ពេលញ៉ំាបាយល្ងាចជាមួយគ្នាហើយពួកគេក៏ឡើងមកខាងលើបន្ទប់វិញ ព្រោះនៅខាងក្រោមគ្មានអ្វីធ្វើទេណានៅក្នុងបន្ទប់នេះក៏មានទូរទស្សន៍អោយមើលស្រាប់ ទើបហេប្យុលដើរទៅអង្គុយលើសាឡុងដើម្បីមើល ឯហូស៊ុកក៏ដើរទៅរកតុធ្វើការព្រោះចង់ឆ្លៀតclear ឯកសារខ្លះចោលបន្តិចមុននិងត្រឡប់ទៅវិញ ជៀសវាងទៅដល់ក៏មានបញ្ហាច្រើន។
រីងងងង រីងងងងង
ដាក់គូទមិនទាន់ដល់កៅអីអង្គុយស្រួលបួលផងទូរស័ព្ទគេស្រាប់តែរោទិ៍ឡើងទើបរហ័សលើកយកមកទទួល ជៀសវាងរំខានអ្នកដែរកំពុងអង្គុយមើលទូរទស្ស។
«មានការអី?»ហូស៊ុកកាន់ទូរស័ព្ទដើរចេញមកនិយាយនៅខាងក្រៅ ព្រោះឌីលនិងមិនខលមករំខានទេប្រសិនបើគ្មានការ ខ្លាចថាជាការធំទើបចេញមកនិយាយដាច់ដោយឡែកបែបនេះ។
«ចាហ្វាយ ភ្ញៀវនៅបន្ទប់VIP ស្រាប់តែរករឿងមកថាពួកយើងលួចបង្កប់កាមេរ៉ានៅក្នុងបន្ទប់ និងរំលោភសិទ្ធឯកជនរបស់ពួកគេ ថែមទាំងរករឿងថ្នាក់ស្ទើរផ្អើលភ្ញៀវអស់គ្រប់បន្ទប់» ឌីល
«ភ្ញៀវបរទេសឬជនជាតិ? ឯងនិយាយពីសណ្ឋាគារមួយណាា?»ហូស៊ុក
«សណ្ឋាគារនៅទីក្រុងស៊ីដនីនេះឯង ក៏ជាភ្ញៀវបរទេស។ សណ្ឋាគារយើងទើបតែចាប់ផ្ដើមដំណើរការមិនប៉ុន្មានខែពេលនេះក៏អុកឡុកខ្លាំងណាស់» ឌីល
«ហេតុអីឯងមិនចាត់ការ?»ហូស៊ុក
«ខ្ញុំគ្រាន់តែមកសុំយោបល់ចាហ្វាយសិន ខ្លាចថាការសម្រេចចិត្តរបស់ខ្ញុំធ្វើអោយមានការខុសឆ្គងខ្លាំងជាងនេះ »ឌីលនិយាយដោយម៉ឺងម៉ាត់ ត្រូវហើយគេជាមនុស្សបែបនេះ គ្រប់យ៉ាងដែរគេធ្វើគឺម៉ត់ចត់ អ្វីគួរអ្វីមិនគួរគេដឹងច្បាស់ណាស់ គ្រប់យ៉ាងដែរចាហ្វាយគេប្រគល់អោយត្រូវតែClear មិនអោយមានកំហុសឆ្គងលើកទីពីរក៏មិនអោយមានបញ្ហាធំឡើយ។
«ប្រកាសប្រាប់ភ្ញៀវនៅទីនេះថាពួកយើងនិងដោះស្រាយ គ្មានកាមេរ៉ាបង្កប់អ្វីទាំងអស់ ហើយនាំភ្ញៀវដែរមានបញ្ហាទៅដោះស្រាយនៅប៉ុស្ដិ៍ប៉ូលីស ចាត់មនុស្សអោយទៅស្វែងរកថាអ្នកណាជាអ្នកបង្កើតបញ្ហានេះឡើង បើមិនមែនកំហុសយើងទេត្រូវរកអ្មកបង្ករហេតុអោយឃើញ »ហូស៊ុក
«បាទ ! ខ្ញុំនិងរកមេធាវីមកឈរជើងបកប្ដឹងទៅវិញពីបទមួលបង្កាច់ និងធ្វើអោយខូចកេរ្តិ៍ឈ្មោះ ។ ហើយប្រសិនបើរកមុខឃើញថានេះជារឿងដែរមានអ្នកចង់សាងរឿងអាស្រូវអោយសណ្ឋាគារយើង ខ្ញុំនិងចាត់ចែងតាមផ្លូវច្បាប់ ឬចាហ្វាយចង់ជួបមុខវាសិនក៏បាន»ឌីល
«ចាត់ចែងតាមផ្លូវច្បាប់គ្រប់យ៉ាងទៅ យើងមិនចូលចិត្តអោយភ្ញៀវមានអារម្មណ៍មិនសុវត្ថិភាពពេលនៅក្នុងសណ្ឋាគារយើង ។ថ្ងៃស្អែកយើងត្រឡប់ទៅវិញហើយ»ហូស៊ុក
«បាទទាន , ប៉ុន្តែនៅមានរឿងមួយទៀត»ឌីល
«រឿងអី?»
«ខ្ញុំគិតថាក្នុងសណ្ឋាគារយើងមានរណុកក្នុងហើយ កំឡុងពេលយើងជ្រើសរើសបុគ្គលិកបែបនេះងាយនិងមានអ្នកបន្លំខ្លួនចូលមកខ្លាំងណាស់ ណាយើងក៏ជាអ្នកឈ្នះក្នុងការដេញថ្លៃទិញយកសណ្ឋាគារមួយនេះ សត្រូវជំនួញក៏មានច្រើន បញ្ហាដែរមិនគួរមានក៏ស្រាប់តែកើតមានឡើងដូចពេលនេះ»ឌីល
«ធ្វើដូចរាល់ដងទៅ បើចាប់បានពិតមែនឯងចាត់ការហើយរកមុខមេក្លោងមកអោយយើងភ្លាមដឹងដែរទេ»ហូស៊ុកជ្រួញចញ្ចើមមួរម៉ៅ នេះវាយ៉ាងមិចនិង គេមិនគិតថានិងមានសត្រូវវាយលុកលឿនដល់ថ្នាក់នេះទេ រញ៉េរញៃនាំអោយខូចអារម្មណ៍អស់។
«បាទចាហ្វាយ ព័ត៌មានបន្ទាប់ខ្ញុំនិងរាយការណ៍ប្រាប់ពេលចាហ្វាយមកដល់ ។ រាត្រីសួស្ដី» ឌីលបញ្ចប់ប្រយោគឯហូស៊ុកក៏ផ្ដាច់ប្រព័ន្ធទូរស័ព្ទហើយដាក់ចូលក្នុងហោរប៉ៅខោវិញមុននិងបើកទ្វារបន្ទប់ចូលទៅ ទើបប្រឈមនិងកែវភ្នែកដែរសម្លឹងមកមួយគូរដោយការចង់ដឹង។
«មានបញ្ហាអីឬ?ទើបខលមកនិយាយគ្នាយូរដល់ថ្នាក់
នេះ»ហេប្យុល
«បញ្ហាតិចតួច ដោះស្រាយរួចហើយ »
សឺតតតតត
ហូស៊ុកដើរមករកអ្នកដែរអង្គុយនៅលើសាឡុងមុននិងឈោងថើបថ្ងាសនាងមួយខ្សឺត ហើយក៏ដើរហួសទៅរកតុធ្វើការវិញ គេដូចជាទម្លាប់ហើយ តែនាងមិនទាន់ទម្លាប់ស្រួលបួលទេ ចេះមកថើបមិនប្រាប់គ្នាមុនអោយដឹងទៅកើត ។
«ប្រាកដហើយ?» ហេប្យុលសួរបញ្ជាក់ ក៏សម្រេចចិត្តងើបទៅចាក់ទឹកដាក់នៅក្នុងកែវយកទៅអោយគេញ៉ំានៅឯតុការងារ មើលតែមុខក៏ដឹងថាមិនមែនបញ្ហាតិចតូច បើបញ្ហាតិចតួចពិតមែនគេប្រហែលមិនត្រឡប់មកវិញទាំងចងចញ្ចើមបែបនេះទេ ។
«ហឹមមម »ហូស៊ុកងក់ក្បាលឆ្លើយតបនិងនាង។ ទាំងដៃម្ខាងក៏ទទួលកែវទឹកពីនាងយកមកញ៉ំា ឯម្ខាងទៀតក៏ទាញចង្កេះនាងអោយចូលមកអង្គុយលើភ្លៅ រកតែនាងត្រៀមខ្លួនមិនទាន់។
«ធ្វើអី? ក្រែងធ្វើការងារមែនទេ?»ហេប្យុល
«នៅបែបនេះហើយទើបឆាប់ហើយ »ហូស៊ុក
«ក៏តាមចិត្ត»
«និយាយអញ្ចឹងស្អែកយើងទៅវិញសិនល្អទេ?»ហូស៊ុកស្រាប់តែបបួលឡើង ទោះគេពិតជាត្រូវទៅនៅថ្ងៃស្អែលក៏ដោយតែក៏ត្រូវសួរនាងសិន បើនាងថាមិនទាន់ចង់ទៅគេក៏និងមិនទាន់ទៅ ។
«ស្អែកនេះហេហ? ហេតុអី?ការងារមានបញ្ហាឬ?»ហេប្យុល
«ក៏មានតិចតួចទេ ។ បើចង់នៅទីនេះ យើងអាចនៅបន្តរបាន»
«ទៅវិញស្អែកក៏បាន មកទីនេះប៉ុន្មានថ្ងៃខ្ញុំសប្បាយអស់ចិត្តហើយ» ហេប្យុល
«ប្រាកដហើយឬ?»
«ហឹមម ប្រាកដហើយ »ហេប្យុលនិយាយរួច ហូស៊ុកក៏ងក់ក្បាលនិងធ្វើការងាររបស់ខ្លួនបន្តរ សំខាន់ពេលនេះនាងក៏នៅចន្លោះដៃរបស់គេជាប់ក៏មានតែសង្ងំអង្គុយមើលទូរទស្សន៍បណ្ដើរនៅលើភ្លៅគេបណ្ដើរតាមតែចិត្តគេដែរចង់តែប៉ុណ្ណោះ។
.......
1ម៉ោងកន្លងផុតទៅហើយ គេមានតែប្រញ៉ាប់ញាប់ដៃបង្ហើយការងារតែប៉ុណ្ណោះ មាននាងនៅបែបនេះគេប្រហែលមិនសូវធុញនិងការងារទេតែពេលឱនមកមើលអ្នកដែរសង្ងំមើលទូរទស្សន៍ក៏គេងលង់លក់ផ្អែកនិងដើមដៃគេតាំងពីពេលណាមិនដឹង ។
«ម៉ោង11ហើយ» គេក្រឡេកមើលម៉ោងក៏ហួសចិត្តនិងខ្លួនឯង នេះចេះទុកអោយនាង នៅងងុយជាមួយទៅកើត ។ មិនរងចាំយូរគេក៏បិទlaptop ហើយបីនាងយកទៅដាក់គេងនៅលើពូក បិទភ្លើងបន្ទប់ហើយក៏ចូលមកដណ្ដប់ភួយនិងគេងក្បែរនាងវិញ ។
✨🤍✨🤍✨
ថ្ងៃថ្មី!!!!!!!
ព្រះអាទិត្យថ្ងៃថ្មីរះមកម្ដងទៀតហើយ ទម្រាំពួកគេក្រោកនិងសម្អាតខ្លួនស្លៀកពាក់រួចក៏ស្ទើរតែម៉ោង9ជាងទៅហើយ ទើបរហ័សឡើងអូប័រជិះត្រឡប់ទៅកំពុងផែរវិញ និងយកឡានមកបន្តរដំណើរទៅទីក្រុងតែម្ដង ព្រោះថ្ងៃស្អែកហេប្យុលត្រូវចូលធ្វើការគេក៏មានការងារខ្លះអោយចាត់ចែងដូចគ្នា ។
ទីក្រុងស៊ីដនី🌷✨
ជីននិងស៊ូឈីនក៏ត្រឡប់ទៅសេអ៊ូលវិញហើយ ទើបផ្ទះពេលនេះក៏មានតែនាងនិងគេដែរនៅ ។ឡានដែរបើកមកចតមិនទាន់ដល់ក្លោងទ្វារផ្ទះស្រួលបួលផងអ្នកបម្រើក៏មកឈររងចាំទទួលរួចជាស្រេច ទើបពេលឃើញចាហ្វាយខ្លួនចុះមកភ្លាមម្នាក់ៗក៏ស្រវាទស្រវាសទៅជួយយកឥវ៉ាន់ ។
«ម៉ោះជិះយូរប្រហែលអស់កម្លាំងហើយ ឡើងទៅសម្រាកនៅខាងលើទៅ» ហូស៊ុកក៏នាំនាងឡើងទៅលើបន្ទប់ជាមួយឯអ្នកបម្រើដែរយកវ៉ាលីមកដាក់អោយហើយក៏រហ័សចេញទៅវិញ ព្រោះមិនចង់រំខានចាហ្វាយនាយយូរ ឯហេប្យុលគ្រាន់តែឃើញពូកទន់ៗភ្លាមក៏ហក់ទៅគេងនៅលើនោះភ្លែត ។
«យប់នេះទៅញ៉ំាDinner នៅខាងក្រៅទៅ»ហូស៊ុក
«តាមចិត្ត ខ្ញុំគ្មានបញ្ហាទេ»ហេប្យុល
To be continued 🌷