HINDI inaalis ni sir ang tingin nito sa akin habang inaayos ko ang gamot nito. Napainom ko na ito ng gamot kaya ayos na ulit ang pakiramdam nito pero hanggang ngayon ay sumisinghot pa rin ako dahil hindi ko mapigilan ang patuloy na maluha.
Hindi ko maiwasan na hindi makonsensiya at matakot. Natatakot ako dahil muntik nang mamamatay ang amo ko ng dahil sa akin. Mabuti nalang at nakuha ko agad ang gamot ni sir sa sinasabi nitong kabinet. Hindi ko nga alam kung paano ko iyon nahanap at nakuha agad sa ideyang wala naman akong alam sa kabuuan ng kwarto ni sir. At dahil doon, lihim akong nagpapasalamat dahil mabilis na gumana ang aking utak at nailigtas ko si sir Tristan.
Hindi ko alam ang aking gagawin kung sakaling may nangyaring masama sa boss ko. Napaluha na naman ako.
"Can you please stop crying, woman?" Narinig kong suway ni sir sa akin na lalong nagpaluha sa akin. Buhay pa talaga si sir!
Hindi ko napigilan na hindi yakapin si sir dahil sa sobrang tuwa. Napansin ko naman ang pagkagulat nito sa ginawa ko. "W-what are you doing, woman?"
"M-masaya ako na walang nangyari sa-sayong masama, sir. S-sorry po sa g-ginawa ko" Umiiyak na wika ko dito.
Sinusubukan ni sir na alisin ang pagkakayakap ko dito pero lalo ko lamang hinigpitan ang yakap ko dito.
"Damn woman! Don't be clingy with me. Bitaw!" Masungit na suway sa akin ni sir na ikinangiti ko dahil alam ko na talagang ayos na ito.
"S-sorry, sir" Paumanhin ko pa ulit dito. Narinig ko ang pagbuntong-hininga nito.
"Tsk! Ayos na. Apology accepted, bitaw na" sabi nito na sinubukan na ulit alisin ang pagkakayakap ko dito. Hindi naman na ako nagmatigas at bumitaw na dito. Tiningnan ko ito sa mga mata. Iniiwas nito ang tingin sa akin. "Hays could you stop staring? I'm really fine now" sabi pa nito na ikinangiti ko.
"Sorry"
"Tsk! Stop saying sorry and just don't do the same again, ok? I have allergy to oyster" wika nito na ikinatitig ko dito. Napabuntong-hininga ito. "Pasaway" Dagdag pa ni sir bago ito tumayo sa kinauupuan nitong sofa.
Napabuntong-hininga nalang ako at sinundan nalang ng tingin si sir na ngayon ay papasok na sa kwarto nito.
Kinabukasan ay maagap akong gumising para bumawi kay sir Tristan. Nakangiting inihanda ko sa lamesa ang mga niluto kong pagkain tulad ng bacon, pritong itlog, sinangag at hotdog. Nagtimpla na rin ako ng kape para dito. Ito nalang talaga ang kulang.
Nang makita ko si sir na pababa na ng hagdan galing sa kwarto nito ay agad ko itong sinalubong. Napansin ko na inaayos pa nito ang suot nitong kurbata.
"Ako na niyan, sir" Presenta ko na agad hinawakan ang kurbata ni sir para ako na ang magtuloy sa pag-aayos.
"Tsk! Ako na" wika naman ni sir na hinawakan pa ang kamay ko para patigilin ako sa ginagawa.
Bahagya akong natigilan pero agad din namang nakabawi. Hindi ako pumayag na pigilan ako nito sa gusto kong gawin kaya naman ipinagpatuloy ko ang pag-aayos ng kurbata nito. "Hardheaded" wika pa ni sir na napabuntong-hininga nalang sa kakulitan ko. Hinayaan nalang ako nito sa ginagawa ko dahilan para mapangiti ako ng lihim.
Napakunot ang noo ko nang mapansin ko na hindi nagiging ayos ang gawa ko. "Paano ba magkurbata?" Naibulong ko pa sa sarili habang pilit na inaayos ang kurbata ni sir kahit pakiramdam ko ay lalo lamang iyong nagugulo. Naririnig ko na rin ang lihim na pag-asik ni sir kaya nakakaramdam na ako ng pagkataranta. "Paano na? Presentadang taranda ka kasi Jessica" Paninisi ko sa sarili.
Nang makita ko na nakatali na ang kurbata ay napangisi ako at agad ko iyong hinigit para maging maayos. "Tapos na!" Masayang wika ko pa na para bang nakakuha ng malaking premyo.
"Ack! The hell! A-are you really t-trying to kill me, woman?" Umuubo na sermon sa akin ni sir Tristan. Halos mabigti ko na kasi ito dahil sa ginawa kong paghigit sa kurbata nito.
"Hala! S-sorry, s-sorry sir" Paumanhin ko naman kay sir. Sinamaan lang ako nito ng tingin bago nito inayos ang kurbata at lampasan ako.
Napangiti naman ako no'ng umupo na si sir sa upuan na nasa harap ng lamesa. Lumapit na ako dito at sinimulan ko itong asikasuhin. Nilalagyan ko na ang plato nito ng pagkain nang pigilan ako nito.
"Let me handle this. Kumain ka nalang din, Ica" wika nito kaya napangiti nalang ako at sinunod ko nalang din ang utos nito.
Umupo ako sa bakanteng upuan na nasa kanang bahagi ni sir hindi para kumain kundi titigan lang ito habang kumakain. Hindi ko maiwasan na hindi mapangiti. Narinig ko ang pag-asik ni sir.
"You are already forgiven, woman. Stop staring" wika ni sir pero nanatili akong nakatitig dito.
Napamaang pa ako sa mukha ni sir dahil noon ko lang napansin na gwapo pala ito. Napansin ko pa na makinis ang mukha ni sir at parang kay sarap noong hawakan.
Sinubukan kong hawakan ang mukha ni sir. Unti-unti kong inilalapit ang kamay ko sa mukha nito pero para akong bumalik sa katinuan nang hawakan nito ang kamay ko. Nagulat pa ako no'ng bigla akong sinubuan ng bacon ni sir Tristan.
"Close your mouth, woman. I know that I'm handsome, but don't make it obvious" wika pa ni sir bago nito binitawan ang kamay ko. Naramdaman ko ang pamumula ng aking pisngi. Napansin ko nalang na nakatayo na pala si sir at handa na ito sa pag-alis. "I'm done eating, I have to go" dagdag pa nito bago ako tinalikuran para lumabas ng kusina. Naiwan naman akong natitigilan.
Pagkatapos kumain at mag-ayos sa kusina ay dumiretso ako sa kwarto ni sir dahil naisipan ko na linisin iyon. Napapangiti pa ako habang inililibot ko ang aking paningin sa kabuuan ng kwarto nito. Pakiramdam ko ay hindi na kailangan pa iyong linisin dahil sobrang linis pa rin ng loob. Nakaramdam pa nga ako ng hiya dahil mas mukhang babae pa ang gumagamit sa kwarto ni sir kaysa sa kwarto ko na sobrang gulo.
Napabuntong-hininga nalang ako at muling inilibot ang aking paningin. Sobrang aliwalas ng loob dahil halos puti ang mga gamit ni sir maliban sa lamesa at kabinet na kulay kayumanggi.
Napatingin ako sa malaki at puting kama ni sir. Pakiramdam ko ay iniaakit ako nito na mahiga sa kanya at yakapin ito. Halika na sa akin Jess Maganda! Napangiti nalang ako sa kalokohan na aking naisip.
"Dito natutulog ang boss ko" bulong ko na hindi pa rin inaalis ang pagkakatingin sa malambot na kama ni sir Tristan. Naramdaman ko bigla ang aking pagod sa maghapon na paglilinis at ang pakiramdam na gusto munang magpahinga. "Hindi naman siguro magagalit si sir sa akin kapag humiga ako sa kanyang kama kahit saglit lang? Tutal hindi rin naman niya malalaman dahil wala naman siya dito ngayon. Hahaha saglit lang naman" Nakangiting bulong ko sa sarili bago sinimulang humiga sa malambot na kama nito. Nagpagulong-gulong pa ako sa ibabaw ng kama dahil sa sobrang tuwa. Ang sarap sa pakiramdam!
Ninamnam ko ang pagkakataon na mahiga sa kama ni sir. Inamoy ko pa ang kumot at unan na ginagamit nito. Napangiti pa akong lalo dahil sobrang bango ng mga iyon. Amoy Tristan Guttierez!
Pagkatapos amuyin ang mga gamit ni sir ay umagaw ng aking atensiyon ang isang litrato na nakapatong sa ibabaw ng lamesa na nasa tabi ng kama. Kinuha ko iyon at pinakatitigan.
Napakunot-noo ako nang makita ko sa litrato si sir Tristan na may kasamang babae. Makikita sa larawan ang masayang mukha ng dalawa. Nakaakbay pa si sir sa babae habang nakatitig at nakangiti dito. Doon ko lang nakita ang gano'ng klaseng ngiti ni sir Tristan. Mukang sobrang saya nito sa kasama nitong babae.
Hindi ko alam kung bakit bigla akong nakaramdam ng lungkot at pagkadismaya. Ipinilig ko ang aking ulo para alisin ang nasa isip ko. Napabuntong-hininga ako pagkatapos. Inilapag ko na ulit sa ibabaw ng lamesa ang litrato.
"Sino kaya iyong babae? Kaano-ano kaya siya ni sir?" Naitanong ko pa sa sarili bago muling humiga sa kama at tumitig sa kisame.
🌻Thank you for reading! Feedbacks are always highly appreciated! ❤❤❤ Keep safe everyone!