ពន្លឺភ្លើងឡានត្រូវបានរលត់ពេលបានបើកមកដល់មុខផ្ទះរបស់រាងតូច ។ហូស៊ុកចុះពីលើឡានមកជាមួយនាង ព្រោះដូចជាមានរឿងត្រូវនិយាយ ទើបធ្វើរឹកពារអេះអុញបែបនេះ :
«មានអីមែនទេ?»ហេប្យុល
«និយាយគ្នាពីរឿង Charm Hahweeបន្តិចទៅ»ហូស៊ុក
«គេ? មានរឿងអីមែនទេ?»ហេប្យុលសួរបញ្ជាក់
ព្រោះគេនៅសុខៗស្រាប់តែមកបបួលនិយាយពីរឿងនេះ នាងក៏ចម្លែកចិត្ត ជាធម្នតាគេមិនសូវខ្វល់ទេ។
«អ៊ីលគិតថាវាជាមនុស្សយ៉ាងមិច?»ហូស៊ុកឈរជ្រែងហោប៉ៅផ្អែកខ្លួននិងឡាន ព្រមជាមួយសំណួរដែរគេសួរទៅកាន់នាង ក្នុងន័យចង់បានចម្លើយពិតប្រាកដ គេនិងងាយយល់ថាគួរនិយាយជាមួយនាងចាប់ពីចំណុចណាទៅមុន។
«ក៏ល្អបែបមនុស្សប្រុសទូទៅ ចំណុចពិសេសរបស់គេប្រហែលសម្ដីផ្អែម មានពេលវេលាច្រើនកំដរខ្ញុំទេដឹង?» ហេប្យុល
«និយាយអោយត្រង់ ខ្ញុំមិនចង់អោយអ៊ីលទៅទាក់ទងជាមួយវាស្និតស្នាលបែបនេះទេ ។មិនឆ្ងល់ទេឬហេតុអីសុខៗវាស្រាប់តែមកនៅទីនេះហើយចូលមកក្បែរអ៊ីលបែបនេះ? អ៊ីលអាចនិងមិនដឹងអ្វីនោះទេក្រៅពីកាយវិការក្លែងក្លាយដែរគេបង្ហាញនៅពេលនេះ យល់ល្អដកខ្លួនចេញអោយហើយទៅ ខ្ញុំប្រាប់ក្នុងនាមជាមិត្តនៅជួយដាស់តឿន មនុស្សដូចគេមិនគួរអោយទុក្ខចិត្តឡើយ»ហូស៊ុក
«ជុងទើបតែជួបគេថ្ងៃនេះ ក្រោយពីបែកគ្នាជិត5ឆ្នាំមិនអញ្ចឹងឬ?ធ្វើមិចទើបដឹងច្បាស់ដល់ថ្នាក់នេះ? ខ្ញុំគ្រាន់តែចង់សាកទាក់ទងនិងគេធម្មតា ព្រោះគេក៏ល្អគ្រប់គ្រាន់តាមដែរខ្ញុំមើលទៅឃើញ ធ្វើយ៉ាងមិចទើបខ្ញុំអាចដឹងពីហេតុផលរវាងអ្នកទាំងពីរ? ខ្ញុំដឹងថាអ្នកទាំងពីរមានជម្លោះនិងគ្នាតាំងពីនៅរៀន ជុងក៏មិនចូលចិត្តគេតាំងពីរដើម តែខ្ញុំអាយុមិនតិចទេ ខ្ញុំក៏ចង់ដឹងពីអត្ថន័យស្នេហាលើកដំបូងដូចគេឯងដែរ ខ្ញុំគ្រាន់តែអោយគេចូលមកក្បែរ ព្រោះគេជាមនុស្សដែរខ្ញុំធ្លាប់ស្គាល់ គ្មានហេតុផលណាដែរបញ្ជាក់ប្រាប់ថាគេអាក្រក់ទេ ។ កុំធ្វើអោយជម្លោះរវាងអ្នកទាំងពីរមកពាក់ព័ន្ធជាមួយខ្ញុំបានទេ? »ហេប្យុល មិនមែនមិនយល់ពីគោលបំណងល្អរបស់គេទេតែហេតុអីគ្រាន់តែទាាក់ទងនរណាម្នាក់វាពិបាកដល់ថ្នាក់នេះ? នាងក៏ឆ្ងល់ដូចគ្នាថាហេតុអីទើបគេនិយាយបែបនេះ តែគេមិនព្រមប្រាប់ហេតុផលទៅនាងអោយបានដឹង ហើយឲនាងធ្វើយ៉ាងមិច? បើហាវីពិតជាមិនដែរធ្វើអាក្រក់ដាក់នាងកន្លងមកពិតមែន ។
«ខ្ញុំមិនចូលចិត្តនិយាយអ្វីដោយគ្មានភស្តតាង ទើបមិនអាចលើកយកហេតុផលពិតប្រាកដមកប្រាប់បាន។ និយាយទៅនេះគ្រាន់តែសង្ឃឹមថាអ៊ីលអាចនិងជឿសម្ដីរបស់ខ្ញុំ មនុស្សប្រុសមិនមែនសុទ្ធតែចូលមកក្បែរមនុស្សស្រីចង់បានស្នេហាស្មោះតែមួយមុខនោះទេ ។» ហូស៊ុកតឹងទ្រូងស្ទើរប្រេះទៅហើយ ព្រោះមែននាងមិនដែរស្គាល់ពីទង្វើអាក្រក់របស់វានោះទេ ព្រោះកន្លងមកវាពូកែធ្វើពុត ពេលនេះវាមករកនាងម្ដងទៀតគិតថាវានិងអោយនាងទៅដោយងាយៗឬ? ហេតុផលដែរពួកគេទាំងពីឈ្លោះគ្នាកាលពីនៅរៀន ព្រោះតែ ហូស៊ុកធ្លាប់ចាប់បានថាវាលូកលាន់សិស្សស្រីនៅក្នុងថ្នាក់ជាមួយគ្នា សំណាងហើយគេទៅជួយទាន់កុំអីក្មេងស្រីម្នាក់នោះត្រូវអស់អនាគតតាំងពីនៅរៀនមកម្ល៉េះ ។ ចាប់តាំងពីថ្ងៃនោះមកវាចេះតែចូលមកក្បែរហេប្យុល ជាហេតុផលធ្វើអោយហូស៊ុកកាន់តែមិនពេញចិត្ត គេមិនចង់ប្រាប់នាងព្រោះខ្លាច
នាងមានអារម្មណ៍មិនល្អ មានអារម្មណ៍ថាអសុវត្ថិភាពពេលកំពុងនៅរៀន ទើបគេបានត្រឹមតែចាំការពារនាងគ្រប់ជំហ៊ានពីក្រោយតែប៉ុណ្ណោះ ។ ម្ដងម្កាលដែរនាងបានជួបឆាម ហាវីវាក៏ធ្វើល្អ និយាយល្អ ព្រោះក្រៅពីគេមានអ្នកណាដឹងទៅថាអាម្នាក់នោះវាស្មោគគ្រោគប៉ុណ្ណា? សំណាងហើយមិនប៉ុន្មានខែក្រោយក៏បញ្ចប់ការសិក្សារ វាក៏បាត់មុខតាំងពីពេលនោះទៅ នាងក៏នៅតែមិនដឹងអី រហូតដល់ពេលនេះ ពេលនេះក៏នាងនៅតែមិនដឹងអីដដែរ ។ប្រវត្តិមនុស្សប្រុសមិនល្អ នាងមិនគួរយកខ្លួនបៀតឡើយ។
«បាន ..បើខ្ញុំមើលឃើញថាគេមិនល្អដូចដែរជុងគិត ខ្ញុំនិងដកខ្លួនដោយខ្លួនឯង» ហេប្យុលងក់ក្បាលចាត់ទុកថាយល់សម្ដីរបស់គេ តែវាមិនបានធ្វើអោយគេពេញចិត្តអីបន្តិចទេ។
«ចុះបើដកខ្លួនមិនទាន់?»ហូស៊ុក
«បើមានពេលនោះមែន ជុងចង់ស្ដីអោយខ្ញុំឬធ្វើអ្វីខ្ញុំព្រមគ្រប់យ៉ាងចាត់ទុកថាខ្ញុំមិនស្ដាប់ជុងដាស់តឿន ខ្ញុំល្ងង់ខ្លួនឯង តែបើគ្មានថ្ងៃនោះទេ ខ្ញុំនិងធ្វើធម្មតាតាមចិត្តរបស់ខ្ញុំហើយ Deal ដែរទេ?» ហេប្យុល
«កុំលេបសម្ដីវិញអោយសោះ ហើយកុំថាខ្ញុំមិនបានដាស់តឿន ។ បើមានបញ្ហាអីពិតមែនឯងស្លាប់របស់ខ្ញុំជំនួសឆាម ហាវីមិនខាន បើឯងមិនស្ដាប់ខ្ញុំ ។»ហូស៊ុកនិយាយបញ្ជាក់នាងហើយក៏ត្រឡប់មកសណ្ឋាគារវិញ ធ្វើអោយនាងឈរឆ្ងល់តែម្នាក់ឯង ហេតុអីទឹកមុខពេលគេនិយាយប្លែកៗ? នាងមានអារម្មណ៍ថាខុសចំពោះគេតែមិនមែនរឿងនាងទាក់ទងនិងហាវីទេ វាជារឿងអីក៏មិនដឹងគ្រាន់តែដឹងថាខ្លួនឯងមានអារម្មណ៍ថាខុស ។
«គិតច្រើនពេកទេដឹង?» ហេប្យុលក្រវីក្បាលនិងខ្លួនឯង គិតស្អីផ្ដេសផ្ដាសក៏មិនដឹងមុននិងកាន់កន្សែងដើរចូលទៅក្នុងបន្ទប់ទឹកដើម្បីសម្អាតខ្លួនបាត់។
——
[សណ្ឋាគារ]
ហូស៊ុកចូលមកបន្ទប់ងងឹតស្លុបម្នាក់ឯង គេមិនខ្ចីរវល់និងចុចកុងតាក់ភ្លើងបំភ្លើក៏ដើរក្រវ៉ែលមកអង្គុយលើគ្រែដែរមានពន្លឺជះពីដួងខែតាមរយៈបង្អួចមកតែប៉ុណ្ណោះ ។ គេលូកចូលទៅក្នុងហោប៉ៅអាវធំរបស់គេដើម្បីដកប្រអប់មួយចេញយកមកមើល កែវភ្នែកសម្លឹងឥតព្រេចទៅពន្លឺចាំងតិចៗពីចញ្ចៀនគូរស្នេហ៍ដែរមាននៅក្នុងនោះ ។
ត្រូវហើយគេដាក់វាតាមជាប់ខ្លួនរហូត គេចង់បំពាក់ចញ្ចៀននោះអោយម្ចាស់របស់វា តែមិនអាចពេលនេះ ក៏មិនដឹងថាត្រូវរងចាំដល់ពេលណាទៀត ។ ការអត់ទ្រាំរបស់គេមានដែនកំណត់គេគ្រាន់តែរងចាំអោយដល់ពេលនាំនាងទៅសេអ៊ូលវិញតែប៉ុណ្ណោះ គ្រប់យ៉ាងនិងលែងសូវអីវិញ ហើយគេនិងបានធូរទ្រូង ។ តាមពិតទៅគេអាយុ27ឆ្នាំហើយ មិនក្មេងទេ ក៏មិនចាស់ពេកដែរ តែយល់ថាអាយុត្រឹមនេះសាកសមនិងគេបំផុតក្នុងការជ្រើសយកគូរស្រករ គេមិនចង់ពន្យារពេលទៀតទេ តែបង្ខំមនុស្សដែរខ្លួនស្រឡាញ់អោយមកស្រឡាញ់ខ្លួន គេក៏ធ្វើមិនបាន ។
«ទោះជាយ៉ាងណា នាងក៏ជាម្ចាស់ចញ្ចៀនគូរស្នេហ៍នេះទៅហើយ»ហូស៊ុក
To be continued ✨🌷