#يتيمه وجبروت البشر
#بقلم الكاتبه ام فرح
كان يامكان في قديم الزمان..
كان هناك حديقه فيها اربع....
بذرات زرعت بحنان ولم تسقى...
بماء بل سقيت بمحبه وعطاء...
هل ستنبت البذرات ام احدها يموت!!!!!!!!!!!!!!
بغداد
نبذة تعريفيه عني وعن عائلتي /
اسمي:رواء وعائلتي الاب ابوحسام: متوفي من اني وصغيرة ما اذكر اله اي ملامح شايفته بس بصورة....... وموته كان مفاجئ ميعاني من مرض معين وترك راتب تقاعدي.....
الام ام حسام: كاتبه بمدرسة ابتدائيه.
وعندي خوات اثنين غدير وحوراء واخ حسام.
التسلسل العائلي/
(غدير حسام رواء حوراء) عايشين ابيت جدو اهل ماما.......
رواء: اعرفكم اكثر العائله متكونه من بيبي ام تحسين وجدو ابوتحسين وخوال اثنين تحسين وحسان وخاله وحدة ام علي مزوجة بنفس المنطقه وعده علي وعلياء........
الساعه سبعه الصبح صحيت ع اصوت طگطگه وسوالف وصوت
مشؤؤم ابد ما احب اسمعه.....
بس مجبورة اسمعه كل يوم فتحت عيوني بملل رفعت راسي للسما....
اناجي ربي واكلة ربي الى متى هاي العييشه. مو ملينا لاكعده مثل العالم لانومه هاي هم غرفة شوضوة الشمس من كل مكان افوت وكله بيبان.
كمت من افراشي لميتة وخليته ع ميز واني اسمع صوت الجفجير كل اشويه ينضرب بحافة الجدرحجيت بداخلي( شكو طبخ لوعركه)........
بعدني الملم بالغرفه اوشبه غرفه وافتر مثل النحله وادردم بصوت منخفض يارب انطيني ولو اشويه من صبر النبي ايوب......
دخلت عليه حوراء:تضحك وتحرك بحواجبه
وعيونه.............. وتكول الهمه الهمه الهمه الهمه!!!!!
رواء/شكو اشبيج شو من الصبح اتهوسين.....
حوراء/اول امي ودتني عليج كالت صحي اختج وانتي صاحيه...
ماتعبتي حنجرتي الذهبيه ههه وثانيه وبعد ياحبيبتي شو زوجة خالج اليوم كله همه ونشاط وتطبخ!!!.
وكله اشويه وكالت لامي روحي كعدي ارتاحي اني اكمل الطبخ ميصير تشتغلين اليوم حنة
بنتج.........
والمعازيم منو يستقبلهم ويكعد يمهم........
رواء/اليوم نازله عليه المحنه اكيد وراه شي حية التبن الصفرة.
تعالي اكلج انتي منين اجيبين هاي الهوسات!!!!!!!!
حوراء /بضحكه اكيد حلوات مثل شكلي.......
رواء/رحت للحمام سبحت وطلعت.........
لان بعد التهي ومااكدر اسبح مناسبه وهوسه. وبعد الحمام وتنشيف شعري رحت صبحت ع ماما وكتله صباح الخير.....
ام حسام صباح النور حبيبتي يالله اتريكي حتى اجهزين غراض اختج لان بس نتغدة انروح للصالون وهسه شوفي البيت شكو يحتاج رتبي.....
YOU ARE READING
يتيمه وجبروت البشر
ChickLitقصه تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم
