ترف وشيخ الجنوب

البارت الثامن

لا سامح الله ولا عفى
عن كل من كان سبباً في وجع قلبي🖤.

_نعم اخوي تفضل

الرجال:السلام عليك بويه انا بعمر شيبات راس ابوك وجايك واكف اباب بيتكم شيخ وما يخلوني الحراس افوتن يكولون الوقت متأخر

_بويه جاييك

سديت التليفون وكلت للولد يرحون يفوتوه للديوان وطلعو جابوه وقبل لا يجون كال

احمد:بس لا دخيل

_اي واذا ما نرده

فات الرجال جبير بالعمر مرتب كلش سلم علينه ضيفناه كهوة وجاي ما قبل يتعشى ويكول مستعجل وجان اسمه سلام ابو فؤاد

سلام:ما اطول عليك شيخ اعرف طلبي صعب عليك بس اعرف بيك ابن ابوك ونفس ابوك حقاني وتخاف الله

_سالم راسك تأمرني امر انت ابوي كول

سلام:خلي ترف تروح لأبوها نص ساعه

_اعرف بيك ضيف وبيتي وبديواني بس يا ابو فؤاد لو يبوسون الرجلين ما يشوفون شعره من راسها ولا هي تروح تشوفهم

سلام:ابوها مضروب جلطه بالدماغ وعايش على الأنابيب ويريدها بس تبريه الذمه قبل لا ينتقل الى رحمه الله يريد يموت وضميره مرتاح

_منو انت قريب الهم؟

سلام:لا اني جيرانهم من زمان بس كسر قلبي ما يكول غير اسمها

حسين:لا حول ولا قوة الا بالله العلي العظيم

سلام:ابني الله يرضى عليك يمكن يموت بأي دقيقه خلي تروح

_لا

سلام:لخاطر شيبات راسي جيتك من بغداد لا تردني وترجعني مكسور قلبي

جاسم:شبيه وضعه ؟

سلام:نزيف بالمخ من جلطه وما يسكت صبح وليل يصيح بأسم ترف ومن سئلت يكولون ما باريته الذمه

جاسم:اي اي تذكر حسين بيوم ال جبناها

حسين:اي عبالك علينه

_شكو؟

حسين:كالت الهم الي وكفه وياكم كدام رب العالمين لان ضلموها بالدنيا ومباريتهم ذمه ليوم الدين هيج شي

_استغفر الله ماشي راح اخبرها بهل شي واخليها تحضر نفسها جاسم وحسين روحو وياهم احمد خليك وياي