هي صَح آنا فاگدك بس بعد مالك مكان بروحي يل جنت روحي
وكالت وراسهة عل كاع نام يالمالك وطن بالناس نام بآجر الله ياخذك يمه
وكتهة غالي تصير
🌻🌻
#ترف
شحجي وياه مراح يصدك بيه من يوم زياره الكاضم سلام الله عليه من ضعت رحت اغسل بالحمام وضعت ما لكيتهم من رجعت لنفس المكان كل ضني عافوني والرسائل من ذاك اليوم والتليفون جوه مخدتي بالغرفه واسمي وعمري وشكلي ومواصفاتي كلها كاتبها وحاجيه على عمران واني مو بنت بيوت شون راح يصدك بيه راح يوثق بيه لو بالي شافه كدام عينه والحجي شنو وشون ادافع على نفسي واني ذره تبرير لو إثبات ماعندي محد فات الغرفه غيرنه انا وياه ما عندي والأكثر من هذا مواثق بيه اني بنت بيت شون ياخذني لطبيب هو شيخ ومعروف وسمعته راح يروح لطبيب يكله شوف مرتي شريفه لو لا ؟واذا سكت راح يبقه عايش بقلق و شاك بيه راح يعيشني جهنم استفزيته بس متصورته هيج راح يسوي هيج ما حسيته بس دافعني على الجربايه مكدرت اقاوم لو ادفعه ضخامته وطوله شسوي كدامها واني جني ريشه بين ايده شكك ثوبي بقيت ابجي وما اكدر اطلع صوت خلي يشوف بنفسه اني ساقطه لو شريفه لازم اديناتي كل قوته عاملني معامله الساقطه لحد ما تاكد اني شريفه او بالأحرى بعدني بنيه بقه كاعد ومدنك راسه احاول اغطي جسمي انطاني بدي ما كدرت اسكت الدموع تنزل من عيني وما اكدر اسيطر على روحي كمت بالكوه كل جسمي يوجعني وكفت رجلي كلهها دم اذاني بشكل ما اكدر اوصفه فتت للحمام بقيت جوه المي بجيت بحركه صدري كله يوجعني طلعت من الحمام لبست دشداشه سوده عريضه وبالكوة امشي من الألم الي بجسمي تمددت وتغطيت بالفراش ما كدرت اغمض عيني الله يأخذ روحي واخلص من هل وجع ماغمض الي جفن وما تحركت من الجربايه صارت الدنيا صبح ندك باب غرفتي ونفتح جانت رغد و وريم فاتو للغرفه وكالت
ريم:هاااي شنو بعدج نايمه
ومشت رغد وكعدت على الجربايه يمي مغمضه عيني سويت نفسي نايمه ما اريد احد يشوفني ولا اريد احجي لو اشوف احد وخرت رغد شعري وكالت
رغد:ولج ريم هاي تجوي من الحر
ريم:اسم الله البارحه جانت مابيها شي وتضحك والكاع ما لامتها
عمران:شسوون هنا ؟؟
ريم: تأخرت بالكعده
عمران:عوفوها وطلعو بره
رغد :خطيه مصخنه نار
عمران:روحي لغرفتج ارتاحي لا تعديج صخونه وانتي حامل وما اريد احد يفوت للجناح مره ثانيه
ريم:بس
عمران:بدون بس عوفوها ترتاح واطلعو يله واذا الغاليه احتاجت شي خلي تودي على وحده من البنات اذا ما كفيتن انتن
ريم:موسالفه مساعده بس اليوم ردنه نسولف شويه يله مو مهم خليها ترتاح شوي محتاج شي انت غالي ؟
عمران:سلامتكم
مرت اربع أيام ما اتحرك من الفراش على كد الحمام وارجع اكل شي كلش قليل يجون البنات يسولفون يضحكون اني بغير عالم بس تفكيري اريد اروح لمكان ما بيه احد بس اني عمران ميباوع عليه ولا اني اريد اشوفه لان مراح اسيطر على نفسي وياه حاولو البنات يعرفون شكو بس مجاوبت بقيت اجاملهم كم كلمه ويرحون بقيت كاعده وحدي فات عمران للغرفه كعدت عدل ما باوعت عليه وكال
عمران:التيفون مو الج منو فات لغرفتج
ما حجيت شي ولا اريد احجي وكف كبالي رجعت شويه ليوره حضنت رجلي وكال
عمران:اذا عصبيه على الي صار خلي نفسج بمكاني
_طول عمري تحملت اهانات واذيه بس مثل الي سويته قبل اربع أيام طول عمري مراح انساه ولا اسامحك عليه وقسم بالله العلي العظيم بعد شعره من راسي مطخ واذا طخيت راح اموت نفسي كبالك انت بعد اليوم حرام عليه واني حرام عليك راح تهجرني ولا انا مرتك ولا انت رجلي ولا تخاف ما اروح ازني ولا احد يمس شعره من راسي بالحرام مو لان أخاف منك لو علمودك لا لان أخاف رب العالمين طول عمري ما سويت شي ممكن يأذي امي لو يغضب رب العالمين والي تريده سويه اخذلك حرمه ترهم الك ومن ثوبك انا ما اقبل بعد تتقرب مني وسامحه الك تأخذ غيري
عمران:مو انتي الي تسمحين وما تسمحين انا بكيفي اختار وعلى هذا حجي ورب العرش و الي خلقج اله اجيب وحده على راسج و وراها ثانيه وهم على راسج
_و الي خلقك والي حلفت بيه انا راح احضر كل التحضيرات الك بيدي بس جيبها وتدلل
بقيت اباوع عليه وما رمشت ولا كدرت ابعد عيني عنه بس طلع خليت ايدي على صدري بقيت ابجي نكسر قلبي اكثر شي ردته من رب العالمين وحبيته مصار الي ولا صار نصيبي ولا حلالي اكثر انسانه جنت واثقه بيه وخلاني احبه واثق بيه كسر قلبي هل كسره وكسر بيه مر أسبوع وانا و عمران ما نتحاجه ولا واحد يبقه بنفس المكان الي الثاني بيه مرات عمه تحجي عبالها اكو شي بس ننكر هل موضوع جنه نحضر اكل كاعده اكشر بتيته وما نشوف غير ام فرح وفرح داخلات و وياهم أبو فرح وفرح تبجي وامها هم وصاح أبو فرح
أبو فرح:وين الشيخ؟
نبعه:يمه شمالكم يا ستار شكو
أبو فرح:ام عمران وين عمران ؟
نبعه:يمه وليدي عمران راح راح
بس سمعت هيج رجلي ما شالتني من مكاني رجعت ليوره وما حسيت بس رغد مخليه ايدها على ضهري وكالت
رغد:شبيج روحي كولي يا الله
ريم:يمه كولي يا الله شكو عمو شصاير
فات جاسم و وراه عمران يله كدرت اخذ نفس ايدي ترجف وجان يوكف عمران كبال أبو فرح وام فرح تبوس ايد عمران وسحب عمران ايده كلنه واكفين واحد يباوع على الثاني وعمه نبعه لزمت عمران باسهة من راسهة
نبعه:يمه خيرك شكو شهل حجي ام فرح
أبو فرح:حقك على راسنه شيخ وانت شتفصل اني البس كول انا حاضر ولو مالي عين انا اباوع بوجهك بعد الي سوته بنت الكلب وهل كلبه بنت الكلب جانت تدري و وياها بالموضوع
ريم:شصاير
جاسم:شتسوي تريد شيخ
نبعه:اكولن شصاير
عمران:فرح مشتريه تليفون وشامرته بغرفه ترف وتحجي بيه ويه زلم بصيغه ترف وخلته كبالي حته اشك بترف
نبعه:شنهي؟يمه تشاقون
عمران:لا يمه ما نشاقه هاي فرح هيج سوت تشوه سمعت مرت الشيخ بين الناس وكدام عيني انا شكيت بيها وسويت شي ما يسويه زلمه بسبب هل كلبه
أبو فرح:حقج علينه يا بنت الناس حقج فوك راسي والله سودن وجهي تعالي احب على ايدج انا اعتذر لخاطر شيبات راسي سامحيني ما ربيتهة صح
_استغفر الله عمو مصار شي فدوه الك
ودفع فرح صارت كدامي تبجي ورادت تحجي ضربتها راشدي مسحت دموعي الكل بقه يباوع عليها وعليه وكلت الها
_كسرتي قلبي كسرتي قلب يتيمه والي يكسر قلب يتيمه عمره وحياته ما يتوفق ليش عندج اب وام عندج بيت وناس ترحب بيج اني كل الي عندي هل عائله والشيخ ما عندي الي عندج ياه بس ما خليت عيني عليج وحسدتج جان استحيتي لخاطر ابوج وخاله بنيه وحيده عندج وما ربيتيها صح ما اسامحج فرح بس خاله انتي ربيها صح والله الي يجازيكم وعمو لا تخاف انت معليك ومكانك على راسي ما شفت منك شي اذاني وضحكتك بوجهي كل مره اسلم عليك هاي تكفي وتوفي
مشيت وبست ايده باس راسي وراسه مدنك ومستحي وسحبهم وطلعهم بره ويتحسب عليهم بقيت مبتسمه وما سويت شي والتفت و عمران واكف كبالي وكال جسمي كله يرجف
عمران:حقج
_خاله نبعه ابشرج عمران راح يتزوج بحرمه ثانيه والتجهيزات مال غرفه وكلشي عليه
نبعه :يمه شنوة
ريم:تخبلتي
_شنو متريدون طفل ابن لعمران
نبعه:وانتي يمه استهدي بالرحمن شني هل حجي
_يمه حملي صفر بالميه ما اكدر اصيرن حامل
عمران:ترف
_انت حلفت والزلمه ما يرجع بحجيه لو انت مو زلمه حشاك شيخ
عمران:يمه شوفيلي حرمه وهل شهر انا متزوج
_الله يسعدك شيخ تتهنون ان شاء الله يا رب
التفت للبنات وكلت الهن وريم الدمعه بعينها ورغد ضامه بطنها بأيدها عبالها صدك ما احبل ضحكت وكلت الها
_تره مرايحه لمكان باقيه وياكم لو متريدوني ها خاله لان ماعندي مكان غير هل بيت
نبعه:سوده بوجهي شكد مضلومه
حضنتنتي واني بالكوه مسيطره على نفسي وما ابجي والضحكه بوجهي مر أسبوع واكو وحده ترشحت تصير مرت عمران اسمها مروة واليوم راح تجي للبيت حته يصير لقاء بينها وبين عمران شفتهة جانت طويله ومتروسه حنطاويه وعيونها كبار واجتي اختها الجبيره وياها ما حبوني اول مشافوني ابد ما حبوني حته سلامهم من وره خشمهم اني سويت الضيافه ما خلي أي وحده من البنات اطخ شي وطلعت ملابس عمران خليتها على الجربايه وطلعت من غرفتي غيرت لبسي لبست كلبيه زركه وشسورت شعري وخليت شويه مكياج مثل بقيه البنات كلهن بدلن محد بيهم قبلت بس حلفتهم محد راضي بالبيت على الي كاعد يصير طلعت من الغرفه وهو لابس دشداشه بيضه وغترته الحمره لابس محبسه و ساعته وشلت المبخره مال لبسه وخليت البخور بيهة بقه يباوع عليه وابتسمت وكتله
_اللهم صل على محمد وال محمد تخبل
وكفت لزمت غترته بخرته وهو بقه يباوع عليه لزم ايده عدلت اله الساعه حرك اصابيع ايده على أيدي وخرت منه بس خلصت ما أكدر ابقه واكفه اكثر يمه راح اموت من قهرتي وكتله
_ابتسم بوجه البنيه لا تشردها تره حليوه
وطلعت من الغرفه نزلت دموعي ومسحتهة بسرعه نزلت فتت للمطبخ اسوي الكهوة مشت ريم وكفت وريه
ريم:انتي هيج راح تتخلين عن عمران انتي الي جنتي تكولين راح اصبر عليه طول عمري
_ريم حبيبي هذا اختياري واختياره هيج احسن النه اني هيج اصير سعيده واحسن
التفت ولكيته واكف يم الباب صارت عيني بعينه دك الباب وفات وره شويه خلصت الكهوة وفتت وكع الشال على جتفي وقدمت اله الكهوة والضحكه ابد مفاركت وجهي اخذ الكهوة وما نزل عينه من عيني وقدمت لعمه و لبقيه البنات وكعدت بصف ريم بقو يسولفون وعين الشيخ ما دارهة مني ولا نزلها مني ما اعرف شنو غايته وليش يتصرف بهل طريقه كبالهم اخر شي وكف وكال
عمران:يمه الي تشوفيه مناسب سويه
وطلع خلصنه تنضيف وترتيب وصعدت لغرفتي سديت الباب وكعت من طولي بقيت ابجي ايدي على قلبي كلشي بداخلي مشتعل نار بس بس ما اكدر ابين ولا ارجع بقراري محروك قلبي بقيت كاعده بالكاع احس كل عضامي يبست كلشي بيه يريد يروح لغرفته واكله لا تغيرني بوحده ثانيه لا توافق بيها وتعوفني وبنفس الوكت ما اكدر اسامحه على الي سواه بيه صارت صلاه الفجر كمت صليت قريت القران وتمددت بقيت اباوع بره الشباك حسيت الباب نفتح غمضت عيني بسرعه عرفت بيه عمران كعد كبالي حسيته كبالي وكال على كيف
عمران:اذيتيني واذيتي نفسج ما اكدر حته اتقرب منج بسبب حلفج شسويتي بيه عرفتي تعاقبيني صح يا ترف نهيتيني
ما اعرف شكد بقه كاعد بس غمضت عيني ومكدرت اغفى كلشي ضاك على صدري كمت بسرعه بس راح اريد اطلع من البيت مشيت ما احس على نفسي بس يم الباب الجبير بره البيت و واحد حضني من وره التفت عليه عمران جان بقيت اباوع عليه لاف الغطه على جتفي ضربته على صدره مره مرتين شهكت وكتله
_الله ياخذني وارتاح منك ضالم
عمران : عمرج طويل صح حجيج بس لا تطلعين بهل وكت وحدج اخاف عليج
_كسرت كلشي بيه لا تتقرب لا تتقرب مني
دفعته بسرعه رجعت للبيت جاسم صار بوجهي بجيت ونزلت راسي مكدرت اتحمل كل هل ضغط كلبي راح يطك من القهر.......
🥺🥺🥺🥺🥺🥺🥺🥺🥺🥺🥺🥺🥺🥺🥺🥺
نزلت الكم بارت حزين لأني حزينه 😂😂 لا اشاقه ان شاء الله تحبون هل بارت 😻😻
وجعل الله ما يحرمني من تعليقاتكم الحلوه وتصويتكم فدوه رحت الكم 😻🥰