المهيب ابو لاكبر
البارت الخامس والعشرون
ضلت تفكيرات تاخذني وتفكيرات تردني معقوله صارت مشكله جبيرة كلش ومحاجاني معقوله صار وياهم شي لو اخذو فصل عليهم بقيت افكر واكول هم فوك هم ..الى حين نعست ونمت ..
سدم: حيييل احسن خجلني من كالي مسحي تعليقج عبالي يفرح هسه ارتاحيت باوعت المريم مخليه ايديها جو خدها ونايمه وطيف تتعارك ويا البطانيه .بله هاي شبيها شنو يكول الها ويخليها تكمز جوه البطانيه ..
كمت باوعت من الشباك للحديقه رجعت البرده ونزلت جوه
سمعت اكو حجي بغرفه رضا امه رضا وسرمد وعمي عادل
اعتقد رضا متوجع ..
رجعت صعدت اخذت الجهاز وكعدت اتصفح بلفيس لكيت منشور واحد شايف بنيه تجدي بلشارع ومصورها
فورآ رجعت ايامي ياريت لو متمكنه والله اله اروح المكانها واخذها بس اني نفسي مامكنتها نزلن دموعي بسرعه .
يمكن مو بارادتها طلعت يمكن مجبورة طالعه كعدت ابجي واباوع الها لحظه لحظه تجي ايام قبل ابالي
الفرق بيني وبين هاي البنيه هيه وجها طالع واني وجهي اتبوشه استحي من احد يباوعلي ..كمت اردد بكلبي
وين جنتم ليش مااجيتوني من زمان وين جنتم الوم ابيت جدي لبست شالي وطلعت للحديقه مخنوكه كلش
جذب كل الي يشوف حياتي او حجيلها بيها يجذبوني اصلا
وكل ماتنزل دمعه من عيني يلوموني وانسي يكولوي
كل العشته والشفته مو سهل عليه ابدا مرت عليه ايام من كد الوعات والقهر صعب حت اشرحها واسولفها ..اضمها بكلبي وماااعرف حت افصلها بلشرح ، كل هذني من بعد امي
بدي اكل من لحم حاتم الدمرني ..جسمي كام يتراجف واني فكر واسولف وي روحي حت اسنوني صك كمت اضغط على سنوني حيل ودموعي سكته ينزلن طلعت للحديقه اتمشه بسرعه. وقابضه ايديني ..سمعت صوت وراي سدم بسرعه هديت روحي والتفت وراي
مهيب: تعالي يابه اكعدي وين رايحه
سدم: بلعت ريك وشلت شالي على راسي واجيت يمه
مهيب: صفنت بيها باجيه..?? ليش هالكد تعبانه منو وياج
سدم: دنكت العب بيديني حجيت محد وياي
مهيب: سدم اول مااجيتي اسلوبج مو هيج ولا انتي هيج ملاحظة نفسج كلش متغيرة عاد اليوم العصر شحلاتج كليلي شنو المضايقج
سدم: ماكو حبوب للنسيان
مهيب: عكف حواجبه حبوب للنسيان ليش يابه تردين تنسين منو
سدم: اريد انسا كل المر وياي مهيب مارريد اتذكر ولا شي من حياتي القبل ماريد احجي وابجي ماااريد
مهيب: كمت وكعدت بصفها خليت ايدي ورا ظهرها وسحبتها على صدري خلت راسها على صدري وهيه تبجي
سدم: والله مهيب تعبت اني يوميه يزيد القهر يوميه التعب ماخذ نص من حيلي امي ماتروح عن بالي اريدها
ومنين اجيب امي اريد امي والله جديات مهيب اريد امي انه اريدها كافي والله اريدها طولت كلش اريدها ماررهم بدونها
ماارهم ..شوفلي حل
مهيب: ابجي وطلعي كل الي بكلبج بس لا تبجين وتختمين نص البجي بكلبج
سدم: مامرتاحه وكمت ابجي بحس عالي واكول مامرتاحه ومغطيه ايديني على وجهي
مهيب: هششش كافي لا يسمعج احد
سدم: كمت اناشق ..خليت شالي على حلكي
مهيب: وخرت ايدي وكعدتها عدل باعي سدم
اني هنا موجود اني امج اني ابوج اني اختج اني اخوج اني كلشي بلدنيا الج شنو التريدنه من امج اني كدامج احجيلي شنو التردينه
سدم: مسحت ادموعي وخليت عيني بعينه ماريد بس الامان اتخيل مهيب مابدي ابتعد عن امك احجي ومخنوكه وابجي ..
مهيب ماريدها تبتعد عني بيها شبهه الامي وبلاخص ريحتها
ماصدكت مهيب الكا ريحت امي ابدا
مهيب: هسه انتي مشتاقه الها امج
سدم: حيل مشتاقه الها مو شوية اريدها
مهيب: من شميتي ريحت امي رتاحيتي
سدم: مابدي اتكوم من يمي ابدا لحد مانمت على ريحتها
اني ضايعه مهيب من شميت ريحت امك حسيت ب الامان ..
مهيب: زين هاج هاذ البطل المي غسلي وجهج بي لبين مرايح وجاي ثواني بس
سدم: وين رايح
مهيب: كتلج ثواني مامطول ..
سدم: اكو انسان من تحجيله كلشي كلبك يرتاحله كلش احب اكعد ويا مهيب انسان يختلف جذريآ عنهم
عدهم عادات مننوعه الا هوه كانو يقرا بداخلي ويعرفني
مرات اكول هوه مغير الاجو يطلع من مكان الى مكان ويعرف الناس وتقاليدهم لذلك نص تقاليد اهله يعرفهم ويرفضهم ..
غسلت وجهي وباوعت راح للصاله دخل جوه بقيت صافنه ويا روحي ..الى حين اجه
وبيده شيله سوده كعد بصفي
مهيب: اتفضلي هاج حبيبه وبعد لا تبجين
سدم: ضحكت وباوعت هاي شنو
مهيب: شيله امي حت انتي تشميها وتسكتين
سدم: لا صدك بلكي ضيعتها مهيب
مهيب: لا متضيعها بس حاولي انتي ماتخلينها اتشوفها
سدم: بس انت الي تفهمني اخذت الشيله وشميتها اووووف يمه فدوه رحت الريحتج هسه ردتلي روحي
مهيب: الله يرحمها باوعتلها صفح ..زين اكلج
سدم: اخذت الشيله وضميتها على صدري
مهيب: ههههه مو عيب تضميها كدامي هيج
سدم: ها والله اسفه نسيت
مهيب: هههههههه زين شنو ذكرج ب امج وانتي قبل شويه دوم هالكد شويونه وصكتيني حضر
سدم: ابتسمت ابتسامه خفيفه حجيت خفت ازعجتك لذلك كلت اخلصك مني فد مره ..اما امي على عبالي ابد متروح
ساكنه مخيلتي بس اتذكرت ايام قبل شلون جان حاتم يطلعني غصب عني وهيه تضل بس تباوعلي ماتكدر حت اتمنعه
عانت هواي امي مو سهل عليه انساها
مهيب: اليعاني بلدنيا اله اخرته
سدم: والي يعاني من فراقهم شنو النه
مهيب: الامام علي يقول الفراق اشد من الموت اني معاج مو ضدج
سدم: فراق الله لا يراويك اياه ولا يخليك اتشوفه ابدا
مهيب: امين يارب
سدم: باجر هم اتبات بره البيت
مهيب: وحتمال هالمرة اطول اخليها 5 ايام
سدم: لا فدوه
مهيب: شمعنى الاجيت والبقيت اثنينهم سوه
سدم: مااحس احد يفهمني بكثرك محلو البيت ابدونك ابدا
مهيب: سدم اكو احد يضايقج بلبيت
سدم: لا محد اجه على بالي بس عيب اكول ورضا مكسر اتكسر ف اكيد عيب حت اكول
مهيب: متاكده دسم
سدم: اي اكول شنو رائيك نتمشه بلحديقه
مهيب: ليش لا نتمشه ..
سدم: طيب اذا نعسان روح
مهيب: لا بعدني منعسان
سدم: ضحكت ياله طيب
طلعنه للحديقه باوعتله هيبه وطول شنو مخليني زرزوره كدامه هالكد مهتم الامري ضحكت باوعتله
اكول مهيب
مهيب: كولي
سدم: ليش مهتم بيه
مهيب: باوعلي صفح ب الله عليج هاذه هم سوال
سدم: لا الله عليك مهيب صدك ليش عود
مهيب: لن مهيب الزغيرون اشوفه بعيونج
سدم: ضحكت مهيب
مهيب: عيون مهيب
سدم: ضحكت مشيت كدامه
مهيب: اتكعدين بلكاع هم
سدم: هههههه احب عطر التراب
مهيب: كعدت كدامها
سدم: الوردات كلش حلوات شكرا مهيب
مهيب: اهم شي عجبنج
سدم: كلش حلوات
مهيب: يشبهنج لذلك جبتهن
سدم: ضحكت مهيب انت اخر امل الي
مهيب: و اول امل الج
سدم: ابدا التعوفني
مهيب: لو اخر يوم بحياتي
سدم: ملامحته اتغيرت كمت يله نمشي
مهيب: بعدنه هستونه كعدنه
سدم: لزمته من ايده يله نمشي مهيب اتاخر الوكت
مهيب: رفعي الحضر مني مرات احتاجج واريد احجي وياج
سدم: بس اروح ارفع الحظر مهيب حاول لا اطول هناك
مهيب: سدم ترديني قريب منج
سدم: ضحكت ومشيت كدامه
مهيب: نفضت ايديني وكمت وراها ضحكت ورجعت للكراسي الي بلحديقه كعدت انتبهت الروحي واني اضحك
حجيت وي روحي شبيك مهيب اول تالي هيج شنو هاي الاسلوب مشاعري تتحرك بدون مامسك بيها
سدم: رحت اتمشه للصاله اتذكرت الرساله الي بلكتاب ماله رجعت اريد اساله وبعدين اتراجعت رحت صعدت
روحي احسها فراشه وماادري ليش من اشوفه رتاح
خليت راسي على مخده بسرعه اذن الموذن كمت صليت ودعيت ربي يجمعني بلانسان الي يكون صالح اليه اني انسانه تاهيه مالي احد جدي وجدتي عمرهم مو طويل واخاف ارجع الحياتي قبل اتمسكت ب مهيب دعيت الله اشكثر وحت طلبت من امي تدعيلي لن هيه قريبه من يمي الى الله
لفيت المصلاه ورحت الفراشي …
مهيب: حت ماكعدت مريم اتسويلي ريوك حضرت الجنطه وكانما مسافر الغير دوله ابدا ماريد اروح كلش اتضايق
رغم جنت قبل اريد بس عملي وبس هالبت قلبت حياتي فوك حدر نزلت للسيارة
سدم: سمعته نزل من الدرج باوعت الساعه ب 5 الصبح راح الوكت عليه وماكعد مريم اتسوي ريوك واني منتطره يجي حت اني اسويله ريوك… نزلت بدون شال ركض
لحكت عليه بلكراج هستوه صاعد السيارة صحت ورا مهيب مهيب التفت وراي
مهيب: ها
سدم: ماتريكت مهيب
مهيب: ماريد
سدم: وكفت يمه توصل بسلامه
مهيب: الله يسلمج صعدت السيارة ورفعت الجام لا تنسين رفعي الحضر
سدم: عفيه لا تتاخر مهيب حاول اتكمل شغلك
مهيب: رفعت الجام ومشيت
سدم: طلع رحت سديت باب الكراج ورا ورجعت مخنوكه دخلت للصاله طلعت للمطبخ
باب رضا مفتوح وشافني من دخلت للمبطخ صاح سددم سسسدم
سدم: رجعت وكفت يم بابه حجيت اتفضل
رضا: مدام الجماعه نايمه تعاي سنديني اخذيني للحمام
يتبع~