محاسن الصدف 💗

الحلقه 3

#الكاتبة_ژوژو_الطشهه

#محاسن_الصدف

#الحلقه_ 3

#لايك_قبل_ما_تقري_حبيبتي♥️

{ديري متابعه لي إيميلي عشان مجرد ما أنزل الحلقه تطلعلك طوووول}

ثاني يوم الصبح عند رتاج ناضت الساعه 10 ضمت الحوش ودارت فطور لي حنها وخوها ولبست عبايتها وطلعت مع خوها للقصر أول ما وصلت شافت محمد وهوا يضحك مع سيف خوه وجوه سمح والإبتسامة من وذن لي وذن ما تعرفش أنه الإنسان الي أمس يهزب ويعيط الوحش يعرف يضحك استغربت هزت راسها بي رفعة حاجب وفاتت من يالاهم بي مسافة وخشت جوا
محمد يشوفلها بي رفعة حاجب لعند خشت
سيف :باين عليها طرف بكل تصدق أمس لما فتحتلي الباب قريب قتلتني عيونها زرق زي لون البحر سبحان الله مجرد ما شفتها جذبتني خسارة جت خدامه بس
محمد ضحك :انت امتى تبطل سريب البنات كل بنت تشوفها تعجبك
سيف :الله غالب أنا بس نحبهن وننعجب بيهن لاكن هنا لا مش كيفك انت ماتحبنهش ويجرن وراك
محمد ابتسم بي رفعة حاجب وقعد يغني بالمصري  :هوا انت قدي هوا قدي انت قدي انت ؟
ناض محمد ولع سيارته وهوا يقول فيها
سيف ضحك :لا جوا رايق اليوم اكيد كسب صفقه سمحه ولا تعاقد مع شركات كبيرة هدا الي بفرحه هوا مش متاع بنات 😒😂
خش سيف جوا لي دارة .
أما عند رتاج بعد خشت لقت حنان في الصالة
رتاج :صباح الخير
حنان :صباح النور ماشاءالله شكلك دقيقة في مواعيدك
رتاج ابتسمت :اي
حنان :تمام اليوم نبي تنضيف سمح ع الغداء جايين خطيب رولا وأمه وخواته
رتاج ابتسمت :تمام ولا يهمك
خشت رتاج للمطبخ وصبحت ع خديجه والي معاها وجت لي خديجه تهدرز عليها
خديجه :بنيتي اسلحيه الخمار مش كويس تقعدي بيه اليوم كله وانت لابسته
رتاج :بس عندهم شباب كيف هك
خديجه :قصدي سيف توا تلقيه عدا الجامعة وجا رقد ومحمد شغل
رتاج ابتسمت: تمام
سلحت خمارها ومداته لي خديجه حطاته لها في شنطتها قعدت بالعباية الي لابسة عليها وشاح أحمر عاكس ع لون بشرتها الصافية البريئة الي ماعليهاش ولا نقطة مكياج مكياج ؟؟ اصلا رتاج ما عمرهاش مكيجت تسمع بيه سمع بس وبعدين سبحان الله خلقة ربي مش ناقصها شي جمال ربي كله فيها ♥️
الطباخة المصريه :اسملا عليكي يا بث دا انتي قمرايا بقد
رتاج ابتسمت بي خجل :كلك ذوق
طلعت من يالاهن وبدت ضم طبعا اضم فوق ولوطة قصر كبييير ع الدورين لعند تريحي فيه...
****************
أما عند هل سامر جاء تيلفون لي سامر
سامر :الو من معايا
متصل : أنا صاحب مجد مجد خوك قتله علاء## توا طايح في شارع ## تعاركوا وقتله بي سلاح💔
بعدها قعد يبكي الولد هوا مش صاحبه صاحبه بس كان في بينه وبين مجد دلالة قويه
سامر بي عياط : شنوووو😳 شن تقول انت تبصر قول أنه طروح من مجد وهوا قالك رن عشان بيدير طروحه عليا هههههه قوله قالك سامر فاهم حركاتك بلا لعب عطيه ليا ترا
صاحب تنهد بي توتر :ب ب بس أنا ن ن حكي جد م م جد مات💔
سامر بي عيطة تشق القلب :لاااااااااااااااااااااااااا💔
انهار سامر يبكي وطاح التيلفون منه 😭💔💔
أمه كانت في المطبخ طيحت الكباية الي كانت تصب فيها حليب الفطور وجت لي الصالة بعد شافت حالة سامر حطت يدها ع قلبها بي صدمه
وطلع بوه يجري من داره
شريف بي خوف :شن فيه سامر شن فيه كنك
سامر مصدوم ويبكي : باتي مجد مات مات خويا خويا الوحيد الي ما عنديش غيره خويا الي نضحك معاه خويا الي أنا وياه ديما مع بعض خويا يا باتي خويا سندي خويا مجد مات ماعش في مجدد ماعش في 💔💔💔💔💔💔💔
خولة حطت يدها ع قلبها :لا ياربي لا لا ياربي ارجوك لا ياربي ولد كبدي لا ياربي ما تختبرنيش بيه لا ياربي ما عندي غير رأس ه الوليدين 😭😭😭😭😭💔
وانهارت تبكي وتعيط  والشريف طاح لوطه بي صدمه وتعب وانهار يبكوا وما إلا دقائق تعالت اصواتهم وخشوا الجيران والي هدا يخش بعد ربع ساعه ناضوا سامر وباته مع عويل عمامه وعويل خالاته طلعوا يجروا للمستشفى سعفوه مجد أصحابه بس للأسف هوا مجرد ما جاته الطلقة توفه جاته في مكان خطير القلب لما ضربه ضربه بي إتقان
كانوا معاه 3 شباب وكلهم يبكوا شوي ووصلوا سامر والشريف وعمامه وخواله وعويلهم وأصحاب سمر والاقارب والجيران تعبأ المستشفى رجالة
خشوا سامر والشريف للحجرة شافو الغطاء الأبيض ع مجد فتحوه وانهاروا مافيش اصعب من اللحظه هدي في حياتهم مريض ؟؟ مش مريض حادث ؟؟ مش حادث شن سبب موتة مجدد ااااه الي يبعد عليكن الموت الفأجاءة💔💔💔
شريف يبكي :ليش يا وليدي خليتنا ومشيت مزال في عز شبابك مزال ما شفت شي من الدنيا كنت ناوي نزوجكم انت وخوك ونفرح بيك بس انت غادرت بدري يا ولدي ااااااه موعر نارك اااااه يا موعرها كسرت ظهري يا ولدي كسرته أن لله وإن إليه راجعون اللهم لا أسألك رد القضاء ولكن أسالك اللطف فيه😭😭😭😭😭
سامر دموعه مغطيات عيونه مش قادر يشوف :رحمة الله عليك يا خويا رحمة الله عليك امبارح كنت تهدرز وتضحك معايا واليوم انت مغطي ومش قادر تحكي اااااه يارب يارب يارب واعرة خويا الوحيد يارب يارب يارب صبرنا 💔💔💔💔
مانبيش نوجعكن أكثر داروا إجراءات الدفن بس خولة حلفت ما يدفنوه لين يجيبوه لها في البيت جابوه وقعدت تعيط وتحظن فيه كانت تبكي الحجر وكلهم يبكوا معاها وهيا تبوس فيه بعدها قرت عليه قراءان وشالوه واندفن مجد وعدت روحه لي خالقها💔