#الكاتبة_ژوژو_الطشهه
#محاسن_الصدف
#الحلقه_1_والمقدمه
#لاااااايك_قبل_ما_تقري❤️
(الي ما تتفاعل بيديها 10 سنين مع والديها💃💃💃😂😂😂♥️ نبصر المهم نبي تفاعل سمح ع الحلقه كيفكن ♥️🥺)
(طبعا زي ما عارفات أول حلقه تكون زي النبذة تعريف ع الشخصيات ونبذ بسيطه ع حياتهم وهك ومع الحلقات تبدا الروايه♥️)..
قلت نبدا فيها بعدها نعرف بعدها قلت نعرف ونبدا فيها احسن عشان ما تتلخبطنش المهم نبيكن تركزن ع كل شخصيه وع مواليدها ومواصفاتها وشخصيتها وهك حبوباتي 💛.
عندنا البنات 💛
(رتاج مواليد ال 96 بس ااااااه عمرها مالاش علاقة بي الي عاشاته بكلللللللللللل الي عاشاته حتا الي عمرهم 70 ما عاشوش من هم ونكد وبكي وذل وتعب وشقا وحزن وفراق مافيش ألم في الدنيا ما عاشاتاش رتاج رتاج ناقصها حنان ناقصها أم وأب ناقصها راجل يحتويها ناقصها فلوس تعيش بيهن وتاكل بيهن ناقصها صاحبة تستند عليها ناقصها خو سند ناقصها اخت تحن عليها ناقصها عيلة تحسسها بالحياه ياااااااما ناقصها شن نحكي لا نحكي عليها رتاج تبيلها رواية بروحه رتاج بنت طيييييييييييية بي كل ما تعنيه الكلمه من معنى بنت شخصيتها ضعيييييييييفه بكلللل بي سبب الي عاشاته دمعتها ديما ع خدها مفروض توا جامعه وقريب تتخرج أو مفروض تخرجت بس هيا لعند ال ثانيه ثانوي بطلت وقاعده عايشه مع خوها وحنها أم باتها في حوشهم رتاج اجمل وحده في بطلات الرواية بنت تجنننننن بكلللللل جمالها سبحان من خلقها عيونها زرق وجميلة بكلللل أمها سورية وتشبه للسوريات الجميلات خوها مخمرها أو هيا شخصيا مقتنعه بيه ديما عباية وخمار لما تطلع شعرها يجننن لونه اشقر وسبحان الله رتاج ممكن لأنه انسانه قريب لي ربي عليها نور يخليها تجذب كل من شافها رتاج متقربه من ربي واجد مع الحلقات ح تتعرفن عليها أكثر المهم معندهاش لا خوال لا عمام عمة وحدة بس وكويسة معاها خوها اسمه اشرف مواليد 92 شخص سلبي بكللل وواعر وما عنداش اي ذرة رحمه يشتغل في ورشة ومعاشه في الشهر 200 مره مره يصرف ع الحوش بس الي شايله الحوش رتاج وحتا حنها تشتغل خياطة وهك بس ما تحصلش واجد يدوب 50 في الشهر حالتهم الماديه أقل من الضعيفه بس الحمدالله قادرين يعيشوا ياكلوا ويشربوا وهك يتساعدوا بس رتاج بالدرجه الأولى كل مره تشتغل في مكان وهك حنها اسمه جازيه عجوز طيييييييييييية وتحب رتاج بكلللللل فيها حنيت الدنيا وديما تحاول تعوضها وهك💛
هدي نبذة ع رتاج☹️
-----
(ريماس مواليد ال 97 متخرجه من القانون بنت سمراء البشرة تهبل ولسانها طويل جوها سمحح بكل دمها خفيف شخصيتها قوية أمها اسمها زينب باتها إسمه عيسى عندها خو واحد واخت وحده خوها علاء توأمها وتحبه بكل واختها نسرين مواليد ال 2001 تقرا جامعه حالتهم الماديه تعتبر ممتازة أو أقل من الممتازة بي شوي 💛💛
هدي نبذة ع ريماس💛..
------
(نورس مواليد ال 99 تقرا جامعه عاديه جوها سمح دمها خفيف شخصيتها عاديه مش قوية ومش ضعيفه مواصفاتها عاديه بس عندها غمازة تهبل ولي جوها السمح وطيبة قلبها محليه روحها واجد عندها اخت وحده بس اسمها وفاء أمها حواء باتها منصور حالتهم الماديه جيدة💛💛
هدي نبذة ع نورس💛
-----------
(اخر شخصيه ياسمين مواليد 98 بنت عاديه خشمها كبير هدا اشين شي فيها بس تعتبر مش شينه جسمها وشعرها واناقتها وهك محلايتنها شايفه روحها وااااجد ومغرورة وتستحقر الناس الي من الطبقة الضعيفه وهك صحباتها كلهن فلوس بنت وحده لي أهلها مدلعينها باتها عنده منصب في الدولة وشايفه روحها بيه بي عكس أمها وباتها الي متواضعين باتها انور أمها مريم ياسمين تقرا طب جراحه وشخصيتها قويه 💛
هدي نبذة ع ياسمين💛
....
شباب
(محمد مواليد ال 91 حكيت عليه في إعلان الروايه شخص مغرور وشايف روحه عنده أكبر شركة عقارات دكي في شغله وعنده خبرة كبييييرة وشركات واجد يتمنن يخشن في شراكة معاه شخص جدي وفي نفس الوقت عنده جانب ضحك وهك يكره البنات ويشوف فيهن دوه فاضيه وهك وعصبي شخصيته قوية وهك عنده أخت وحده وخو خوه سيف مواليد ال 97 دمه خفيف وجو سمح يحب البنات واخته رولا شايفه روحها زي خوها ومتكبرة مواليد ال 99 أمه حنان مراه تعتبر كويسة بس مادية واجد باته علي المهم محمد جميل💛
حالتهم المادية فوق الممتازة 💛
-----
(يحيا مواليد ال 95 صيدلي وعنده صيدلية كبيرة وهك من شهرين تعرض لي سحر كبير لعند توا ماباننش اعراضه لأنه السحر الي اندارله غريب ومافيش حد عرف بيه كل الي داره شي معين خلى الكل ينصدموا فيه يتصرف عادي بس في شي غريب وهك المهم مواصفاته شخصيته كانت قوية توا بعد السحر قعدت مهزوزة وضعيفه بكل مواصفاته سمح عنده أخت وحده صفاء متزوجه وأمه فريحه باته موسى 💛
حالتهم المادية ممتازة💛
-----
(سامر مواليد ال 93 طيار جوه سمح ودمه خفيف شكله جذاب وشخصيه شخصيته حنون بكل حالتهم المادية جيد جدا أمه خولة وباته شريف عنده خو واحد مجد مواليد ال 97 💛
----
اخر شخصيه
(أحمد مواليد ال 90 أسمر شخصيته سمحه موقف من الاعدادي يشتغل في محل مواد غدائية حالتهم المادية ضعيفه أو جيدة أمه فوزيه أختة مرام مواليد ال 2003 باته متوفي 💔
وهكي نكون حكيت حاجات بسيطه ع شخصيات الرواية مع الحلقات ح تزيدن تعرفن عليهن أكثر الحلقه اليوم عدت كلها تعريف وهك نبيكن تحاولن تحفظن الشخصيات كويس وهك 💛
نبدوا الحلقه 1..
الساعه 5 العشيه عند رتاج لبست عبايتها الي كانت طويلة وواسعه لونها اسود معاها وشاح أسود وحطت خيمارها ع راسها وطلعت برا لقت حنها قاعده في الصالة اتخيط
رتاج تنهدت بي حزن : أمي(تقول لي حنها أمي )
جازيه ابتسمت :نعم بنيتي
رتاج :أنا لبست ماشيه للخدمه الجديدة
جازيه:نفسها الي قالتلك عليها جارتنا خديجه
رتاج :اي يا امي ادعيلي خايفه بكل💔💔
حازية ابتسمت ودموعها عبن عيونها :امشي يا بنيتي إنشاءالله ربي يعطيك ع قيس نيتك البيضاء ويفتحها في وجهك ويجبر بي خاطرك ويرزقك من عنده يارب ويعطيك ولد الحلال الي يفرحك 😢😢
رتاج نزلت دمعتها وجت باستها ع راسها :كثريلي منها الدعوات هدي محتاجتها وااااااجد💔
جازيه: من عيوني♥️ اليوم بندير طبيخة فاصوليا الي تحبيها ♥️
رتاج ابتسمت بي فرحه :ربي يخليك ليا🥺
طلعت رتاج لبست كندرتها وطلعت يالا الباب متاع حوشهم لقت خوها جايب تاكسي ويرجا فيها
اشرف بي عصبيه :ساعه ساعه هيا اركبي😡
ركبت رتاج بي خوف من لاورة وعدا بيها اشرف لي مكان خدمتها الجديدة وصلها وعدا 💔....
----------
في حوش ريماس مكسدات يشربن في القهوه هيا وبنات جيرانهم قعد يدق الباب بالقوة
ريماس ناضت بي خوف قالت لي نسرين اختها تفتح الباب
عدت نسرين فتحت الباب لقاته علاء خوها وجهه مغرق بالدم وخشمه ينزف وكراعه يعرج عليها وحالته حاله يدوب واقف
نسرين دموعها نزلن بي صدمه لما علاء طاح مغمى عليه :علااااااء😭😭😭😭😭ماماااااااا ريمااااااااس💔😭😭
في الصالة عند ريماس وبنات جيرانهم وأمها طلعن يجرن بي خوف لما شافن علاء انصدمن
ريماس انهارت تبكي ع توأمها بالحاله الي هوا فيها :علااااااء😭😭😭😭😭 ماتقولوش مات لا يا ماما لااااااا😭😭😭😭😭
زينب أمها :وووووو عليا وليدي وووووو وووووو😭😭😭😭😭😭
بنت جيرانهم تبكي:عدي كلمي عمران خويا بي سرعه 😭
اختها بنت جيرانهم الآخرى عدت تجري لي حوشهم الي كان لاصق في حوش ريماس وكلمت خوها عمران الي لما جاء لقاهن لابسات عباياتهن ويرجن فيه طلع بيهن في السيارة ريماس واختها وأمها الي رنت ع باتها وقاللهم ح يجي غادي للمستشفى
بنات جيرانهن سكرن الحوش وعدن حوشهن يدعن ووحده فيهن كانت منهارة الي هيا سوسن تحب علاء من طرف واحد وهك 💔💔💔💔
--------
عند ياسمين قاعده تقرا ع شيتاتها ودايرة ماسك لي وجهه وطبعا هيا شاطرة في تخصصها بكل وخشت لي تخصص الطب الجراحه عن حب وطموحها ومهتمه بي روحها بي شكل غريب حتا وهيا في عز قرايتها ماسكات واقنعه وكل شي♥️
لابسة بيجامه ورديهه ولامه شعرها فوق بي طريقة عشوائية ودايرة ماسك وقاعده تراجع في الي قراته في دارها رن تيلفونها كان بنت عمها
ياسمين :هاي ميمي
ميمي :هايات اسو شن جوك
ياسمين :جميل جدا قاعده نراجع في شيتي وانتي شن جوك
ميمي :تمام قتلك خططنا نطلعوا لي الشاليه طلعه كبيرة الاسبوع الجاي
ياسمين :امم حلو انتي ومن خططتي
ميمي :أنا والبنات (بنات عمامها)
ميمي :وقررنا كل وحده ادير حاجات وجو وهك
ياسمين بي غرور :طبعا انتي عارفتيني مانطيبش ف انا ح نحجز بوكسات حلو ومالح ولو تبن كل شي نجيبه أنا عادي 😌😌
ميمي بي ضيق وحسد :لا صحيتي كل وحده بتجيب حاجه احجزي انتي في حلو ومالح ونحنا بنجيبوا حلو ومالح وحاجات أخرى
ياسمين :نخلوها كبيرة حتا بابا وعمامي وماما وصبايا عمامي معانا
ميمي :صحح فكرة
ياسمين:تمام مزال عندنا وقت نخططوا توا مش فاضيه نبي نغسل وجهي ماسك جف😌
ميمي :باي
سكرت ياسمين وخشت تغسل وجهه
ميمي "مغرورة حقيره مستفزه🙂🙂🙂🙂"
-------------
عند نورس قاعده في دارها تبكي
وفاء تهدي فيها :خلاص نورس غيري الموضوع ما تخليش ماما وبابا يركزوا عليكي
نورس :والله نشوف فيهن كيف يلبسن ومستحقراتني عشان لبسي كله فقير شن ندير لو حالتنا الماديه مش كويسة كيفهن 😭😭
وفاء حظنتها :استهدي بالله حبيبي
نورس :حتا الولد الوحيد الي اعجبت بيه وين ما يشوفني يضحك عليا ويقول مزال في وحده تلبس في دبش في لؤلؤ زي العزايز 😭😭
وفاء باستها ع راسها :اهدي حبيبتي أهم حاجه نحنا ربي راضي علينا مش شرط يرضوا علينا الناس الحمدالله مستورين وبابا يحاول ما يقصرش علينا والناس توا همهم المظاهر ما دوريش وصدقيني ولد الناس والي راجل يحبك كيف ما انتي بدون لبس ع الموضة وبدون مكياج لاكن (العيل) مايبيش الا وحده حلوه ودببشها واو وصدقيني يا نورس أنا فخورة بي نفسي وانا مشاءالله عليك سمحه ومش ناقصك شي بس كل شي ولا حكمه من ربي عشان جينه من حالة ماديه ضعيفه توا امسحي دموعك نعدي ندير بسبوسه الي تحبيها ونكسدوا أنا وياك وماما نخظروا المسلسل الهندي الي تحبيه ♥️
نورس :نجكليا والله انتي احسن اخت في العالم مع إنه انتي اصغر مني بس ديما تفهمي فيا وتحاولي اتساعديني نحبككككككك 😭😭😭♥️
وفاء :نعليا نموت فيكي هيا تعالي ديري العسلية متاع البسبوسة♥️♥️
ناضن مع بعض يضحكن وغيرت وفاء جو اختها♥️
(هِـيّ لَيْسَـت اختي ، هِـيّ الَشِـرْيَانٌ المُتَصَلٌ فِـيّ قَلبِيّ ♥️🥺)
(ديرن متابعه لي إيميلي عشان لما انزل الحلقه تطلعلكن طول😍😍😍♥️)
---------
عند رتاج لما وصلت قعدت تشوف من برا بي انبهار للفيلا لااا مش فيلا قصر كبييييييييير زي الي تشوف فيه في المسلسلات مصبيه يالا باب القصر وتشوفله بي انبهار واعجاب قدمت رنت الجرس
فتحلها الحارس :تفضلي من انتي
رتاج طبعا لابسة خيمار :أنا الشغالة الجديدة💔💔
قالتها وكتمت عبرتها بنت بالعمر هدا صعب تخدم شي زي هك 💔💔
الحارس :اها انتي من طرف خديجه
رتاج :ايوه
الحارس : تفضلي
(خديجه جارتهم حتا هيا تخدم عندهم طباخه وهك ورتاج قبل الخدمه هدي كانت تخدم في حوش ثاني لي مدة شهرين بعدها الفترة الي فاتت اهله سافروا وكان معاشها في الشهر 160 وحكت لي جارتهم خديجه وقالتلها البنت الي كانت تشتغل في القصر الي نشتغل فيه حولوها وتوا يدوروا ع وحده جديدة توا نحكيلك مع ست الحوش ونقوللها وحكتلها خديجه ووافقت ع رتاج)
قعدت رتاج تمشي وهيا تتفحص في الحديقة متاعت القصر بي عيونها كانت كلها خضراء وفيها كراسي وطاولات وجيهه فيها ورد وجيهه في فواكه وخضروات مزروعه كل شي كان يجنننن🤤
قدمت لعند وصلت لي باب القصر الجواني خدت نفس عميق بعدها رنت الجرس
جوا في القصر
حنان :سيف افتح الباب
ناض سيف وفتح الباب واستغرب :من معايا ؟
رتاج :أنا الشغالة الجديدة
سيف :اه باهي توا نكلم أمي
خش سيف :أمي أمي جت الشغاله الجديدة
حنان ناضت :تمام توا نشوفها
عدت حنان لي رتاج :تفضلي
رفعت رتاج خمارها وابتسمت :اهلين بيك
حنان انصدمت وهيا تشوفلها ما كانتش تحسابها بنت صغيره وقعدت تشوف لي رتاج وجمالها
حنان : اهلين بيك تفضلي
خشت رتاج معاها للصالة
حنان : عرفيني بيك
رتاج قعدت تعرف بيها ع روحها وحنان حكتلها ع طبيعة شغلها الي ح يكون تنظيف وترتيب بس طبخ وغيره لا
حنان :ومعاشك ح يكون في الشهر 700
رتاج فتحت عيونها بي صدمه :700
حنان:ايي بس نبي خدمه صح وخصوصيات الحوش واسرارك مالكش علاقة بيهن نبي خدمه نظيفه وتوا عدي للمطبخ تلقيه ع اليسار تلقي 3 وحدات ومعاهن خديجه خليها توريك شن شغلك وهك
رتاج ابتسمت بي فرحه وناضت :تمام
عدت رتاج كيف ما قالتلها
حنان "غريبه بنت جميلة وفي العمر هدا💔
طبعا بنتها رولا قاعده في دارها وسيف طلع ما شافهاش...
-----------
عند ريماس بعد وصلوا دخلوا علاء للغرفه وخش عليه الدكتور وهنا باتها وصل
طلع الدكتور:اطمنوا مافيش شي خطير شكله متعارك مع حد حصل خبطه ع راسه وضربه ع خشمه وع كراعه مش كسر بس خبطه كبيرة نظفناله جروح وجهه وكراعه لفيناها لاه بعد ساعه تقدروا تروحوا بيه
كلهم بي فرحه :الحمدالله
زينب :زعما مع من يتعارك بيجنني ه الولد طايش وما يعرفش يتصرف😭
بات ريماس :استهدي بالله يصير خير توا...
--------
محمد قاعد في مكتبة يشتغل ك العادة..
سامر قاعد مع أصحابه وعنده رحله بعد كم يوم ...
يحيا قاعد في دارة مهموم ومضايق...
أحمد يشتغل في المحل قاعد...
مانبيش نحكي عليهم في حلقة اليوم عشان ما تتلخبطنش حلقة اليوم نبيها تعريف ع الشخصيات ونبذة بسيطه بسسس الحلقه2 نبدا في الرواية♥️...
فات باقي الوقت عادي
روحوا لي علاء وصحته تمام وقاللهم تعاركت مع واحد في الطريق وهك...
أما رتاج كملت الوقت كله تشتغل وكانت مرتاحه وفرحانه بكل لي معاشها الي تقدر تسدد بي ديونهم وهك قعدت كل مره أضم في مكان وتلمع ورولا لما شافتها انصدمت في شكلها بس ما عدلتش وسيف ومحمد مش قاعدين....
--------
الساعه 9 روح محمد لي القصر سلم ع عيلته وركب دارة بعدها نزل لوطه يعيط
محمد :؟؟؟؟؟؟؟؟
------
عند نورس قاعده مع هلها يهدرزوا فجأه ؟؟؟؟؟
يتبعع...
تفاعلكن ورايكن وتوقعاتكن ع الحلقه نبي تفاعل سمح وتعليقات حلوه وضيفي صديقاتك يقرن معاكي ♥️🤤
#الرواية_نااااااار🌸🌸🌸🌸🌸♥️
#لااااااااايك
#الكاتبة_ژوژو_الطشهه↗️