#الكاتبة_ژوژو_الطشهه
#محاسن_الصدف
#الحلقه_2_
#لاااااايك_قبل_ما_تقري💛
(ديري متابعه لي إيميلي عشان مجرد ما أنزل الحلقه تطلعلك طوووول💛)
الساعه 9 روح محمد لي القصر سلم ع عيلته وركب دارة بعدها نزل لوطه يعيط
محمد بي عصبيه :منننننن خش دااااري وغير في الحاجات مننننن أنا شن قلت ع داري مانبيش حد يخشلها وينظمها غيرك انتي ورولا يا أمي مننننن لمسها من رتب الدبش ؟؟؟؟؟؟؟😡
خديجه بي توتر:اه وليدي نسيت هدي الخدامه الجديدة نسيت نقوللها أنه دارك ما تقربهاش اليوم لها أول يوم مسكينه مش منها
محمد بي عصبيه :من قاااااالللها تقربهن أنا عارفيني ما نحبش من يخش داري بدون اذني يبال تقعد لاعبة في الدار 😡 وينها هدي عدي كلميها يا رولا
رولا هزت راسها بي خوف وخشت المطبخ
طبعا في المطبخ كانت رتاج هيا وجارتهم خديجه و2 من الطباخات كانن يسمعن في الحوار ورتاج تبكي وخديجه تهدي فيها
خشت رولا بي عصبيه :انت يا وقحه تعالي يبيك محمد
رتاج انصدمت من أسلوب رولا وشافت لي خديجه بي صدمه وخديجه هزت راسها بي طريقة اسف لأنه عارفه رولا وأسلوبها لأنه لها زمان تخدم عندهم
رتاج هزت راسها ونزلت دمعتها طلعت لحقت رولا ولحقتهن خديجه الي خايفه من محمد لأنه عصبي بكل
رتاج أول ما وصلت محمد كان مطبس راسه
رتاج بي صوت طفولي بريء ودموعها ينزلن :نعم😢
محمد أول ما سمع صوتها رفع راسه وشافها أنصدم قعد ثواني يشوفلها وزاد ركز فيها جاي بيهزبها ويقلب الدنيا عليها بس لي لحظه سكت وهدا روحه مش عشان جمالها بس في شي قاله من جوا يسكت لما سمع نبرة رتاج الحزينه الخائفة💔
محمد تنهد ورفع رأسه في أمه والتفتلها
محمد : أمي تنبهيها ماعش تجي شور داري ه المره مشت ع خير المره الجايه نتصرف تصرف ثاني
ركب لي دارة وهوا عاقد حواجبة مستغرب من روحه والهدوء الفجأءة الي صارلة
رولا وحنان وخديجه شافن لي رتاج بي صدمه واستغربن هدوء محمد الي كان زي البركان
حنان جت لي رتاج الي كانت تبكي
حنان :بنيتي امسحيها في وجهي هدا ولدي محمد عصبي وما يحبش من يقرب حاجاته ديما أنا ورولا بس نضموا دارة
رتاج :بس أنا ما كنتش عارفه
حنان : الحق عليا أنا ما قتلكش المهم سامحيه بنيتي♥️
رتاج ابتسمت ع كلمة بنيتي ومسحة دموعها :حاضر عميمه ولا يهمك♥️
رولا :😒😒
حنان :ومشاءالله يا خديجه رتاج شكلها ناشطه من أول يوم دارت تغيرات واجد في القصر من ترتيب وضم وعندها لمسه حلوه وخاصة♥️
ابتسمت رتاج بي فرحه
خديجه : ماشاءالله عليها رتاج شهادتي فيها معروفة نظيفه وطيابة وتقدري تعتمدي عليها في كل شي♥️
حنان ابتسمت :كويس
رتاج :خويا برا تصبحن ع خير
حنان وخديجة:وانتي بخير
طلعت رتاج ركبت مع خوها وروح بيها للحوش
خشت خديجه تلم في حاجاتها عشان تروح
حنان شافت لي رولا :ليش لاوية وجهك في وجه البنت
رولا :ما هضمتهاش وبعدين هدي خدامه رآه أنا هكي نعامل في الي كيفها 😒
رفعت خشمها وركبت فوق
حنان هزت راسها بي أسف
---------
عند محمد في دارة بعد دار دوش تمدد ورقد من التعب مع إنه الساعه 9:30
--------
عند نورس قاعده مع هلها يهدرزوا فجأه انقلبت المنطقة رصاص قوووي وسلاح ثقيل بكلللل وصوت يخوف عارفتنها الحرب الي كبيرة بكل وصوت الاصلاح الي تحسيه معاكم في الحوش شي يخوف شي مرعب بكل 💔💔
نورس دمعوا عيونها بي خوف واختها وأمها نفس الشي
منصور باتها ناض بي خوف :يا ساتر يا ساتر
منصور قعد يعيط :خشي يا حواء لمي الاوراق وكل شي مهم وجيبن غيار لكن في الشنطه مرات تقوا الحرب
خشن كلهن يبكن وخايفات حطن وفاء ونورس شنطة وحده وكبيرة قعدن يلمن فيها دبشهن وحاجاتهن المهمات وأمهن تحط في دبش راجلها والأوراق المهمه وكل شي يبوه
عند منصور يحكي مع خوه
منصور :ها شن فيه شن الاخبار
خوه :لا إله إلا الله الوضع ما يطمنش بكل لموا حاجاتكم بي سرعه قبل لا يقربوا ويسكروا الطريق أنا قلت للعيلة يلموا حاجاتهم عشان نطلعوا من المنطقة الحرب المره هدي الباين كبيرة توا طاح صاروخ في بيت صاحبنا ##
منصور قعد يبكي :لا حول ولا قوه الا بالله ما تقولش هوا وعيلته في
خوه:قالو هك المهم توا سقدوا رواحكم
سكر منصور وقعد يعيطلهن :هياااا سقدن رواحكن
بعد ربع ساعه لمن كل شي وطلعت يجرن لبسن عباياتهن وركبن السيارة وهن يتباكن بدت تقوا الحرب وطاح صاروخ قريب من شارعهم قعدت نورس تقرا في قراءان وأمها منهارة هيا واختها💔
وباتها يسوق ويستغفر💔
قعد يجري بالسيارة قابلتهم سيارة من الجيش رموا فيهم طلقه جت في السيارة من لاورة زادن يتعايطن زاد باتها السرعه وبعد 10 دقائق طلع من المنطقة وقعد يجري ويرن ع خوه وهوا يسوق
منصور يعيط :قريب رحنا فيها يا علي رموا فينا الكلاب ربي ستر وطلعنا
علي :لا حول الله حتا نحنا طلعنا من الطريق الأخرى
منصور :وين نعدوا توا بالصبايا في الوقت هدا
علي :انت شوف موسى ## انزلوا عنده وانا نعدي لي مختار لأنه انا طلعت من الطريق العكسي
منصور:وانت قلتتها تمام في امان الله
سكر منصور منه وتنهد في راحه وتلفت لي بناته
منصور بي حنان :خلاص بابا حبيبي هدن رواحكن الحمدالله طلعنا من المنطقة توا نعدوا لي صاحبي موسى هدا كان صديقي زمان أيام العسكريه مش بعيد من هنا ع بعد ساعه ونص واكيد ح يستقبلني مع إنه لنا 5 سنين ما حكيناش ولا تقابلنا حتا رقمه ممتسح بس نعرف حوشة
نورس تنهدت : الي حمدالله بابا ربي كريم
حظنت نورس وفاء اختها وقعدت تهدي فيها وامهن هدت وقعدت تقرا في المعوذات وكمل منصور طريقة لي حوش مصطفى صاحبة 😢♥️
---------------
عند أحمد بطلنا روح من المحل الي يشتغل فيه تعبان خش لي حوشهم فتح الباب بالمفتاح وخش للصالة لقا أمه واخته في الصالة ابتسم
أحمد :السلام عليكم
أمه واخته : وعليكم السلام
جاته مرام تجري حظناته :احميدة🤤♥️
أحمد حظنها:بنيتي السمحه ♥️♥️ شن جوك اليوم شن جو امتحان الرياضيات قريتي فيه
مرام:اي قريت بس في مسائل درت عليهن اكس عادي تشوفهن ليا ع النت
أحمد شير ع عيونه:من عيوني كم عندي ميمي أنا ♥️
فوزيه ابتسمت :ربي يخليكم لي بعض
أحمد ومرام:يارب♥️
(مرام اخته ادكرن لو حسيتن روحكن ناسيات عاودن اقرن الحلقه 1 مرام مواليد 2003 تقرا ثالته ثانوي ودلوعة احمد واجد هوا الي مربيها يعتبر فيها بنته مش بس أخته بس عنده أمه وأخته بالدنيا باته متوفي لاه 11 سنه في حرب 💔)
فوزيه ناضت :نطلع العشاء اليوم درت رز الي تحبوه 🤤
أحمد ومرام ابتسموا بي فرحه
أحمد رقد ع الفراش بي تعب ومرام خشت تجيب الكراسة متاعتها
أحمد ابتسم بعدين تنهد بي ضيق(يارب هون يسر ولا تعسر 💔)
(أحمد شايل حمل حوشهم وطول اليوم في المحل من ال 9 الصبح لل 9 اليل يحاول يصرف ع حوشهم وما ينقص ع أمه واخته شي♥️..
______
عند رتاج بعد وصلوا خشت قعدت تتعشا هيا وحنها وخوها بعد العشاء غسلت الماعين وجت حكتلهم كل شي صار معاها اليوم مع عادة تهزيبة محمد وهك
اشرف بي فرحه :اللللله واكبر هدي الخدمه الصححححح يعني في الشهر 700 وشهرين 1400 و3 شهور 2100 واو وينك عنها الخدمه هدي من زمان😍😍😍🤤
رتاج شافتله بي استحقار وشافت لي حنها الي مش راضيه ع خدمتها بس تسايس فيها
رتاج جت خشت في حظن حنها:ما تخافيش أمي شغل كويس والباين حتا صاحبة الحوش كويسة بكل ومعايا عمتي خديجه وبعدين مش شي متعب لا طبخ لا شي تنظيف بس♥️♥️ وبعدين قصرهم يجننن زي متاع المسلسلات نظيف وجميل وكبير وكل شي في حلو حتا لما تخدمي تحسي بالراحه😍
جازيه ابتسمت :إذا هكي ربي يوفقك بنتي♥️
رتاج ابتسمت :يارب ويخليك ليا تاج فوق راسي🥺
ناض اشرف وهوا فرحان بدال ما يكون مضايق اخته تشتغل خدامه بدال ما هوا يشتغل شغل كويس ويصرف عليهن 💔 بس هوا كل همه فلوس إنشاءالله من وين يجن
خش لي دارة ورقد
أما رتاج بعد هدرزت مع حنها ورقدت حنها خشت دارت دوش وحطت راسها ع المخدة وكملتها تبكي زي اي ليلة من الليالي الي مضن بس ه المره كان جرحها عميق تبكي ع تهزيبة محمد وع اهانات رولا وع نظراتها لها لأنه فقيرة وع استحقار الناس للناس الي من الطبقة الضعيفه الي كيفهم وبعدين قعدت تبكي ع أمها وباتها زي أي ليلة وكملت بكائها بي دعاء طويل حطت فيه كل الي خاطرها بعدها رقدت عشان بكرا بتعديلهم بدري😢
--------
عند يحيا قاعد في دارة يشوف لي التلفزيون وشعور الضيق والعجز ملازمه من شهرين يعني من لما اندارلة السحر 💔💔
دق الباب
يحيا :تفضل
خشت امه
فريحه بي ابتسامه :شن جوك وليدي
يحيا بي ابتسامه باهته :كويس أمي كيف حالك انتي
فريحه :الحمدالله
يحيا :باهي الي جيتي أمي نبي نقولك نبي نحدد عرسي ع استبرق بعد شهر
فريحه بي صدمه :شهر شوي يا وليدي
يحيا :لا مش شويا يا امي عادي نلحقوا
فريحه:بي راحتك كان ه الشي يريحك♥️
طلعت فريحه وهيا مصدومه صدمه تامه شهرين والعيلة كلها مصدومه كيف يحيا فكر في فريحه وكيف حبها بعد ما كان مش طايقها لأنه تدحنس عليه كيف يحيا حبها وخطبها مش عيلتهم حتا بنات عمامه وبنات خالاته وعماته وخالاته هك مصدومين 🤷..
ع خشة استبرق دقت الباب ع يحيا وخشت يحيا أول ما شافها عيونه قعدن قلوب وناض طول حظنها
يحيا :يا عمري رايفت عليكي 🤤💗💗💗💗💗💗💗
استبرق وهيا مبتسمه بي فرح :وانا اكثر حبيبي بس الأيام هدي كنت مشغولة اليوم جيت بنبات مع خويلة♥️
يحيا يبوس فيها ع راسها :واخيرا جيتي كنت مكسد بلاكي🥺
استبرق ابتسمت :وحتا أنا
جت قعدت ع السرير :ماعش عديت الصيدلية
يحيا :عديت أمس مش عارف عليش كارها ليا فترة
استبرق ضحكت :ههه ممكن ملل بس😂
يحيا :اممم ممكن توا خلينا منها واسمعي الخبر حددت موعد العرس بعد شهر وقلتها لي أمي عشان تقولها لي باتي وبكرا نجوكم نحددوه
استبرق بي فرحه حظناته :ياااااي نحبك😍😍😍
يحيا ضحك وحظنها بي قوه..
ع دقة الباب ناض موسى بات يحيا فتح الباب وانصدم في الي ع الباب
----------
عند سامر بعد ما كان مع أصحابه الطيارين يحكوا ع جولة بيديروها الاسبوع الجاي لي دبي بي الطيارة روح لي حوشهم خش لقاه أمه وباته قاعدين وباين ع ملامح وجوهم متوترين
سامر بي خوف:السلام عليكم
هما : وعليكم السلام
سامر جا قعد بي قلق :شن فيه
خوله أمه : خوك مجد طلع من الصبح ولعند توا ما بانش نرنوا عليه مقفل
سامر بي خوف : إنشاءالله خير توا شوي كان ما جاء نطلع نشوف أصحابه
شريف باته:اي يكون احس..
ما كملن شريف كلمته إلا وانفتح الباب وخش مجد
مجد:السلام عليكم
هما ناضوا بي فرحه :وعليكم السلا....
ما كملوش الكلمه إلا وهما مصدومين في وجهه المجروح ويده الملفوفه باين عليه كاين متعارك
خوله بي خوف :وووووك عليا شنو. هدا كنك من ضاربك
سامر بي تفنيصه:شن وين ماشي ادور ومسيب هلك مشغولين عليك وليش ما ترد ع خاربك
مجد:شوي شوي عليا كنت مزرد مع الشباب بعدها تعاركت مع واحد ومافيا شي ما تخافوش وتيلفوني طاح مني
خوله : الحمدالله ع سلامتك وليدي قلبي قريب طاح عليك ماعش تخوفني عليك 😭
مجد ضحك وجا حظنها:وين يا خوخو طلعتي تحبيني😍
كلهم ضحكوا
شريف :اعقل يا ولد😂
سامر ضحك :تي هدا لما يدير عقل الدنيا تريح
مجد:مانيش داير عقل لعند نموت😂😂
خوله بي خوف :بعيد السوء عليك وليدي
مجد بأس راسها :ربي ما يحرمني منه الوجيهه السمح هدا 🤤نبي عشاء جيعان رآه
خوله :حاضر هي
خشت للمطبخ
سامر :عليك غلاء😒
مجد ضحك بي غرور وقعدوا يهدرزوا مع باتهم بعدها جابت خوله العشاء وتعشوا وقعدوا يهدرزوا♥️♥️...
-------
عند ياسمين مكسدة في دارها رن عليها ولد عمها مسجلته(الحصلة🌚)
ياسمين تأفأفت وردت :الو نعم
كرم :يا اهلين وسهلين بي نور العين 😍
ياسمين : كرم لخص مش فاضيه رآه 🙂
كرم :تؤ تؤ كنه الحلو زعلان
ياسمين :نعم
كرم :قتلك عادي نقولك حاجه
ياسمين :شنو
كرم :نحبك
ياسمين :اع وربي اععع 🤢
سكرت في وجهه وقفلت التيلفون ونزلت لي امها لقتها تهدرز هيا وباتها ع مواضيع مملة زي العادة ع الشغل وهك
ياسمين :بابا الاسبوع الجاي نبوا نطلعوا زردة نحنا وبنات العيلة شن رأيكم تتطلعوا معانا
انور بي ملل :عندي شغل بابا افتحي الخزنه وشيلي الي لازمك من فلوس وعدي مع أمك يشيلكن السواق
ياسمين تنهدت بي ضيق :تمام
مريم أمها شافتلها وهزت راسهها بي حزن
ركبت ياسمين دارها وخشت لي سريرها نزلت دمعتها ع خدها بي قهر وتغطت ورقدت 💔🔥
(حاولوا تشوفوا للموضوع من جميع الجوانب مش اي حد عنده فلوس مرتاح مش أي حد يضحك معناها مرتاح مش أي حد عنده خوت معناها سنده مش اي حد عنده ام وبات معناها فرحان ركزززززوا🔥)
-----
(حبوباتي مانبيش وحدة ع حلقة اليوم تقولي قصيرة لأنه نبي الرواية تمشي ع نار هديه لأنه قاعدين في البداية ونبيكن تتعرفن ع الشخصيات كويس قبل ♥️♥️)
---------
عند ريماس طلعت من دار علاء وهيا مضايقه ع علاء حست إنه في شي مخبيه عليها بس هوا يحاول يبان عادي بعد ما رقد خشت لي دارها ورقدت وهيا حاسه بي شعور ضيق مش فاهمه شن سببه 🤷..
__________
ع الساعه 10:45 م وصلوا نورس وهلها نزل باتها وخلاهن في السيارة متوترات وخايفات
عند منصور وصل في باب فيلا منصور فتحله الغفير خش قعد يدق ع الباب الجواني فتح موسى
موسى بي صدمه : منصور 😳😳
منصور ضحك بي لهفه وحظنه :الله الله ع الايام كيف يجرن
موسى :تي وين لك وحشهه وحق الله ♥️♥️
سلموا بالاحظان
موسى : تفضل تفضل
منصور تنهد بي إحراج :شن نقولك والله ما شفتش التلفزيون شكلك
موسى :لا والله خير إنشاءالله
منصور :منطقتنا استولوا عليها الكلاب وتوا قاعده تنقلب حرب طلعنا بي قدرة ربي وما عنديش وين نمشوا قلت نشوف موسى مرات يستقبلني أنا وعيلتي الأيام هدي لعند ما نلقوا حل💔
موسى بي صدمه وحزن:لا حول ولا قوه الا بالله حسبي الله ونعم الوكيل فيهم دمروا البلاد معقوله يا منصور العين اوسعلك من الحاجب كان ما شالكم البيت نحطوكم في عيونه انت رفيق عمري ماتقوليش مخليهم في السيارة نزلهم بي سرعه نخش نكلم المراه تستقبلهم
منصور نزلت دمعته:هدا العشم فيك بارك الله فيك ونعم الرفيق ♥️♥️
خش منصور يكلم مراته ومنصور جاء في فرحه وكأنه هم انزاح عليه جا للسيارة
منصور : انزلن هيي
نزلت نورس ووفاء وامهن وقعدن يلحقن في منصور وهنا يتفرجن ع الفيلا لعند وصلن للباب الجواني
عند موسى خش جوا لقاه استبرق بنت اخت مراته ومعاها فريحه مراته يهدرزن في الصالة
موسى حكالهن كل شي
طلعن وقعدن يستقبلن فيهن وموسى خشش منصور للمربوعه
فريحه سلمت عليهم سلام حار واستقبلتهن استقبال حلو أما استبرق كانت تشوفلهن بي رفعت خشم لأنه بانلها أنه من نوعية البنات الفقيرات والي مش متقفات سلمت عليهن بي روؤس صوابعها خششتهن فريحه للصالة وقعدن يسلمن بعدها
جا موسى من برا ينادي في فريحه
جاته فريحه: نعم
موسى : كلمي يحيا يجي للمربوعه يبي يسلم عليه عمه منصور
فريحه :حاضر
في الصالة
نورس قالت لي وفاء بي صوت واطي :كنها هدي رافعه خشمها وتكشر😒
وفاء :أسس ماما تفنص فينا 😂
وفاء ناضت وخشت لي الدار
نورس :ما هضمتهاش😒😒
أمها : اسكتي انتي بس قولي باهي الي اسقبلونا وما قعدناش في الشارع
ع خشة فريحه فاتت لي دار يحيا خشت عليه لقاته ماسك تيلفونه قالتله وهوا طلع للمربوعه وقعد يسلم ع منصور
منصور : مشاءالله يا يحيا متغير💛
يحيا :تسلم عمي منصور لك وحشه والله
منصور :والله حتا أنتم
قعدوا يحكوا ع الحرب والجو هدا بعدها فريحه طلعت العشاء واستبرق قعدت تقدم عساس بعد كملت خشت للدار وفريحه انحرجت منهن ماعرفت شن تقول المهم قعدن يهدرزن شويا بعدها قالتلهن تعالن رقت بيهن للدور الثاني ومشاءالله كانت فيلا كبيرة
فريحه :انتي يا حواء هدي دارك وانتن يا جميلات هدي داركن الي مقابلتها دار يحيا ولدي وانا داري في الجيهه هدي وهدي دار بنتي صفاء
ابتسمن كلهن من طيبة فريحه الي كانت باين عليها مراه عسل♥️
خشت حواء لي دار ما طولتش رقدت وفريحه خشت لي دارها رقدت
أما استبرق ف كانت قاعده في دار الضيوف طول يحيا مع منصوب وباته رقدت وهيا فيها
أما الرجاله بعد ما طولوا يهدرزوا يحيا رقد في دارة ومنصور رقد مع موسى في المربوعه..
نرجعوا عند نورس ووفاء بعد خشن لي دارهن
وفاء : واواواواواواواواواواواوا تجنننننن😭😭😭😍♥️ زي دار جوليا في المسلسل اللله تخايلي تقعد داري ديما😭😭
نورس ابتسمت بي حزن :ربي كريم أنا نعسانه نبي نرقد
جت نورس سلحت عبايتها ورقدت ووفاء قعدت قريب ربع ساعه تتفحص في الدار يعدها رقدت يالا أختها 😂♥️
(_zo0zo0_ab_
تابعني انستا☝️♥️
zozo_18_2003
تابعني واتباد♥️☝️)
------
وعدت اول ليلة من رواية #محاسن_الصدف
بي هدوء♥️♥️
بس الأحداث الجايه هل ح تكون هاديه ولا ح يصيرن حاجات واجد 🔥🔥🔥...
---------
مانبيش نطولها واجد نبيكن تستوعبن الشخصيات بعدها نبدا فيها المهم يا حلوات تفاعلن تفاعل سمح عشان انزلها يوميا 🔥🔥..
----
ثاني يوم الصبح عند رتاج ناضت الساعه 10 ضمت الحوش ودارت فطور لي حنها وخوها وليست عبايتها وطلعت مع خوها للقصر أول ما وصلت شافت محمد وهوا ؟؟؟ استغربت
--------
أما عند هل سامر جاء تيلفون لي سامر
سامر :الو من معايا
متصل : .....
سامر بي عياط : شنوووو😳😳😳😳
-------
أما عند ريماس وهلها دق الباب فتح بات ريماس وانصدم بالي ع الباب؟؟؟؟
(ركزن ع تصميم الرواية وشكل الشخصيات زدت شخصيتين💗)
--------
أما عند يحيا ناض ماشي الصيدلية طلع من داره قعد يسمع في شي صدمه ؟؟؟؟
يتبعععع.....
لو تفاعل ع الحلقه حلو وتعليقات واجد ح نزل بكرا 3 ولو لا ح نزلها بعد بكرا يعني لو تفاعل سمح ح تنزل يوميا ولا لو ح تنزل يوم بعد يوم علقي تعليقات واجد عشان توصل للكل واضيفي صديقاتك يقرن معاكي وما تنسيش اديري لايك واديري متابعه لي إيميلي عشان تطلعلك الحلقه أول بي أول 😍😍😍😍♥️♥️
رأيكن وتوقعاتكن بي تعليق طويل تعطي فيه رأيك 😍😍😍♥️
الأحداث الجايه خيااااااال ♥️🔥🔥🔥
#لاااااااايك
#الكاتبة_ژوژو_الطشهه✍️♥️