بقلمي نجم اليل ☆💜
عشقت رجلاً متزوج
مشهد 🖤
بعد ماتأكدت طلع رحت ركض مع انو الدرج خطر عليه بس شسوي
مع الف سلامه حتى لو اسقط رحت ركض صعدت حطيت ملابسي بجنطه
وملابس لعشوقه وطلعت رجعت ع بيت عمتي رجعت خابرت امي كالت جايين
بقيت انتظر على نار وكاعده بالغرفه
ندك الباب كلت منو محد جاوب
ردت كلت ... اذا مادكول منو مافتح الباب لو تطلع نخله براسك
نتر بالباب قوي عرفته محمد عطت بصوت عالي
امشي اطلع ماريد اشوف وجهك وهوَ رد عليه
افتحي الباب عاد كاافي
حنين ... والله بعد مابقى يمك ولا ارجع الك لو يجيبونك ذهب اليه
صحت ع عمتي كتلها خلي طرده ..
بس هو بعده بقيت حاضنه حالي وابجي
ساعه ادعي علي وساعه ادعي عليها
مافتحت الباب لحد ماجو اهلي
كعدت عشوقه ولبست عبايتي والبوشيه
وطلعت ع اهلي ومحمد يحجي وياهم
رحت بدون ماحجي وياه كال ..
محمد ... كم يوم وترجعين لخاطر اهلج تركتج
ردت علي ... برضاك وغصب عنك وانت الممنون ومارجعلك والله لو ادري ع موتي
رد علي ... لا طولين لسانج وتجسرين
بده صوتنه يعلى عاد ابوي صاح عليه كالي روحي اصعدي وتركينه
رحت اني وامي صعدنه ماصدكت انطيت عشوقه لمي وامي كالت ..
الله لاينطي الجان السبب فهميني شنو صار
ماتحملت بجيت بصوت وكتلها ..
بعدين يمه بعدين مابيه حيل احجي
بس اخذوني منه عفيه راح اموت اذا ابقى والله
ردت عليه ... لا يمه اسم الله عليج عمرج طويل
رفعت البوشيه خنكتني كمت الطم ع راسي وابجي واشهك واكول ..
يايمه اخذوني عفيه ماريد ابقى يايمه عفيه رااح اموت اذا اضل دقيقه
كمت كوه اخذ نفس كد مالعبره خانكتني مجروحه ومكسورة اووف
امي عاطت على ابويه اجه صعد هو بقى واكف يباوع عليه من الجام نزلت راسي
ابجي شكد كرهته هيج يخذلني هاي جزاتي
مشينه وطول طريق ابجي بصمت وبحرقه قلب اوووف يايمه ..
💔💔
مشهد من جزء الثالث .
اعذورني ع الخطاء