Xenon's POV
"Boss Xenon nasira po yung isang heavy-duty na refrigerator. Sinubukan na po naming ilipat yung ibang laman sa isa pang refrigerator pero hindi po kasya lahat. Wala pa po sa kalahati ang nailagay namin sa ibang ref. Masisira po yung mga karne at ibang gulay na hindi maaagapan." Bungad sa akin ng isang staff ko nang mapagbuksan ko siya ng pinto ng opisina ko.
Walang pagdadalawang isip kong iniwan ang opisina ko at sabay kaming pumunta sa kitchen area at doon ko nakita ang dalawang chef na namomroblema sa nangyari. Tinawag ko silang dalawa at nilapitan. "Anong nangyari sa ref?" Usisa ko at halatang nakapatay na ang ref.
"Kumuha ako ng karne Boss Xenon para sana sa lulutuin kong order ng customer. Pagbukas ko ng ref wala ng ilaw at mahina na yung lamig kaya pinatignan ko rito kay Chef Arnold kasi siya ang huling nakita ko na nagbukas nitong ref." Sabi ni Chef Stan.
"Boss nung kumuha ako ng gulay ayos pa naman 'yan. Natakot kami na baka lalong masira kaya hinugot muna namin saka sinalin yung ibang laman sa ibang ref. Kaya lang po hindi kasya lahat." Sabat ni Chef Arnold.
"Ganito na lang. Pakilagay na lang sa mga styro box na nasa likuran yung mga karne at gulay na hindi na magkasya sa ibang ref at iuuwi ko sa bahay. Pamilya ko na lang ang makikinabang at bibili na rin ako ng bagong ref ngayon pero papatignan ko pa rin 'yang sira. Sayang naman kung itatapon na. Baka may palitin lang sa pyesa." Sinunod naman nila ang inutos ko.
Ako naman ay lumabas ng restaurant para tawagan ang kaibigan ko na may kakilalang technician. "Pare may number ka pa ba nung technician na pinag-ayos ko ng aircon sa kwarto nila mama? Nasira kasi yung isang ref ko rito sa restaurant. Baka pwede pang magawa."
"Bakit pare ano ba sira?" Tanong ng kumpare ko.
"Bigla na lang namatay kahit nakasaksak pa. Nakita na lang ng isang chef ko na wala ng ilaw at hindi na ganon kalamig nung kumuha siya ng karne." Paliwanag ko pa.
"Ah sige. Magagawa pa siguro 'yan. Text ko na lang sayo yung number para matawagan mo na. Kayo na lang ang mag-usap."
"Sige salamat pare."
"Okay."
Pagkatapos niyang patayin ang tawag ay naghintay ako ng ilang minuto para sa text niya. Nang makuha ko ang number ng technician ay tinanong ko kung maaayos pa ba ang refrigerator at sabi niya ay may mataas na chance naman na mabuo pa raw. 'Yon nga lang bukas pa raw niya matitignan kasi may ginagawa siya ngayong tv.
Pumasok na ulit ako sa loob nang makausap ko na ang technician at para makapagpaalam sa kanila na aalis ako para bumili ng bagong ref. "Tatawag na lang ako kapag ngayon o bukas na idedeliver yung ref na bibilhin ko. Hindi ko alam kung anong oras ako makakabalik mamaya o kung makakabalik pa ba ako. Just wait for my call okay?" Sabi ko sa tatlong staff na nilapitan ko. Nagsitanguan naman sila at sinabihan akong mag-ingat.
Pagkarating ko sa kotse ko ay katatapos lang ipasok ng ilang staff ang mga styro box na naglalaman ng ilang karne at gulay na iuuwi ko sa bahay bago ako dumiretso sa mall para bumili ng ref. Gaya ng plano ko ay inuwi ko na nga ang nga dapat iuwi. Naabutan ko si mama na nakagayak at mukhang paalis pagkarating ko.
"Ma aalis ka? Ang mga bata?" Hanggang ngayon kasi ay wala pa rin kaming nahahanap na tagapag-alaga ng mga bata.
"Oh napaaga ata ang uwi mo?" Gulat na tanong ni mama.
Sinabi ko sa kanya ang nangyari sa restaurant. "Tamang-tama at pupunta kami ng mga bata sa mall para maglibang. Sayo na kami sasabay sa halip na magtaxi kami." Kasabay non ay ang pagtakbo papalapit sa akin ng mga bata.
Nakaporma ang mga ito at mukhang paalis na nga sila. "Dada! You going with us today?!" Landon said, obviously excited.
"I'm not sure baby. I still have work to do." Napasimangot ito.
"Come on. Let's go." Mama said.
Nagpatulong ako sa mga kasambahay na ilipat sa ref ang mga nasa styro box na ibinaba ko bago kami tuluyang umalis ng mga bata. "Dada bakit maaga ka uwi?" Lancelot said while he's on his car seat.
"Dada encountered a problem in the restaurant. I need to go to the mall to buy a new refrigerator. How about you, what are you guys going to do when we arrive to the mall?"
"Play house!" Lanaia said with full of energy.
Natawa tuloy kami ni mama at ang triplets ay sinasabi na sa amin kung ano ang mga lalaruin nila sa play house. "Mama do you think you can manage them alone?" I asked while I'm driving. Nag-aalala ako kasi baka malingat saglit si mama, mawala kahit isa sa kanila.
"Nako kanina pa nandoon si daddy mo sa arcade. Kumakanta roon mag-isa sa ktv room." Napahalakhak ako sa sinabi ni mama.
"Si daddy talaga kahit saan mapunta videoke lang ang magpapatumba." Sumangayon si mama kaya nagtawanan na naman kaming mag-ina.
Pagkarating namin sa mall ay inihatid ko muna silang apat sa arcade kung nasaan si daddy. Nang makita na namin si daddy ay nagpaalam na ako sa mga anak ko.
Si Lancelot at Landon ay sumimangot nang malamang aalis ako habang si Lanaia naman ay nag-aamba ng umiyak. "Bibili lang si daddy ng ref. Tapos kapag nakabili na ako babalikan ko kayo, okay ba 'yon? Kasi kailangan ng ideliver sa restaurant yung bibilhin ko para masetup na at magamit na bukas habang nandoon pa ang mga staff ko." Paliwanag ko kay Lanaia na nakalingkis na sa isang binti ko.
Nagpunas naman ito ng luha habang tumatango. "Kiss mo na si dada." Kumiss naman ito sa akin at ganon din si Lancelot at Landon. Bago ko sila tuluyang iwan kila daddy ay kinawayan ko muna sila nung mapansin ko na nakatanaw pa sila sa akin habang palayo ako.
Kaya naman habang namimili ako ng ref ay mabigat ang pakiramdam ko dahil sa ginawa kong pang-iiwan sa kanila. May pagkakataon kasi talaga na ayaw ng triplets na nahihiwalay ako sa kanila. Mga naglalambing kumbaga at ang pinakamadalas maglambing sa akin ay si Lanaia.
"Sir ito na po ba ang kukunin niyo?" Tanong sa akin ng isa sa tatlong staff ng mall na alok ng alok sa akin ng mga ref. Inabot din ako ng halos dalawang oras sa pamimili ng ref na pupwede sa kitchen namin.
"Oo kukunin ko na 'yan. Pakideliver na lang sa address na ibibigay ko."
Tumango naman sila. "Wala pong problema. Idadagdag na lang po yung shipping fee sa presyo nung ref. Doon na lang po kayo magbayad sir sa counter." Sabay turo nito sa cashier area.
Pumunta naman ako agad doon at iniabot ang isang card ko sa cashier. "Thank you for purchasing sir." Nakangiting saad sa akin ng cashier pagkatapos kong bayaran ang binili kong ref. Bago ako tuluyang bumalik sa mga bata ay ibinigay ko muna ang ilang detalye na kakailanganin nila kapag idineliver nila ang ref sa restaurant.
Bago tuluyang umalis ng store na pinuntahan ko ay tinawagan ko si mama para alamin kung nandoon pa rin sila sa arcade na pinaghatiran ko sa kanila. "Oo anak nandito pa kami. Kanina ka pa hinihintay ng mga bata."
Mabilis ang lakad ko na bumalik sa arcade habang tinatawagan ko naman ang contact number ng restaurant. Ilang sandali pa ay may sumagot na sa tawag ko. "Hello. This is Chef Loisa from X's Restaurant. What can I do for you ma'am/sir?"
"Hello Chef Loisa, this is your Boss Xenon. I just want to tell you that the ref that I bought will be delivered today. Please wait for it and we'll test it tomorrow morning. Hindi na ako babalik pa ngayon sa restaurant kasi yung mga chikiting ko, ayaw na naman ako paalisin. Kayo na bahala magsara ng restaurant."
"Oh okay po boss. Sasabihan ko na lang din po yung ibang staff. Enjoy your day with your kids."
Saktong pagkapatay ko ng tawag ay nakarating na ako sa tapat ng arcade. Pumasok ako sa loob at hinanap ko kung nasaang banda sila mama. Malayo pa lang ako nang matanaw ko si Lanaia na yakap ang tatlong teddy bear na malalaki. Mahilig talagang yumakap ang anak ko na 'yon.
Wala silang kaide-ideya na bumalik na ako kaya ang ginawa ko ay binuhat ko bigla si Lanaia na hindi napansin ang presensya ko. Halatang nagulat ito sa ginawa ko pero nang makita niya na ako ang bumuhat sa kanya ay binigyan niya ako ng malaking ngiti na ikinalusaw ng puso ko. "You're back dada!"
Hinalikan ko siya sa pisngi saka ko nilapitan si Lancelot na may hawak na maraming token at si Landon na may hawak naman na sobrang daming ticket. "Yes dada is back. You miss me my princess?"
Tumango ito saka inginuso ang mga yakap niyang teddy bear sa akin. "Daddy's so good in using the claw machine!" She said the she giggled after. She's referring to my dad anyway. Daddy ang tawag nila sa daddy ko at mama naman kay mama habang sa akin ay dada.
Hinintay naming maubos ang hawak ni Lancelot na mga token saka namin pinapalit ang mga tickets na napanalunan nila pagkatapos. "Barbie! The barbie mama!" Lanaia said while pointing at the barbie doll. Pinapalit na kasi nila ang mga ticket at 'yon ang gusto ni Lanaia na kapalit.
"No! We want the mini cars!" Landon said while glaring at Lanaia.
"Yeah! Mama choose the mini cars please! Lanaia has so many toys while me and kuya still don't have any." Lancelot added.
Nang makita ko si Lanaia at Lancelot na paiyak na ay pumagitna na ako. Kinausap ko sila ng masinsinan na dalawa. "Lanaia, Lancelot was right. Marami ka ng toys oh." Sabay turo ko sa mga stuff toys na nakuha nila ni daddy sa mga claw machine. "Samantalang sila kuya Landon at Lancelot wala pa. Hindi ba unfair na 'yon?" Mahinahon kong sabi sa kanya.
Pilit nitong pinigilan ang luha niya na bumagsak pero hindi niya nagawa. Sa halip ay pinigilan na lang niyang humikbi. Hinagod ko ang likod niya para kumalma saka ko siya binuhat. "Okay. I-I... understand." Umiiyak na sabi niya saka pinigilan ang sariling humikbi.
Ang ending pinili ni mama ang gusto ni Landon at Lancelot kaya lahat sila ay may laruan ng uwi habang palabas kami ng arcade. "Tahan na Lanaia. Malapit na akong magalit." Pananakot ko rito dahil papunta na kami sa isang kainan ay hindi pa rin siya tumitigil sa kaiiyak. Ilang segundo lang ay mabilis nitong pinunasan ang mga luha sa mukha at mas pinigilan ang sariling umiyak.
Pagkarating namin sa kakainan namin ay inasikaso namin ni daddy ang mga bata habang si mama naman ang pumunta sa counter para bumili ng pagkain namin. "Dada can I put them beside me when I'm sleeping?" Lanaia asked while pointing her stuff toys.
"Of course. But we have to clean them first. You can give them names as well." I said while caressing her hair.
"Really?!" Matinis ang boses na sabi niya.
"Yup."
Tumatalon-talon pa ito sa upuan saka nag-isip ng ipapangalan sa bago niyang mga laruan. "How about us dada, can we name our cars also?" Landon said while playing with their cars.
I nodded. "Of course. But unlike the stuff toys of Lanaia, you can't put those cars beside you when you're sleeping."
"Well, that's okay. They're not soft anyway." Lancelot said that made me and my dad chuckle.
Ilang minuto pa ang lumipas nang makabalik si mama dala ang isang tray na may lamang drinks. "Malapit na yung order nating pagkain. Konting hintay na lang." Sabi niya saka ibinigay sa mga bata ang ibang drinks.
Masaya namang ininom ng mga anak ko ang fruit juice nila pero hindi ko hinayaang ubusin nila 'yon ng wala pang pagkain. Hindi na kasi sila makakakain ng maayos kapag nabusog na sila ng dahil sa juice.
"Oh shrimp! My love!" Lanaia said when she saw the shrimps being served in our table.
Inasikaso ko ang mga bata katulong si daddy at mama. Ako ang nagpapakain kay Lanaia, habang si daddy kay Lancelot at si mama naman ang nag-aasikaso kay Landon. "Yummy!" Landon said when mama gave him squid.
"Yum! Yum! Yum!" Hindi nagpatalo si Lancelot sa kakambal kaya may pakulo rin itong sinabi bago siya subuan ni daddy.
"Hay ang mga apo ko talaga. Ayaw patatalo sa bawat isa." Sabi ni daddy.
"Ayaw mo non, competitive sila. Huwag lang sana umabot yung pagiging competitive nila sa pag-aaway." Mama said that I totally agree.
"It's okay to be competitive but not to the point that they'll be selfish." I added.
Pagkatapos naming kumain ay umuwi na rin kami ng mga bata. Hinatid kami ni mama at daddy sa parking para tulungan akong isakay sila sa kotse. May pupuntahan pa kasi sila mama kaya naman hindi na kami sabay-sabay na uuwi at isa pa may dala namang kotse si daddy.
"Ingat kayo pauwi ng mga apo ko." Daddy said before he closed the door in the backseat where my children are.
Nang makauwi kami ay inasikaso ko na naman sila. Hinayaan ko silang mamahinga saglit habang nilalaro ang mga laruan bago ko sila dinala sa banyo para sa half bath. Halos abutin kami ng kalahating oras sa banyo dahil ayaw pa umalis ni Landon at Lancelot sa banyo. Si Lanaia naman ay nag-uumpisa ng maging matamlay dahil inaantok na. Mamayang konti ay iiyak na 'to dala ng antok.
Matapos ko silang bihisan ng pantulog ay dinala ko na sila isa-isa sa kama. Nang lumapat ang mga katawan nila sa malambot na kama ay alam kong hinihila na sila ng antok. Kumain naman na kami sa mall ng dinner kaya pwede na silang matulog kahit medyo maaga pa.
Pinuntahan ko ang patungan ko ng mga gamit nila saka ko sila itinimpla isa-isa ng gatas. Agad naman nilang kinuha sa akin ang mga gatas at niyakap na ang mga una. Nag-uumpisa na ring pumikit ang talukap ng mga mata nila. Kapag ganito na sila ay hindi na sila maglilikot pa, kaya naman naisipan ko na ring maligo para matabihan sila.
Saglit lang akong naglinis ng katawan dahil pagod na rin ako. Paglabas ko ng banyo ay mahimbing na ang tulog ni Lanaia habang si Landon ay konti na lang makakatulog na at si Lancelot naman ay pabaling-baling sa higaan. Mabilis kong isinuot ang boxer brief ko saka ko sila tinabihan.
Pinikpik ko ng mahina ang gawing hita ni Landon at Lancelot para makatulog sila at nagtagumpay naman ako roon. Pinagmasdan ko ang mga anak ko na ngayon ay tahimik na namamahinga.
"I love you Landon, Lancelot and Lanaia. You three are my world. Thank you for giving me strength, inspiration and love. Dada will always be here for you my babies."