نَحنُ لا نُدرِكُ الفُقْد حتَى نسقُطَ في بِئرِه و يَكون ، قَد فَاتَ الأوَان .
-
منار
قارنت سجلات المريضة مع سجلي
وانا عيوني متوسعه من صدمه طلعت امشي بدون وعي
استفقت وشفت نفسي بالسطح
ناظرة لسجل الي بيدي وتنهدت تنهيده
طويله
" لا لا مستحيل اكيد تشابه يا منار "
منار : ممكن رقم الهويه يتشابه
تجلس على الارض وتبدا تكتب رقم الهويه ويدها ترتجف
ايمن
وصلت لسطح واشوفها تتكلم مع نفسها
قربت منها وباقي تتكلم
ايمن : منار انتي كويسه؟
منار
التفت بتوتر وخوف واحاول ابعد السجل
منار : كويسه كويسه
ايمن يرفع حاجبه : وش فيك؟
تطالع فيه وتعطي الملف وهي ترجف : اقراء لي رقم الهويه
ايمن
مسكت واخذت منها الملف وباقي مستغرب ليش هي كذا خايفه
جلست اقراء وشفتها تجلس على الارض وماسكه راسها تبكي
ايمن
رجعت الملف وباقي مستغرب ليش هي كذا خايفه وجلست اقراء
ايمن: الاسم!
ايمن نزلت لها واحاول اهديها : اسمعي يا منار يمكن هاذا صدفه ما تدرين يمكن مجرد تشابه
منار : الهويه يا ايمن مستحيل تكون تتشابه
ايمن
تنهدت وسحبت منها السجل واناظر فيها
ايمن : ولو طلعت منجد امك ايش راح تسوين ؟ منار راح تجي هي لموعدها بعد ربع ساعه كمريضة متأكده انك تبين تقابلينها؟
منار : هي ماتت قبل 22 سنه مستحيل تكون حيه
منار : لازم اتاكد
ايمن يحاول يهديها ويبتسم : أقابلها بدالك؟
منار : لا ابي اشوفها
ايمن ببتسامه
ويمسك يدها ويسحبها : امسحي دموعك ويلا يلا قدامي
-تمسح دموعها وتحاول توقف -
منار: عيوني متورمه صح؟
ايمن : غسلي وتعالي قبل لا توصل وانا بنتظرك بلمكتب
-تروح منار وتقابل ناديا في دورة المياه
منار
رحت للحمام وجلست اغسل وجهي و وسمعت صوت ناديا تبكي وصوتها عالي
شوي قربت التواليت اسمع وتكلم شخص وتترجاه مافهمت وأبعدت بسرعه وطلعت من الحمام وانا مستغربه وفضولي بيقتلني و شفت ايمن قدامي وماسك السجل وسحبني لمكتبي
ايمن: ادخلي ترا تنتظرك
منار بتوتر تمسك يده : تعال معي
ايمن يناظرها: يمكن ما اقدر امسك اعصابي و افصل عليهم عادي؟
منار: اكيد لا
منار
شفته يحاول يدخل سحبتها واحاول
ابعده عن باب مكتبي وهو ميت ضحك كنت ملتهيه اسحبه بس شفنا المدير يجي وأبعدت عنه ودخلت مكتبي بسرعه
التفت يوم سمعت صوت وحده : السلام عليك
منار
كانت متغطيه ومعها ولدها جلست بمكتبي وانا احاول اسيطر على الوضع
منار برتباك : و وعليكم السلام انا دكتوره منار
منار : من ايش تشتكين؟
الحرمه : عندي الضغط وابي اسوي تحليل لاني لي كم يوم ما نمت من الصداع
منار: تمام انا بفحصك الحين
تفحص منار الحرمه وتخلص وتجلس على مكتبها وهي تكتب تقاطعها
الحرمه: اكيد امك مفتخره ان عندها بنت مثلك
منار
وقفت كتابه وطالعتها وانا احس بغصه : امي متوفيه
الحرمه تنزل راسها : اسفه ما كان قصدي
منار ناظرتها ببتسامه : بالعكس عادي تعودت ت بس تعرفين ان اسمك نفسها؟
الولد الي توتر ومسك امه : يمه
الحرمه تناظره : وجع وش فيك ما تشوفني اتكلم
بعد الولد وطلع من المكتب ومنار تطالع بستغراب
منار : ولدك فيه شي؟
الحرمه : خليه منه مايحب الناس كملي لي
منار: الامر بسيط بس تحتاجين علاج
وبتنامين براحه ان شاء الله
الحرمه : الله يسعدك ويوفقك
منار
عطيتها الورقه وانا في راسي الالف الاساله بس ما قدرت اقولها
الحرمه تطلع من المكتب وهي تبتسم وتلوح لها
الحرمه : موفقه في شغلك ماقصرتي
اول ما طلعت دخل ايمن للمكتب
ايمن: ايش صار؟
توقف منار: ما قدرت اسالها بس اعرف من اسال
ايمن بستغراب : مين
منار: ابوي واحتاج سيارتك
ايمن : أنا بوصلك
منار: انت مشغول
ايمن : مقدر اخليك لحالك بوقف عند الباب ماراح ادخل معك وبنرجع بعدها راح يغطي علينا الدكتور محمد يلا امشي
منار
سحبني وباقي ما قلت كلمه ورحنا متجهين لأبوي وانا مره متوتره ومعصبه ومو عارفه كيف بفتح الموضوع
-منار وهي نازله يمسك ايمن يدها : انتبهي على نفسك
منار
كنت متوتره ويوم شفت عيونه وكيف كان خايف علي ويقول بنبره هاديه " انتبهي على نفسك " نزلت بسرعه ودخلت البيت واحاول أخذ نفس
ليلى :منار؟ مو المفروض في دوا
تقاطعها منار : ابوي وين؟
ليلى: في غرفته
منار : ناديه ابي اكلمه في موضوع
ليلى: مشغول ماهو فاضي
منار بعصبيه : ما سالتك روحي ناديه
ينزل عبدالله : منار؟ وش فيك؟
منار : يبه ابغى أكلمك في موضوع خاص
وتطالع منار في ليلى ويفهم عبدالله : تعالي المجلس
عبدالله
مشيت معها للمجلس وانا مستغرب
ايش فيها زعلانه ومعصبه كذا
عبدالله
جلست وأشرت لها تجلس بدال وقفتها واشوفها رافضه تجلس
عبدالله : ادخلي في الموضوع وش فيك؟
منار : يبه وين قبر امي؟
عبدالله بارتباك : ليه؟
عبدالله : وش ذا سؤال المفاجئ اكيد في المقبره
منار : تتخيل اني قابلت وحده اليوم
عبدالله يرفع حاجبه : قابلتي وحده؟
منار : الي مفترض تكون ميته من 22 سنه
عبدالله : منار امك ميته تحت تراب وسكرنا الموضوع و يعني تحسين اني انا مخبي عليك شيء
منار تضحك: كل شي اتوقعه منك و اليوم ابي اثبات ان امي متوفيه
عبدالله بعصبيه : يكفي لا تجيبين طاريها امك وحده ما تستحي على وجهها ونزلت راسي وراس اهلها انتي ماراح تفهمين ان كل شيء سويته عشانك ولا تخلينا نبدأ بمشكله جديده
تجلس منار بصدمه : ا ايش؟ ايش الي تقصده
عبدالله : شفتي الحين صدمته ذي ما كنت ابغي يصير لك شيء يوم صغيره ابعدتك عنها لانها كانت....
بنظره حزينه لمنار
عبدالله: تخوني
منار : لا تكذب امي ماتسوي شي زي كذا
ومن انت تتكلم عن امي! وامي احسن انسانه وانت حرمتني منها
كانت منار تحاول تضربه بس مسكها وحضنها : اسف ما كان قصدي بس ذي الحقيقه
منار تبكي: انت تكذب امي ما تسويها
عبدالله : يا بنتي انا انعميت عنك سنين وكبرتي وصرتي دكتوره وانا كنت أتعذب كل ليله في كل مره تقولين امي وين
منار تبعده : انت عمرك ما فكرت فيني ولا اهتميت
منار :انا كنت محبوسه داخل المخزن ليوم كامل وانا عمري 7 سنين بس وكنت بموت من الخوف وانا ما كلفت نفسك تشوف وين بنتك
انت انسان اناني انت ما تستاهل تكون اب
منار: لا تدعي الاهتمام فيني وانت ما بقى مكان في جسمي مافيه اثر من ضربك
منار
طلعت من المجلس وانا امشي بثقل لسياره ايمن
ايمن
شفتها طلعت من البيت فتحت لها الباب وانا منصدم من حالتها وكيف تبكي وتشاهق
ايمن : شفيك ؟ سوا لك شي
منار بصوت مهزوز: رجعني البيت
ايمن : ابشري بس طالعيني وش فيك؟
منار :ايمن تكفى رجعني
ايمن
تنهدت وحركة السياره للبيت و نزلت ودخلت بسرعه قبل لا اتكلم
عند ريم
كنت توي صاحيه من نومي وتعبانه بس اتصدمت لما شفت منار تطلع من المجلس ودموعها اربع اربع وأبوي يطلع وراها
خفت انه مسوي لها شيء نزلت احاول الحق على منار بس ما قدرت وشفت ابوي يمشي مقبل علي جيت له
ريم : يبه وش فيها منار تبكي ايش سويت وربي يا يبه لو عارفه انك رجعت وسويت شيء لها او ضربتها اعرف اني بطلع من ذا البيت منار هي امي وأبوي هي الي ربتنا انا وأختي العنود ليش تخليها تطلع وهي تبكي وانت تعرف محد وقف معك وقت ما كنت
طايح الا منار لها
تسحبها ليلى: تكلمي مع ابوك ب ادب و ابوك ما سوا لها شي بس مواضيع قديمه فتحتها منار
ريم
تسحب يدها وتاخذ عباتها وتطلع من البيت وقبل ما تطلع
ريم : كل شيء الا منار
ريم
طلعت من البيت وانا معصبه واتحلطم وانا امشي كيف يسوي كذا ابوي وامي لها وهي جمعتهم امشي وابعد من البيت وانا افكر
فجاه توقف سياره جنبي
رجال : يا حلوه
تطالع ريم فيه ويكون عزيز
عزيز : ايش تفكرين فيه وانتي تمشين بنص الشارع؟
ريم : لا بس جالسه امشي واغير جو
عزيز : تجين معي اخذ فيك لفه؟ واضح ان في شي مشغل عقلك
ريم تتنهد : لا لا ما ابغى ودي امشي
يوقف عزيز سيارته على جنب وينزل ويلحقها : في شي مضايقك؟
ريم تحرك يدها وتنزل رأسها : ابوي مادري شفيه على منار في كل مره يجتمعون تطلع زعلانه
تكمل وتتنهد تنهيده طويله تطلع : وانا رحت وطلعت من البيت
عزيز : ليش ماتروحين لها وتشوفينها؟
ريم تناظره : بروح لها الحين
عزيز : امشي اوصلك
عند منار
منار
نزلت من سياره ودخلت البيت وشفت يلينا وام نايف
يلينا: منار!
تمسح منار دموعها وتتكلم بصوت مبحوحه : بروح لغرفتي
ام نايف بخوف تناظر منار وتوقف: يا بنتي وشفيك؟
تدخل منار غرفتها وتقفل وتلحقها يلينا وتطق الباب وماتسمع اي رد وام نايف قامت وتحاول تلحقهم
يلينا : منار يا قلبي افتحي الباب
ام نايف : ابعدي شوي خليني اكلمها انا
يلينا
ابعدت شوي لعلى وعسى يمكن تسمع كلام خالتي ام نايف بس ابداً مافي رد
ام نايف : يا بنتي وش فيك تبكين ردي علينا صاير لك شيء احد مسوي لك شيء
ريم
نزلت بسرعه من سيارة عزيز بس شفت ايمن عند سيارته وحاط يده على راسه
ما اهتميت ودخلت بسرعه وشفت الصاله فاضيه رحت فوق وشفت ام نايف؟ ويلينا !موجوده انصدمت
ريم : يلينا!
يلينا التفت وشفت : ريم الله جابك
ريم : كيف جيتي هنا؟!
يلينا : قصه طويله
ريم : وين منار؟؟اختي
يلينا : من يوم جت وهي مقفله على نفسها
ريم تنزل راسها : كله بسبب ابوي
ام نايف :ايش قايلها عشان تبكي كذا !
ريم : انا ما ادري حالي حالكم
عند ايمن وعزيز
عزيز
قربت من ايمن الي ماهو
منتبه لي حتى ولا عارف اني جيت
عزيز : وش فيك متضايق؟
ايمن تنهدت ورفعت رأسي : صارت مشكله جديده
عزيز : ايش المشكله؟
ايمن : منار شافت سجل وحده متاكده أنها امها وشجعتها ودخلت تقابلها وبعدين طلبت تقابل ابوها وطلعت من بيت ابوها مكسوره وتبكي ويخي مادري ايش قال لها ولا قدرت حتى اسالها وجت وقفلت على نفسها
بسام من وراه : ذا كله وانا ماني عارف؟
عزيز يحضن بسام : متى رجعت ؟
ايمن يلتفت له : وذا زفت طلع لنا بمشكله بعد
عزيز : ليه وش مسوي بعد؟
ايمن:رجع متزوج
عزيز وهو يلتفت له : يالي ماتستحي متزوج؟
بسام : الحين تسوي نفسك مصدوم قدامه وانت صاحب الفكره؟
ايمن يناظرهم : قدامي انت وياه للمجلس لي شغل معكم
عزيز :هد هد يا وحش ولو ساعدتك تروح لمنار ؟ وتفكني؟
ايمن: مقفله الباب ورافضه تفتحه وكيف بتدخل؟
عزيز يبتسم : بسام وين خالي أبو نايف؟
ايمن بستغراب : وش بتسوي؟
عزيز يناظر لبسام : اسمع رح للمخزن بتحصل نسخه من المفاتيح
بسام : يخرب عقلك كيف فكرت فيها
عزيز : اقولك الذيب ما يهرول عبث قم انقز وجيب لي المفاتيح
بعد ثواني جاء بسام ومعه المفاتيح
ايمن : الحين كيف راح ندخل؟
عزيز : شوف ايش بسوي
يمشي عزيز ويجلس على الارض ويمسك رجله ويمثل الالم
عزيز يطالع فيهم : انت منجدك واقف اذلف نادهم وانت استغل الفرصه وافتح عليها الباب وبسام تعالي سو نفسك تتفقد رجلي
يروح ايمن ويناديهم ويستغل انهم نزلو ويفتح الباب بلمفتاح
منار
كنت بفراشي وابكي وفجأه اسمع صوت
الباب ينفتح استقمت وانا اناظر وشفت ايمن يدخل ويقفل الباب بالمفتاح
منار بصوت مبحوح : كيف دخلت؟
ايمن يقرب لها : ترا محد عارف اني هنا وطي صوتك
منار ودموعها في عيونها : ايش تبي وليش قفلت الباب ممكن تطلع
يجلس ايمن قدامها على السرير ويمسح على راسها : مقدر اطلع واتركك لحالك
ايمن يرفع راسها ويمسح دموعها : تدرين اني دايم موجود هنا عشانك وما راح اتركك
تطالع في منار وتنفجر بكاء وتحضنه
ايمن : ترا قلبي يوجعني لا تبكين تكفين وش مزعلك
منار: ليش في كل مره يصير فيني كذا ليش حياتي كذا
ايمن يناظر لها ويمسح دموعها : آفا بس اوعدك تعيشين حياه الكل بيحسدك عليها..ناظريني
منار ناظرته وانا احاول امسح دموعي الي في كل مره امسحها ترجع تمتلي عيوني وما اقدر اشوف زين رفعت راسي وناظرته وكيف كانت عيونها كلها خوف علي نزلت راسي بسرعه
ايمن : الحين ماراح تعلميني ؟
منار :قال لي كلام ثقيل عن امي انا متاكده انه يكذب مستحيل تكون امي الشخص الي يسوي شي كذا
ايمن: لازم تكلمينها عشان تعرفين الحقيقه
ايمن : منار ناظريني اذا جاء الموعد الجاي لها كلميها عن ذا الموضوع وتشوفين اذا هي امك او لا
منار : ابي اروح وازورها ابوي اكيد يعرف عنوانها بس مستحيل يدلني عليها
ايمن : بساعدك انا لو إي شيء يضايقك ويزعلك انا موجود قولي لي بدون تردد
منار : اقنع ابوي يعطيني العنوان
ايمن : بقدر اجيب رقم الجوال مالازم يعرف ابوك يكفي كلمتيه اليوم وطلع لك دموعك
عند ريم
ريم تجلس على الارض : كيف صار فيك كذا! انت كويس
عزيز بألم : ولله مادري مشيت وطحت
ام نايف : ي ولدي يارب انك كويس وين ايمن
ناداني واختفى خليه يجي يفحصك ويشوف انت كويس
عند العنود
رحت ركض لبيت ام نايف لما سمعت ان اختي حابسه نفسها تبكي
دخلت البيت وحصلت عزيز طايح ومجتمعين عليه؟ ما اهتميت حتى لو كان ميت سحبت ريم ومشيت لغرفة منار
دقيت الباب
العنود: منار يا قلبي افتحي
العنود
و كنت اسمع حركه وصوت شي يفتح ويسكر
عند منار
ناظرة ايمن بخوف
منار: العنود لو عرفت انك هنا بتصير مشكله رح للبلكونه
ايمن : اصبري منجدك تحت امي
تسحب ايمن وتفتحها :ما راح تشوفك
ايمن : طيب وين انخش بزاوية البلكونه؟
يناظرها ويكمل : قبل شوي ما كان ودك تفتحين
الحين يوم كنت معك صار ودك تفتحين الباب؟
منار : العنود ممكن تكسره اذا ما فتحته السرير راح تكون واضحه
ايمن : تبيني انقز؟
منار: ما فرطت فيك عشان اخليك تنقز
ايمن يبتسم: خايفه علي حبيبتي؟
تسحبه منار: احشر نفسك وانت ساكت هنا
ايمن
كنت بتكلم بس سكرت الدولاب
عند العنود
العنود :بروح اجيب شيء عشان اكسر الباب
ريم : اشفيك العنود هدي راح تفتح اكيد
راحت العنود وريم يجيبون شيء يفكون فيه الباب
عند منار
رحت وفتحت الباب بس ما حصلت احد ؟
كنت بقفل الباب بس شفت أيمن يطلع من الدولاب
ايمن
شفت منار جايه تركض لي وترجعني داخل الدولاب بس انصدمت يوم سمعت صوت العنود وريم جايين ناظرت لها
منار
رحت لأيمن مسرعه لانه طلع وخايفه العنود تجي في إي لحظه وتقفطني معه وتسوي مشكله وانا ماني ناقصه وحاولت ادخله بس شفته يسحبني من قميصي و..
يتابع
-
نجمه وتعليق
-