ترف وشيخ الجنوب

البارت السادس عشر

والمادروا عنا گالوا تخسرها
وانا شنهي الماخسرته وحتى اخسرها...

#عمران

كاعده كبالي مثل اللعابه لابسه كلبيه زركه وفتحات بالكلبيه ورجلها جنها مرمر ركبتها وصدرها واضح والحجاب على جتفها شعرها طاخ بالكرسي وهي كاعده ومخليه مكياج وضحكتها الي مفاركت وجها كدرت تعاقبني وتحرمني ومن اكثر شي جان ساعدني بهل دنيا حرمتني من نفسها كل ما اغمض عيني اذكر شكلها وهي جوه ايدي ومن كامت وجسمها والي سويته بيها ما اسامح نفسي لأخر يوم بعمري ما اكدر اغمض عيني اريد اشوفها وحته لو حاركه قلبي بتصرفها فتت لغرفتها نايمه التعب واضح على وجها ما كدرت اتصرف أي تصرف ما كدرت اتقرب منها ولا امسها بقيت اباوع عليها لحد ما طلعت الشمس وهاي مرت أيام وانا وياها على هذا التصرف وحددو اليوم خطبتي من مروه الي ما راغب بيها ولا رايدها طلعت من الغرفه لبست غترتي ودشداشتي البيضه وبشتي الأسود خليت عطر تقصدت اترتب بكل جديه عساها تتراجع بكلامها عدنه وكت بين ما نوصل والله اذا بان شي عليها اتراجع رايد منها بس اشاره طلعت من غرفتي وهي هم طلعت من غرفتهة لابسه ثوب ماروني ضيك على جسمها وردانه طويله جتوفها طالعها جنها كطن وصدرها باين من الثوب وفتحه بالثوب من كدام وخصرها الصغير وعايفه شعرها مثل الحرير على ضهرها وحمرتها غامقه بلون الثوب والله ما اريد اطلعها بهل شكل رايحين لبيت البنيه وهي ويانه جايه هيج حته اليشوفها راح يكول الشيخ نعمه وما يشوف كل هل جمال ويريد يزوج على هل حوريه وكلت الها

_من كامل عقلج هيج طالعه ويانه

ترف:لا طبعا لا لتخاف راح البس عبايه وحجاب

ولبست العبايه ولفت الحجاب وجها جنه كمر طالع وباوعت عليه وضحكت وكالت

ترف:صدك معرس يله عيب نتأخر من البنيه

_ترف هل قرار ما منه رجعه ترانا رايحين

ترف:اي نتوكل على الله خوما ناسي المحابس

وطلعت بدون ما احجي ولا اسوي شي ايدي ترجف ونزلنه وهلهلن النسوان اول ما شافوني امي مراضيه ولا الجناين ولا حتى ريم ولا انا ولا انتو راضين على هل عرس اعرف 😂  نزلت وهي ورايه والنسوان فكن حلكهن وصارت بمستوايه رادت تزحلك ولزمتها كل قوتي وسحبتها لصدري اريد اسحبها اكثر لحضني واكسر ضلوعها صاحت امي عليها اسم الله رخيت ايدي وخرت مني ونزلت وسمعتن النسوان يحجن ليش ملابسه ذهب هل فصليه طلعت من البيت وجعني قلبي يكولن عليها فصليه واجه جاسم ايده على ضهري صارت وكال

جاسم:عنادك وعنادها يدمر حياتكم وخليك عارف كلنه معارضين الك على هل زواج