حن الدنيا ♥

...♥♥♥"

رواية : حن الدنيا ❤️✨.
للكاتبة : Nona Alsebhawy

وفـي نهايـة روايتـنا تعلمنـا حاجات واجده

ان مهما كانت علاقتك مع خوتك اكيد حتتصلح وحيندمو ويعرفو خطئهم كيف ماصار مع حـن وخوتها الـ3  ..

شفتو سامر كيف يحب اخته ووقف معاها ف كل شي وميحبش زعلها وحت وهو بعيد عنها يسأل عليها كل ساعه وميبيش يحسسها بنقص الحنان تبع الاخ وياريت انا عندي خوت كبار بس الحمدلله واحد صغير وميرضاش حاجه فينا وهدي اهم شي..

ومتخليش روحك بعـيده عن العيلـه ومنقطعه عنهم حت بالشكل مايعرفوك بالذات لو كانو معاكم كويسين كيف ماشفنا حن وعلاقتها مع عماتها وبنات عماتها وبعد تعرفو كيف جوهم يهبل ونادر الناس اهيا ..

لأي وحده منغطسه فالعلاقات والحب مش ضروري تسيبي قرايتك وتهمليها ديري اي شي ع خاطر قرايتك كيف مادارت حن وسيبت كل شي ألا مستقبلها الا قرايتها ونجحت وربي بعتلها شخص زي فراس اللي سيبها مكلمهش لين تكمل قرايتها وجي خطبها طول من احلا الاشياء هادوو..

ديما خليك كويسه وحنونه مع امك وبوك وخوتك ومهما كانت علاقتهم بيك كوني واتقه انه ربي حيفرحك ومش حيخليك دابله وحيوعيهم ع تصرفاتهم واغلاطهم وديما ساعديهم واوقفي معاهم ع الصح وانصحيهم كيف مادارت حن مع سند ووداد وسراج وقت سيبه صاحبه و سيف لما خلاته يغير وجهة نضره ف حور وساعدت سامر ونور والنتيجه كانت حلوه وياريت كل حد يغير من نفسه حبو بعض راه الدنيا فانيه والدايم وجه الله .....♥"

معاكم الكاتبه نونا السبهاوي وشكرا ع حسن القراءه والمتابعه ❤️❤️