" ممتلئه بكلام لم يعد بأمكان اللغه بشرحه "
كنت خايفه حسيت انها نهايتي بيد ذا شخص
سحبني وهو محاوطني
بسام : وطي صوتك ي بنت من انتي؟؟
منار وهي تبكي : انت الي مين
بسام : تكلمي
منار
جلست ابكي واشاهق وأردد اسماء خواتي
.
أيمن
دخلت للغرفه بعد مادقيت على شرطه بس..
مالقيتها بديت اخاف اكثر بحثت
تحت سرير و في الكبت بس مافي إي أثر؟؟
لها بديت ابحث عنها الى ان سمعت صوت
شهقات عاليه وكانت جايه من غرفة بسام!
حصلت بسام قريب منها
خذيت منار منه وسحبتها بقوه منه
منار وهي تبكي : ايمن ايمن
كنت بس اردد من الخوف
ايمن : وش سويت لها ي ورع؟
بسام : يخي من ذي
ايمن : ذي المستأجره الجديده عند ابوي
وطبو الحراميه وانت نايم وربطتهم تحت
بسام : اما حرامي في بيتنا بروح اشوف
راح بسام وطلع متحمس
ايمن بحده : كيف جيتي لغرفة بسام؟
منار : مادري
ايمن بصراخ : كيف ما تدريننن؟؟
منار : من الخوف ما حسيت بشي
بكيت وانا مكمله: لاترفع صوتك
ايمن : ليه تبكين الحين!
وقفت وانا طالعه من الغرفه وابكي
دخل بسام : وكيف ما تبيها تبكي وانت رافع صوتك عليها
أيمن
حسيت بوجع بقلبي كنت محترق من داخلي
ومعصب كنت حاسس ان ضيقة العالم كلها في صدري
نزلت احاول الحق لها بس لقيتها هي وخواتها في حضن امي
نزلت رأسي غيرت نظري لأبوي بعد فتره جت شرطه
وخذت الكلاب لسجن راحت امي مع البنات فوق وانا
كنت بس استرق لها نظرات ومضايق من الي صار
رحت وطلعت من البيت ومحيره شعوره ذا
.
خذت ام نايف البنات فوق وهي تهديهم وتحاول تنسيهم
.
اليوم الثاني
منار
خلصت مكالمتي مع ناديا لبست بسرعه لانها
بتجي تأخذني بعد شوي بسيارتها
طلعت من الغرفه
ريم : بتروحين لدوام؟
منار وهي تاكل : اي
العنود : ليش ما تروحين للمدرسه؟
ريم : لا وين اليوم مو حضوري اليوم عن بعد
منار : يلا بنات طالعه تبون شيء؟
العنود ببتسامه : استودعتك الله حبيبتي لا
منار بمادله لها : وياكم
طلعت مسرعه لتحت
ام نايف : وين بتروحين مع ذا صبح ي بنتي؟
منار : اسفه ي خالتي نسيت اعلمك انا متدربه بالمستشفى
ام نايف : ما شاء الله ناويه تصيرين دكتوره؟
منار : ايه ان شاء الله
ام نايف : اكيد الوالده فخوره فيك وين هي ماشفتها؟
منار ببتسامه حزينه : مع الي ماتنام عينه
ام نايف : اسفه ي بنتي الله يرحمها ماكنت عارفه
منار : لا عادي يلا انا طالعه
ام نايف : انتي في إي مستشفى؟
منار : مستشفى...
ام نايف : نفس مستشفى ولدي ايمن !
منار بضحكه : اي هو جالس يعلمنا حالياً
ام نايف : انتبهي عليه يلا الله معك
منار
طلعت بس حصلت سيارة ايمن موقفه ونازل منها
كان وجهه يخوف استغربت غبي ذا ليش ما نام يارب ما صار له شيء كنت متردده أقوله صباح الخير او اسلم عليه
وكان متجاهلني ودخل البيت!
لفيت وكنت زعلانه من طريقته رحت لناديا وركبت
معها بسياره وزعلانه من تصرف ايمن
ناظرت لناديا
ناديا : شرايك نروح نفطر؟
منار : بكيفك
دخلنا للمطعم وجلسنا ننتظر طلبنا
بعدها يوم كنا في وسط حديثنا ناديا بصدمه
ناديا : يمه ذا ايش يسوي هنا؟
منار : وش فيك؟
ناديا بهمس : ذا شخص يلاحقني بكل مكان ويحوم حولي
منار : أقوم اعصب عليه؟
ناديا: لا اجلسي آكلي ما نبي مشاكل
كملنا اكل وهو باقي عيونه على ناديا
رحنا وطلعنا وهو باقي يناظرنا ويلحقنا
الى أن وصلنا للمستشفى
قرب منا شخص ذا
ياسر : انتي المنقذه ناديا الي انقذت حياتي
ناديا ببتسامه : اعرف اني انقذتك بس خلاص لوسمحت لا تلحقني
منار : لا تلحقها ولا ولله ابلغ الشرطه
ياسر بخوف : خلاص إسف
منار بضحكه: يوه زلابه على طول هرب
افترقنا انا وناديا كالعاده كل وحده راحت لمجموعتها
منار
دخلت بهدوء كالعاده بس الصدمة
رفع عيونه لي وكانت عيونه تخوف واضح مو نايم
وكان معصب مره : منار كمان راح تتأخرين..
منار بخوف : اسفه دكتور ايمن اخر مره
ايمن : راح تعطيني تقرير كامل ليش تأخرتي وتسلمينه لي
منار وهي منزله رأسها : تمام
بدأ يكمل شرح لنا
وبنص ما كان يشرح
قال احد المتدربين لي سؤال
وكنت جالسه اشرح له الي ما فهمه
ايمن : ما شاء الله ؟؟ سوالف بنص ما انا اشرح لكم هاهه؟؟؟
بنص ما كان معصب ايمن
دخل
دكتور محمد : السلام عليكم دكتور ايمن
ايمن: وعليكم السلا هلا؟
دكتور محمد : دكتور ايمن تسمح لي أخذ المتدربه منار؟
ايمن :ليه؟؟
محمد : موضوع خاص شوي
ايمن بغيره : كيف خصوصي انا المسؤول عنها هنا؟
ايمن
ما كان عارف انها غيره ابداً يحسب الغيره مسؤوليه
انها هي وخواتها في امانة ابوه ولازم يحافظ عليهم
ويدير باله عليهم كان تفكير ايمن كذا
منار : كيف؟
دكتور محمد : لا تخاف دكتور ايمن انا ابيها عشان صديقتها ناديا
منار بخوف : ليه وش فيها؟
ناظرت لأيمن : دكتور أيمن خلني اطلع تكفى
ايمن بستسلام : ارجعي بسرعه
رحت مع دكتور محمد..
لقيت ناديا تعبانه وحرارتها مرتفعه
كلمت لها ابوها وجاء لها
أبو ناديا : خلاص ي منار تأخر الوقت روحي لخواتك
منار : طمني عنها ي خال
أبو ناديا : يوصل
طلعت من المستشفى وانا زعلانه على ناديا
كنت انتظر تاكسي واشوف جوالي باقي له ٨ دقائق ويوصل
تاكسي بس حصلت ايمن يركب سيارته
ويوقف سيارته قدامي
منار : دكتور ايمن تبي شيء؟
ايمن : تبين تجلسين كذا طول الوقت اركبي
منار : بس تاكسي باقي له ٦ دقائق ويجي ؟
ايمن بعصبيه : ألغيه بوصلك انا لاتركبين مع تاكسي
منار : بس ليش ما اركب مع تاكسي؟؟
ايمن: اركبي وبدون اساله
ركبت معه وركبت سماعات وشغلت اغاني اناظر طريق
ايمن
كنت مقهور يوم شفتها حطت سماعه كنت ابي اكلمها
بس ركزت بطريقي وخليتها
وصلنا للبيت
منار
نزلت وفتحت الباب لقيت ريم والعنود يساعدون ام نايف
ابتسمت للمنظر كنت احس ببكي تذكرت لما ليلى وريم والعنود
كنت اتذكر وابتسم لهم يقاطع تفكيري صوت شخص
ايمن : ماراح تبعدين من قدام الباب؟
طالعت فيه واعتذرت له
منار : ريم عنود امشو يلا
ام نايف : لا ي بناتي اجلسو تعشو معنا ورحو يلا انا بحطه
ايمن منار بدلو ملابسكم وتعالو بسرعه
منار
رحت لدرج مبتعده عنهم بس وانا ماشيه
كنت بوصل لطابق ثالث بس
مسكني ايمن من يدي
ايمن: لا تنفردين مع الرجال في المستشفى
منار : نعم؟ هاذا امر ولا نصيحه؟
ايمن : امر بما اني مشرفك
منار : بس مالك علاقه بهاذي الامور دكتور ايمن
تسحب يدها وتروح تكمل لطابق الثالث
نزلت بعد ما بدلت وحصلت الكل يأكل
جلست وبديت اكل معهم بس ما كان ايمن معنا
استغربت؟ ليش ما جاء يأكل زعلان هو؟
بعد ما خلصنا اكل وساعدنا ام نايف كل وحده راحت لغرفتها
وانا جالسه بغرفتي محتاسه واحس بتأنيب ضمير
طلعت من غرفتي بكل هدوء رايحه لغرفة ايمن
سمعت عند الباب صوت بنت تسولف مو واضح
هو يكلم بنت وانا جالسه احاتيه وأقول اكل ولا لا زعلت
بديت ابغى اسمع اكثر بس مو واضح كلامهم
الى ان انفتح الباب وطحت
يتابع