#يتيمه وجبروت البشر
#الكاتبه ام فرح
صبحنا هوسه بيت خالو حسان اصوات جهالهم كمت وعفت حوراء نايمه غسلت ورجعت للغرفه كعديت بالكاع صافنه قطعت صفنتي زوجة خالو حسان اسلم وكفت وسلمت عليه و كالت تعاي نتريك هسه اجيت والريوك حاضر.....
كتله انشألله بس شكو شو مخبوصين وامي وين كالت راحت ويا خالج اجيبون لحم ودجاج لان خطار راح يجون علمود سلامة خالج وهم علمود يرحون ع حجي جاسم يفتهمون ليش ابنه جاب اسم تحسين بالمضوع....
جاوبته انتي مفتهمه الموضوع كالت تعاي ناكل وبعدين افهمج كعدنا بالمطبخ وجدو وبيبي وجهاله خالو بدينا ناكل ودخلو امي وخالو تحسين.....
المسواك هوايه عافه بالسيارة غسلوا وكعدو ياكلون....
خلصنا اكل ولمينا المطبخ ودخلو المسواك وحمديه نايمه...
حوراء /اسمع امي اصيحني حسبالي حلم نايمه فتحت عيوني وكالت كومي اتريكي وساعدينا...
رواء دخلت كتله شكووو من الصبح گراب هو اشوكت انطمرنه مو وجه الصبح اگووووم وامري لله....
رحت غسلت ولميت شعري ورحت للمطبخ لكيتهم اكطعون باللحم سلمت وگعدت باوعت شو حيص بيص ماگو.....
گتله رواء شكووو هل هوسه كالت غدة علمود خالو تحسين ع سلامته وناس وعمامهم راح يجون حتى يرحون البيت حجي جاسم..
كتله واحنا شكوو مخبوصين وكاعدين من الصبح ونوم مشبعانين وهي مطمورة عروس مدلله محنايه بخت والله عده...
ام حسام/گافي واتريگي مو يوميه عدنا احتفال بعدين جدج طلب من عدنا نطبخ....
حوراء اكيد لان يدري بيه راح اتفشلنا!!!!!!
ام تحسين /يالله حبيبتي عوفي الحجي وكومي اتريكي وتعاي ساعديني.....
رواء /التهينا بالغسل والتنظيف حتى بيبي اجتي اساعدناساعه واجتي خالتي وعائلته اكثر من ساعه وكعد خالو وحمديه والفريق ع كولة حوراء.....
مر الوقت وكملنا كل شي ساعه 12وبدت الناس تجي واني حوراء وعلياء وكفنا ع الجاي انحضر صواني وعلي ياخذهم...
اشويه ودخلو اهل حمديه كلهم حتى خواته وازواجهم واخوانه ونسوانهم وصارت هوسه الرياجيل بلاستقبال والنسوان بالهول وحتى بغرفة خالو تحسين كعدو....
اجه علي كال العلياء حضرو صنيتين جاي اكبار وصينيه مي سحبت الصينيه واني وحوراء ترسناه كلاصات مي ع سريع....
امي صاحت ع حوراء وعلياء كالت ادخل للحمام وارجع....
بديت أحضر بصواني الجاي واحط الشكر حسيت احد سحبني من خصري فزيت ونترت نفسي والتفت واشوف وسام ورايه حتى هو بهتت ملامحه متوقع ردت فعلي.....
YOU ARE READING
يتيمه وجبروت البشر
ChickLitقصه تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم
