رواية : حن الدنيا ❤️✨.
للكاتبة : Nona Alsebhawy
البـارت الخامس عشر و *الاخيـر* .....
انا : ماما ضروري نلبس كاجول
ماما : ايه بدلة رسميه حلوه اتجي عليك البسيها اصلا الترتيبات كله والستيكرات عليهم بنت لابسه كاجول
انا :ضحكت: باه حاضر وخشيت دوشت و لبستها وطلعت نزلت لقيت ماما معاها وحده
انا : السلام عليكم
البنت : ابتسمت : ماشاءالله وعليكم السلام
ماما : هيا قعمزي للمزينه
انا : اها اهلين بيك
المزينه: تفضلي قعمزي
انا قعمزت وبدت ف وجهي وبعدها شعري رفعاته ليا ديل حصان وحلوو بكل عجبني مع اللبسه
انا : يسلمو ايديك ماشاءلله ابدعتي انسه وعد
وعد (المزينه): انتي زايده محليتهم ووقفت
ماما : صحيتي وعد وعطتها مبلغها وروحت ودخلتلي ماما : بسم الله ماشاءلله تهبلي
دق الباب ودخلو خوتي ونساوينهم حوامل
سراج : مبروك النجاح يابطه وحضني
انا : الله يبارك فيك
سامر : حبيبتي وحضني
انا : قعدت نبكي ونمسح ف دموعي
سامر : رفعتي روسنا كلنا
انا : من يوم يومكم راسكم فالعالي
بابا : هكي ديما نبيك يابنيتي وانشالله عقبه للشهاده الكبرى
انا : انشالله
وداد : مبروك حبيبتي
انا : الله يبارك فيك
سند : مبرووك حبيبت خوها
سيف : تستاهلي اكبر هديه
حور : يابقره نجحتي ودرتيها ولله فرحتلك
نور : اي ولله حت انا فرحتلك ياعيوني
اريج : انشالله عقبه للدكتوراء
انا : حضنتهم وشكرتهم كلهم : مش مستحقه هديه ومفاجئه لانه وقفتكم معاي بروحها هدايه من ربي. بطولة عمركم وزهاكم يارب لعقبه لما نفرحو بصغاركم يارب وبابا وماما شكرا ع كل شي درتوه ليا وانشالله ربي يقدرني نعوضكم باللي احسن منه
كلهم يدمعو: امين يارب
وطلعو خوتي وبابا
سامر : حن تعالي
طلعت سحبو سلاحاتهم وقعدو يفرغو فالهوا بمناسبه نجاحي وطلعن نساوين خوتي وماما يزغرتو وخشينا وركبت لداري درت العطر وبخرتني نور
نور : حن
انا : نعم يعيوني
نور : فيه رقم نهايته 33 درتيله حظر
انا : تفكرته : ايه صح من هدا
نور : ضحكت : ياغبيه هدا فراس
انا : انصدمت : جد تحكي
نور : ياحنونه خوي يبيك يحبك وماضايقك وانتي تقري عارفك شهاده وتحبي تنجحي مايبيش يشوش عليك لكن ياحبي مستاحشك يبي يكلمك كل يوم بجنب المدرسه باش يشوفك وتوا حيجيب امي وراس حن الدنيا اطلعي سلمي عليه وخليه يشوفك من قريب من بعد الاستراحه اليوم هضاك معادش شافك من قريب
انا : ابتسمت : حاضر
نور : نجك ليا
وخشن وداد واريج وحور
وداد : شن اتهدرزن ياخاينات
انا : مافيش حاجه انتن قوللي شن جوكن مع الحمل
نور : حلو مش امتعبني انا
حور : بنهبل امتا بنمسك البيبي بين يديا
اريج : حت انا بس تااعبه الحق
وداد : عادي ماشي معاي بس امتعبه سند في جرتي
انا : ضحكت : باهي ربي يخلصكن
كلهن : انشالله
انا : مزال مابتجيبن صح
نور : اي مزال شويه
انا : باهي كويس الله بنولي عمه 🥺
اريج : واحلا واحسن عمه فالدنيا كلها
البنات : اي ولله ربي يحفظك
انا : تسلمن
حور : مسكت بطنها : واحلا مرت خال
وداد : ابتسمت : نيالكن ولله
ماما : انزلن الناس جو
نزلنا ووصلت عمتي وفراس طلعت فتحتلهم الباب ودخلو السياره للقراج
عمتي امينه : اتزغرط : مبارك النجاح يابنيتي وحضنتني العقبه لما نفرحو بيك وبالشهاده الكبرى
انا : انشالله اعميمه ولله لك وحشااات وبستها ع خدها
ع .امينه : ضحكت : توا بنرفعك معاي لحوشي
انا : فهمت قصدها ابتسمت : هي تفضلي خشي
ودخلت اعميمه وفراس يشوفلي
انا : حضنته : لك وحشات وبعدت عنه
فراس : ابتسم : مبروك النجاح حنو
انا : الله يبارك فيك
فراس : مسك يدي : وينك وشن دايره ف الاشهر اللي فاتو ليش اختفيتي ومادورتيني
انا : االحمدلله في نعمه. ولله الشهاده واعره لهيت ف قرايتي حت التلفون معادش فتحته
فراس : لكن الناتج حلووو وتفوقتي وزايده سماحه مع هده كله وكابره
انا : الفرحه مش سايعتني وكلك ذوق
فراس : انشالله ديما فرحانه وهيا خشي لداخل
انا : نتلاقوو
فراس : ضحك : اكيد
انا خشيت نبتسم يقابلني انور
انا : بسم الله منين طلعت
انور: ضحك : قبل اشويه جينا بس انتي فالكراج شن بيعرفك
انا : قصقاص لك وحشات
انور : وانتي اكتر يامشفشفه متغيره
انا : كلهم يقولو فيها
امير : اووو حن مبروك النجاح
انا : الله يبارك فيك اميروو لك وحشات
امير : حت انتي وهيا انت تعال خش ماتتريح ف مكانك
انور : طالع للشارع بنصطاد بنت
انا ضحكت وخشيت للضيوف
ع امنه :مبروووك النجاح بنيت خوي وحضنتني
انا : الله يبارك فيك عمتوووو
ع. امنه : دورت عليك ملقيتكش
انا : وللهي كنت انسلم ع فراس وانور وامير هدرزت عليهم شويه وخشيت
ماما : ايي عاد عصابه
انا : ضحكت : وووه ياماما من زمان ماشفتهم
المهم وصلن الخدامات اللي بيحوسن فالمواعين وماما قاعده تقوللهن شن يديرن وفرقن ع الناس وطلعو للرجاله وووو ونحب نختصر من هدا كله انه ايفوز اليوم هدا . فرحوني وباركولي ف نجاحي و الهدايا مووش اشويه حت من اصحاب بابا وخوتي ونساوين خوتي والجيران و كله كلهم اللي جو بهداياهم ومشي اليوم حلو باختصاره وروحو الناس ومعادش فيه زحمه واجد
نور : حن فراس بعتلي رساله قالك حولي الحظر وابتسمتلي
وانا فتحت النت وحولت الحظر : مساءو
فراس : مساء الورد يا حن الدنيا
انا : ❤️❤️
فراس : شن اديري
انا : ف المطبخ تبي شي
فراس : تعالي للكراج نبيك اشويه
انا : اوكي
نور : ها شني
انا : غطي عليا بنطلعله
نور : تم هانيه الامور
انا : ابتسمتلها وطلعت نجري.
فراس : يضحك : قاعده تجري قصدك
انا : اي
فراس : قعد يفصل ف ملامح وجهي : مستاحشك
انا : ابتسمتله : فراس انت شخص حلوو ونادر بكل ونور حكتلي كل شي
فراس : ابتسم: لانك انتي اللي متتعوضيش وربي
انا : من ذوقك
فراس : اعطاني صندوق اصغير : هديتك
انا : حيي ليش متعب روحك
فراس : لالا مافيش تعب وانشالله تعجبك
انا : ابتسمت وفتحتها ضحكت:محلااااهاااا
فراس : هاتي انلبسهالك
*كانت هديته سنسلة فضة بأسمه فراس بالعربي"
انا : قربت منه وبسته ع خده : شكرا وبعدت
فراس : قرب مني : متبعديش عني لا توا لا بعدين فاهمه
انا : حاضر
فراس : حضني : حن نحبك
انا : بعدت : نحبك
فراس : ضحك : تتزوجيني
انا : اكيد
فراس : وتي روحك وهيا الداخل بري
انا خشيت لقيت نور مازالت مقعمزه فالمطبخ
انا : بجد بجد يانور شكرا ع كل شي درتيه ليا ووقفاتك معاي
نور : مش بيناتنا حبيبتي اختي راك قبل ما تكوني بنت خالي
انا : عرض عليا الزواج
نور : ضحكت : هدي اهم شي وحضنتني مبروك ياعمري
والمهم دخلت انا ونور
ع .امينه : حن تعالي نبيك ف موضوع
انا : قعمزت بجنبها : تفضلي ياعمتي ..ولقيت حور ووداد واريج يغمزن عرفت الموضوع
ع .امينه : يابنتي اليوم نبو بدل الفرحه فرحتين وجيت لامك وطلبتك منها لفراس ولدي ومن زمان قايلته ليك صح ولا
انا : نزلت راسي : صح ياعميمه
ع. امينه : وقلت لفراس وفراس موافق بس شارط عليا انه بعد اتكملي الشهاده وهاك كملتيها وفتحتله الموضوع وقالي يا امي انا مانلقاش احسن من بنت خالي وراضي بيها وبس شوفي رايها وراي هلها وامك وبوك وخوتك من مره سائلتهم وعاودت توا وقالو موافقين وواقفين عليك انتي بس وراه ولدي بـ حوشه وبـ سيارته وبـ شغله وراجل ماشاءلله كامل والكمال لله وانتي بروحك تعرفيه يابنتي وراهو معزتك عندي كيف بناتي واكتر ونبيك معايا اتونسيني وتوا الراي رايـك
انا : ابتسمت : ياعميمه من فتره قلتيلي وانا ولله مش حنلقى كيف ولدك ومش حنلقى عمه كيفك انتي ومش حنلقى حماوات كيف نور وحور اللي دايرتهن خواتي وانا راهو موافقه وماعنديش عليش بنرفض
ع .امينه : الفرحه ف عيونها شافت لماما : على بركة الله
ماما : أن شاءلله
وناضو يزغرتو وانا فرحاانه بجددد ويحضنو فيا ويباركولي
نور غمزتلي حضنتها وقعدت نبكي ونضحك كيف الهبله
وداد: يحليلي عندنا عررسسس
وقعمزنا
ع .امنه : اي مالا راكم اطولو بينا طلعو العرس بكري
ع .امينه : اكيده نعطوكم اسبوعين ونعرسوهم
ماما : الراي رايكم ومافيش حاجه تصعب بأدن الله
ع. امينه : مالا بعد بكرا التلبيسه وبعد اسبوعين من اليوم العرس ان شاءلله بس شوفي احمد خوي شن يقول ولا كيف
ع .امنه : اكيده
ماما : ان شاءالله
ع. امنه : هي مالا تو نستأدنكم تصبحو ع خير
ماما : العفو مزال بكري قعمزي تعشي
ع. امنه : يتعشى الخير احبيبه ولله عيسى بكرا عنده شغل بيطلع بكري ويبي من يفطره
ماما : اي معاك الحق
ع. امنه : ف عرس حن انشالله
كلهم : انشالله
وروحت عمتي امنه واولادها الزوز وهدرزنا اشويه وعمتي امينه بتروح
ع. امينه : هي حت انا بنستأدنكم وقت المرواح وضحكت
ماما : العفو خيركن مروحات بكري
ع. امينه : هدا هو ياهدى وفراس تعرفيه انتي ميحبش يطول ف حوش حد
ماما : بيت خاله خيره حت هو
ع.امينه : ماعندي مانديرله ربي يهديه هي توا تصبحو ع خير وكلمتني ماما قالتلي اطلعي معاها وطلعتلها بجنب الباب
ع. امينه : ها حنونه متأكده من قرارك يعني محدش ضغط عليك ولا
انا : اعوذ بالله اعميمه انا متأكده ميه فالميه
ع. امينه : ابتسمتلي : باهي الحمدلله هي توصي ع حاجه
انا : بستها ع خدها : تسلمي بارك الله فيك
فراس : هيا امي وشافلي ابتسم
ع. امينه : باهي انكلم ف عروستك وضحكت وطلعت
فراس : ضحك : تصبحي ع خير عروستي
انا : ابتسمتله : تلاقي الخير
فراس : خلي تلفونك بجنبك وطلع
انا خشيت قعمزت وهدرزت مع البنات وماما وبعدها ركبت لداري دوشت ع السريع ولبست بجامتي متع النوم ونزلت لقيتهم خوتي وبابا وماما ونساوين خوتي متجمعين يهدرزو مشيت نجري لبابا قعمزت وحضنته : حبيبي استاحشتك
بابا: يمسح ع ظهري : حت انا يابطه
انا : الله ناعسه بنرقد
ماما : تعشي وبعدها ارقدي
انا : شابعه انا مخاطريش
سامر : وفي عقابات الليل ادوري شن تاكلي
انا : نننننن ماناكل من تلاجتك
سامر : ضحك : اي به ماقلتيه وقت اتجيني فالحوش واتلمي الشكلاطه واتروحي
انا : مادخلك
ورقدت ع كراع بابا وقعدو يهدرزو ونا خداني النوم رقدت بعدها ماما وعتني
ماما : نوضي لدارك ياماما
انا : ابتسمت : حاضر وركبت لداري رقدت ع سريري وتفكرت فارس فتحت تلفوني بسرعه لقيته قريب 10 مكالمات فائته عاودت عليه رد
انا : ناعسه : ايواا
فارس : ويينك نرن عليك مترديش انشالله خير
انا : ضحكت : ولله خداني النوم رقدت تحت لين توا ماما وعتني
فارس : باهي صحه النوم لكن الباين مازلتي ناعسه من بحة صوتك
انا : لالا مبنرقدش
فارس : باهي وقعدنا نحكو ليين غفيت والمهم نختصرلكم
لبسوني و كل يوم نحكي مع فراس وكل يوم نتعلق فيه اكتر واكتر وبديت نطلع للمحلات ونشري لعرسي وقعدت ع هالحال ليــن فاتو الاسبوعين وجـي يوم عرسي وانا حنختصرلكم اختصار ونكتبلكم اللحضات المهمه ....
يوم الفـاتحـة ..
السـاعه 8 وعيت ع اتصال فراس يصبح عليا وغسلت ونزلت صبحت ع العيله كلهم وفطرت ولبست البودري ولفيت ع حوايجي وهدرزت ع خوتي وبابا ولبسو وطلعو للفاتحه وانا من هنا توترت مش عارفه ليش وقعمزت بجنب وداد واريج يهدرزو عليا ونور وحور ف حوش هلهن وبعد شويه وقت وصلتني رساله
فراس : صابت صابت ونحسابها بتخيب لكن صابت مبرووك علينا يامراتي ياحبيبتي
انا : عيطت وقفت وقعدت نحضن ف وداد واريج اتزغرت وبدو الزغاريت فالحوش ويباركولي ونا بجد بكيت بكيت دموع فرح قسملي الله اللي نريده وعارفه روحي بنعيش وانتريح معاه وبكيت لانه مرو قدامي دكرياتي من وانا صغيره واكبرت فهالحوش وكيف بابا يدلع فيا ويناشب فيا ويزعل فيا ويفرح فيا وكيف ماما تخاف عليا وكل يوم بـ هديه وخوتي كيف كانو معاي وكيف ولو وكيف يحبوني ويعزوني لنقني بكيت لكن حمدت ربي لانه اخترت الشخص الصح وعارفته مش حيرضى فيا حاجه ومش حيزعلني ..وحضنت ماما وبكيت نا وياها مش هاين عليا انسيبها بروحها فالحوش وفنفس الوقت نبيها تتهنا عليا وبستها ع راسها ويديها وكرعيها وتحضن فيا وتبكي وشويه اريج قالتلي يبوك باتك وخوتك وانا طلعتلهم نبكي وحضنت بابا
بابا : عيونه دمعو وفرحان : مبروك ياروح بابا
انا : بسته ع راسه ويديه : بطوله عمرك وزهاك ياحبيبي ربي مايغيبك يادنيتي
سيف سحب سلاحه وقعد يفرغ وانا نبكي ونضحك حضنته وحضنتهم كلهم وباركولي وخشيت داخل قعمزت شويه وصوت سيارات وزغاريت وسلاح والعاب ناريه عرفت انه فراس وعمتي وجو وخشت عمتي تبكي والفرحه واضحه عليها وحضنت ماما وقعدن يزغرتن ويبكن
وسلمت عليا وحضنتني ووو
بعد شي ساعه روحت عمتي امينه ودخلت للمربوعه لفراس
فراس : ضحك ونزلت دمعته : مبروك ياروحي
انا : حضنته ونبكي : مبروك علينا
فراس: مسحلي دموعي : اششش متخافيش مش حنزعلك ف عمري كله وكيف ماعاملوك باتك وخوتك حنعاملك وحنعيشك ومنحسسكش بالنقص في ولا حاجه ومش حنضربك ولا نخونك وعد راجل والدموع مش حينزلو من عيونك إلا في وقت الفرح
انا : ابتسمتله : ربي يديمك ليا ويقدرني نحبك وانصونك ونعيش معاك ع الحلوه والمره ومش حنقولك لا ولا حنرد عليك ولا نخونك ومانرفضلك ولا طلب واللي تبيه حاضر
فارس : عارفك بنت بيتيه وبنت اصل ومايوم درتي غلط ربي يخلينا البعض ويبعد عنا كل شر
انا : اللهم امين
فارس : ابتسم : يلا بري البسي الفراشيه باش نمشو للمصوره حاجزتلنا عندها حور
انا : تمام
وطلعت من عنده والعيله يباركوله وبعدها ماما لبستني فراشيتي وركبت معاه و صورنا وضحكنا ودار بيا دوره فالبلاد وهدالي باقة ورد وروحنا ومشي اليوم كله حلو واللي بعده واللي بعده وجـي يوم المرواح اللي هو الحفله
اليوم الخميس .....
وعيت من الـ7 دوشت وفطرت وطلعت للمزينه انا ووداد واريج ونور وحور ف مزين تاني ..ومكلمتش فراس بكل وبدولي فالمكياج وطولنا وبعدها التسريحه طلبت شعري يكون مفتوح و فلو ولبسوني التاج الفخم هديه من ماما و الفيلو الفخم من فراس والكعب والشنطه الفخمه من وداد والطاقم الفخم من بابا وهدين ابسط هدايه قلتهم الباقي فالحوش تو تعرفو شني هما
لبست وراجيت وداد تلبس وطلعتلي
وداد : بسم الله ماشاءلله تهبلي
انا : ابتسمت : حت انتي مع بطنك وضحكت
وداد : ضحكت : الله غالب هي البسي سند وصل هوا وعمي
انا لبست وطلعتني وداد لسياره بابا لانه شرطت انه بابا يوصلني ويدخلني للصاله وفعلا وصلت ونزلت وبابا خششني للصاله وصورنا وطلع وانا فرحانه وبنبكي ومخلطه عليا ..جو يباركولي إلا ماما عارفتني بنبكي مكلمتنيش وصورت ورقصت وضحكت وجي وقت بيدخل فراس ..انا وقفت وغطوني ونشوف فيه نازل من الدروج ويشوفلي انا وبس لين وصل فيا رفع الطرحه من على وجهي وانبهر ضحك
فراس : محلاك حبيبي وباسني ع راسي بعدها خدي
انا : طالع تهبل بالتحليقه اهيا
فراس : مبروك علينا ياعمري
انا : يبارك فيك وقعمزنا وخدينا لقطات مع عماتي وماما ونساوين خوتي ورقصنا وقصينا التورته وقعمزنا شويه وطلعنا لدار بنصورو وصورتنا المصوره لقطات واجده ووقت بنروحو خشولي خوتي وماما وبابا انا هنا مقدرتش نمسكهم دموعي
ماما : تبكي : مبروك ياحبيبتي ياعمري بهناك يارب
انا : نبكي : يبارك فيك ياماما ولله مش هاين عليا انسيبلك الحوش بروحك
ماما : حتجيني قريبه مني مش بعيده يمي ..انوصيك حبيبتي كان شن صار بينك وبينه تعاليلي وكان شن صار ف حوش عمتك ماطلعيش الدوه لحد واعرفي شن تحكي وراك اتزعلي عمتك ولا تخلطي فيها ونبيك ف مجمع نساء تسمعي اكتر من تحكي وكتره الدوه مش باهيه واسمعي كلام راجلك وماتخالفيه خليك زي امك ياعيون امك انتي
انا : ان شاءلله ومشيت لبابا
انا : ياعيوني وحضنته
بابا : مقدرش يمسك دموعه : يابنتي الغاليه ماتبكيش قريبه مش برا لبلاد وانا عطيتك لراجل ومتخافيش وكان شن صار راهو عندك اب حي ماماتش وانت يافراس عطيتك بنتي راك اتزعلها ولا تغلط فيها مانسامحك كل شي الا زعلها وانا نعرفك بس انقولك الكلام هدا كيفي كيف اي اب يوصي ع بنته وجيبها ليا انشوفها بين مره ومره متقطعهاش عن بيت هلها امتا ماتبي اتجيبها وانحدرك ياولدي الا الضرب راك تمد يدك عليها راه ولله انا مش حنمسك اولادي عنك ونعرفهم وانشالله ربي ينور طريقكم ويهنيكم
فراس : ابتسم : ان شاءلله خالي بنتك فالحفظ والصون
انا سلمت ع خوتي وحضنتهم وقعدو يتأسفولي وبكو وبكيت معاهم ووصلت ف سراج
انا : ضحكت ف وسط دموعي : سيرجوو
سراج : حضني بالقوه : حن الدنيا قسمآبالله سامحيني ياوخيتي ع كل شي درته لك ولله لتوا نتفكر كيف كنت معاك ونحاسب ف روحي
انا : ياحبيبي مسامح دنيا واخره راك كبيدتي وصاحبي مش بس خويا انا ننسا ونسيت الايام هادو والحياة تغيرت وربي فالاخير وعاكم ع الصح وعرفتو غلطكم وانا مش زعلانه بالعكس نحبكم ربي يديمكم ليا ياعزوتي وتاج راسي انتم السند والظهر والقدر كله ربي يفرحكم في هالدنيا وشانكم ديما عالي
سراج : عارفك ياوخيتي ربي يخليك ويهنيك يارب وراك اتخبي شي مازلنا عايشين اللي يغلط فيك ارفعي التلفون بسس واحني مادام عايشين ماحدش يفكر يهينك او يقلل من شانك وهاا يافراس رد بالك عليها كل شي الا زعلها وانت عارف
فراس : ابتسم : ان شاء الله متخافش
انا : ان شاء الله ياعيوني ربي يطول في عمركم
بابا : هيا توكلو على الله
فراس : مسك يدي : هيا
انا : هزيت راسي : هيا
ونزلت الطرحه وركبنا فالسيارات موكب وعدلت مكياجي وطلعنا وكان الموكب مشش عااديي وخشيت لحوش انا وفراس وحكينا وكدا ❤️✨
وتمت حياتنا بـ فرح وسعادة
وبعد كم شهـر ولدو نساوين خوتي كل وحده بينها اسبوع او شهر ويومين
نور جابت ولد سموه عز الله
وحور جابت بنت سموها ريان
واريج جابت بنت سموها سحر
ووداد جابت ولد سموه عبد الله
وبعد سنـه ربي رزقني بـ بنت سميتها روح ومدلعها فراس مش متحمل فيها حاجه وفرحانين بيها هلي وعمتي
وهكـي كانت قصتـي وعشت احلا ايـامي معا فراس وبجـد راجل مافيش كيفه
....❤️❤️❤️❤️❤️❤️