المهيب ابو الاكبر
البارت الحادي عشر
الكاتبه جوسلين صعب
....
يآ ريت وجهك مآ ضحك لمن صرت گدآمي .
يآ حلم رآح ، تندمت خليتك ويه أحلآمي
طيف:شهكت هي راسا التفتت اليه تفرك بعيونها
وسوتلي مجال كمزت يمها مددنه سوه تمسح
على شعري وتحجي ويايه :شبيج حبي
طيف:تعبتتت تعبتتت
صدك اختنكت ومتحملت طكيت بجي هي عرفت
ماكدر احجي ضلت تمسح على راسي واناشغ احس
گلبي بي شعوري مختلط شعور اهل وحبيب…
حجيت وانه مخليه راسي بصدرها.. تعبت من كثر ماافكر اتخيلي مريوم اشكد جنت اتمنه اسمع هاي الكلمه منا… وكت الي سمعتها منه عرضو كدامي اهلي… مستحيل اتزوجه ومستحيل اعوفه واثنينهم صعبات
مريم:- ماكو شي صعب يم ربج وماكو شي اسمه مستحيل يم الله احجيلي شنو كالج وشنو كلتي اله
طيف:- عوفيني مريوم بهمومي وبحبي الماله حل ولا نهايه
دخلت سديم:- هلو بنوتات ..اشرتلي مريم بعيونها… خير بنات شبيها طيف ليش تبجين..
طيف:- مابيه شي
مريم:- خل ترتاح وتحجيلنه كلشي ..
سدم:- كومي حبيبتي ليش جاي تبجين حياتي ماكو شي مستحيل يم الله
مريم:- مو جاي اكول الها ماتفهم
سدم:- من بعدني انه جنت يوميه اطلع والشمس تحمس بيه حمس ابيع اكلنس وانظف سيارات حتئ بس اطلع مصروف مو الي لا الزوج امي..
لليل وي نهار اركض حت اقنع زوج امي بفلوس ويرضئ عني لن اجيبله هيج ..
اصعب شي للبنيه لما تفقد امها اتموت بعينها الدنيا كلها مو بس امها.. حملت هواي هموم من بعدها
دنكت ابجي.. وحيل مشتاقه الها اتمنه اخبرها واكللها ماما اني بخير جنت احلم بنومه حلوة جنت احلم البس مثل البنات احلم ترجع اليه امي عشت علئ سب وغلط وشتم ..
امي ماتت بسببي ضربني وصارت ضدي وضربها ..تمنيت لو انه الگليه مالتي مشلوعه وتمنيت انه الاموت وهيه العايشه
البنت مالها احد غير امها وابوها… من بعدها انتهت الدنيا بعيني شعور ماريد اشوفه حت اللعدو… رحت الابو الحسنين الامام علي وماقصر وياي..
بس امي تبقه غصه بوسط صدري ب اي شي اشوفه بكعدتي وبنومتي وب اكلتي احسها عايشه بكلبي…
طيف تبجين من هالشي اصلا ماشفتي شي من عجايب الدنيا ربج ياخذ شي وينطي شي ومرات ينطيهم اثنينهم الج سوة..
كامن يبجن البنات اثنينهم.. كملت حجي:- اتمنه لو عندي اخت او اخو يمكن يحموني من وحوش البشر
