مدحت : ازيك يا سمر
سمر : ايه إليّ جابك هنا ده مكان شغلي ثم أنا قولتلك مش عاوز اشوف خلقتك تاني
مدحت: أنا مش جايلك أنا جاي اشتري جاتوه
أونكل نوڤي نفسه فيه
سمر : طب يلا من هنا شطبنا ، ثم نفسه في ايه ده عمره ما داقه
مدحت: ما الجاتوه كتير أهو قدامي وكل الأصناف
سمر: لا ده متباع
مدحت: واللي شريه سايبه عندكم ليه خايف يتسرق منه في الطريق
سمر: اللهم طولك يا روح قول عاوز إد ايه؟
مدحت: اتنين كيلو ونقيهم هههههههه
سمر: عيل رخم اخلص ورايا شغل
مدحت : مَش عارف هو انكل نوڤي مقدرته ياكل إذ ايه
سمر: طيب يا مدحت ماشي ابويا يقدر ياكل عشرين قطعه لوحده
مدحت: ما شاء الله يدوب يقضوا كرشوا وانا هاخد ليا قطعتين ديبلومات وواحده اكليرفيوتين ومامي بتحب ملفاي سكر وفادج رويال انتي تعرفي الماركات دي يا سمرصح
سمر: ماركات ايه انت داخل تشتري نضاره طبعا عرفه
مدحت : لفيهم لفه جاتوه زي ما بيقول كابتن مدحت شلبي
سمر: يا نهاااار بيض بس كده من عيوني هدخل أجيلك من جواه الاوردر بتاعك طازه أصل ده بايت
مدحت: إنتي ذواقه اوي يا سمر
سمر: نفسي اعرف بتجيب الكلمات دي منين ثواني ورجعالك
مدحت: تيك يور تايم
سمر: صبرك عليا يا بن باكينام حظك في رجلك معايا علبتين مخدر اسنان ارشهم بقى على الجاتوه ان ما وريتك يا مدحت الكلب
مدحت: اتاخرتي كده ليه يا سمربقالك كتير
سمر: معلش يا مدحت عقبال ما ظبطهم اتفضل بالف هنا وسلم بقى على مرات ابويا
مدحت : حاضر من عيوني أبقى تعالي يا سمر احنا أهل
سمر: هاجي طبعا مع السلامه
مدحت : سلمي على طنط اصداف
سمر: يووووصل يا بن ..باكينام
مدحت: باي حماده مستنيني بره في العربيه
سمر: سلم عليه .....مع السلامه.....يالا غور في داهيه عيل خنيق....هههههههههه..... بس عملت معاه الصح وزياده
مدحت: اتاخرت عليك يا حماده معلش ألَّبت سمر دي جدعه اوي مردتش تديني جاتوه بايت جبتهولي من إليّ معمول جديد
حماده: عارف يا مودي أنا معجب بالبنت دي اوي وعاوز اطلب ايدها
مدحت: عيب يا حماده تعمل ايه بايدها
حماده: يا مدحت عاوز أتقدم
مدحت : هو حد قالك انك متأخر
حماده: يا بني يا حبيبي عاوز اخطبها
مدحت: لا يا حماده كله الا سمر بلاش
حماده: ليه بلاش مالها بنت مؤدبه ومكافحه هي اَي نعم مش حلوه اووي بس عجباني
مدحت: أنا معجب بيها الأول ومش هسيبهالك
حماده: اااه بقى الحكايه كده خلاص نسيبها هي تختار وانا متاكد انها هتختارني أنا
مدحت: ده من سابع المستحيلات
حماده : انت بتقول ايه اسمها من رابع المستحيلات
مدحت: ازاي يعني لا هي سابع بقي
حماده: يا بني يا حبيبي دي مقوله من التراث العربي
مدحت : ايه الميراث العربي ده ان حد يموت وولاده يخدوا فلوسه
حماده: مودي أنا غلطان أني بتكلم معاك خلاص
مدحت: ما إنت ابن خالتو لازم تفهمني
حماده : امري لله فاكر امنا الغوله
مدحت: ايوه كانوا بيخوفينا بيها واحنا بيبي هات
حماده : أهي دي ملهاش وجود وطائر اسمه العنقاء
مدحت : مين العنقاء دي
حماده: طائر اسطوري ضخم زي امنا الغوله ملوش وجود
مدحت : وليه سموه العنقاء مش الشنقاء ولا الحمقاء مثلا
حماده: علشان رقبته طويلا سموه كده
مدحت: ذه انت عندك معلومات جميله وتالت مستحيل
حماده: ان يكون عندك صديق وفِي
مدحت: صح احنا في زمن الغش والخداع حتى ابن خالتك عاوز يخطف حبيبتك
حماده: انت بتلقح عليا يا مودي طب ايه رأيك بقى ان محدش هيتجوز سمر غيري
مدحت: ندخل رهان زي زمان ونشوف
حماده : موافق الكلام على ايه
مدحت: مجموعه بشره ومقويات للشعر للي يكسب ويتجوز سمر
حماده: معقول بردوا أنا بشرتي تعبانه وشعري متقصف
مدحت: هيفضلوا كده علشان مش هتكسب احنا وصلنا تعالى ادخل اقعد معانا شويه
حماده: لا ورأيا مشوار باي انت يا مودي وسلم على اونكل نوڤي وبوسلي خالتو
مدحت : خلى بالك من العربيه هاتها تاني باي باي
باكينام: انت جئت يا حبيب مامي
مدحت: ايوه وجبت جاتوه علشان أونكل نوڤي
حنفي: مش عارف أودي جمايلك دي كلها فين يا مدحت ربنا يقدرني على ردها
مدحت :بلا نأكل قبل ما الجاتوه يبرد
حنفي : جاتوه ايه إليّ يبرد هو خارج من الفرن
مدحت: أنا بسمعهم يقولوا كده
حنفي: يقولوا كده ع حاجه سخنه شاي قهوه اكل لسه معمول مش اَي حاجه تسمعها تقولها
مدحت: طيب كٌل أنا جايبلك عشرين قطعه
حنفي : يدوب ده أنا ميت من الجوع
مدحت: أنا متردد عاوز حضرتك في موضوع ومكسوف منك
حنفي: لا متكسفش قول ده انت زي ابني
مدحت: بصراحه يا أونكل أنا عاوز سمر
حنفي : عاوزها تعمل بيها ايه؟
مدحت: مش هعمل فيها حاجه عاوز اتجوزها
حنفي: لا معلش مش فاهم مين يتجوز مين اهااا فهمت شكلك يا عفريت جايب عريس لسمر يجيي يقابلني في اَي وقت مفيش مشاكل
مدحت: لا يا أونكل أنا العربس
حنفي: ازاي انت العريس
مدحت: أنا إليّ اتجوز سمر
حنفي: ده من رابع المستحيلات
مدحت: انت عارف التلاته الأولنين
حنفي : مش موضوعنا شيل الفكرة دي من دماغك
سمر لازم تتجوز راجل
مدحت : ما أنا راجل والله
حنفي : مش مصدقك
مدحت: طب اعمل ايه علشان تصدقني
حنفي : ده عبيط باين ولا ايه انت تعرف تشيل مسئوليه
مدحت : اشيلها ازاي ووزنها اد ايه
حنفي : الواد ده غبي اووي شوف يا حبيبي لازم علشان تتجوز تكون بتشتغل وتصرف ع البيت
مدحت: طيب وايه المشكله ماما بتصرف عليك وعليا مش هتيجي على سمر صح يا مامي
باكينام : صح يا حبيب مامي عيوني جوزه سمر يا نوڤي
مدحت : شوفت هتصرف علينا كلنا
حنفي: انت هتجيب نفسك ليا ولا ايه بتلقح عليا في الكلام
مدحت: لا يا اونكل انا اقصد ان مفيش فرق هاا قولت ايه ؟
حنفي : انت فجأتني استني بس كمان يوم عقبال ما افوق من العلقه اللي اكلناها انا وامك دي
مدحت: ميرسي يا اونكل
باكينام : بقولكم ايه الجاتوه ده طعمه متغير ولا بيتهيألي
مدحت : انا حسّيت بكده فعلا يمكن علشان طازه سمر عملتهولي مخصوص
حنفي : انا حاسس ان بوقي متخدر ومنمل ومش قادر أتكلم انت جبته من عند سمر؟
مدحت : ايوه طبعا من عند ماي لاڤ
حنفي : وجبتهولك طازه من جواه مش من اللي في التلاجه
مدحت: ايوه حصل
حنفي: منك لله يا شيخ لسه خارجين من المستشفى هندخل تاني
باكينام : فيه ايه يا نوڤي
حنفي : اكيد البت سمر حطت فيهم حاجه ده انا اكلت العشرين قطعه لوحدي دماغي بدأت تزن
مدحت: جرس الباب يا ترى مين
باكينام : خليك انت يا مودي انا هفتح علشان متتعبش
حنفي : هيتعب لما يفتح الباب اومال لما يتجوز هيعمل ايه هينهج وهو بيفتح القميص
باكينام : اهلًا يا لولو عامله ايه يا حبيبتي
حنفي : اوبااا واد يا مدحت مين البنت الصاروخ دي
مدحت: دي لوسيندا صحبي
نوڤي : صحبك وعاوز تسيب المانجا دي وتتجوز سمر يا اهبل
مدحت: القلوب واللي هي عاوزاه بقي
حنفي: بتعجبني لما بترتجل اسمها القلب وما يريد
لوسيندا : هاي عاملين ايه
حنفي : اهلًا يا حبيبتي استني أقوم علشان ابوسك
لوسيندا : ميرسي يا اونكل
حنفي : لا متقوليش اونكل دي تاني تعالي اقعدي جنبي هنا
لوسيندا : أوكيه اومال أقول لحضرتك ايه ؟
حنفي : قوليلي يا نوڤي
باكينام : مودي خد لولو وادخلوا اوضتك
مدحت : يلا يا لولو
لوسيندا : بعد اذنك يا نوڤي
حنفي : باكينام ازاي تسبيهم يدخلوا الاوضه لوحدهم ولا صح افتكرت ان مدحت عادي
باكينام :هما أصدقاء من زمان دي ساعات بتبات هنا وهو كمان بيروح بيتهم وينام عندهم
حنفي: وبالنسبه للاريال اللي في البيت عندها نظامه ايه؟
باكينام : وايه دخل مسحوق الغسيل في انه يبات عندها
حنفي: لا اقصد باباها يعني
باكينام: لا عادي ده بيحب مدحت جدا
حنفي: لا يبقى خلاص ادام بيحب مدحت ان شالله يعيش معاهم احم.... ايه الناس دي ؟
مدحت: مامي عاوزين كاسين
حنفي: الحقي الواد عاوز كاسين
باكينام: عادي وفيها ايه انا عمله جيلي بالموز يجنن
حنفي: جييييلي وانا اللي مخي راح لبعيد ههههههه هاتيلي كاسين معاكي انا كمان يمكن يفك الخرسانه اللي جواه بقي دي انا اكلم البت سمر
سمر: ايوه عاوز ايه
حنفي : حد يكلم بابي كده يا سمورتي
سمر: بابي مين انت اتعديت منهم صح ما انت بقيت نوڤي
حنفي : قوليلي يا حبيبتي انتي حطيتي ايه في الجاتوه معلش بسال بس
سمر: لا ابدا ده مخدر اسنان علشان التسوس
حنفي: كتر خيرك خايفه على سنان بابي ده انا اكلت عشرين قطعه لوحدي
سمر: بالهنا والشفا
حنفي: كنت عاوزك في موضوع كده
سمر : خير
حنفي : خير طبعا جايلك عريس
سمر: عريس ليا انا وده يعرفني منين من الحاره عندنا يعني
حنفي : لا حاره ايه ده ولد ابن ناس
سمر: وابن الناس شافني فين يعني
حنفي: احم لا انتي تعرفي كويس واتكلمتي معاه كمان
سمر : اعرفه واتكلمت معاه كمان مين ده؟
حنفي: مدحت
سمر: مدحت مين ده معرفش راجل اسمه مدحت
حنفي: مدحت مودي بتاعنا
سمر: نعممممم يا خويا عاوز تجوزني حيله امه النانوس ده اعمل بيه ايه أرضعه واطبطب عليه
حنفي: لا ده اتفطٌم من زمان وبيعمل مشروع اهو
سمر : بقولك ايه هعملك بلوك وإياك تكلمني تاني
اسمع ابقى هاتلوا بامبرز مقاس خمسه بس بلاش أبو لذق علشان اتسلخات
سمر يا سمر
يلا أقفل دلوقت فيه حد بيدنه عليا من البلكونه
حنفي: ماشي وفكري في الموضوع
سمر: أقفل احسنلك سلااااام ......ايوه مين
حماده هاني : انا يا سمر عامله ايه ؟
سمر: حماده بيه اهلًا وسهلا خير فيه حاجه ؟
حماده : اه جايبلك ورد وعاوزك انزلي أتكلم معاكي
سمر: يظهر انت مش عارف انت فين
حماده: طبعا عارف في حاره الشامبنزي
سمر: ده جاي يهرج ولا ايه قصدك النسناس الشقي
السفروت: مين ده ابت اسمرًً
سمر : ده حماده بيه هاني ظابط مباحث في التجمع
السفروت: طيب ادام حماده ومن التجمع ايه اللي جايبه هنا
حماده: عيب كده حضرتك انا ظابط محترم سيب البلوزه بتاعتي
سمر: جايبلي ورد وعاوزني انزله
السفروت: ورد ليه فاكر نفسك فيه حديقه الأشجار
حماده: انا ممكن اطلبلك البوليس يجوا يحبسوك
سمر: ايه يا ربي العيله دي اومال هو ايه
السفروت : طلع الكارنيه بتاعك بدل ما اعلم على وشك
حماده : وتشخبط على وشي ليه ده انا بشرتي حساسه حاضر الكارنيه اهو
السفروت: طيب يلا امشي من هنا
حماده : حاضر يا عمو انا همشي بس هجيب الظبابيت اصحابي وهرجع تاني
سمر: يلا بالسلامه حلوه البلوزه دي فيه منها رجالي
حماده : ما هي دي رجالي
سمر: ايه يا ربي العيال الطريه دي طيب سلم على ماما رشا وبابا هاني
حماده : حاضر هجبهم ونيجي نزركوا قريب سلام
سمر: تجبيهم فين استني .....مشي ...يعني يا ربي. القيها من مدحت ولا حماده ده انا ارجل منهم
مدحت: بس بقي يا لولو هي دي حكايتي مع سمر
لولو : الله دي لاڤ استوري تجنن شوقتني اشوفها
مدحت: معايا صورتها صورتها من غير ما تاخد بالها بصي كده
لولو: ايه اللي على شعرها ده
مدحت: ده كاب دايما لبساه بس شكله حلو عليها اووي تقريبا حلقه ظلبطه مش عارف الحقيقه
لولو : بس انا شايفه ان فيه صعوبات في الموضوع
مدحت: فعلا بس قوليلي بما انك بنت زيها بتحبوا الراجل ازاي
لولو : يعني يكون رومانسي جذاب حنين وطيوب
وبسمع كمان انه لازم ايه ...ياربي ... اااه ياكل من عرق جبينه
مدحت: ياكل عرقه ازاي. ايه القرف ده
لولو: معرفش انا سمعتها كده
مدحت: عارفه مين يعرف الاجابه
لولو: مين
مدحت: اونكل نوڤي اكيد يعرف تعالي نسأله
....... بقولك يا اونكل يعني ايه ياكل من عرق جبينه
حنفي: يعني واحد يشتغل يعتمد على نفسه
مدحت: طب ما تقولوا كده ليه بتحسسوني اني جاهل
حنفي: وانت ايه دخلك بالناس دي مش فاهم ما تخليك في ماما
مدحت: انا قررت اكل من عرقي
باكينام : ليه يا مودي يا حبيبي انا زعلتك في حاجه
حنفي: وهنشتغل ايه يا حيلتها
مدحت : هفتح محل بلاي استيشن وأكافح لحد ما يبقى سنتر كبير
لولو: براڤو يا مودي فكره تجنن
حنفي: لا فكره هايله ومحتاجه مجهود جبار الصراحه ما تشوفلك حاجه خفيفه كده مترهقش نفسك علشان بشرتك ممكن تتشقق من تكيف المحل
مدحت: لازم اعمل المستحيل علشان سمر
حنفي: وهو ده المستحيل بتاعك ده اخرك يعني
مدحت: لا عندي أفكار تانيه ممكن اعمل رحلات سياحيه واسافر أوروبا
حنفي: حلو ده وبالمره تغير جو لا هتتعب حقيقي
باكينام عندك أي حاجه للضغط حاسس ان دماغي هتنفجر
باكينام: من الحلويات اكيد
حنفي : لا حلويات ايه ابنك كفايه
مدحت: ميرسي يا اونكل نوڤي ان روقيق اوي
حنفي: روقيق ازاي مش فاهم ...البت سمر معاها حق ده محتاج مامبرز فعلا