مساء العافيه
في، منتصف الرجوله
البارت السابع والثلاثون
بقلمي... حنين العلي
جواهر.... انعزلت بين دراستي ونفسي مقداد مداكدر اكون طبيعية ويا زادت مشاكلنه اكثر وره فتره دزلي مسج مقداد ...
اهلج وين ؟
جواهر ... راحو لبيت جدي كالو اجه خطار
مقداد .... جواهر اااااااحذفي كلشي بيناتنه بسرعه
جواهر .... ليش؟
مقداد .... اهلي راح يخطبوج مرة ثانيه وادعي يوافقون بالكي نتقدم خطوة
جواهر ... يعني شنو ؟
مقداد ... هسة ابوي وامي راح يحجون ويه ابوج واني هم حروح وياهم انتي صفي جهازج خاف يصير شي او امج تعرف وتجي تنبش بجهازج وتسويلج مشكله
جواهر .... تمام حذفت كلشي وبقيت انتظر من المغرب والساعه اجر ساعه لحد ال ١٢ بليل اجو اهلي !! دزيتله ها بشر اهلي رجعوا بس ممبين بوجههم شي؟؟
مقداد ... تونه رجعنه وامي وابويه حجوا ويه ابوج بغرفه بيبي وحدهم
وكايلتله امي اني رايدة بنتك من قبل لتتوفى امي اني طلبت بنتك واجيت ومرتك كالت جواهر مريضه وطلعت حجه هسة اني و رجلي للمرة الثانيه اطلبها منك وابوية مساندها كايل لابوج اي ابو وسام اني ابني متخرج وعنده شغل وسيارة والبيت الطابق الفوك كله اله وبس اسويله درج خارجي شنو المانع حتى متنطي ؟؟
جواهر..... وابوي شكال
مقداد.... كايل لأمي اختي انتي عزيزة عليه بس الله كريم خلي تطلع اربعين امي واردلج جواب
جواهر.... وامي تتوقع توافق
مقداد......وليش متوافق على عموم ننتظر جواب ابوج ونشوف شلون ترهم خلي تعدي هالفترة ...
جواهر .... ماعرف هاي صار مرتين بلكي يرضون هالمرة
مقداد ... المهم حجوا وياه وصار الحجي واضح وعرفو اني متمسك بيج وراح ابقه متمسك لحد ماارخي حبالهم واشد عضدي بعضدج
جواهر ... اي الله كريم فصلته وياه
بعدها بفترة امي صارت تلح محد اجاج ومحد اتقدملج ولساعج على كلبي خالتي ساكنه يم بيت عمتي ام مقداد امي دزتها عليها كالت الها
اسماء...... انتي مو تريدين ملابس من ملابس عمتي الله يرحمها ؟ تلكيهن يم جميله ام فهد لأن هية اخذتهن كلهن ماخلت شي من هدوم امها !!
جواهر...... كلبي حسسني امي مخططة لشي مو بحجه ملابس بيوم صبحية جنت مخلصه محاضرات وامي اجت تخابر يمي اول تالي؟؟
اسماء..... راح اخابر خالتج سليمة اشوفها راحت على جميلة اخذت الهدوم لو لا !
جواهر.... خابرتها وفتحت سبيكر
اسماء...... هااا سليمة رحتي ليوم على جميلة؟
سليمة .... اي رحت وعيني طبيت لبيتها يركص من النظافه والاثاث والتحفيات والمرة ماقصرت قدملتي ونطتني الملابس مال عمتج بس جبناها عليكم وسمعت منها شي !!
