الجزء الثاني
قراءة ممتعه احبتي.....
حوراء /ركضنااا عليه انريده تصحى ماكوووو...
اتصلت ماما ع خالو حسان....
اجه طاير شالوه وهي فاقدة.....
مرت ساعه لبست عباتي ورحت للبيت من وصلت.....
رواء/جانت ملتهيه بطلاب......
ربع ساعه وطلعوااا....
رحت اركض عليه بيبي ودموعي نزلت وسكتت...
رواء/صفنت عليه وسحبته من ايده اشبيه بيبي احجي.....
اتخربطت وفقدت....
ليش بخوف!!!!!
خالو تحسين راهن البيت ومحد يدري.....
ومن سمعت وكعت.....
وهسه اخذوه للمستشفى صار ساعه.....
وامي وياهم وخالو حسان وزوجته....
رواء/هو البيت بأسم جدو اشلون رهنه
وين بالعقار بمصرف....
منتبهت من قريت الكتاب.....
يا كتاب وسولفت الرواء كلشي صااار...
بعد مرور ساعه...
اندكت الباب ودخلو بيبي البيتنا شبه فاقده
ركضنا فرشناله بلاستقبال ونزلوه من التخم ع الفراش....
ماما كالت بسرعه تعالن ورايه للمطبخ....
ظلو كاعدين خالو حسان وخالتي وزوجه وابنه....
شوربه عدس لامي راح اسوي وانتن بلشن بتكلا....
بتيته وكباب وانتي حوراء سوي زلاطه...
حسان /ام حسام تعالي....
كلشي لسوين اني راح اروح وباليل امرلج
خالتي كالت احنا هم نروح باليل نجي....
طلعو وسبحت وصليت والبنات حضرن اكل
ورحت ع امي كعدته يوم كعدي سويتلج
شوربه الطبيب شنوو كال راحه واكل وعلاج
ساعدته تكعد....
رواء /جبنا صينيه اكل بيبي...
وتحمدناله السلامه وامي بدت اتوكله....
ومر اسبوع هي يمنا حتى الطلاب رفضتهم ع موده....
اتحسنت وارتاحت ويوميه بيت خالو حسان وخالتي يمنا.....
غدير وعياله زاروه وعلياء وعياله هم....
ام تحسين /اتصلي ع حسان اريد ارجع البيتي
الحمدالله صرت احسن.....
امي اتصلت واخذوه وراحت....
رجعت ع نفس الروتين طلاب وشغل البيت
بعد شهر للدوام...
ماما كالت السنه لازم تاخذين مبايل ضروري مومثل العام انشلع كلبي من تتأخرين....
مصار اسبوع ع رجعت بيبي وكبت العيطه
الديانه كل يوم واحد بالباب اريد افلوسه
وخالو حسان متخببببل....
اريد يعرف وين دتروح الفلوس....
لزمه وحجه ويا....
اكله مشروع انشألله بس تجي الارباح
يرجع البيت....
واسد الديون...
ومر شهر وماكووو كل ارباح والبيت طلع راهنه يم ابو الصيرفه...
والرجال اريد افلوسه....
وخالو تحسين اواعده اليوم وباجر.....
ومن ماكووو نتيجه العالم اتروح الخالو حسان
وامي التهت ويا بيبي تتخربط وحايرة بيه
اتوديه للطبيب واداريه لليل يالله ترجع...
داومنا اخذت مبايل وصحتيي اشويه احسن
وحوراء هم داومت الراتب مال بابا امي بدت تصرفه ع بيبي اطباء لان راتبه الهم عيشه
تحسين ليل نهار خاتل بالبيت من الديانه
منو يسأله وين وديت الفلوس يطفر يتعارك
ويااا....
اول شهر خلص من الدوام.....
رقمي يم ماما وكم زميله اذا اغيب حتى اعرف اذا حددو امتحان وخالو حسان وغدير......
باليل وادك رقم غريب.....
اخذله فترة ابد ماجاوب بلغت ماما من يتصل تفتح خط محد اجاوب.....
ملييييت يتصل بنص الليل واني نايمه وتعبانه
كعدت شايطه لزمت الجهاز وكبل طلعت الخط وكسرته.....
صداع لزمني لان فزيت....
الصبح حجيت الماما كالت اليوم اخلي خالج حسان اجيبلج خط....
اني شكيت بي وسام....
ثاني يوووم داومت بدون جهاز.....
العصر رحت شفت بيبي لان من راحت مزرته
وامي كالت البارحه اخذناه للطبيب....
حظي من وصلت اهله جايين ع بيبي وياهم وسام اتلاكينه بالباب.....
ضجت بس مبينت الهم سلمت ودخلت للبيت
نص ساعه ورجعنه اني وحوراء...
باليل نايمه بعمق وحلمت بوسام مريض واريد اعالجه فزيت عركانه....
حجيت الحلم الماما صفنت....
اليوم خالتي وعلياء يمنا...
علياء حامل بولد...كاعدين ونسولف وامي وخالتي يتناقشون بموضوع اخوهن وليش ميتغيير...وين اخذ هاي الفلوس...
رن جهاز خالتي زوجه....
شوخالتي طفرت من مكانه وكفت وضربت صدره وشهكت....
بعده كعدت ع تخم ترجف وتبجي....
التمينا عليه شكوو...
حجت بحزن ورجفت شفايف ودموعه ينزلن
كالت ابن عمتج سرمد دعم ابن اخووو.....
علياء صااااحت اشلووون...
دعمه ابن منو بيهم....
ابن سمييير راجع علي بسيارة ميدري بي وراه
وابو وامه متخبلين ابوووج اكول هسه نطلع اوووف يمه رجليه ماكدر امشي شوصلني للبيت
ولج يمه علياء لحكيلي.....
علياء/اتصلت واني ارجف ع بابا كتله مر علينا
امي متكدر تمشي اتخبلت من سمعت الخبر...
اجه ابو علي وراحن.....
سمير وسرمد اخو المزورجي الله يرحمه ولد عمته العلياء يعني ولد اخو لابو علي....
الطفل عمره سنتين الله يرحمه...
صفنت وحجيت ويا حوراء ليش كلهم ماتو بحادث سيارة شنووو الحكمه....
مرت ايام ماكو شي جديد اندك الباب فتحتت حوراء مريه وياه طفله....
حوراء/مريه اتريدج بخصوص التدريس....
طلعت سلمت كتله اتفضلي خاله بشنوو أخدمج..
كالت هاي بت بتي شاطرة واليوم استلمت النتيجه
ومن الصبح الهسه تبجي حتى اعيونه ورمن هاج خاله هاي النتيجه شوفيه...
شفت النتيجه الدرجات كله عاليه؟؟؟؟
ضحكت وكتله شسمج ومسحت ع راسه....
كالت بهدوء وئام...
واخذت الشهادة شوفي خاله كله درجاتي نهاية التسعين الا الرياضيات بداية التسعين....
اريد درجتي تصعد برياضيات وبجت...
مسحت دموعه وكتله انتي حلوة مثل الاميرة ميصيرتبحين وعيونج الحلوات تخرب....
سكتت وكالت ادرسيني مووو...بس مو كل يوم
ماريد اثر ع باقي الدروس....
اتفقنا نهاية الاسبوع وبعده راحت....
مر شهر نفس الروتين رن جهازي بيبية وئام
اجاني صوته خاله وزعوا درجات الرياضيات اخذت ٩٧ وبابا وعمو راح ياخذوني اشتري هدايا...
شكرا ست لان درستيني وتعبتي ويايه احبج...
واني هم احبج..
هاي بيبي وياج....
ام عامر/اشلونج خاله اخبارج امج اشلونه...
الحمدالله...
اشكرج خاله لو شوفيه اشلون فرحانه طايرة
وبس تحجي بيج بحيث كل البيت يعرف ست رواء
منو...
ظلت تحجي وبعده نهينه المكالمه....
رقمي انطيته للطلاب واخذت ارقام اهلهم....
اليوم استراحة ماكووو طلاب سويتلهم يوم واحد بلاسبوع..
كاعدين اني وحوراء بلاستقبال....اندكت الباب فتحته....
ام عامر وبنات اثنين وياه....
ام عامر/اشلونج خاله اخبارج امج موجودة...
جايين عليه خطار...
هلا بيج خاله اتفضلي....
دخلتهم بلاستقبال حوراء اتفاجأت... رحت اصيح
امي واحضر اضيافه.....
بس دخلت امي للاستقبال حوراء اجت تركض عليه
... شعجب دخلاي اهالي الطلاب...
لا جايات ع ماما خطار....
بس لا اتريد تخطب امي لابو عامر ههههه...
ضحكنه وكتله اخذي الصينيه وروحي بلكت اخطبوج الج....
اشويه ورجعت عليه ولج صدك خطابه....
سمعت اتكله اخلي المرة بعيونه.....
انحبسنه بالمطبخ اقل الساعه وطلعوا...
حوراء متحملت طلعت طايرة ع امي حتى فززته
وبسرعه كللتله قري واعترفي ع منو جايات خطابه
وحطه بدموعه مدري برموشه....
امي جاوبته اهدي ولمن الاستقبال اول....
لا لا بعد ما اتحمل احجي...
وبعده اني كله الملمه....
خطابه ع رواء العم وئام....
وشنو جوابج كتلهم اسأله وارجعلك جواب...
وانتي شنوو رأيج....
اني اشوف الولد مابي قصور وظيفه وراتب وعنده سيارة واريد يشتري بيت....
هااا واسمه عامر بس مو الجبير بس لان بالمنطقه
اعرفوا لذلك مشت عليه ام عامر....
هي ام علي....
اتعشينا وبعد العشا ظلت ماما تحجي وتنصح بينا
وانطنتي وقت افكر.....
ومرن شهرين رن جهاز ماما جاوبت خالو تحسين.....
وجه أنكلب بس متفاجأة هزت راسه وجاوبته هسه اجي.....
لبست عبايته وكالت رايحه البيت جدج
اخو حمديه خطر.....
سألناه منو كالت وساااااااام.....
اتفجأنا ليش اشبي!!!!!
سرطاااااان واليوم الطبيب منطي اخر جرعه
وممتحمله وبلغهم ميقاوم جسمه بعد واحتمال اموت....
طلعت ماما واحنا صافنين...
هذا امر الله ليش مضمضمين واحناا منعرف
شنووو من بشررر حمديه...
وفعلا ورا ساعتين مااات وسااام.....
ابد متأثرت مجرد نطقت الله يرحمه.....
نصبو فاتحته كله راحت بس اني وحوراء لا
صفنت ورجعت القبل كم سنه اشلون اخذو ملابسي وسولي سحررر الي هو يعتبر من اخطر انواع السرطان اني هشكل اعتبرة واليوم هو مات بسرطان شنو من عداله الله سبحانه وتعالى يمهل ولايهمل....
ويسقى كل ساق بما سقى.....
خلصت الفاتحه ومرته حامل ببنيه....
وحمديه متخبله واهله وخواته وامه حقهم هذا ثاني وااحد يدفنووو....
كطعت نهائي من بيت جدو....
لان حمديه صايرة تهمش واتكول ليش من مات اخويه رواء مجتي اتعزيني وتشحن بخالو تحسين....
بيبي ع طول اتمرلنه واتعودت كل احتياجاته ع ماما...
مر اربعين يوم ورجعت ام عامر علينا...
كالت اني حتراما الج ام حسام لان يعتبر ابن عمج
بعد متصلت ولا جيت اخذ جواب...
شنوو جوابكم...
سكتت...
كالت راح انتظر كم يوم وارجع عليج وانشالله خييير....
اني متمسكه بيكم لان تربيه ونعم كله اتكول غمضي واخذي منهم...
وهذا رقمي اتصلي علي....
وامي يوميه تنصح وتحجي ويانا وكالت فكري..
اخذتلي عشرت ايام افكر....
خلال هل عشرة ايام كتله ماما موافقه.. كالت
لازم اتشوفي واشوفج باجر بوجود خالو حسان
وجودي يجي هو وامه بلاستقبال مجرد دقايق
تكعدين وبعده يالله انوافق رسمي...
اتصلت ماما ع خالو حسان وفهمته وظل يشاقه ويا امي وطلب يحجي ويايه وظل احشش عليه...
رجعت اتصلت ع ام عامر فهمته وكلتله هو هم اريد اشوفه وهل شي لا حرام ولا عيب....
وثاني يوم العصر بالسته اجه هو وامه واخته وخالو وزوجته رحب بيهم وطلع هم يعرفه من المنطقه
كعدو وزوجة خالو هي دخلت الضيافه الهم جانت كعدة تعارف بعد ربع ساعه اجتي ماما كالت فوتي اكعدي عشر دقايق وكومي...
دخلت سلمت واني متوترة وابد مارفعت راسي الا ام عامر كالت من رخصتكم خاله رفعي راسج انتي هم حقج اشوفي وخلي اشوفج...
رفعت راسي باوعت عليه وهو هم ظل اباوع ربعده وسألني ياكليه وياقسم جاوبته...
وبعده اترخصت وطلعت حتى مخليته اكمل اذا عنده بعد اسأله....
سمعت صوتهم اسلمون....
هسه يالله إتنفست الصعداء عندي واني بالمطلخ
مو يمهم....
وخالو حسان استلمني شقه وتصنيف وراحوا
لان جهاله يم اهله...
مر اسبوع ورجعتلهم جوابي موافقه.. باليل اندكت الباب ام عامر وبناته...
جنت لابسه برمودة ركضت لبست دشداشه....
وطلعت سلمت عليهم...
كالتله انريد نخطب مشية زلم انمشي يايوم يدمكم لان انتو دوام وكانت هم دوام....
ام حسام/الجمعه احسن حتى انطي خبر العمامه
وخواله....
نص ساعه باركن وطلعن....
امي اتصلت ع بيبي ام ابويه..وبعده ع خالو حسان أصلا عدهم علم من زمان امي كلتلهم قبل وفاة وسام ومن مات انسد الموضوع وثاني يوم راحت ع بيت جدي انطت خبر البيبي وخوالي....
اني وامي الخميس طلعنا للسوك اشتريت فستان محجبات كلش مرتب بيجي فاتح وحجاب وحذاء ذهبي وجهزنا وحجزت كيك وغدير اجتي باتت يمنا وانجمعنا ....
والجمعه من الصبح طبخنا غدة وحضرنا كلشي غدير وحوراء كالو مهيمن ياخذن لسوك متاخر ساعه ورجعن....
اشتري ملابس مرتبه وهم حجاب وبدله الرحمه....
بالوحدة بيت خالتي وعلياء هم عزمناه وبيت خالو حسان همات اجوي...
اتغدينا وغسلت المواعين ونظفنا ع سريع...
خالو حسان كال البيت اصغير لذلك الكل كال ساعه خمسه تجي...
اباوع ع الساعه بعد ساعه يجون...
كمنا انبدل صالون مرحت اني بالبيت رتبت نفسي
وجهزنا نفسنا...
وبدو الكل يوصلون بس حمديه مجتي ولا خالو تحسين لان مطلوب ميطلع.....
دقايق ودخلو اهل عامر... كلبي دكاته قويه وسريعه
احس صخنت....
ظليت فوك بالغرفه لان ماكو مكان جواا....
والنسوان بالمطبخ مرة نص ساعه ونزلتني غدير حتى نعقد شيخ....
وكفت يم الدرج وبعده ماما جابت مي بي ياس وشال ابيض....
حطيت رجليه بالمي والشال ع راسي....
وحجه الشيخ وبعده ردد كلامه عادة ٣مرات
انطيت موافقتي وبعده اتعالت اصوات الهلال
وجكليت....
وباركولي امه خواته وجناينهم....
وزعوا كيك وشربت وجكليت....
وبعده الرياجيل طلعوا بالكراج ظل عامر وخالو حسان والبقيه كعدو ع كراسي بالكراج ولو هو هم صغير....
خالو حسان من باب الاستقبال صاحني كال تعالي ناخذ صور وزوجج اريد اشوفج...
اخذت ماما ودخلت...
كالو خالو حسان تعالي بصفه وكل عائلة بعائلته
اصور وياكم ويغمزلنه...
ضحكنا وصورنا واخواته وامه وجناينهم واهل بابا
وغدير وزوجه الفكرة حلوة جانت....
بعده عامر كال كافي أريد اشوف زوجتي....
وضحكنا وانطاني ظرف واخته كالتله خلي ايدك ع كتفه اخذلكم صورة وحدكم وبعده باسني من راسي
وطلعوا.....
الكل بعدهم هم باركولي وراحوا... سبحت واتمنا البيت تنظيف حتى علياء وغدير....
اتعشينا ونمنا وثاني يوم غدير راحت وعلياء همات اخذته خالتي....
رن جهازي ام عامر جاوبته طلع عامر كال راح اتصل
من رقم نهايته هلكد هذا رقمي....
اتصل جاوبته كال اشلونه زوجتي...الحمدلله
كال العصر امرلج اني واختي... هلا بيكم..
للعصر اجوي وطلعت سلمت وحوراء ضيفتنا
انطه الماما نسخه من عقد الشيخ....
وكله عمه اني من باجر ابدي اجهز لان ماريد الزواج
يتأخر وعمي منتهي ع فراش الموت...
كالتله براحتك...
اخته سلمت وطلعت هي وبته.. وحوراء استأذنت تدرس...وماما كالت اخذوا راحتكم هي بعد زوجتك
وطلعت....
بقينا وحدنا كال تعالي بصفي واسر ع تخم...
كعدت يمه بس تفصلنا مسافه هو اتقرب واني ابتعدت رجع اتقرب اكثر انحصرت بينا وبين
نهاية التخم...
كال تستحين مني لو اتخافين....
لا ليش اخاف!!!!
مد ايده ع قراصة شعري نزعه ونزل ع ظهري ظل يتلمس بي اني اتوترت اكثر وصخنت منا قريب عليه ومنا ايدة بشعري....
كتله ع كيف وخر ايدك....
ليش اني اموت ع الشعر الطويل ومن وصفولي شعرج ولبسج اشكد انيقه...
وجانت امنيتي بس اعقد عليج اشم شعرج سحبه
بثنين ادي يشتم بي...
بعده كال كومي اشوف طوله....
وكفت وسحبني خطف من خصري كعدني بحضنه
وبلمح البصر باس اشفافي....
دفعته من صدره حييل ودمعت عيوني وكمت بسرعه لميت شعري بالقراصه....
وحجيت ويا واني دايرة وجهي ميصير هشكل تصرف حتى لو عاقدين شيخ....
شو هذا حظني من ورا ودارني عليه كال واشبي تصرفي معاجبج...
واباوع ع عيوني وشفايفي...
كال عيونج سطرني ودوخني وصعدن الجوزة
مالت كلبي جانت نازله....
وحط راسه بركبتي وشمه وباسه....
وابتعد عدل نفسه وصاح ع ماما اجتي بيده ماعون فواكه وكله اني رايح...
كالتله اكل الفاكهه وظل اتعشا....
اخذ قطعه تفاح اكله وكله دايمه باجر العسر حظرو
نفسكم نشتري الذهب والغرفه....
سلم وطلع....
ثاني داومت و العصر اجه هو وامه واني وامي طلعنا اشترينا الغرفه ع ذوقي وتخم ذهب...
والايام البعده هم...بدينا تجهيز الملابس...
وتناقشنا بخصوص دوامي...كال اني وافقت اتكملين
بس تعين لا وهل شي قبل الكعدة حجيته....
وبالكعدة هم...اعرف ممعارض ع دوامي بس ليش
تعبت ودرست اني غير حتى تعين....لا واصلا طلاب هم بعد مدرسين...ومصرفج يوصلج كل شهر وراتب خير من الله وانتي اختاري اني لو التعين...
الطلاب خطيه مظل شي لامتحاناتهم اكمل وياهم وتعين مثل متريد مااتعين...
سحب ايدي بيدة وبعده بحركه سريعه دفعني ع تخم وصار قريب من وجهي اتغيرت ملامحه وعيونه ذبلت وهمس يم اذني جان كلبي طافيه جوزته وانتي صعدتيه جان قافل احب لو يزوج..
باسني حييل خنكني الما شهكت ابتعد دفعته وطلعت...
سبحت وصليت وجهزنا العشا واتعشينا سوا
وكال بداية العطله نزوج...
بعد ماكدر انتظر لان عمي ع اجهزة عايش
خاف اموت....
بعده سلم وطلع....
دائما يتصل ويرسل ويسأل طول اليوم...
خلصنا تجهيزات وخلصت الامتحانات بس حوراء لان سادس بعده...
اتصل عليه وطلب امي حجه وياه....راد من خوالي وعمامي اشوفهم العسر باجر....
للعصر اجوي واجه هو وأبو اتفقوا باجر نعقد محكمه والخميس الزفه.....
اني من سمعت شبعت بجي....
يعني راح اعوف امي وحوراء واشلون حياتهم وعيشتهم حتى عشا ما اكلت بيومه الصداع زاد
واتخربطت.....
ثاني يوم الصبح اجه هو وامه من عرف تعبانه كال باجر لعد نعقد...
مرضي يعرفون بي وبوقته امه كالت مثل ابني علي
مثل الشقيقه....
للظهر اتصل يطمئن عليه....
وكال ليش هشكل تعبتي... لان راح ابتعد عن اهلي واختنكت بجيت... يوميه يمهم ومن يبدي الدوام
نكعد ع كلبهم انصير مقيمين ههههه...
وثاني يوم عقدنا صادف يوم ثنين غدير الصبح مهيمن جابه اساعدنا وظل يم حوراء...
من المحكمه طلعنا البيتهم اتغدينا....
بعده كال تعالوا شوفوا الغرفه صعدنا وامي ويايه
حييل مرتبه والفرشه اختاريته نازكه بالفرش بينت احلى...
بعده رجعنا للبيت...باركولي البنات...
اتصل عليه كال حظري نفسج العصر بسته ونص نطلع....
وين...
بعدين تعرفين....انطيت خبر الماما....
جهزت نفسي واجه عليه وطلعنا...
طول الطريق لازم ايدي واسوق وصلنا افترينا
وبعده اتعشينا بمطعم ورجعنا للسيارة...
مشى مسافه وطبك بفرع ظلمه وكله اشجار وبيوت عاليه....
باركلي وباسني من خدي ونزل ع شفتي وحظن خصري بيدة...
كال هاي لان مباركتلج كله فوك راسي صرتي زوجتي شرعا وقانونا....
اجيت احجي....
حط ايده ع حلكي... حفظتهن ميصير وعيب وبعدك معاقدمحكمه....
هسه عقدت شخلصج مني....
وسحبني علي وظل اشم وابوس واتعمق بلمساته واني ادفع بي وكله منا الشارع حس ع روحك اشبيييك اخر شي صحت رررجعني وبجيت وارجف...
ظل صافن عليه وباسني من كصتي ومسح
ادموعي واعتذر....
شغل السيارة وطول الطريق ساكتين طبك يم اسواق جاب بطلين مي وعلاكه عصاير وحلويات
قدملي بطل اخذته لان جنت مفورة من تصرفاته
نار احس بداخلي شطفيه....
والعلاكه حطه بالكشن الورة....
وصلنا البيت كال شنوو زعلتي شو ضايجه...
من تصرفاتك بالبيت وما اقبل مو عاد بالشارع
تعرفي غلط...
كال محد موجود وانتي زوجتي... بس اليشوفنا
ميكول هاي زوجته...
كال يابه اعتذر وباس راسي....
نزلنه ونزل العلاكه انطاه الرحمه بعده سلم وراح.
واليوم الحنه هوسه وصالون حوراءوغدير كملن قبلي ورجعهن مهيمن علمود البيت....
ساعه اكثر وخلصنا اجه عليه هو وامه وصلونا للبيت وراحوا....
وبدت الحفله وصورنا وبعده اجوي حنوني وراحوا
لان راح تبدي حفلة الرياجيل...
باليل اتصل عليه كال شنوو هاي الحلاه كله اليه
مفهمت قصدة شنو سلم وراح...
ورا دقايق وصلتني اشعارات الفايبر فتحتهن صوري
اظاهر البنات مصوراتني....
هسه فهمت موضوع الحلاه شنوو..
ثاني يوم الزفه كاعده ابدلتي البيضه وحجابي
وكله موجودة وبيبياتي اصلن واسمن...
وصلت الزفه ودخل لابس قاط حبري وهوسن
امه واخواته ونسوان اخوته وطن جكليت أجواء
فرح بس ناقصه ابووويه واخووويه بجييبت اتمنيت هو اسلمني ووصي عليه زوجي....
لزم ايدي وكمنا وعمامي وخوالي دخلوا من الباب لان نسوان وهوسه وصوا...
طلعت واني شبعانه بجي وامي واخواتي يبجن حظنت ماما هي تبجي واني ابجي وعامر حلف
يوميه اجيبني....
سلمت على خواتي وصعدت بسيارة وبعده انطلقنا للفندق....
وصلنا ودخلنا الغرفه وانسد الباب علينا....
وثاني يوم الصبح رجعنا بصباح هذا طريق بيتنا
اخذني البيت اهلي...
اتفاجات من كال السايق يمك وانتظرنا دكينا الباب اتفاجؤامثلي سلمنا عليهم واحنا واكفيين بالكراج كال وعدت وفيت بس متتاخر....
بعده طلعنا بس مرتاحه حييل اتوجهنا البيت اهله..
مرت الاشهر واليوم اني يم اهلي لان الدوام اخلصه يمهم اخر مرحله وخلصنا اليوم امتحانات نصف السنه وكانت وعدني بالدوام يم اهلي لو اني ويا لو بس اني ابات...
نايمين تقريب ساعه ٣الصبح رن جهاز ماما
حمديه حيص بيص....
طفرنا ونسمع ماما اتكول منووو اخذه ولطمت ع خده......
انخبصت امي واتصلت ع حسان وخالتي بلغتهم لبست وهي ترجف وكالت خالكم اخذته
المكافحه.....
من البارحه مسجون يمهم.....
رايحه اشوف شكووو... واشلون تطلعين دنيا ليل...
علي هسه امرلي....
عشر دقايق واجه علي وراحت...
قفلنا ولصبح كاعدين همزين عطله نصف السنه
بسبعه غفينا اندكت الباب....
فتحته امي....
شنووو الموضوع؟؟؟؟
ملفقيله تهمه مخدراااات.....
فتحنا عيونه مصدومين ع متفاجأين وامي مستمرة تحجي....
اصدقائي واصدقائي اربعه وعشرين ساعه يمهم .... ذوله اصدقاء السوء....وكعت براسه القضيه.....حسان راح اشوفله محامي.....
وامي اتخربطت لا ايد ولا رجل هسه طلعناه
من المستشفى ذبحه صدريه.....
اشلون وياك تحسين دمرتنا ياما ابويه نصحك
كلك عوف اصدقاءك.....
وهاي تاليه....
بس سبحت امي رجعت اخذتنه وكالت بيبيتكم
تعبانه حيييل امشن شوفنه....
وصلنا شفناه نايمه وتعبانه....
وحمديه تلطم وتبجي بغرفته.....
اشويه واجه خالو حسان اتفق ويا محامي
واريد مبلغ خمسه مليون.....
لان همه اربعه كل واحد خمسه مليون ويلزم قضيته وهمه قضيه وحدة.....
خالو حسان حاير المبلغ هوايه وهو ماعندة....
وخالو تحسين ميملك الف.....
رهن البيت والديون وهسه قضية المخدرات
صح هويشرب وع طول يخسر ومشاريعه ممدروسه بس موضوع مخدرات بعيد عنه.....
بيبي كل اشويه تتخربط وحمديه حال الضيم حاله مكسورة وبس تبجي واعصابه فايرة....
بس اصدقائه يتعاطون وجانو مراقبيهم بذاك اليوم وهمه كاعدين سوا.....
واخذوهم للمكافحه.....
ساعه واجوي اهله وبيت خالتي ولد عمهم
وخالو حسان اشكد اتصل ورتب مقابله
بفلوس اشوفه....
انطيت خبر العامر....
ماقصر وقبل اظل بس المهم مو وحدنا اني وحوراء...
والتهينا غدة للناس التجي لان يتحمدون السلامه البيبي....
ساعه خمسه دكتور بيبي امي وخالتي ياخذوه....
وبدت رحلة الاطباء وصرف افلوس ع خالو تحسين
لان حتى الجكاير بفلوس ادخلوه....
ومر اسبوع وخالو حسان عايف شغله....
ويتواصل ويا المحامي....
والتحقيق ماشي وياهم ورجعت اوراقهم للقاضي
بعد مرور اسابيع....
واحنا بدة الدوام....
بيبي اتحسنت بس تعبانه واليوم المحكمه....
والمحامي ديحاول افراج بس الويا من التعذيب اعترفو ع نفسهم وع خالو تحسين لان لگووو الكرستال بجيوبهم....
بس تحسين مليون بالميه ماعنده شي بس الويا ورطوا.
والكل متوتر ويدعي حتى بيبي متخبله علي
احنا بالدوام والحكم صدر ساعه عشرة الصبح
سجن لمدة ٧ سنوووات والبقيه١٥سنه....
شهكت بيبي وكعت....
نقوله للمستشفى امي اتصلت عليه كالت بس بدلو وتعالو البيت جدكم بسرعه...
بس غيرت ملابس الدوام اخذت حوراء ورحنالهم
وصلنا...
هوسه اهله وعمامهم.....
دخلنا اندور ع امي بعيونه ماكوو...
سألت زوجة خالو حسان كالت موبيبيتج اتخربطت
وراحت هي وام علي وزوجه وعلي وحسان...
للعصر كله راحت لبيوته...
نتصل وضعه تعبانه وبلانعاش...
كالت ادعوله...ولساعه ٣الفجر واحنا كاعدين ساعه ٣ونص رن جهاز زوجة خالو حسان.....
كامت ادك وتلطم اتوفت بيبي..
متحملت خبر حكم ابنه......
حمديه اجت تركض والجهال فزوو والكل يبجي
ويلطم مرت ليله صعبه.....
اني وحوارء ملخنا نفسنا وانعادعلينا يوم حسام
جابوه بعد ساعتين وشيعوه وطلعوا لدفنه....
كله حضرت عيالي وغدير وعياله....
مرت ايام الفاتحه وكله حزنانه والحزن خيم حتى ع البيت.....
وحمديه احسه كله نشاط وتشتغل بهمه....
ماعرفت شنو قصده....
مرت الايام رجعنا للدوام والخميسات ثواب واليوم الاربعين....
سمعته تحجي ويا اخته اتكله الله البيت صار الي
بس اني همزين ام حسام اجرت وطلعت من زمان
وتحسين كم سنه ويطلع....
ظليت صافنه ع تفكيره المريض....
رجعنا للبيت وعامر طول الاسبوع امرلي ومرات ابات وكل خميس انروح لاهله والجمعه الظهر ارجعني..
ومرت الاشهر وحالة حمديه حاله اهله سحبو نفسهم منه وراتب بيبي اتوقف لان ماتت وعيشته ومصاريف جهاله صارت على امي وخالو حسان
والسنه دوام بته اول ابتدائي.....
امي جهزت كل شي وكل يوم اتمر عليه....
واسبوع تسوكلهم هي واسبوع خالو حسان
والبيت رجعت اداوم بعقد بالمدرسه واسون سلف
وسدون الرهن ابو الصيرفه انعطف وياهم من عرف بام تحسين ماتت بسبب ابنه....
قسط المبلغ... والديانه هم كل فترة اسدون واحد
وإخوان حمديه المزوجين مشاكل وسحورة وعالكه
بينهم و طلعوا كل واحدابيت.....
وابوحمديه انشلت رجله وبس هو وزوجته بالبيت
وخواته وحدة زوجه ازوج عليه....
وعياله مشوفيه انجوم الظهر....
والثانيه مريضه ساكنه الاطباء.....
وحمديه حالياً صحته تلف وتحتاج عمليه الرحمه
لان بي ورم......
وعلياء صار عده ولد....
وهاي العداله الالهيه صفت الكل ماكووو احلى
من حكم القاضي العظيم رب العالمين....
والى هنا تنتهي رحلتنا ويا حياة رواء وعائلته وخاصه ام حسام جانت مثال للصبر والتحمل والجهاد جانت محطه من محطات حياتهم
كله الم وقهر وحزن.....
وتبخرت وظلت قصه تقرء.....
اختصرت هوايه لان قصته متعبه واحداثه الاكثر وفيات والبارحه متحملت كتبت الحد من اندعم الطفل وتركته اليوم كملت لان نفسيتي تعبت البارحه.....
اترك القلم الرواء الحديديه/
سميته هشكل لان هي مثال للبنت المكافحه
اشكد تعبت واشتغلت حتى اتوفر مصرف العائلته رغم مرضه ودراسته....
رواء/اشكر ام فروحه تعبته هووووايه لان جنت اوصلله الاحداث عن طريق ماسنجر غدير لو من تلي ماما لو عن طريق اختي وصديقتي وبنت عمتي
الوردة طيوفه كتبت الاحداث الاخيرة اله بدفتر
لان اني جبانه وانكشف بسرعه ويم عيالي خفت انلكف فكل ماروح خطار البيتنا ارسل بس من انصابينا بكورونا اني واهلي وبعده انتكسنا قلت روحتي البيتنا فكتبت الاحداث الاخيرة بدفتر ومن اجت طيوفه انطيته اله.....
اولا/ اعتذر منج ام فروحه بسببي اتعرضتي لتجاوز من قبل كم متابعه....
ثانيا/احسد طيوفه لان شايفتج بالحقيقه واتمنى
اشوفج انشاالله....
كافي رواء جيبي القلم جلبتي ههه...
اشكركم متابيعاتي العسل ع تعليقاتكم وصبركم
واطلب منكم طلب الي ممصوت يرجع اصوت من بداية القصه وشاركوه صديقاتكم...
واتمنالهم ابطالي ومتابعيني كل خير وسعادةوصحة
وراحة البال.....
اختكم ام فرح
انتظروني في قصة بذرة حب.....