مساء المحبه على. احلى عيون بالكون
البارت السادس والعشرون
في منتصف الرجوله
بقلمي... حنين العلي
أَنْ يفعلَ كُلَّ شَيء لـِ يَجعلكِ مُطمئِنة، أَنْ يُفتِشَّ عَن أُغنيِّة تُبهرَكِ، أو لُوحَة تُدهشَّكِ، أَنْ يبحثَّ عَن شيئًا تَبتهجيِّنَ بِهِ ؛ بـِتِلك الطريقة يُحبُّكِ.
جواهر...... مرن تقريبا ساعتين !!! وعبالك سنة مرن عليه دز مسج
مكتوب بي جواهر رايح للنجف المرة عرفت السحر وين ....دزيتله احجيلي شصار ..
مقداد ... رحت للعلويه فتحت القران باوعت بي وسدته وصفنت بوجهي شوية وكالت
يا ابني انته سالفتك سالفه حجيتلي من اجيت ذاك اليوم وظليت ببالي واتابع الموضوع وعرفتك حتجيني ابني انته مسويلك عمل مو بس عليك حتى عالبنيه الي تريدها وهالعمل مو بمكان واحد واني عرفتهن بطريقتي !!
بقيت مصدوم من كلامها هاي شلون عرفت اكو سحر لا وانوب تعرف مكانهن !!كتلها حجيه اذا تندلين نكدر نروح نطلعهن ونبطلهن ؟
العلوية ... اصلا اني الي راح اخذك على اماكنهن حتى تشوف بعينك نروح للنجف لان هالسحر بالمقبرة مال النجف ونرجع لسامرة اكو مقبرة هناك لازم تفكهم اليوم لان هذني مأذياتك كلش
طلعنه لمقبرة النجف اول ما وصلنه صفنت عالقبور وكلتلي تعال اخذتني لقبر مفلش وبي حفرة حفرت و مدت ايدها طلعت خركة ملفوفه بيها ورقه والورقه بيها دنابيس فتحتها كلها طلاسم السحر بأسمج واسم امج ومكتوب بي اذيتج وشل حالج وحياتج ..
بدت تقرة بالايات الي تبطل السحر وبعدها حركته اول ما كملنه رحنه لسامرة و هم بقبر ملفوف بس هالمرة هم عليج وعلى مرضي واذيتي وموت وبيها طلاسم وهم سوت نفس الشي وهذا الي صار كله الله يشهد بالحرف الواحد
جواهر ... مصدومة من حقااارة هالناس وخباثتهم واذيتهم وصلت بيهم للسحر الله ينتقم منهم !!
مقداد ... الله موجود وياخذ حكنه منهم
جواهر ... زين منو المسوي ما كلتلك؟
مقداد .. من كرايبج بس ما حددت سواء من اهلج او بعيدين عنج
جواهر ... مسلمة امري لله هوة موجود ..
من انفك السحر صحت مقداد بدت تتحسن شويه رجعت نفسيته احسن من قبل ..
بده التقديم عالجامعات وقدمت وطلعتلي جامعه الي جنت اريدها .بيت جدي اجوي باركو علمود ناجحي ومن ضمنهم ام مقداد ..
كاعدين همة وجان ابوي يلتفت على ام مقداد وكال
ابو وسام ... والله اني نطيت بناتي للنسابه ومستفاديت منهم شي هسة ماعندي مرة للزواج والي يريد يجيني خلي يجيني كامل مكمل عنده سيارة وبيت وحد وعنده شغل وماله دخل بأهله ..
جواهر..... عرفتها امي موصيته هيج يحجي كدامها ام مقداد تعرف اهلي شنو حتى تجفه شرهم جاوبته
ام فهد...... اي عيني ابو وسام حقك بنتك عزيزة عليك وتريد تعزها يم رجلها ..
جواهر...... راحو من عدنه راسلني مقداد عصبي ومقهور امه حاجيتله كلام ابوي
