Quebec's POV
"Ang dumi naman ng damit ni Lancelot." Sabi ni mommy habang nagbabanlaw kaming dalawa ng mga damit namin.
Nilapitan ko siya saka ko sinilip ang puting sando ni Lancelot na puno nga ng mantsa ng chocolate. May palatandaan kasi ako kung kaninong damit ang mga damit nila para hindi sila nagkakapalit-palit kahit mga kambal naman sila. Nilagyan ko ng una at huling letter ng pangalan nila ang mga label ng damit nila. Lahat ng damit nila. Lalo na kapag damit ni Landon at Lancelot kasi parehong panlalaki ang damit nila. Kapag damit ni Lancelot may nakalagay na LT, kapag kay Landon naman LN at kapag kay Lanaia, LA.
Itong hawak ni mommy na puting sando na kasalukuyan niyang nilalagyan ng bleach ay may initial sa label na LT kaya kay Lancelot ito. Napahinga ako ng malalim bago ako bumalik sa pagbabanlaw sa kabilang batya.
"Kaya pala bago kami matulog ni Xenon parang narinig ko pa si Lancelot na bumalik sa kwarto namin."
Narinig kong tumawa si mommy. "Bumalik nga. Pinagtatawanan nga namin ni Lanaia dahil nagdadahan-dahan pa si Landon at Lancelot sa paghakbang papunta sa kwarto niyo at sinisilip kung gising ka pa."
Napailing ako. "Ang kulit talaga ni Xenon. Ilang beses ko ng sinabi sa kanya na huwag nang pakainin ang mga bata ng chocolate kasi patulog na sila at sa halip na humimbing ang tulog ng mga 'yon, mauudlot pa ang antok nila."
Hindi na umimik si mommy at tinapos na namin ang labahin saka kami pumasok sa loob ng apartment. Pagpasok namin sa bahay pinagpahinga ko na si mommy dahil medyo sumakit daw ang balakang niya. Dala na rin ng edad niya kaya ganon. Ako naman, nagluto na ako ng tanghalian namin.
Dito sa apartment na pagmamay-ari ng isang chef ni Xenon kami nakatira sa ngayon. Dalawang buwan na rin kami rito. Kasama ang mga bata at maging si Xenon. Tuwing araw ng Sabado at Linggo nasa mga magulang ni Xenon ang mga bata. Kagaya ngayon, araw ng Sabado kaya naman kami lang ni mommy dito sa bahay. Tahimik at walang kalat kaya madali kaming nakapaglaba ng mga damit.
Ang mga bata, nandoon kila tita, madalas hindi na ako sumasama kapag nandoon ang triplets para magkaroon talaga sila ng quality time ng lolo at lola nila roon. Ayoko nang makiagaw pa ng atensyon dahil sa limang araw naman sa isang linggo nasa akin sila. Saka dito naman sila natutulog kahit doon sila kila tita buong araw. Mamaya pa ang uwi ng mga bulilit ko na 'yon. Pag-uwi ng mga 'yon, nakakain na sila ng hapunan kaya knockdown na sila pag-uwi nila galing doon. Lagi namang ganon.
Nang makaluto ako ng tanghalian namin ni mommy ay sabay na kaming kumain tapos naligo na ako saka nagpahinga ng tuluyan. Nakaidlip ako sandali sa kwarto namin ni Xenon saka ako naglinis ng bahay na malinis naman maghapon dahil wala ang mga makukulit.
Dito na talaga tumira si Xenon kasama namin. Basta 'yon ang gusto niya at hinayaan ko lang siya dahil siya naman ang nagbabayad nitong renta ng bahay at isa pa ay nandito sa akin ang mga bata. Sabi ni mommy, kahit saang anggulo raw tignan, live-in na raw ang tawag doon dahil nakabukod na kami kahit kasama namin si mommy sa iisang bubong.
Pero kahit kasama namin siya rito, madalas hindi siya nakikialam sa sitwasyon namin ni Xenon at pati sa paraan ng pagpapalaki namin sa mga bata. Sa bahay na 'to, siya ang kasangga ng mga bata. Kapag napapagalitan namin ni Xenon ang mga bata, siya ang takbuhan ng mga ito. Siya ang nagpapatahan, nagpapaliwanag at umaaliw sa mga bata kapag napagsasabihan sila.
Minsan ko na rin siyang sinita na huwag sanayin ang mga bata para matuto sila, pero sabi ni mommy hayaan ko na lang daw siya dahil ang mga bata ngayon ang nagpapasaya sa kanya dahil nakikita niya sa kanila si Qeena at Queenie. Sabi rin niya sa akin na mainam din daw na kahit papaano ay may kakampi ang mga bata sa bahay para maramdaman nila na may kakampi pa rin sila. Sabi pa niya na iba raw malungkot at magdamdam ang mga bata dahil sa murang edad ng mga ito, ang alam nila kapag pinagsasabihan sila, hindi na namin sila mahal. Na sinangayunan ko naman kaya hinahayaan ko na lang siya na maging kasangga ng mga bata.
Saka bukod doon, ako lang daw ang makakapagbigay sa kanya ng mga apo dahil wala na nga si Qeena at Queenie. Kaya raw hayaan ko na siya na magpakalola ng todo sa mga anak ko. Kaya wala na akong nasasabi kapag ganon. Taob ako lagi sa mga paliwanag ni mommy.
Dito sa nakuha naming apartment, may dalawang kwarto. Sa isang kwarto si mommy at ang mga bata ang magkakatabi. Sa isang kwarto naman ay ako at si Xenon. Dapat kasi katabi ko talaga ay ang mga bata tapos si mommy, mag-isa sa isang kwarto. 'Yon ang setup namin sa unang linggo. Pero paglipas ng isang linggo, hindi na nakayanan ni Xenon na nasa puder ko ang mga bata. Pati siya rito na nakitira sa amin, na hinayaan ko na lang dahil hinahanap din ng mga bata ang presensya niya. Malaki naman 'tong apartment kaya hindi naman kami masisikipan na lima rito.
Ang nangyari, dapat si Xenon sa sala ang tulugan pero pinagalitan ako ni mommy. Bakit ko raw pahihigain si Xenon sa sofa na kay sikip kung may kama naman. Ano pa raw ba ang inaarte ko, nakabuo naman na raw kami ni Xenon. Wala na akong nagawa kung hindi ang patabihin sa akin si Xenon at ang mga bata sa tabi ni mommy. Pabor nga rin sa mga bata na sa kabilang kwarto natutulog dahil hinahayaan lang sila ni mommy kahit anong oras nilang gusto matulog.
Aaminin ko, sa dalawang buwan naming magkasalo ni Xenon sa iisang kama, ilang beses na rin may nangyari sa amin. Madalang naman. 'Yon yung mga pagkakataon na hindi ko na talaga mapigilan ang init ng katawan ko at ganon din si Xenon. Minsan na rin naming napag-usapan ni mommy ang bagay na 'yon at ang sabi niya sa akin, hindi raw malabo dahil babae at lalaki kami. Panatag naman daw siya na kung mabuntis daw ako ulit ni Xenon kung sakali ay hindi ako nito tatakbuhan dahil nakita niya kung ano ang ginawa nito sa mga bata noon. Pero huwag pa rin daw akong mapanatag. Kailangan daw magkaroon na kami ng label ni Xenon sa lalong madaling panahon dahil hindi raw magandang tignan na may nangyayari sa amin ng walang kami.
Hindi ako nakakibo non. Pinagpatuloy naman ni Xenon yung panliligaw niya sa akin pero hindi ko pa rin siya sinasagot. Hindi ko rin alam sa sarili ko pero parang may kulang. May hinahanap pa ako na hindi ko eksaktong alam kung ano. Pati nga si mommy nililigawan niya minsan. Nagpapalakas ganon. Kaya si mommy boto naman sa kanya at wala naman masabi.
Ako rin naman, wala naman akong masabi sa kanya. Lalo pagdating sa mga bata. Sabi nga ni mommy sa akin, baka raw 'tong nararamdaman ko kay Xenon, ay dahil lang sa mga bata. Na napilitan lang akong bigyan siya ng atensyon dahil siya ang ama ng mga anak ko. Pero tumanggi naman ako dahil hindi naman 'yon ang totoong nararamdaman ko.
"Si Xenon na ata 'yon." Sabi ni mommy na nanunuod ng tv.
Tumayo ako at lumabas ng apartment. Tanaw mula rito ang kulay ng kotse ni Xenon kaya alam kong siya 'yon. Pagbukas ko ng gate ay medyo nagulat pa ako nang naghihintay na ang triplets doon at nakangiti sa akin. "Aga niyo atang umuwi." Sabi ko saka ko sila hinalikan isa-isa sa pisngi bago pinapasok sa loob.
"Ikaw? Wala kang balak ipasok 'yang sasakyan mo?" Tanong ko kay Xenon na nakasandal sa pinto ng sasakyan niya, katapat ko.
Umiling siya saka lumapit sa akin. "Magbihis ka. May pupuntahan tayo."
"Saan?" Sabi ko naman agad.
"Basta." Tipid niyang sagot saka lalong lumapit sa akin. "Wala man lang ba akong kiss? Bakit yung mga bata may kiss pagdating?"
Inirapan ko siya. "Anong isusuot ko?"
"Dress is the best. Gusto ko yung litaw yung kasexyhan mo." Seryoso niyang sabi.
"Are we going to a party?" Tanong ko tuloy.
"Depends." Sabay kibit balikay niya. "Pumasok ka na at magbihis. Maghihintay ako rito."
"How about the kids? Hindi sila sasama?" Dagdag ko pa.
Umiling siya. "Just you and me."
Sumagot ako sa kanya ng okay at nagmamadali akong nagpalit ng damit. Mukhang alam na ng mga bata na aalis kami ni Xenon dahil hindi man lang nila ako tinanong kung saan kami pupunta, na madalas nilang gawin kapag pakiramdam nila ay aalis kami ni Xenon.
"Oh may lakad kayo?" Si mommy ang nagtanong.
"Ngayon lang sinabi sa akin ni Xenon. Pinagpapalit ako ng damit." Sagot ko.
"They're going on a date." Lanaia said while munching caramelized popcorn.
Natawa si mommy sa sinagot ni Lanaia. "Mukha nga Lanaia. Nakakondisyon na kayo eh. Mukhang nasabihan na kayo ng ama niyo na may date sila ng mommy niyo para hindi na kayo sumama." Sabi ni mommy.
Nagmamadali ako sa paglalagay ng makeup saka 2 inches na heels. Hindi ganon kakapal at hindi ganon kalight ang makeup ko kasi pagabi naman na. Ganon din ang heels ko, hindi kataasan at hindi naman sobrang baba. Hindi kasi sinabi sa akin ni Xenon kung saan kami eksaktong pupunta kaya medyo alangan ako. Sa sinabi niyang magsuot ako ng sexy na dress, sumunod ako. Umikot-ikot pa ako ng ilang beses sa salamin para siguraduhin na ayos lang ang suot ko.
Spaghetti strap at fit na fit na plain silver dress ang suot ko. Hindi lang 'yon. V-neck ang style nito kaya naman litaw na litaw ang malusog kong cleavage. Simula nung magdalang tao ako sa triplets, lumaki talaga ang hinaharap ko na bumagay naman sa akin hanggang ngayon.
"Wow! Sexy!" Panghaharot sa akin ni Lancelot na tinuruan ni mommy. Kaya si mommy naman ay aliw na aliw na naman sa mga bata.
"Mommy, ikaw muna bahala sa triplets." Bilin ko.
"Basic." Birong sagot niya na ikinatawa ko. Lagi niyang sagot sa akin 'yon kapag binibilin ko sa kanya ang mga bata. Sanay na raw kasi siya sa amin noon nila Qeena kaya basic na lang sa kanya ang mag-alaga ng pangalawang henerasyon ng triplets sa pamilya namin.
Lumabas na rin ako ng bahay dahil naghihintay na sa akin si Xenon. Bago pa ako maalalayan ni Xenon papasok ng sasakyan ay narinig ko pa ang habilin ni Lanaia na hindi niya nakakalimutan sa tuwing aalis kami ni Xenon nang kaming dalawa lang.
"Pasalubong!" Bilin niya.
"Tsk! Di pa nga tayo nakakaalis pasalubong agad." Bulong ni Xenon saka ako tuluyang inalalayan papasok sa loob ng sasakyan.
Natawa naman ako pero hindi na ako nagsalita pa. Buong byahe namin kinukulit ko siya kung saan kami pupunta pero puro iling lang lagi siya. Ang tatag niya talaga kahit anong pangungulit ko. Sabi pa niya na hindi tatalab ang kakulitan ko dahil sa triplets pa lang, immune na immune na siya sa kakulitan.
"Akala ko naman kung saan tayo pupunta." Sabi ko tuloy nang matanaw ko na papunta kami sa restaurant niya. Nginitian niya lang naman ako.
"Maaga ka yatang nagsara ng restaurant mo?" Usisa ko nang mapansin ko na sarado na at walang ilaw sa loob. Dapat kasi ay 10 pa ng gabi nagsasara ang restaurant pero 6 pa lang sarado na.
Sa halip na sagutin ako ay hinawakan lang niya ang isang kamay ko nang makalabas kami ng sasakyan. Pagpasok namin sa restaurant, tahimik pero may ilang tao pa sa loob. Siguro ay kasasara pa lang nito. Umakyat kami sa ikalawang palapag na kailan lang natapos gawin at pumasok kami sa isang parang maliit na kwarto.
Ang nangyari kasi rito sa second floor ng restaurant niya, kainan din naman pero bawat table ay may barrier na plywood na may design at may pinto pa nga. Mas may privacy ang mga kakain dito sa second floor dahil sa mga barrier at hindi rin maririnig ng katabing mesa niyo ang pinag-uusapan niyo dahil may harang nga. Walang kabutas-butas ang mga barrier kaya hindi mo mapapansin kung may kumakain ba sa mga katabi niyong table o wala.
"May mga kumakain pa ba rito?" Tanong ko sa kanya dahil nga sa may naabutan pa akong ilang staff sa baba.
Umiling siya saka ako inalalayang umupo. "Wala na. Talagang pinasara ko ng maaga 'tong restaurant para sa ating dalawa. Saka para na rin sa mga staff ko, para makapagpahinga sila ng maaga. May okasyon naman ngayong araw eh."
Napakunot nuo ako. Anong okasyon ang sinasabi niya. Isa pa bakit puno ng petals ng rosas ang sahig na tinatakpan namin at ang upuan. "Anong pakulo nitong restaurant mo at may petals ng rosas pa?" Intriga ko.
"Para sayo lang 'yang pakulo na 'yan." Sagot niya at may sasabihin pa sana ako pero hindi ko na natuloy dahil sa may dumating na dalawang waiter at may dala na agad na mga pagkain.
Hindi pa kami nakakaorder pero heto at may luto na agad. Saka lahat ng nakahain, madalas naming kainin ni Xenon dito sa sarili niyang restaurant. "You may now leave us. Thank you." Magalang na pagpapaalis ni Xenon sa mga waiter.
"Alam mo na talaga ang paborito ko." Nakangiti kong sabi habang hinihiwa ang pork steak na pinakagusto ko rito sa restaurant niya na pagkain.
"Syempre. Ako pa ba?" Nagmamalaki niyang sabi saka inagaw sa akin ang tinidor at kutsilyo ko at siya na ang naghiwa ng steak ko.
Pagkatapos niyang gawin 'yon ay sinubuan pa niya ako na hindi ko na lang tinanggihan para hindi siya mapahiya. "You're so beautiful tonight." He whispered before he put his attention to his meal.
"Thanks. Ikaw din, ang gwapo mo. Lalo mong naging kamukha si Landon at Lancelot."
Nagpasalamat din siya at nginitian ako. Hindi pa siya nakuntento at sinubuan pa ako ng hipon na pagkain niya. "Subuan mo rin ako nung sayo." Tignan mo 'tong lalaki na 'to. Gusto rin pala ng pagkain ko, iba pinaluto.
Sinubuan ko siya pabalik pero kumalat ang sauce sa paligid ng bibig niya. "Daig ka pa ng mga anak natin! You're a messy eater." Nakasimangot na sabi ko sa kanya saka ko pinunasan ng tissue ang bibig niya.
Pagkatapos naming kumain dinukot niya ang cellphone niya sa bulsa at nakita ko siyang nagtype. Siguro may tinext. Kulang isang oras na rin kami rito sa restaurant niya dahil sa nagtagal kaming kumain dahil sa dami ng topic namin.
"Oh wow!" Mangha kong sabi nang may dumating ulit na isang waiter at isang violinist.
May dala ang waiter na dalawang bote ng wine at dalawang baso. Sinalinan niya ang dalawang baso pagkatapos ay nagpaalam na roon lang siya sa labas nitong barrier habang ang violinist naman ay nagsimula ng tumugtog.
Kinuha ni Xenon ang isang wineglass kaya kinuha ko rin ang isa. "Cheers?" Patanong niyang sabi saka idinikit sa baso ko ang baso niya.
Pinagsaluhan namin ang wine at nang malapit ng maubos ang isang bote ay inaya niya akong sumayaw. Medyo tinamaan na ako ng alak kaya natatawa ako sa pagsasayaw namin. Si Xenon kasi kung anu-anong ginagawa para patawanin ako. Siguro tinamaan na rin ng alak, kumulit na kasi siya.
Nang mapagod kami sa slow dance namin ay bumalik kami sa pagkakaupo. Pinaalis na rin niya ang violinist at ang waiter na naghihintay sa labas.
"Let's go to my office." Aya niya sa akin ilang minuto matapos umalis ng dalawang kasama namin.