#يتيمه وجبروت البشر
#الكاتبه ام فرح
انصدمت البنات كلهن برا ورگضن كل وحدة ع شغله ناس ع ملابس وناس ع فراش وناس ع گداري والجو عاصف والغيم اسود وبدت قطرات المطرتنزل اصغار تعلن راح تمطر رحت ع ملابسي اخذتهم من الحبل وتفاجأة بقطعه مفقودة دورت خاف بالگاع ماكو باوعت ع البنات بعيدات....
هن بداية الحبل وحدة لازمه سله وحده تاخذ من الحبل وتحط بيه.........
باوعت بالكاع ماكووو وين راحت القطعة
رحت بسرعه عليهن كتلهن صباح الخير الملابس هسه بديتو اتلموه....
كالن اي...
كتلهن بلازحمه هم شفتو احد شال ملابس من نص الحبل اقصد منو من البنات هم دخلت ملابس للبيت...
اي اخت حمديه تعرفيه الوسطانيه هي اخذت سله ملابس قبل اشويه....
گالن ليش؟؟؟؟؟
مو حجابي ملگيته شكراً...
رگضت للبيت واحجي بداخلي اشگد حقيرات هاي العائله مابيهم واحد اخاف الله اگيد متقصده الا اشلون اختفه الب... واني حطيته جوا حجابي اشگد رعنات....
دخلت للبيت فايرة ومعدتي صارت نار من الصبح مغثه الله اكبر.....
ادور بعيوني وين ولت والناس نايمه بالهول والغرف بعدني اتلفت وطلعت من غرفة امه باتجاه المطبخ مجردمالمحته رحت طايرة لزمته من كتفه ودرته عليه.....
هي اتفاجأت من تصرفي كتله دخلتي هسه ملابس گالت ليش؟؟؟؟؟
بدون لف ودوران ونقاش ليش اخذتي الب×××××بسرعه جيبي يالله كدامي....
وين ضميتي..
سحبت ايده بقوة كالت اشبيج اني مخذت شي ليش تتهميني.....
اني متهمتج البنات كالو انتي دخلتي سلة ملابس.....
وملابسي بنص الحبل شريتهم والب×××حطيت علي شالي ليس مالگيته...
هااا...
الجوعاصف خاف وگع بالكاع...
اشلون يوكع بالكاع واني حاطه قراصات للملابس هاااا.....
شو سكتي وجهج صار اصفر....
اتقربت منه واني عصبيه كتله وتااااالي وين تردن توصلن انتن واخوجن هاي الحركات مو عليه......
عيب عليج تحجين هشكل واخويه شمسويلج
حبج گفر خوما گفر.....
ام العيب علمي نفسج اول وطبقي العيب والحرام ذاك الوقت عود افكر اتعلم العيب ومنكم نتعلم وهسه امشي گدامي جيبي...
مماخذة شي عندج اثبات......
عافتني وطبت الغرفة امه اجيت الحگه اتراجعت خاف أكون فخ....
اتعوذت من الشيطان ودخلت للغرفة شمرت ملابسي بالكاع وظليت افتر بالغرفه وافكر وين ادور اشلون الگا ياربي تعبيت واني افگراشلون راح اخلص منهم دائماً حذرة بس ماگدرتلهم شياطين راظعين ويا ابلييييبس..
بدت الناس تگعد واني افكر...
انتبهت النفسي لميت ملابسي ورحت الحوراء
گعديته وامي هم.....
بين مراحن غسلن لميت الفراش.....
اول مدخلت امي كتله قبل ماصبح عليه يووم خلي نرجع هسه.....
صافنت عليه!!!!!!
ام حسام/وين انروح اليوم الثالث والختمه بس تخلص نرجع......
اني ضجت وبعد ما اتحمل....
ام حسام/صاير شي ليش مو طبيعيه احسج...
هاا لا ماكو شي......
ميصير يابنتي تخلص الفاتحه ونرجع....
سكتت بس منفوخه اذا احد اطخني انفجر.... لمو الفراش وحضرو الريوك واكلو واني نفس گعدتي ماتحركت....
حوراء /ليش ماتاكلين شو بس صافنه خيير...
ماكو شي اريد ارجع للبيت؟؟؟؟
شربت بس جاي....
وكله بدت تشتغل حتى أمي وحوراء لان اليوم الثالث وگله تجي ع ختمه....
ساعه مرت وگب العياااط يبوووووو.....
طلعت اريد افتهم شكووو واشوف حمديه واخته الصغيرة مسويات فريق وهاجمات ع زوجة سلام ام طيبه ميخلنه تدخل الغرفه قافلته وكاعده بالباب.....
وحمديه طابگه وياه......
وام طيبه متخربطه وبيده الگانونه وكاعده
بالكراج.......
اخت حمديه الجبيرة ام ذوالفقار مقبلت ع تصرفهن وتعاركت وياهن وهن كلمه وكلمه....
موتت اخونه منخليه اتفوت للبيت ارتاحت هسه ام السحوررررة......
وعلگت وادخلوالزلم ارگضون ع صوتهن...
ودخل خالو تحسين كلهن شكووو.....
وهن بعدهن يتعاركن ودخل بسام صاح بيهن صوت كاااافي فضحتنه.....
شكوو ليش تتعاركن اختهن الجبيره حجت كلشي الهم.....
خالو تحسين رزل حمديه وبسام رزل اخته واخذ المفتاح من عده فتح الباب وصاح اريد
اشوف وحده تقفل الباب وتكسر كلمتي والمرة تدخل غرفته غصب عنجن......
كله خنست والبنيه هي وامه ودخلن وياه بناته للغرفه....
حوراء/من شفت اشلون حيص بيص هي واخته منعن زوجة اخوهن تدخل الغرفه فكرت بأسم مناسب لاخت حمديه وسميته زمووو العرمه هههه.....
رواء /وبدت هوسة الفاتحه واجت المله وكامن الطمن وبعده صلو وبدت هوسة الغدة....
واني متحركت ماريد اتواجه واشوف خلقهم وبلاخص وووسام...
اتوضيت ورجعت واتحججت بصلاة حتى ما اساعدهم....
الف يآلله ناديت حتى يخلص هل يووووم...
وبعده مانختمت الفاتحه...
خلصت صلاتي ولميت السجادة وفتحت حجابي ونزلت مخده من الفراش ومددت
طفيت الضوة ومددت....
قريب ٢ الظهر عشردقايق مرت وانفتح
الباب دخلت حمديه ووسام...
منتبهوا نايمه...
اخذته من ايده وفتحت باب الكنتور وطلعت جنطته ....
حبايب طبعاً البارت قليل لان هذا الكدرت رواء ترسله الي من أحداث....
ومحبيت تنتظرون لان اوتوقفت القصه بسبب اصابتهم بكونورونا..
همه صح اشافوا بس موميه بالميه اگو مخلفات من كورونا...
يعني بعدهم يختنكون.... التمسو لهم العذر احبتي
اتمنى الشفاء العاجل لجميع المرضى.
أحبكم اختكم ام فرح
يتبع ولتنسون🌟⭐☀🌞🌠⭐⭐