أَشعُر اليوم بِضيقاً شَديد.
-
منار
التفت وانا منصدمه من صوت الي كان وراي وطلع صوت...
منار بخوف : ن نواف
نواف : ايش قاعده تسوين هنا؟
منار : ليش انت هنا!
ايمن
ناظرة لنواف وهو يبادلني نظرات
وكأن لو الود وده يقتلني
نواف يسحب منار وراه ويطالع في ايمن: ماقلت لك بعد عنها؟
يسحب نواف ايمن من ملابسه ومعصب: جاي تكلم اختي اخر الليل وانا محذرك ماتقرب منها!
منار : نواف!
ايمن يغمض عيونه ويحاول يمسك نفسه مايعصب : احترم نفسك واكسر اشر لا اسدحك هنا
نواف : تسدح مين !
ايمن يصر على اسنانه : محد كان معها ذي سنين كلها الا انا وتجي الحين وتسوي مسؤول عليها؟
نواف : انا اخوها انت مين؟ من انت عشان تكون معها !
ايمن : انا صرت اخوها بغيابك وانا صرت ابوها يوم عبدالله تركها انت الي مننن ابعد واكسر شر يا نواف
نواف يدفه ويبعد : انت ليش جاي تشوفها اخر الليل؟
منار
وقفت بينهم معصبه : خلاصص
نواف وايمن يتنفسون بصعوبه ويناظرونها
منار : نواف... ايمن خطيبي
نواف بصدمه: ايش؟
ايمن
بصدمه يناظر لها
ويحول نظره لنواف
منار : مثل ما سمعت خطيبي صح أيمن؟
نواف بعصبيه : انا ارفض خليه يأتي بشكل رسمي مره ثانيه ويخطبك من مين خطبك اصلاً؟
منار تبلع ريقها : من...تفكر
ايمن بمقاطعه : خطبتها من ابوها
نواف : وقعتو!
منار : لا ما وقعنا شي بس خطبه بينه وبين ابوي وبعدها صارت مشاكل بيني وبين ابوي
نواف بدون مايناظر ايمن يمد يده : اسف ينسيب ما قصدت
ايمن : اسفك مقبول بسب انه سوء فهم
نواف : بروح داخل وانتظرك لا تتاخرين
يناظر ايمن -
نواف : لا تجي فنصاف الليول
منار
هزيت راسي وانا ارجف من داخل الى
ان راح نواف كنت بموت رعب ناظرة لأيمن
منار : اسفه ما قصدت اورطك
ايمن يقرب لها : قلتي اجمل شيء سمعته اليوم
منار وأحي قلبي بيطلع من مكانه: ماقصدي اقصد انا هو بس عشان
ايمن حطيت إصبعي على شفايفها : اشش الوعد بعد عرس بسام
منار بعدم فهم : وعد ايش
ايمن يروح ويركب سيارته :تعرفين بعدين
عند العنود
تجيها رساله من رقم غريب مكتوب فيها
انتظرك عند باب بيتكم الخلفي وانتبهي لحد يشوفك
خفت وحاولت القط أنفاسي
ناظرة لرساله وكتبت : مين انت؟
****: انا يوسف
العنود بارتياح : يوسف هلا وش فيك؟
يوسف: تعالي وتعرفين
العنود : بس انا ما اقدر
عند ايمن
كنت جالس اسوق واراسل يوسف
يوسف : ثواني بقولها شيء
ايمن : بدينا بحركات رومنسيه تبيني اعلم عزيز
ايمن : اخلص بسرعه ترا اخوانها بالبيت
يوسف: انت ما تدري عن شي خلك ساكت
تشوف العنود ان يوسف يتصل
العنود : اوف ياربي
يوسف: تجين ولا انا اجيلك؟
يوسف يرسل : انزلي بسرعه
العنود : انت منجدك مستحيل لا ما ابغى
يوسف: جايك
العنود تكتب بسرعه : لا لا خلاص بجي
يوسف: بسرعه
العنود
نزلت بسرعه ورحت للمطبخ ورحت وراء البيت وشفت سطل مليان مويه وكأنه مجهز لي أخذته وانا افتح الباب وكبيت عليه موياء
يوسف يطالع فيها مصدوم : مجنونه انتي!
العنود
تصنمت بعد ما شفته عصب
رحت ابغى اركض داخل بس شفته سحبني
يوسف : على وين تحسبيني بخليك تروحين بهسهوله؟
العنود : بلغلط كنت اشطف الموياء الوصخه وانت جيت قدامي
يوسف يتكلم وهو قريب لها : هاذا برده لك بعدين لانه مو وقته
العنود
شفته يسحبني لسياره وانا متوسعه عيوني : وخر مني تبي تخطفني ابعد ابعد
يوسف
ضربت وجهي لأني اتعامل مع وحده بزر سحبتها
وعلى صياحها تحسبني بخطفها فتحت شنطة السياره
العنود
شفت ياسر مقيد و واضح ان يوسف
قايم بلواجب معه علامات ضرب بكل مكان
يوسف: قلت قبل لا ارميه ممكن تبين تطلعين الي بقلبك عليه
يوسف : سوي الي تبين ترا موجود معي خيزرانه
وسكين وسوط و ولاعه
العنود
شفت في نظرة ياسر الشر وكنت خايفه
ورحت وراء يوسف ومسكته
يوسف: وشفيك؟
العنود : نظراته تخوفني
يوسف
ناظرة له نظره بعد ياسر نظره عنها ونزل رأسه : الحين خايفه؟
العنود
ناظرة لياسر وشفته معد يناظرني
زي نظره الي قبل شوي : لا مايخوف
العنود : بتوديه السجن؟
يوسف يناظر لها : اي مسكت عليه قضايا كثيره غير الابتزاز
يسحبها يوسف قدامه : والحين حبيبتي جربي
تعطيه كف على الي سواه
العنود
استحيت وانا اشوفه قريب مني
ويمسك يدي ويحاول يعطيه ضربه قويه من ذراعي وقالي حبيبتي كنت بموت احراج ما عرفت كيف برد او ايش اقول
يوسف : تبين اعطيه كف بنفسي؟
العنود أنفاسي بدت تتسارع من قربه : اي اي اضربه انت
يقرب يوسف ويعطي ياسر كف خلاه يدوخ
يوسف: كف ثاني ولا يكفي؟
العنود بخوف من ياسر : خلاص خلاص يكفي كذا
يوسف
ناظرة لياسر وباقي يتجرئ يعطيها نظره
يوسف : يلا ادخلي داخل بسرعه لاحد يشوفك
العنود
مشيت بدخل بس سمعت صوت كف و ثم يوسف وهو يهدد ياسر كنت برجع بس سمعت صوت منار من الجهه ثانيه تقفل الباب
طاح قلبي ببطني بس دقيقه هي من وين جايه
حاولت امشي طبيعي وأقرب منها
العنود بهمس : مناارر
منار توسعت عيوني وناظر للعنود : بسم الله خوفتيني وش تسوين هنا
العنود : كنت أتمشى
منار : انا كمان
العنود بتوتر : تمشين داخل احس الجو هنا
صار رطوبه امشي ندخل
منار : اي اي يلا داخل
العنود
سحبت منار بسرعه ودخلنا انا وهي داخل
وانتبهت في جيبها بطاقات
العنود : مو هاذي البطاقات الي سويناها مع ام نايف؟
منار بحماس : ايوا اليوم بيكون عرس بسام
العنود بصدمه : امانه منجد وناسه متى يجي الليل
-
اليوم الثاني
ريم
قمت من نوم بتعب واحس جسمي متكسر
بسبب العنود الحيوانه حاولت ابعد يدها عن وجهي
ونزلت تحت وانا افرك عيوني شفت منار جالسه بوسط صاله وجنبها خالتي ام منار رحت لهم وجلست معهم اسولف
منار : يمه خالتي ام نايف عازمتك على عرس ولدها تكفين لازم تروحين معنا انا والبنات
ام منار : لازم اروح اسوق ؟ متى العرس
منار : اليوم
ام منار
توقف وبفزع : امشو امشو السوق
ريم وهي باقي نايمه : منجدكم العرس اليوم
ام منار تسحبها : قومي وقومي اختك العنود بسرعه امشو
ريم : بس بنام خمس دقايق
منار تسحبها : يمه ثواني وننزل لك
بعد مده ينزلون البنات لابسين عباياتهم
ام منار لابسه عباتها : يلا يلا امشو معي
سلطان
طلعت من مكتبي بعد ما سهرت الليل
كله وانا تعبان رحت وطلعت برا الغرفه
وشفت امي وخواتي نازلين : اوه وين رايحين؟
ام منار : بنروح مع السواق كريم عشان عرس ولد ام نايف
سلطان : الله يحفظكم الا تبون فلوس؟
ام منار : لا يا وليدي بس ترا فطورك حطيته في المطبخ بس سخنه لا تاكله بارد
سلطان : ابشري يا يمه بس ثواني بجيب شيء
سلطان
رحت ودخلت على نواف ألي نايم بسابع نومه
ضربته ضربه قويه خليته يقوم
نواف :يا حيوان كم مره اقولك لا ترفسني يخي
ما تعرف تقوم احد بهدوء لازم ترفس ؟
سلطان : نومك ثقيل
نواف : اختصر وش تبي الشركه
جيتها الفجر وتوي نمت حرام عليك
سلطان : لا ماهو عن شركه بس اذلف
ورح مع امي وخواتي لا يروحون لحالهم
نواف بتافاف : منجدك
سلطان : راح الغي دوامك المسائي لو قمت الحين
نواف
قمت بسرعه لان الدوام المسائي ساعاته طويله عكس صباحي أسرعت ونزلت تحت بس وقفت ونسيت انه صباحي فيه شغل اكثر لفيت عليه وشفت ابتسامته عند أذنه عرف كيف
يخليني اقوم من مكاني
نواف
رحت وما هتميت لانه بنهايه ودي اطلع مع خواتي
وأتقرب منهم اكثر شفت البنات وامي راكبين السياره
ومعهم كريم نزلت السواق وركبت مكانه
وناظرت لهم نظره سريعه : بروح معكم
ريم : حياك الله
نواف
ابتسمت وسقت وفي نص ما كنت اسوق
سمعت صوت منار وهي تكلم وحده
منار : اي اي المول الي قبل ايوا نبي نسوي
مفاجأة كبيره لها بس تعالي ونقرر انا والبنات
سمر : تمام بجي لكم
منار
قفلت بسرعه وكنت متحمسه اقابل
سمر من زمان ما قابلتها
ريم :هاه ايش قالت بتجي؟
منار : اي قالت بتجي
العنود : خلونا نسوي خطه لان مافي وقت لان باقي ورانا صالون كل وحده تدخل محل وتختار اكثر من فستان وتجربه
بعد مده وصلنا للمول
نواف
رشيت رشتين عطر ونزلت
بس شفت خواتي وامي رايحين عكس
اتجاه المول استغربت ورحت لهم
نواف يرفع حاجبه : وين بتروحون؟
ام منار : يقولون يبون يأخذون صديقتهم
نواف : اها
رحت معهم خايف عليهم وأبعدت شوي
عنهم عشان يأخذون راحتهم مع صديقتهم
بس شفت شخص ينزل من سيارتها وكان قريب
من خواتي قربت منه وانا اناظر له وهو ملتهي بجواله
منار بحماس : عزيز وسمر هاذا اخوي نواف
نواف يناظر له ببتسامه : تشرفت فيك عزيز
نواف ببتسامه : بأخذ عزيز نتمشى وأنتم
ادخلو للمول واخذو الي تبون
عزيز
انسحبت من نواف وكنت ابي بس
نظره او كلمه من ريم بس ماقدرت الحق
عند منار والبنات
جلسنا نتسوق ونضحك ونسولف
ودخلنا احد المقاهي لان ماما كانت تبي تشتري هديه
لام نايف وقعدنا نسولف
ريم
كنت باخذ الكرسي من طاوله الي جنبنا بس شفت اكثر من شخص يجون لطاوله الي كنت متوجهه لها ويجلسون و استحيت اجي لهم واخذ الكرسي بس شافني واحد منهم وسحب احد الكراسي وقبل لايبعد حط رقمه بشنطتي
عند عزيز ونواف
عزيز : شرايك ندخل المقهى ننتظرهم بدال الجلسه برا في ذا الحر؟
نواف : يلا قدام ماعندي مشكله
عزيز
ارتحت يوم شفته وافق وسحبته مسرعه داخل
عند البنات
ريم
رجعت وسويت نفسي ما اهتميت ورميت رقمه قدام وجهه
واخذت الكرسي وجلست اكمل سوالف مع البنات
بس صدمني لما جاء قدامي وجلس يتغزل فيني قدام البنات
منار : انت ما تستحي ابعد ولا راح اكلم الأمن يتصرفون مع أشكالك
الشخص يناظر ريم : ليش ترمين رقمي على ليش شايفه نفسك؟
العنود : اي شايفه نفسها عندك مانع ولا اعلمك كيف تصير محترم
سمر
ما تحملت واخذت العصير الي بيدي ورميته على وجهه
بس جاء يبي يضربني غمضت عيوني بخوف
بس استغربت ماجاء لي شيء فتحت عيوني وشفت
عزيز ونواف والأمن و أصدقاء الولد جايين يفزعون
صارت مضاربات بينهم وبين الولد و خوياه
والامن يحاولون يفكونهم والبنات مبعدين لزوايه
ريم تبكي : خلاص وقفو تكفون
منار تمسكها : مجنونه لا تدخلين بينهم
بعد مده قدرو الأمن يفكون نواف وعزيز عنهم
نواف
كنت انزف من فمي ومرتفع ضغطي
كنت مفروض ما اتركهم وقفت وانا اناظر لهم
نواف يلهث بتعب : سوا لكم شيء الكلب
عزيز
دخلتها لاحد المحلات وحشرتها بزاويه
وانا احضنها : انتي بخير؟ هو سواء لك شيء الحيوان؟
ريم: انا بخير
عزيز يرتاح : الحمدلله
يشد الحضن : اشتقتلك
ريم تمسح دموعها وتبعده
وتمسك وجهه : زيزو انت تنزف لازم نروح للمستشفى
عزيز : انا بخير مافيني شي
ريم تبكي اكثر : لا خلني اشوفك
عزيز : شوفي مافيني شي
ريم
قربت من وجهه وبديت اشوفهه وأتأكد
بس ماانتبهت بسبب دموعي الي تخليني انعمي و استوعبت بعد مده وانا قريبه منه مره وجالسه المس وجهه وكان قريب مره رمشت واستوعبت ايش كنت اسوي
عند نواف
كنت امسح الدم من فمي بأكمام ملابسي
بس انتبهت لشخص جاي ومعه منديل
رفعت حاجبي بستغراب
نواف : سمر؟
سمر تحط المنديل على انفه : اسفه تاذيت بسببي
نواف نزلت راسي : اء المتيني
منار : ممكن يكون كسر امش للمستشفى
نواف يناظر لها : امسحي بشكل خفيف مايحتاج المستشفى يا بنت
منار : سمر لا تتركين انفه خليك ضاغطه وانا بجيب اسعافات و اجي و العنود روحي ل امي
سمر: تحس بالم ؟
نواف يناظر له : انتي لو ماتشدين حيلك
وانتي تضغطين عليه بصير كويس
سمر بحراج : ا اسفه
تجي منار وتعطي سمر مسحات طبيه: امسحي الجروح الي على الحاجب و الشفايفه
سمر تطالع لها : وانتي وين بتروحين
منار :بروح لصيدليه اشتري شي لانفه ولصق لجروحه انتي طهريها لا تتجرثم
سمر
بإحراج وتلتفت تكمل
ياربي هو ليه كذا يناظر فيني بسم الله وين ريم وعزيز الله يخذهم
منار
رحت بسرعه ادور لعزيز وريم
وخايفه يفقدها نواف ويسوي مشكله ثانيه
شفت ريم سحبتها وانا معصبه
منار : عزيز انت منجدك تسحبها قدام نواف
لو شافك كان كمل عليك ضرب
عزيز : نسيت انه موجود
منار : الحين امشو قدامي
عزيز : سمر! وينها
منار : الحين تذكرتها؟
عزيز
رحت اشوف اختي هي كويسه او لا وشفتها جنب نواف سحبتها عن نواف وانا اناظر له
نواف
رفعت حاجبي وانا اناظر له من فوق لتحت معصب وباقي فيني حره اضرب ناظرت له وانا ماسك المنديل وارميه بزباله واستقمت وقربت منه
نواف : لا تخاف ما بسوي شيء لها ترا
نواف
رحت واتصلت على العنود تجيب البنات لسياره بسرعه عشان نرجع البيت
ام منار : وش فيك تطلعيني من المحل
العنود : يمه نواف معصب ويبينا نطلع
ام منار : خليه يجلس بالسيارة شوي
ام منار : شوفي ذا ثوب جربيه اشوفه عليك
بعد مده خلصو من سوق والمسكين نواف ما كان يعرف انهم بيروحون الصالون و رضى بالأمر الواقع عشان امه وراح لصالون
نواف
حطيتهم ورحت ابدل ملابسي وكنت اتذكر سمر وكيف كانت متوتره وهي تطهر جروحي وضحكت و شفت اثار الدم على ثوبي
-
المغرب
الساعه ٦ الليل
في احد القاعات الكبيره في الرياض
يلينا: احس بغثيان ودوخه
منار : هدي وخوذي نفس والامور كلها تمام
العنود: كلنا بنكون حولك
ادم يقاطعهم: هل يلينا اختي سوف تتزوج اخي حقا؟
العنود : انت لوتروح مجلس ارجال احسن لك
ريم : عساس بيفهمك الحين
سمر : وربي شكله بثوب والغتره يضحك
يلينا تضرب ريم وسمر : ترا اخوي ما ارضى
منار بمقاطعه : بسام يتصل
يلينا بخوف : هاه وش يتصل ردي
تاخذ منار جوال يلينا وترد وتحطه على السبيكر
بسام: حبيبتي سمعت انك تعبانه لا تضغطين
على نفسك وتتوترين كلها كم ساعه بس
يلينا
تناظر للبنات وتشوف سمر وريم يضحكون
ودها تقتلهم : كويسه يا روحي انت انتبه
لنفسك يلا بقفل الحين مشغوله شوي
بسام ناظرت الجوال مستغرب : ذي يلينا؟
تقفل منار المكالمه: اه واضح ان بسام ما يقدر يعيش بدونك
العنود : اه الله يرزقني
البنات وكلهم يناظرون العنود ويبتسمون
منار: انتي العنود؟
العنود : بسم الله وش فيكم؟
منار: انتظرو ما بدلو اختي في الصالون صح؟
العنود تضربها : انا بطلع احسن لي
العنود
طلعت وشفت شكلي وعدلت نفسي
واشوف شعري الطويل الأسود مع فستاني الأزرق الغامق مع فتحه من صدر وظهر وقصير من قدام فرحانه
فيه لان الي ختارته لي ام منار
مشيت في الممر ورحت اشوف مدخل
في القاعه طويل مشيت فيه وانا ماسكه جوالي
وشفت مرايه اخذت جوالي وشغلت أغنيه وانا اصور واتميلح ابعدت من المرايه وجلست ادور بس انصدمت
انه طلع بالفيديو رجال ! التفت وشفت
العنود: يوسف!
يوسف
يطالع فيها وهو سرحان
العنود
ابعدت بسرعه ابغى ادخل اقرب غرفه
بسبب فستاني المكشوف بس
يوسف
سحبتها قبل لا تدخل
يوسف: على وين في رجال هنا
العنود تتنفس بصعوبه وهي تشوف يده
تمسح على شعرها وتتلعثم : كنت ابي انا فستاني انت
يوسف : اهدي يا بنت ماني مسوي لك شيء
العنود
بخجل تناظر الفيديو الي يشتغل الي طالع فيه يوسف
و فجأة تسمع يوسف يتكلم وهو قريب منها
يوسف بهمس: سبحان الله الذي خلق فأبدع فأذهل العيون
العنود
بدت نبضات قلبي تتسارع من قربه وأنفاسه وصوته رجولي الي خلاني انجذب له التفت له..بس قاطعنا صوت عزيز وهو يناديه
يوسف
استوعبت من صوت عزيز ايش كنت اسوي وايش قلت
و ضحكت لما شفتها مصنمه
يوسف : انتبهي احد يشوفك ارجعي ادخلي عند البنات
عند منار
الي جتها مكالمه من ايمن
منار: الو؟
ايمن:تعالي لمواقف السيارات الخاصه الحين
منار: لو قلت ماني جايه ايش بيصير؟
ايمن : اجي لعندك وقتها برري ل امك وضعنا
منار : ياليل نكبه بجي بجي بس ترا ما اعرف وين مواقف سيارات ولو احد شافني انا ماني مسؤوله
ايمن : يعني ايش نسوي؟
منار تقلد صوته : ويعني ايش نسوي
ايمن : مسويه تقلديني
منار تضحك : مسويه تقلديني
ايمن : بنت!!
منار تقلد صوته : بنت
ايمن : لا تقلديني!
منار : لا تقلديني
ايمن يبتسم: احبك
منار: احبك
منار
استوعبت ايش قلت وجلست اضحك
عليه وعلى ذكاءه كنت مندمجة
ايمن يضحك : باقي مصره تقلدين؟
منار : لا بتكون اخر مره
ايمن : اسمعي شفتي غرفة البوفيه انا بكون هناك
منار : اخاف احد يشوفنا
ايمن : تاكدت مافيه احد بيجي لها يلا بعطيك شي
منار : تمام على مسؤوليتك
منار
قفلت من ايمن واشوف سمر و ريم
سمر : منار تروحين معي انا وريم
منار : وين؟
ريم : في طابق ثاني في القاعه يقولون انه مهجور
وصار فيه حريق
بنروح انا وسمر نشوف ونصور
منار : مجانين انتم ؟ خلوكم عاقلين وانا بروح اشوف ام نايف
ريم ببتسامه : اوه تمام انا اصلاً ماراح اروح
سمر تنصدم بهمس : منجدك
ريم تغمز لها : اسكتي
تمشي منار وتتركهم وتاخذ عبايه بدون محد
يشوفها وتحطها على اكتافها وتروح ل ايمن
ريم
شفت منار تطلع من الغرفه سحبت سمر
ورحنا بسرعه لطابق الثاني
سمر : اوف الكعب زق ودي ارميه
ريم : يمه شوفي مغبر المكان ومظلم
سمر : اصبري بشغل فلاش
ريم : عندي فكره خلينا نشوف الغرف كلها
انتي ادخلي هنا وانا بدخل هنا وخلينا نتوزع نصور
سمر: تمام لاتروحي بعيد
سمر
دخلت الغرفه بس صدمني صراخ ريم التفت كنت
ابغى اطلع بس طاح الدولاب وقفل الباب و وكان الباب مصدي وصعب ينفتح و جلست ابكي وأنادي على ريم ضربت الباب بقوه على يديني وانا احس بألم كبير بيدي فصخت الكعب وبديت اضربه على الباب وانا اصارخ
سمر تبكي : ريم صار لك شي ؟ريم انتي كويسه
عند ريم
كنت جالسه امشي بس...
يتابع
-
نجمه تعليق
-
تتوقعون ايش صار لريم؟
كيف بتطلع سمر من المكان ؟
منار وايمن ايش راح يصير لهم ؟