اتنزع مني خوفي انتشلني من الضياع الجنت عايشه من خامس اعدادي  لحد ما نجحت من الاول كليه وصرت ثاني وهوة وياي قررت احجيله  الصار وماضم شي عليه
دزيتله مقداد اريد اكلك شي ؟
مقداد ... كولي حبيبي

جواهر .. من رحنه للكاظم ودنزور كعدنه نصلي واجت علينه مراه وخطبتني

مقداد ... شنو انتي شدتحجين تخطبج شنو هي هيته ؟؟ وانتي شسويتي بس لتكولين وافقتي لو سكتي ؟؟؟

جواهر ... لا هالمرة لا وافقت ولا سكتت واني الحجيت ويه المرة ورفضت وفشلت امي لان اعرفها لو اسكت وتظل عليها بعد شهر تلكيني متزوجه مقداد خلصني تعبت

مقداد ... سدي سدي اني احلها

جواهر.... راح تقريبا ساعه اندك بابنه فتحه وسام وجان اطب  عمتي ام فهد وابوهم واخته براء ومرت فهد واخر شي طب مقداد ضليت صافنه بوجهم عرفته اجه حتى يحجي وي اهلي.بموضوعنه  احس كلبي حيطلع من صدري وزادت دگاته  توترت كلش حتى ماقدمتلهم ماي امي قدمت ضليت خانسه بالمطبخ واسمعلهم فتحت عمتي الموضوع وي ابوي راسا جاوبت امي من يمها

اسماء..... ياااا ام  افهد امنيتي من الدنيا بنيتي تصير چنتچ وين تلكه احسن منج عمتها  مثل امها بس يااا عيني جواهر مريضه مو مال زواج

مقداد...... منو كال مريضه؟

ابو وسام..... اي خالو جواهر مو مال زواج وبعدها تريد تدرس وانته هم بعدك ممكون نفسك والحياه كدامك 

ام فهد...... اول مره اسمع بيها مريضه شبيها شنو مرضها؟

اسماء.......اخاف تسمعني وتزعل خطيه ماريد اجرحها بس انسي موضوعها جواهر بعدها صغيره

مقداد..... اني قابل بكل حالاتها ولا عندي مانع

اسماء...... لاااا خاله لااااا  جواهر مانطيها ولا صغرا بيك بس انتو مراهمين سوه

مقداد..... ماتنطيها الي شخصيا لو اكو سبب ثاني غير مرضها ولو اني اعرف مابيها شي

اسماء...... شنو اجذب عليك مو عيب هيج تحجي وبعدين بنتي ومانطيها شنوو هيه گوه

ابو فهد..... گوم يابه خلص الحجي نترخص ابو وسام الضاهر الحجي بيد النسوان

‏أعتذر لِـ نفسي عن كُل مرّة تلهفت لِـ شيء ، وخاب ظني بِـ كسّرة نفس عظيمة .!

جواهر..... طلعو واحس كلشي بيه نكسر وراهم ركضت لغرفتي. ابجي ابجي على حضي وقسمتي الذبتني بيد هيج اهل  لليل مانشفت دمعتي ابجي بحسره محد يحس، بيه بعيداا عن مقداد بس ليش اهلي هيج ابجي واشهد هتز مبايلي، مسج من مقداد دزلي كاعده؟ دزيتله اي

مقداد...... عاجبج الصار؟

جواهر...... وتعرفني بيدي  شي؟ بس كلي شجابك اليوم لو مخليني اقنعها احجي وياها ولو اعرف متنطيني مجال احجي بس احاول

مقداد ..جواهر ماتحملت من كتيلي رحت على امي كتلها   البنيه كامو يجوها خطابة صارلي اربع سنوات اكللكم عليهااااا وانتو ولا يمكم همج بس ابنج الجبيررر  ولله حرااااام عليج

ام فهد ... على كيفك يمة اعصابك حتموت روحك ولله البنيه الك ماخليها تروح لغيرك بس خلي اخوك يكمل بناء بيته واروح اخطبلك ..

مقداد ... اخوية اخوووووي والله موتيني بيييي كلشي بس اله زوجتو وعينتو وشتريتوله سياااارة اسمعيني زين البنيه اذا مصارت الي الدنيا احركها على راسكممممم محد يوكف بعيني بعد لاااااا اخ ولاااااا ام ولااااااا اب حسييييي بيه يمة الام تحس ببأبنها انتي ليش متحسين بيه كلبي متلوع عليهاااااااا

ام فهد ... الي تريده يصير بس لتعيط هسه نروح وياك ونحجي وي خالك  ولو متأكده راح يطردنه بس اذا طردنه ماروح بعد ولا ادك بابه لخاطرك رايحه

.
جواهر ... اييي وتالي؟

مقداد... هذا التالي اجيناكم وشفتي الصار  حتى من البيت طلعت اختنكت حيل اني الهم والله راح اكلب يومهم اسود

جواهر ... بهالاثناء امي دخلت للغرفه اول مادخلت للغرفه سديت النت والتلفون ..جان ماكو احد بس اني وياها ابو وصل وسام للكراج

اسماء... ها ولج  الكح.... عبالج انسه سوايتج مال اليوم ؟؟؟  خزيتيني كدام المرة من ردت اجاوبها وحتى تنطيني الرقم كمتي كلتي ماريد ازوج وسحلتي ابن جميله حتى يخطبج

جواهر ... اني كاعدة عالجربايه اول مادخلت كمت وكفت دتحجي هيج جان تجرني من شعري اني منااا مقهورة من سالفه المرة وسالفه مقداد ماااا تحملت احس قوة رجال وطلعت بيه لزمت ايدها بقووووة ووخرتها من شعري ودفعتها من صدرها حيل

اسماء ...  صلفه صايرة ووووو تدفعيني بس كليلي عليمن طالعه على عماااااتج الكح... مووو؟؟؟ وعبالج تصيرين جنه لجميلة باحلامج

جواهر ... هناااا انهاريت كمت اعيط تقربت منها وكل القوة بيه بدون اي دمعه تنزلللل مني  بس كليلي شمسويتلج اني؟؟؟
اني مو بنتج؟ الله يخليج اني مو بنتج ؟؟؟ اذا مو بنتج كليلي ليش هيج تعاميلني مايوم حسيتي بييييييه ليش ؟؟؟ ليشششش الدنيا لطمت ع راسي الف مرة وكل ما اوكع اتمناج يمي بس للأسف مالگاج وحتى من ادوس على روحي واسولفلج تضحكين عليه
تدرين ليش ما اسولفلج لان انتي مو ام
تقربت منهااااا دكيت على كلبي شايفه هذا كلبي طاب منج وميحبج ابد  !!
لأن انتي ذليتني حب ام لبنتها ما حسستيني بيوم انو انتي تحبيني ..

اسماء ... ديلا عااد بلا عيارررة جايه تتمسكنين حتى تفرين سواااالفج عليه

جواهر... لا يمه ما اتمسكن هذا الشي الوحيد الكاسرني هوه انتي وكرهج الي  وهاي المرة الاولى والاخيرة الي حواجهج بكلشي ..
انتي تعرفين بيه شلون اكضي ليلي من جنت مراهقة  ؟؟

اسماء ... ليلج شنو انتي شدتخربطين؟

جواهر ... اخربط مو ؟؟ لا ما اخربط  ابنننننج العار يتحرررررش بييييييه ويجيني يوميه بليل يتلمس جسمي حسيييييتي؟ حسييييييتي  بنضراته التفتر ورايه لو لاااااااا
من اببببببجي واشهك  حسسسسيتييييي وجعج كلبج عليه ؟؟ لااااا اكيد لأن انتي تكرهيني ومتحبيني ..
من افترت عليه صددددديقتي وصددددكتييييي بأمها حسيتييييييي؟ انو اني الصدك  وهنه الكذبات !!! هم لااااا لأن انتي وحده بلا كلب كل همج بناتج !!!!
من تجيني الشهريةةةة علمتينييييي؟؟؟؟؟ ملابس داخلية اشتريتيلي؟؟؟؟؟ هم لاااااااا لان وحده متحبين بس نفسجج من المتوسطة لحد ألان ب ٣ داخلياااات !! هم اجيتي بييييوم وكلتي شمحتاجه اشتريلج؟؟؟
انتي مو امي انتي كسره كلبي جرحتيني حتى بأنوثتي تكولين لبيت عمتي مريضه شبيه بس كليلي شنو التعرفي عني واني ماااعرفه
انرسمت علامات الصدمة على وجههه وكالت

اسماء...... انتي شتحجين وسام يتحرش بيج ؟؟؟

جواهر ... لتسوين روحج الام الحنونه ومتعرفين تذكرين من كلتلج وماصدكتيني وضربتيني للمرة الثانيه داكلج وعود هم لصدكين بيه بس صدكي بعداله الله الالهية صرفتيييي ملاييين عليه ورجعلج ررراسبببب ونزل راسكم  بس اتعضتوووو لاااا رجعتو هم طب وهم اهلي بس لحتى تغطون عمايلكم ..
الله ووووحده  الخلصني منه ومن شره ينهش بلحمي من الله لا يووووفقه ولا يرضه عنه وحسبي الله ونعم الوكيل شايفه هاي دعوتي بحركه كلبببببي كله واريد ربي يستجابها ويبين الحووووبه بي ..
وازيدج من الشعرررر بيتتتتت شايفه ام صديقتي الحجت وياااااج واتهمتني اطبب زلم للبيت هي نفسهاااا رجلهاااااا لزمها  ويه واحد على فراشه  !!!!  وبيتهم اتفصخ تفصييييخ قبل سبوع رااااااسلتني بتها ومتعرف رقمي كتلها اني جواهر وحجتلي شلون حوبتي طلعت بأمها
صفكت بيدي شفتي حووووبتي شفتيهاااااااا ماتتعده لأحد حشه لله شفتتتتتي دعوة المظلووووووم ؟؟؟؟
حسيت روحي تعبت كعدت على ركبي بالكاع وهية واكفففه نزلت دمعتي وحجيت
ياريت ما اصير مثلج واول ما  الله يرزقني  ببنيه حتى احبها وماخليها تحتاج لأحد
ما اعيشهاااا العشته تباوعلي
مصدومة مذوهلة متعرف تجمع كلمه وحده هايي اسماء القوووووية الي متخاااااف وجههه صاااار اصفر  كتلها
ها هسة عرفتي كسره بنتج ؟؟؟ عرفتي شلون كلبها يوجعهااااا اطلعي وسدي الباب وراج ..
الهدوء سيد الموقف طلعت وسدت الباب كمت اسحل روحي وهنا دموعي تتحرر صرت ابجي من كلبي ماعرف شلون نمتت وبعز نومتي

شفت اني وابوية وامي بالمدينة المنورة ودنصلي بالحرم ثلاثتنه هناااك واسمع اصوات ناس تكول انفتحت باب قبر الرسووول ..
سمعت هيج لو روحي تفرفح عفت كلشي واركض وواوكع اركض واوكع لما ووصلت للباب والكااهاااا مفتوحةة والعطر الي لفحني مينوصف  طييييب حيل نفس العطر الي يفوح من نروح نزوره طبييت ووصلت يم قبر النبي
صرت ابجي من كل كلبي وبحركة جبيره حيييل اني ومدنكة ابجي واشكي حالي اجاني شيخ جبير بالعمر لابس عمامه وجبه وكصلي قطعه قماش من قماش قبر النبي وخلاها بيدي

‏شوكت يندگ علينا ويضحك الباب
ويترس بيتنه وصوتك يسرنا
وترد انته ويجن الراحن وياك
وتجيبه وياك يالماخذ عمرنا.

 روز......... العرس  بعد سبوعين كلت لازم اكول الابني بعد مابيها مجال خابرته من تليفون امي سلمت عليه  سمعت يمه صوت كتله امي منو يمك

سائد...... اصدقائي  واكفين بالباب

روز...... اخابرك بعدين؟

سائد....... لا يمه مشتاقلج والله خليج ويايه

روز........ شلونك اخبارك مشتاقتلك

سائد....... عايش شسوي قابل

روز.....   يمه دير بالك على روحك

سائد..... من شنو

روز.......... من كلشي لتخلي احد يضحك عليك صير سبع

سائد......   لا اخاف عبالج اخذ طريق ابوي مستحيل  لتخافين عليه  اني ترباتج واعرف الصح من الغلط

روز....... طبعا احجي وياه ولشتي ترجف كتله يمه سائد  اريد اكلك شي

سائد....... شنو كولي،

روز...... اريد احجي الكلمه متطلع الساني انربط  كتله لاهيج

سائد........ احجي يوم شكو

روز....... لا داسلم عليك

سائد........ لا مو هيج احجي.شكو اصاير

روز........  اني حزوج

سائد..... شنو اجوج  خطابه يعني

روز....... اي و وافقت وهالسبوع العرس اني كتله هيج لو تخبل ميعرف شيحجي وشيكول

سائد........    لج هذه ياكلب ابن الكلب الي تقدملج يازباله اكيد ابوج غصبج لج والله الياخذج اقتله اريد واحد يتقرب عليج لج كليلي وين بيتهم اله اقتله

روز......... لك عيني يمه اسمعني على حسي طلعت امي شكو شافتني بس ابجي

سائد....... ولج شلون تزوجين وتعوفيني كليله عدي ولد ما ازوج  ولج منو هذه دليني عليه  كليلي منو وين شافج وين عرفج

روز...... اقاربنه ورجال حباب وخوش ادمي كال لنعل ابو وكام يغلط ذاك الغلط

سائد....... كله من وره ابوج الكلب كله من وراه لو يحبني جان عشت وياج وطلعنه بيت وحدنه

روز........ طبعا يحجي ويصيح ويبجي اني بداخلي داموت ومحد يحس  بيه بس الله شبيدي عليه  كام يغلط عليه انأخذ التلفون من ايده صديقه كال خاله شبي سائد اشو تخبل يغلط
ويبجي وصاير عصبي كتله خاله  الله يخليك ليسوي بروحه شي ابوس ايدك يوم دير بالك عليه  كال لتخافين خاله لازمي اسمعه يكله لك جيب التلفون خلي احجي وياها بس حجايه وحده صديقه يكله حيوان هاي امك شلون هيج تحجي عليها  يكله لك انطيني التلفون حسيت كلبه حيوكف وكلبي وياه كتله انطي التلفون  ميخالف خلي يغلط ميخالف اخذ التلفون كال

سائد....... سمعي من هاي اللحضه انتي متي بنسبه الي  واليسال عليج اكلهم ماتت وما اندل كبرها

روز...... كال هيج وقفل الخط بوجهي شمرت المبايل وجسمي كله يرجف دكيت ملخت روحي شعري كطعته اضرب بوجهي  كلشي ولا سائد الدنيا كلها بجهه  وسائد بجهه  شلت التليفون من الكاع واديه ترجف يوكع وارجع اشيله طلعت رقم رضا ضغطت اتصال رنتين جاوبني كتله رضا طلبتك لا تردني

شيخ رضا..... عيوني الج بس اهدي شصاير؟

روز....طلگني!

يتبع.......

شعتب ؟
شسولف ؟
شنتظر ؟
لا نظره ظلت لا هلا لا چلمه بيني وبينه..!

يا حمد مرينه بيهم بس محد يمر بينه .. 💚