ترف وشيخ الجنوب

البارت التاسع عشر

يالـ عيونك أعز من كل شـي عندي
مَعزة آخر رصاصه بجيب جندي ..🖤

_مبروك حبيبتي نقبلتي صيدليه وكذلك نقبلتي هندسه واذا اكو قسم و ابالج تريديه كوليلي تنقبلين طب بكل الجامعات الاهليه واني احولج عليه وشرط جامعه بغداد الي نقبلتي بيها حالج حال ريمه مو اني الي اخلي بنفس مرتي وحبيبه قلبي شي شنو تريديه اختاري

ترف:ها مال منو هاي

رفعت راسها الفاهية وصافنه بوجهي ضحكت رجعت قرت الملف واسمها بيه وباوعت عليه ضحكت بصوت عالي يا الله جنها طفله من تبجي و واحد يراضيها بنستله وتضحك حضنت الملف على صدرها وكالت

ترف:م..مهند..سه معماريه مهندس حلمي هذا ع..عمران انت انت

خلت ايدها على وجهي وتقربت مني باست شفتي سحبتها لحضني كعدت بحضني وكع الملف من ايدها عمقت البوسه وياها فرصتي هاي وخرت منها لحد ما حسيت الهوة نكطع منها ابتعدت شويها بالكوه تأخذ نفس وخلت ايدها على وجهي وكالت

ترف:انت..انت تعرف شنو سويت ..أ..حبك ورب الكون مو بس احبك اعشقك انت انطيتني السعاده الي احلم بيها من جان عمري 15 سنه عسى الله ما يحرمني منك ولا من حنانك علي شون اجازيك..

_جازيني بهل ضحكه الي بوجهج هاي كافيه

سحبتها بستها ما اكدر امل منها لهل بنيه متحملت الصراحه افوت هل فرصه من ايدي وهي بين اديني وراضيه عليه عمقت البوسه ونزلت لركبتها لزمت تي شيرتي كل قوتها بدقايق صارت جوه ايدي وملابسها بالكاع مغمضه عينيها بست عينها ونزلت لخدها ولركبتها وصلت لصدرها تركت اثر فزت وكالت

ترف:لا ب..بدون اثر

_ليش بس لا ناويه تلبسين باجر نفس لبس اليوم

ترف:ليش تغا

قبل لا تكمل الكلمه تركت اثر واضح يم صدرها وشهكت وكلت الها

_اغار حته من امي من تباع عليج وتتغزل بيج اغار

ما عفتها ابد ما كدرت اشبع منها ما وخرت منها اله من حسيتها نتهت بين ايدي ودفعتني من صدري على كيف باوعت عليها ايدها على صدري وكالت بالكوه

ترف:ك..كافي

حسيت على نفسي الساعه بالخمسه الفجر بست كصتها وخدها تمددت بصفها وره شويه كمت سبحت وخلصت ومن طلعت من الحمام لكيتها لافه نفسها بروب حرير ازرق وتعدل الجربايه والجرجف نضيف مشيت وحضنتها التفت عليه وكلت الها

_الحمام جاهز يله

ترف:شكرا

#ترف

صار اليوم الثاني اليوم عرس ريم وما حسيت غير الساعه 2 الضهر فزيت شكد عيب الأكل على الميز والغرفه ضلمه عرفت بيه راح يخليني انام وميكعدني كمت بسرعه بدلت لبست دشداشه بصليه وخليت حجاب البيجي على راسي لبست الذهب لان عمه نبعه محذرتني انزل اذا مو جني عروسه تارك اثار بكل جسمي بالكوه خفيتها بالكريم وبالثوب مالتي والحجاب ميته جوع الجاي بارد خليت قطعه جبن وخيار بربع خبزه ومشيت اكلت لكمه وردت افتح الباب ونفتح وصار كبالي عمران وباوعت عليه والصمون بحلكي ضحك وفات رجعت ليوره بلعت اللكمه وسد الباب وجان لابس دشداشته النيليه لزم ايدي المحنايه وباسها من الجف وكلت اله

_ليش عفتني نايمه ليش هيج وربي فشله انزل هسه بهيج وقت

عمران:انا كلت لأمي ترف تعبانه ونايمه لحد يكعدهه وثانيا كلشي خلص جبت الهم ناس يساعدوهم البنات راحن للصالون ويه ريم وجاي اخذج وياهم حته تلحكين تخلين مكياج وهل سوالف

_لا ما اريد

عمران:ليش ما تردين

_ما احب اروح امكيج بالصالون وثانيا عمه نبعه بوحدها انزل اساعدها

عمران:امشي كدامي يله خلي اخذج

_ما اريد والله ما احب

عمران:شنو هاي زعلتي لان راحو ومكالو الج

_وغلاه عيونك لا أصلا اني ما احب مكياج وهل سوالف كلشي اكدر اسوي بنفسي وثانيا اليوم اخلي الحجاب على راسي وراح البس قفطان ومكياج ما احب غامق ف والله ما يحتاج تعرف بيه ما اكذب

عمران:ماشي على راحتج نزلي جيبي اكل وتعالي ويايه ناكل سوه

_عمه بوحدها لا اصعد الك واني انزل

عمران:ولج جبت ناس يساعدن امي روحي نزلي واذا طردتج حيل وياج

ضحكت ونزلت وحضنت ام عمران كل قوتي وهي تضحك وبقت تفشر على عمران لان ما اخذني وكتلها اني ما اريد اروح وهي تفشر عليه متت ضحك نوب نزل وسحبته للغرفه واني وياه وسدت الباب وكالت اله

نبعه:كواد لا عبالك شيخ وترفع خشمك على امك ليش ما اخذتها نوب فوك سواد وجهك تكللها تجيب الك اكل فوك

_والله يمه اني ما ردت اروح والله والله

عمران:يمه خشمي جوه تراب رجلج

نبعه:صمي حلكج انتي

_شيخ فدوه..احجي..شي حباب

عمران:والله هاي مشكلتج كتلج خلي اخذج ما قبلتي

فتحت كنتورها وطلعت جيس قماش فتحته وطلعت منه كلاده تترس الصدر ترس ضحك عمران وعرفت شتريد تسوي ومشيت وكفت وره عمران وكالت

نبعه:ها ولج توكفين وراه

عمران:يمه تريديني اشد اديها وتلبسيها الكلاده

نبعه:لا يمه انت تلبسها بيدك وتلبسه اليوم اريده كدام الناس

عمران:من عيوني

نبعه:هذا أبو الغالي عمران بيوم حملي من عمران جابه الي ولبسه وهسه انا اريده الج وحلالج يصير

_لا عليج الله عمه شوفي يوم انا

نبعه:هاك سويد الوجه لبسه الها لا تخلي حوصلتي تنفجر

ضحكت وعمران هم وطلعنه تشكرت منه وبست راسها وهاي صارت الدنيا عصر وصعدت حته احضر نفسي وملابس عمران حضرتهة اله وطلعت من الغرفه وبديت احضر بنفسي هل لبست قفطان الأحمر وتطريز اسود وسويت شعري ويفي ومكياج بسيط صبغت اضافيري وخليت عطر ولبست الذهب وطلعت اشوف عمران اذا مخلص ودكيت الباب وفتت للغرفه واشوفه يخلي عطر ولابس دشداشته السوده الي اعشقها من اشوفه لابسها كل قلبي يرجف عليه والشماغ والسبحه وساعتي بأيده ومرتب لحيته ولابس الجراب ومخلي سلاحه قلبي وكع بالكاع ولبس العبايه على جتفه ماع قلبي التفت عليه وكال

عمران:الله... الله على هل بلوه تريدين تجلطيني بهل حلاه كله

_والله انت الي ناوي تجلطني بهل جمال تره اغار مو تخلي احد يباوع عليك

سحبني وباس ركبتي اشتم العطر واني هم خليت راسي على صدره واسمع دكات قلبه وكال

عمران:يحرم علي ليوم الدنيا اخلي وحده لو اتقرب من وحده واخليها تخلي راسهة على صدري غيرج هذا مكانج بس الج وما تاخذه وحده غيرج

لبسني الكلاده والله ثكيله ونزلنه سويه وهاي خلص اليوم طبعا لبسو ريم كيلو ذهب اللهم صل على محمد وال محمد يعني العيون الي على ريم صارت والقران خلصت الحفله اقره معوذات عليها نوب مو اخذوها للبيت وكف حسين بالباب وحلف عمران يركص جوبي وياهم مقبل بس حلفه بعزيز قلبه ليث وما رده وكف بين الزلم ونزع العبايه مالته اني وبقيه البنات بقينه نتفرج عليه من الباب والشباك والله ركص جوبي ما يلوك اله بس ركص الجوبي وبعده خلي كل الرياجيل ميركصون هيبه حركة جسمه وطوله والبنات وحده تضرب بالثانيه وشوفي الشيخ وشوفي الشيخ فار دمي وصحت

_صلو على النبي عين الله الي تحرسه يله ما تستحن تباعن على الزلم يله

فوتتهم وبقت ريم تضحك وصعدناها لغرفتهم قلبي طك علي شون يفر السبحه ويحرك رجليه وجسمه وربي اني احسد نفسي على هل هيبه والقيافه والثكل ماما نبعه بقت تبجي على ريم واحنه هم طك كلبنه عليها واحنه نسلم عليها هاي اول مره تبات بره البيت وبيت رجلها ضغط ماما نبعه ارتفع وتبجي واخذوها للبيت وره ما باركنه لحسين الي كاع ما لامته وعمران لزمه من اذنه وكله ريم امانه بركبته وطلع وره مباس راسها وهي تبجي وحسين يحلف يكول باجر نتريك يمكم متحملت عاد طلعت وهو ورايه وخله ايده على جتفي ورفعت راسي وكال

عمران:هاي لتخافين عليها حته اذا تزوجت راح ترجع تعيش يمنه راح تسوي بيت حسين مكان للزياره لتخافين عليها خيتي واعرفها

ضحكت ولزمت ايده وبستها وكتله

_حلو ركصك بالجوبي

ضحك وأول مره اشوفه خجلان وتجيت راسي على صدره واحنه نمشي للسياره صعدت وياه وساق بس ما رجعنه للبيت والتفت عليه وكتله

_شنو البيت منا

عمران:شنو عاجبني اطلع ويه مرتي

_شنو تطلع شوف شلابسه عيب لابسه كلبيه ومكياج مال عرس وين ماخذني

عمران:مشتهي اخذج ناكل بمكان احبه يم الشط

عاد لزمت الكلنس ومسحت حمرتي خففتها والضل و وجهي شويه سويته طبيعي مو مال اعراس و وصلنه نزل هو بالأول وبعدين اجه كتله

_شكو..

عمران:حته ناخذ راحتنه حجزت مكان النه واصلا صاحب المكان صديقي لتخافين

نزلت ومشينه سويه كعدنه بالطابق الثاني بره المكان جان جبير ونفه وماشاء الله كلش راقي ومتعوب عليه بالشغل وكعدت هو كدامي بقيت اباوع على الشط وريحه المي والهوة بارد ابتسمت واني مغمضه عيني باوعت اله وكتله

_رجلي توجعني عادي انزع الحذاء شويه

مد ايده وفتح الحجاب وخره من ركبتي وكال

عمران:أخذي راحتج من يفوت احد ينبهوني لتخافين

من اجه النادل عدلت حجابي وهو ابتسم وبقه سرحان يباوع عليه نزلت راسي تشكر من الولد وراح وره شويه كلي شتاكلين فكتله أي شي مو مهم

عمران:شنو مومهم اطلبي الي تريده

_وداعه عيونك مو مهم المهم انت وياي ويمي أي شي اطلبه الي عادي

عمران:يا بنت الناس شنو ابالج تاكلين تاكلين سمج ؟

_ها..لا بالبيت

عمران:انا افلس الج

_هنا لا لا أي شي

والله صار أسبوع طاك قلبي على سمج وتمن احمر من كامل عقلي بس استحي اطلب من نبعه وبده يوصي سمج ومِشاوي مقبلات وكتله

_شيخ سمج كافي شنسوي بالمشاوي

عمران:اخاف متحبين السمج

_لا والله احبه ومشتهيته أصلا صار أسبوع هو وتمن احمر

وطلب تمن احمر وراح بقيت اتفرج على الشط قلبي يرجف من الفرحه الي اني بيها غمضت عيني ورفعت راسي شويه ولزم ايدي التفت عليه وكال

عمران

(أعتذر إليك..
بالنيابة عن ابن الفارض، وجلال الدين الرومي،
ومحي الدين بن عربي..
عن كل التنظيرات.. والتهويمات.. والرموز..
والأقنعة التي كنت أضعها على وجهي، في
غرفة الحب..
يوم كان المطلوب مني..
أن أكون قاطعاً كالشفرة
وهجومياً كفهدٍ إفريقي..
أشعر برغبة في الإعتذار إليك..
عن غبائي الذي لا مثيل له..
وجبني الذي لا مثيل له..
وعن كل الحكم المأثورة..
التي كنت أحفظها عن ظهر قلب..
وتلوتها على نهديك الصغيرين..
فبكيا كطفلين معاقبين.. وناما دون عشاء..
أعترف لك يا سيدتي..
أنك كنت امرأةً إستثنائيه
وأن غبائي كان استثنائياً...
فاسمحي لي أن أتلو أمامك فعل الندامه
عن كل مواقف الحكمة التي صدرت عني.. )

بقه يكول الي هل كلام والشعر والدموع تنزل من عيني دنكت راسي صوته بيه دفو وحنيه رجفت قلبي خليت ايدي فوك ايده وكال

عمران:نزار القباني

_امرأه استثنائيه

عمران:مسامحتني

🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼

كشمشات قلبي فدووووه الكم وفدوه لكلامك الي يفرح قلبي انا ودواعتكم الي الله يرجعه الكم بالمثل ربي يفرح قلبكم

المهم كولولي شنو دتتفرجون مسلسلات اني دا اشوف طيبه شو حبيتهة و مسلسل دجله وفرات لان مطلعين بغداد والعراق يجنن 😭 واشوف ام بديلة ومرات 2020 لان احب نادين ومرات موسى 😂😂😂 اصلا مخلصتهة مسلسلات