لفى بيا يا دنيااا فلاش باك الحلقه الاخيره 2
سبحان الله وبحمده وسبحان الله العظيم
لا حول ولا قوة إلا بالله العلى العظيم
اللهم صل وسلم وبارك على سيدنا محمد وعلى آله وصحبه أجمعين
❤❤❤❤💙💙💙💙💚💚💚💚💚💛💛💛💛💛💛
باسل طالع من الحمام : ايه يا لولو مش سامعه الفون
لولو : والله ما سمعته انا بنيم فى شكلكيته مش عاوز ينام
باسل رد : حبيبى ... يابنى جايلك بكرا اهمد بقى
نجدت بزعيق وعصبيه : ايه الا هببته دا
باسل اتصدم وبهمس : أبتدت العاصفه
نجدت : ماتنطق يا بنى وانا إلا فاكرك إبنى وتربيتى هاتخلى خاين باع نفسه وارضه وباعك يفلت من العقاب وكمان يطلع بطل انا انهارده مابقاش ليا ولد أسمه باسل فى حياتى لو المهزله دى ما وقفتش
باسل : يافندم حضرتك فاهم غلط
نجدت بعصبيه : غلط وزفت ايه انا سامعه وشوفته وهو ماسك المسدس وواقف جمبك بعد ما أفتكر انه خلص عليك .. سمعت كل كلمه بينك وبينه انت عايز تجننى انا القائد إلا رباااك اوعى تنسى يعنى مش هاتعرف تلف وتدور عليا
باسل : يافندم طيب ممكن تدينى فرصه لبكرا ... بكرا بس وها أجى أفهمك كل حاجه ..
نجدت : قبل ما تفهمنى لو رفيق خرج أطلب نقلك او انا ها انقلك واكرملك تخرج من الجيش عشان مبقاش مكانك وقفل
باسل بيتنهد وقعد بإهمال على الكنبه ورجع بالذاكره لأيام ماكان تعبان جدا ومنتظرينه للشهاده ضد رفيق وتأيد الحكم عليه واذا كان التسجيل الصوتى إلا سمعوه صح والا غلط بعد ما رفيق انكره ..
فلااااش باااك
***********
حاتم : ها يابنى هاتعمل ايه انت عمال تأجل تأجل ومش فاهمين انت بتأجل ليه وشايفك كويس ومفيش حاجه مأثره عليك ولا حاجه وكل ما حد يجيلك تقولهم انك مشوش مش فاكر دلوقت بتلعب بمين انت القائد ها يتجنن من تصرفاتك
باسل بغموض : لما أقابله
حاتم : مين القائد
باسل هز راسه : لاء .. رفيق قبل أى كلمه ممكن اقولها ضده لازم أقابله
حاتم : وانت ها تقابله وانت كدا ازاى بقالك 3 شهور وعملو لرجلك عمليه تانيه غير مكان الطلقه إلا كل شويه فيها مشاكل هاتهبب بيه ايه دا لازم يغور انهارده قبل بكرا
باسل : عشان كدا لازم أقابله مش عايزه ياخد حكم دلوقت
حاتم بحيره وعدم فهم : طيب فهمنى ايه فى دماغك
باسل بغموض ولف ودوران : مش عايز أكتر من انى أواجهه وأعرف ليه غدر بينا كلنا .. هو ما انتقمش منى لوحدى لاء مننا كلنا يعنى لو حاجه شخصيه بينى وبينه كنا صفينها برا
حاتم : ها يتوسل ليك ومعلش انا غلطت وهاتخرج من عنده وانت متخدر سيبك منه وخليه ياخد جزاءه
باسل باصرار : مش قبل ما أقابله رتبلى انت الموضوع دا وانا ها اتحامل على نفسى وها اروح له
حاتم اتنهد : زى ما تحب ها ابلغ القائد
باسل برد فعل سريع : لاء .. بينى وبينك مش عايز حد يعرف
حاتم : مش عارف اقولك ايه بس ها اظبط الدنيااا وابلغك وسابه ومشى ... وباسل منتظر حاتم يجيله فى اى وقت ويواجه الإنسان إلا بالنسبه له عشرة عمر إلا الظروف جمعتهم على طبق واحد أكتر ما جمعته بأهله ... بتمر الأيام ببطئ على باسل وهو منتظر شهر وحاتم لسا ماجاش بالرد وباسل كالعاده بيتهرب من التحقيقات وبيعطل محاكمة رفيق برغم ان المحاكمات العسكريه مفيش أسرع منها
باسل : الووو .. الووو
حاتم : الووو .. سامعنى الشبكه عندى وحشه
باسل : ايوا سامعك وبحماس ايه فى أخبار
حاتم : جاااهز انا جايلك فى الطريق هاندخله الساعه 7 ومفيش اى إمكانيه تدخله غير انهارده
باسل بحماس وفرحه : جاهز جدا
حاتم : نصايه وها ابقى عندك انا خارج من 3 ساعات على اقصى سرعه والحمد لله الطريق فاضى
باسل : تسلم يا وحش وفعلا بيجهز
لولو : انت بتعمل ايه
باسل : نازل مع حاتم مشوار ضرورى
لولو : انت بتهزر يا باسل ما ينفعش الدكتور قال شهر ونص بحركه بسيطه خالص وتمرينات خفيفه مش أكتر
باسل : عدى شهر وانا اتحسنت لازم احرك جسمى انا تعبت
لولو بمعارضه : بتهرج أكيد دى تانى عمليه يابنى ليك انت مش متخيل حجم ال وباسل سكتها
باسل : لولو انا نازل ومحدش ها يمنعنى ريحى نفسك .. لازم انزل
لولو بمعناده : ليه أفهم ليه خلاص ها أجى معاك عشان لو تعبت
باسل بصرامه وصوت عالى : لولو ابعدى عنى الساعه دى وياريت ياريت محدش يعرف انى خرجت عشان ماتزعليش منى انا بقالى اربع شهور كأنى ميت مرو عليا كانهم اربع سنين واكتر ..
لولو : طيب اهدى يا حبيبى وفهمنى مش انا لولو حبيبتك
باسل بص فى عيونها ومشى ايده على وشها : بتحبينى
لولو : انت لسا بتسأل يا باسل .. بحبك دى كلمه قليله قوى عليك
باسل : لو بتحبينى أستحملينى انهارده وسيبينى انزل ويفضل سر بينى وبينك ماشى
لولو بأستسلام لأصراره : زى ما انت عايز بس مش هاتقولى رايح فين
باسل ابتسم : قولتلك ها اغير جو مع حاتم بس ماتقلقيش عليا واتاكدى مش ها اعمل مجهود تمام
لولو هزت راسها : ماشى .. وفعلا عدى وقت وحاتم وصل وخده
لولو قاعده تفكر فى حاله من قبل ما يعمل العمليه التانيه بأيام بسيطه لما جت واحده زارته عند مامتها وقعد معاها لوحدهم و باسل اتبدل وطول الوقت شارد ومتغير فى حاجه هى مش قادره توصل لها ومين دى محدش عرف هى مين ولا هو قال ...
باسل بعد مانزل وركب مع حاتم
حاتم : نفسى اعرف بتفكر فى ايه اول مره ما أفهمكش
باسل : أطلع ماتضيعش وقت .. مش اكتر من تصفية حساب هو ياخد حقه وانا أخد حقى والا انت شايف ايه
حاتم : إلا شايفه مش عاجبك
باسل : لاء مش مسئلة مش عاجبنى بس يمكن الا شفته يخلينى أصر انى لازم أصفى الحساب الا بينى وبينه
حاتم اتنهد : ممكن .. او يمكن انا غلطان وانت صح .. والصمت كان هو السائد طول الطريق
باسل بيقدم على مكان الحجز إلا فيه رفيق ببطئ بعد ما وصل هو وحاتم على المعاد بالظبط ... فتحو ورفيق اتنفض من مكانه اول ما شاف باسل اتنهد بقى عايش فى ضلمه وخوف هو كتبهم على نفسه ..
رفيق : انا قولت خلاص ها اموت ومش ها أشوفك بس إظاهر انى لسا ها اتعذب بشوفتك اكتر ما بتعذب ..
باسل بيقعد على الكرسى براحه وحاتم بيساعده وبيبص لرفيق بغيظ ..
باسل : أطلع يا حاتم
حاتم : خلينى معاك أحسن
باسل : لاء ماتقلقش واطلع .. وطلع حاتم .. باسل بص لرفيق وأبتسم .. لسا ليا نصيب احط عيونى فى عيونك .. العيون إلا كانت أبعد مايكون للخيانه بالنسبه ليا
رفيق ضحك : محدش بيدوم على حال يا صاحبى
باسل : صاحبك .. والله لو فاكر انى صاحبك وانك كلت معايا عيش وملح ها تصون العشره والصحوبيه
رفيق : فى حاجات بتجبرك تخون وأولهم انك انت بالذات فى حياتى .. حاولت أبعد او انسى ماعرفتش فا اعمل ايه يا اخلص منك يا تخلص منى
باسل بمرار : يااااه ايه كل الكره الا جواك دا ليا وعشان ايه
رفيق نطر ايده : عشان كتير بس خلاص انا اهوووو اسير ومستنى الحكم فى اى لحظه وأنت حر وبيلف ايده بردو ضحك بأستهزاء .. الدنيا دى غريبه وأغرب ما فيها اننا نكون قصاد بعض دلوقت
باسل : انا عرفت انت عملت كدا ليه فرد ايده كنت تعالى قولى وها اوضح لك أفهمك عشان ماتضيعش نفسك وعيالك ومراتك
رفيق بجنون : انت بتقول ايه انت .. ايه جاى تتسلى عليا وبتشفق عليااا ماتفتكرش انك كدا خلاص زحتنى من طريقك والمعلب خلى ليك وبيهز ايده عمره ما ها يخلى ليك المعلب وبيتهجم على باسل وحاتم دخل هو والحرس مسكوه
باسل : سيبه يا حاتم واطلع برا
حاتم : انت مش شايف منظره دا كله غل وكره من ناحيتك وزق رفيق جااامد بعزم مافيه .. عايز تغلط تانى ما بتتعلمش ياخى انا قولت ها تتوسل له عشان يسامحك انت ايه شيطان
رفيق بيشاور على باسل : دا الشيطان .. دا إلا هد حياتى ومستقبلى ومستقبل ولادى هو دا مش بس خد منى راحتى وانا عايش كمان ها ياخدها منى وانا ميت ومن ولادى .. مش مسامحك يا باسل مش ها اسامحك
باسل : اخرج برا يا حاتم وسيبنى معاه
رفيق : خده معاك عشان الا ماعرفتش أعمله وانا حر ها أعمله دلوقت
باسل : اخرج يا حاتم انت والحرس خلينا نخلص .. وحاتم خرج ورفيق عيونه على باسل كلها كره وغيظ
رفيق : انت عايز ايه ماتخرج مش عايز اتكلم معاك انا وانت مفيش حل لينا غير ان واحد بس يعيش
باسل : هانركن كل حاجه على جمب وها احاول أخفف العقوبه عنك بشهادتى بس قولى مين ساعدك من هنااا وليه خايف تقول عليهم أعمل حاجه صح واركن اى خلافات بينى وبينك على جمب
رفيق : الا بيساعدنى هنا مش ها يظهر ولا هاتعرفوه غير بخروجى من هنااا وبرأتى وبطولتى فى حقك تتنشر فى كل مكان
باسل قام وقف وبدون تعليق على كلامه : موافق وخارج
رفيق بيتعدل : مش هاتقدر كله متسجل
باسل : انا مش زيك ضعيف او تفكيرى على قدى وقفل الباب والحارس قفل بالقفل
بااااك
***********
باسل بتفكير : وبعدين بقى مش وقته خالص
لولو : انت بتكلم نفسك
باسل : ولسا
لولو : لسا إيه مش فاهمه
باسل ابتسم : انا فى موقف شبه لقطه فى مسرحيه مش فاكر أسمها .. واحد بيقول لمراته حرام عليكى هو كل يوم نكد نكد نكد
قالتله : امال انت عايز ايه
قالها : إيه رأيك نتفق على يوم واحد فى الاسبوع تنكدى عليا فيه و اليوم إلا يعجبك
قالتله : ماشى ها انكد عليك يوم الأربع .. المهم عدت الايام ويوم التلات الراجل داخل بيته لقى مراته متحزمه وبترقص فا استغرب وبيسألها بيقول لها انتى بترقصى ليه
قاعدت تضحك وترقص وتغيظه وتقوله بكرا النكد بكرا .. بكرا النكد بكرا ..
لولو بصوت عالى رفعت راسها وضحكت من قلبها وناولته أبنها وميله على كتفه ومكمله ضحك
باسل : 😂😂😂 عجبتك
لولو : لا يا بسبوسه واحده كمان لنفس الست أصلى ها اخدها قدوه
باسل ضربها على راسها : أخرسى انتى لما بتقلبيها نكد بتبقى قمبله موقوته .. بص لابنه .. أهلا أهلا أهلا بابو الزن والنكد كله .. قربه باسه من خدوده وبيرفعه لفوق وينزله والولد يكركع من الضحك ولولو واقفه مبسوطه وبتضحك جمبه ...
لولو : هاته كفايه كدا ليدوخ
باسل بضحكه : يدوخ دا كلب ولعبى عايز طول الوقت يلعب
خدى بسم الله
لولو : بسم الله .. شايف يا بسبوسه عمايل زيزو مش راضى يجى ابدا
باسل : يمكن غيران من أحمد أخوه
لولو : لا ما أعتقدش دا ما بيبطلش لعب معاه يمكن لازق لماما عشان بيكلم جومانا
باسل بصوت عالى : ههههههههه ... للدرجه دى المزه مسيطره عليه
لولو : دا الا قالقنى مش ها أعرف أكون حماااا على بنت أختى والبنت هاتعلب عليه شطرنج وانا واجبى كا أم اقف لهم زى العسكرى
باسل قعد على الكنبه .. وبيلبس الهدوم الا معاه : إبعدى عن الواد كفايه ابوه عامله عليه زوجه وحماااا واخده دور امك ليه مش عارف
لولو : مليش دعوه انا لازم اثبت وجودى وادلعكووو كلكو .. كلكو .. وديقت عيونها ايه دا انت هاتخرج
باسل ضحك : مش بقولك بلحق وهى متحزمه وهاترقصلى مسافر
لولو : ليه يعنى وكمان دلوقت مش المفروض بكرا
باسل : امور جدت ولازم أكون موجود هناك انهارده بإذن الله ..
لولو هزت راسها وبصت لأبنها أحمد إلا اتسمى على اسم جدو : هانكمل حكياتنا لوحدنا يا شكلكيته
باسل : خلاص هاتطلعى عليه الاسم دا عشان أسمرانى يعنى
لولو : دا قلبى يانااااس واحلى أسمرانى اللون كمان ..
باسل اتعدل وجاب البياده لبسها .. وقرب باس راس لولو وابنه ..
باسل : الطبنجه كانت هنااا راحت فين
لولو : استنى انا شيلتها جوا وجابتها وباسل حطها فى جمبه ... خلى بالك من نفسك وما تتهورش
باسل أبتسم : ولو اتهورت
لولو : هانتعور كلنااا أرجوك يا بسبوسه خلى بالك من نفسك وخد الامور براحه
باسل بهدوء : حاضر .. قرب تانى باسها وباس أحمد ونزل على طول بعد ما خد حاجته وسرح شعره ...
لولو : تعالى يا حبيبى شكلنا كدا ها نسهر للصبح انا وانت .. اااه عارفه انك مبسوط منا ها اصدعك للصبح .. بص ها اعمل كوباية شاى باللبن وانت الينسون وكل واحد ياخد كوبايته ويقعد فى حاله ماشى لا اكلمك ولا تكلمنى للصبح هههههه بهزر بهزر .. ودخلت المطبخ عملت الشاى باللبن وينسون وقاعده وأبنها على رجلها
وبعدين بقى يا سيدى اول ما قمت من النوم انا ولامااا نزلنا روحنا على طول على نسمه
فلااااش بااااك
***********
لولو واقفه جمب لاما وبتخبط على باب نسمه : تتن تتن تن تتن تن تتن .. تيرارار ..
لاما بتهز راسها وبتقول مع لولو رارارارا : ههههههه
نسمه بنوم فتحت واول ما شافت لولو : لولووووووو وحضنتها .. لملومه وحضنت لاما ..
لاما : الف مبروووك يا نسموووو
نسمه بابتسامه : الله يبارك فيكم يارب .. تعالو .. تعالو
لولو : انتى لوحدك يا بطه والا ايه
نسمه ضحكت : اخواتى الكلاب باعونى لما محمد جه إمبارح وعرض عليهم يباتو معاه فى شقتنا جريو .. بضرب عينى كدا بقدرة قادر لقيت كل واحد فيهم بشنطته ونضرته
لاما ضحكت جااامد ولولو بتأكد : بنضرته
نسمه : نضرته مش عارفه ازاى بس طلع عندهم نضارات .. فيش غير ست الكل .. ست ساميه
ساميه : اهلا أهلا يا بنات نورتونا .. عقبلكم
لولو قربت على ودن نسمه : هى امك بتتعاطى حاجه عاشر مره اقولها انا واختى متجوزين جاتلنا وشافت جوزى كل ما تكلمنى او تشوفنى معاكى اقولها انى متجوزه تقولى عقبالك بردو
نسمه ضربت لولو بهزار : عيب يا بت .. ياماما دى لولو
ساميه بضحكه : ااااه منا عارفه عقبلها يارب بعد اذنكم يابنات ها احضرلكم الفطار
لولو بتشاور : خدى يا ست انتى
ساميه : انا يا لولو
لولو بضحكه : هو فى ست غيرك كلنا بنات مستنين صاحب النصيب بسببك .. انتى عايزا تجننينى .. ايش حال جيتى وزرتى جوزى يجى 3 مرات مع نسمه
ساميه ضحكت : بنكشك يابت يا لولو عارفه ان لسانك طويل زى المضروبه نسمه وسمعتك وانتى بتقولى بتتعاطى حاجه أمك يا ام لسانين بس مسمحاكى
لولو ديقت عيونها : اه يا ليئمه يا قلب بافته .. بصى فطار ملوكى بقى عفرررتو جعان وبتشاور على بطنها عشان اسمع عقبالك بعد الفطار تبقى كلكيت عاشر مره
نسمه بصت للاما : لا يا لاما دا عادى كانت تكلمها فى المشفى وتفضل تناقر فيها لما تطلع عينها وتقريبا امى حالفه لترده فا ماتركزيش مع امى ولولو
لاما هزت راسها بابتسامه : اااه اصلى قولت هى لولو اتجننت والا ايه ازاى تكلم طنط كدا عيب
ساميه بتنطر ايديها : ادخلى اتزوى انتى وهى فى الاوضه ياله دا الا باخده منكم وانا احضر الفطار وأقف على رجلى لما تورم كنت بخلف ياربى عشان اخدمهم كمان
لولو شدت نسمه : حاضر يا طنط وداخله على الاوضه ومعاهم لامااا
ساميه : تتشكى يالولو انتى والمزغوده إلا جمبك نقطونى
لولو : الله انتى مش عاجبك حاجه البنيه كتب كتابها انهارده مش عايزين نظفرها يا سمسومه يا عسل
ساميه ضحكت : إن كدا ماشى احلى فطار لأحلى عرايس
لولو : طيب ندخل بقى قبل ماتنقى لنا العرسان وانا جوزى خلقه ديق بعدين يطفش عرسانك ويطفشك للأبد .. ودخلت وهما بيضحكو ...
لاما : خلصتى كل الا حاجه والا فى حاجه ممكن نعملها
نسمه : لا مفيش غير انى ها أجهز كمان ساعه وانزل ومحمد ها يجيبلى الفستان فى المكان إلا حجزلى فيه
لولو : حجزلك فين يا بطه
نسمه : وااااو يالولو مكان تحفه هاتروحو معايا وبفرحه بتشد ايديهم وهاتشوفووو بنفسكم .. طلعت الفون بتاعها .. بصو بصو الفستان دا ذوقه
لاما : واوووو
لولو : ماشاء الله وديقت عيونها محمد طلع سهن يا رجاله
نسمه ضحكت : الصراحه اااه قوووى ما اتخيلتش انه له فى الذوق الحريمى والحب وكدا يعنى طلعنا إحنا إلا هبل قوووى
لاما : ليه يعنى مش راجل اكيد يعنى بياخد باله وكدا
لولو رفعت حاجب : إلا نحسبه موسى يطلع فرعون ... اااه يا زمن خليت محمد الهادى العاقل الراسى مش على بعضه ومنقى فستان وكمان كوافير العرض عرضين
لاما حطت ايديها على بوئها : ههههههههههه .. انتى الا دماغك العرض عرضين ... وتليفون نسمه رن
نسمه لسا بتشيله
لولو : ممكن تدينى فرصتى لازم اباركله على الريق عشان يتخض ويتلم شويه
نسمه خدى بس ماترخميش
لولو ردت واول ما فتحت الخط
محمد : صباح القمر الصبح
لولو : ازاى الصبح وفى قمر النمره غلط يا حسام
محمد ضحك جاامد : انتى ايه جابك هنا .. صباح الخير يالولو
لولو ابتسمت : صبااااح الانوار ..، ومبرررروك يا عريسنا
محمد : الله يبارك فى سعتك وعقبال اولادك ان شاء الله
لولو : اولادى دا لسا واحد
محمد : والتانى فى السكه .. يعنى اولادك ان شاء الله
لولو : بس ايه الفستان الجااامد دا لسا بجيب فى سيرتك بالخير وبقول الا نحسبه موسى يطلع فرعون وعلت صوته وتخنته محمد طلع سوهن يا رجاله
محمد : هههههه .. ماشى يا ام لسانين مش ها تبقى مراتى حبيبتى لازم طبعا أختار لها إلا يليق بيها عندى
لولو : الله أكبر .. كدا خدى الفون بقى كفايه عليااا لأحلف على باسل يتجوزنى من اول وجديد
محمد : هو ناقص مورستان سيبى الراجل فى حاله بقى
لولو : ماشى ماشى .. كله بيترد وان شاء الله تبقى فى مورستان أكتر منه خدى يا بنتى
نسمه عكس ماكانت معاهم وبهدوء وصوت رقيق : الووو .. صباح الخير
لولو : يالهوووى على ام اربعه واربعين لما بتتسهوك ... تعالى يا لاما اشوف ساميه لتكون غرقت هى التانيه
لاما : الله يالولو سبينى دى بتتكلم بطريقه رومنتك خالص
لولو : بنت عيب احنا ما بنتصنتش على حد شويه وها ادخل وتقولنا المكالمه من أولها لاخرها ياله .. وراحت لساميه تساعدها .. لحظات وفطرو مع بعض كلهم وهما بيتكلمووو ويقلشو على نسمه وساميه مبسوطه جدا
ساميه : أستنو خدو عملتكم سندوتشات هاتجوعوووو
لولو : سندوتشات إيه يا سمسم يا عسل
ساميه : فول على الله يتمر
لولو كشرت : فول .. مش هايتمرررر يا ساميه .. الله يسامحكووو خدى وبتناولها السندوتشات تانى محمد ها يأكلنا على حسابه انا عارفه كريم
ساميه : ههههههه بانيه يا بت يا لولو ياله بالف هناااا بتاكلو فى لحم الحى هانعمل ايه لازم نستحمل
نسمه : ههههههه ماما قلبها رقيق قوى .. ياله قبل ما ترجع فى كلامها وتاخدهم .. نزلو ولول بتشاور على عربيتها اركبوو اتفضلو زوبه فى الخدمه
لاما : انا قدام
لولو : احنا نقعد كلنا قدام هى بتساعى من الحبايب الف ياله ياله وبيركبووو جمب بعض ..
نسمه : انا محشوره يا لولو طب اقعد ورا بتخنق
لولو بتقلع الجزمه : وربنا ماحد نازل بسم الله والعربيه تدور تطلع سنه وتبطل تخبطهم فى الطبلوه .. تدور تطلع سنه وتبطل تخبطهم فى الطبلوه ..
لولو : انزلوووو
نسمه : وصلنا
لاما : 😂😂😂😂😂 هانزق .. نزلو زقو العربيه ولولو طلعت والاتنين طارو وراها فى الشارع ودى مش واقفه مكمله بالعربيه
لولو : اقفى يابنت الصفيحه القديمه عرتينى قدام اختى وصحبتى العروسه شبعو جرى وراكى فى الشارع .. وقفتها ودول بينهجووو وراحو ركبو جمبها بردو ..
لاما : انا غلطانه.. ممكن ارجع ورا
لولو : اخرسى خلينى اركز .. هو الطريق واقف فى الحته دى ليه اول مره يقف كدا
نسمه : انتى بتعدى من هنا كتير
لولو : عمرى ولا اعرفها اساسا والتلاته بصو لبعض وضحكوووو .. قدمو .. قدمووو لحد ما اتفاجئو انه كمين .. الظابط بيبص عليهم وهما محشورين جمب بعض قدام .. نزل براسه ناحية راس لولو وهى رجعت براسها لورا بيبص فى العربيه ..
الظابط : الكرسى إلا ورا مسكون وإلا حاجه
لولو : لاء انا مبخرها
الظابط بالهجه شديده : نعم
لولو : ولا حاجه ... بس هما بيحبونى قوى وعايزبن يقعدو جمبى فيها مشكله حضرتك
الظابط بابتسامه مصطنعه : ااااه فيها محدش قالك
لولو : وربنا ماحد قالى
الظابط : انا قولتلك اهووو .. الرخص
لولو : وسعى كدا مش عارفه اطلع الرخص وبتزق نسمه
نسمه : اتصل بمحمد
لولو : ليه ماكان جه خدنا لازم اتسحب من لسانى .. اتفضل
الظابط قطع ورقة مخالفه وبيناول لولو : اتفضلى
لولو : والرخصه بتاعت العربيه
الظابط : اتفضلى اطلعى .. استنى .، انزلى انتى اقعدى ورا ونسمه نزلت قعدت ورا ولولو طلعت ..
نسمه : أقسم بالله حرق دمى انتى ازاى تسيبيه ياخد الرخص
لولو : اعااااا المشكله مش فى الرخصه .. المشكله فى باسن ها يزعقلى وانا ما بحبش ح يزعقلى ..
لاما : إحمدى ربنا دا لو عمر كان خاصمنى
لولو : إهئ إهئ دا ما بيخاصمش ها يعلقنى زى المخالفه على باب الشقه
نسمه : 😂😂😂😂
لولو : هههههههه تخيلووو كدا ماسكنى من قفايا وبيرجنى ويقولى بقى انا اعلمك ازاى تمشى مظبوط وانتى مش عايزا تتعلمى ابدا الصراحه عندو حق .. وصلو واول ما وقفو محمد قرب سلم عليهم ..
محمد : اتأخرتو ليه
نسمه : محمد لولو سحبوها فى المرور
لولو تنحت : سحبونى يا إلا تتشكى فى بوئك
محمد بص للولو : حد دايقك خدوكى ليه
لولو : انت هاتعوم على عومها .. قصدها خدو رخصة العربيه
محمد هز راسه : ااااه وبعدين
لولو : ادونى دى وبتمد ايديها بالورقه تفتكر هاتمشنى بدال الرخصه
محمد : هههههه لاء .. هاتى ها اجيبلك الرخصه انا .. ياله اتاخرتو عن المعاد .. وانا ربع ساعه ها اجيب الرخصه واجيلكم لو عايزين حاجه قولو
نسمه : شكرا عايزين سلامتك
لولو : سلامتك وعصير وقزازة ميه ساقعه وساندوتشات كفته اصلى ما طايقه البانيه
لاما بإحراج : على فكره هى بتهزر
محمد : ههههه .. على فكره انتى كدا ماتعرفيش لولو .. ادخلو ياله السلام عليكم
كلهم : وعليكم السلام ورحمة الله وبركاته
لولو داخله متنحه : ماشاء الله .. ايه دا قصر ..
نسمه بفرحه : مش قولتلك .. هو جميل قوووى .. قوى
واحده : اتفضلو يا فندم .. الاستاذه نسمه وحضرتك لولو ولاما دى الاسامى
نسمه : ايوا دى لولو .، ودى لاما بس عرفتى منين
البنت : الدكتور محمد حجز لهم زيك بالظبط وكمان بعت الفساتين دى ومكتوب عليهم اساميهم
لولو أتحرجت جدا وخدت نسمه على جمب : مش ها ينفع ابدا اقبل بالكلام دا لايمكن
نسمه بترجى : عشان خاطرى ماتزعلهوش
لولو طلعت الفون : لاء طبعا ليه يعنى يتحمل التكاليف دى كلها وعشان ايه انا اصلا مش ها ارد الكلام .، وانتظرت لحد ما محمد رد .. الووو .، ايوا يا دكتور
محمد استغرب : مالك يا لولو
لولو : انا مش ها اقدر اقبل لا الفستان ولا كل إلا
محمد قاطعها : لولو إسمعينى وإفهمينى .. نسمه بتحبك قوى وانا وعدتك انى افضل أخ ليكى ويمكن انا وانتى وباسل حاسين بكدا مفيش تكليف بينا .. هاتستكترى عليا افرح وأفرح نسمه واحسسها انى واخد بالى من كل إلا بتحبهم
لولو : بس كدا مبالغ فيه قوى يعنى ليه تتحمل
محمد : والله والله يعتبر دافع لكم انتو التلاته فى كل حاجه نص او اقل من نص التكلفه كمان يعنى احنا الكسبانين دى ناس حبايبى قوى قوى وياما خدمتهم ونفسهم يردولى جزء من خدماتى لهم اتبسطى بقى وبطلى عقد .. الفستان لما شفته ما شفتش واحده غيرك ممكن تلبسه لايق على لمضتك
لولو باحراج : يعنى
محمد : يعنى حققى امنية ساميه وعرفيها انكو التلاته عرايس
لولو : ههههههه انت عرفت
محمد : اااه ياله بقى عشان واقف مع الظابط وبيحكيلى على الهبل إلا كنتو فيه
لولو بتوه : إحم .. إحم .. نسمه خلاص كله تمام بعد اذنك وقفلت ومحمد بيضحك عليها وعلى اللى بيسمعه ..
نسمه : خلاص فكتيها يعنى لازم يقولك هوووو
لولو : بردو يا نسمه انتى مش شايفه المكان وإلا الفساتين قوليلى ارد دا كله ازاى دا كفايه انه واقف جمبنا فى كل حاجه
نسمه : من ساعة ما حكتيلى عنه وانا ما اعرفوش كنت بحس انك بتحكيلى على اخ او اكتر شويه هو كمان شايفك انتى وباسل كدا فا بطلى تفكير وخلينا نفرح
لاما : ايوا يا لولو بليززززز ياله بقى .. ودخلو التلاته وبعد وقت كبير طلعو تلاته تانين خالص
*********
باااااك
*******
لولو بصت لابنها : انت نمت وبتتاوب .. انا كمان عايزا انام ونامت جمبه .. وبهمس شويه اقوم اتصل على بسبوسه اطمن عليه .
باسل بقى طول الطريق يفكر هايعمل ايه مع أمجد او يقنعه ازاى با إلا فى دماغه .. وصل بعد وقت كبير جدا وداخل على امجد وحاتم إلا قاعد معاه مارحش فى حته ..
باسل : تمام يا فندم
امجد قاااام وكله شر مسك باسل من صدره وشده بعنف وحاتم بيحاول يبعده ..
امجد بجنون : بقى انت بتلعب بينا كلنا
❤❤❤💙💙💙💙💚
بقلم : لبنى طارق
💚💚💛💛💛💙💙💚
المفروض انهم حلقتين بس مش قادره اكمل الحلقه ان شاء الله لو قدرت بكرا أخلصها ها انزلها ماقدرتش يبقى يوم السبت إن شاء الله