# الابتزاز والحرام #
# الجبورية #
سيأتي يوما عندما امر بجانبك ستقول
( كانت لي )
ويا ليتها تعود
🌹🌹🌹🌹🌹🌹🌹
فزيت وكمت وين راح معقولة قيصر يسويهة ؟؟؟ لا مستحيل كمت وطلعت صحت بصوت مهزوز خايفة لا مالكة رد
ق قيصر
ها حبيبي هنا تعالي
ارتاحيت ونزلت جان كاعد بلمطبخ يدخن وكدامة كلاص جاي
ليش كاعد ؟ ووين رحت
نمت وفزيت صليت وضليت كاعد
تقربت وكعدت شوية بعيدة عنة
قيصر احنة لازم شوية نحجي بهدوء
احجي يعمري اسمعج
اني بعد الي صار ماكدر اضل وياك
دنيا
لتقاطعني حباب خلي اكمل
اني ماكدر اضل وياك ووحدة ثانية بحياتك اني اريد اعيش بهدوء وسط عائلة يقودهة الحب والتفاهم اطلكت من رافد بسبب اهلة الي نفس الي سوتة امك بية هسة همة سوو بس الفرق هوة ماتزوج جان ميسوي حل بلضبط نفس مانتة تسوي هم ماحصل شي منك او من اهلك اني ماتحممل احد يهيني واسكت لكن سكتت لخاطرك بس اني مالي خاطر يمك وكسرتني
تعرف شغلة
شنو حجة بعصبية وهوة يدخن واعرف السبب
هسة بهلحضة وبهاي نار كلبي عرفت يمكن لو باقية على ذمة رافد ماصار بية هيج
دنيا تخبلتي انتي تحجين هيج
ليش انتة خليت عقل عندي اسمعني قيصر اني باقية وياك لمدة بس مجرد مااولد اطلكني وابنك تريدة اخذة متريدة عود اخذة اني
اني ماقبل بنصف زوج اني اريد زوج كامل وحتى لو احبك واموت عليك الكلب الي يهين كرامتي ادوسة برجلية واعبر
دنيا حبيبتي صدكي مجبور
ماكو رجال ينجبر علزواج انتة راغب هلزواج البارحة لو ما جاية اني جان انتة تقربت واهم شي تشبع شهواتك
دنيا احترمي ولتحجين هيج وياية اني زوجج ميصير هيج تحجين
جنت زوجي كتلك اني وانت انتهينة ابيوم الي انكتبت ثانية بأسمك انتهيت انتة بلنسبة الية
حجيت هلكلمات بحركة وكلبي يعصرني من الوجع
وراهة الي صار عمتي شنت الحرب علية
وكامت تلطخ حجي علية كدام الناس وتألف كلام على انو اني لقيطة ومربيني بيت ابو سجاد الي همة اهلي
بلشت اضعف واضعف وصرت هيكل غير المي ميدخل حلكي وقيصر ضل وياية وعمتي تخبلت اكثر لان ماوصل بعد لزينة ولا طب بيت اهلة ويومية تجي تتعارك وياية ووياه علمود بس يروح يتقرب لذيج واني كمت ماسكت اضل اصيح وادعي عليهة لان من صدك تعبت منهة
دمرتني
وجان قيصر جوابة الهة
ردتيهة ابيتج اشبعي شوف بيهة اني ماتحلة بعيني غير دنيا
رغم اني مستحيل اخلي يتقربلي وهوة مقدرر هلشي يسكت
جنت كاعدة برة الجو حلو صاير بارد دنيا ليل
افكر صار يومين ولا وحدة من خواتي خابرت ابد بس سجاد اني الي دمرت نفسي ورحت اتزوجت بمكانهن رغم عدم استعدادي للزواج ودمرت حياتي ودست على كلبي علمود هنة يوصلن تالي هنة خلني درج لاحلامهن وتزوجن الي يحبنة وسعيدات ويدرسن واني هذة حالي بسس طلاكي من رافد ماداكدر اعيش بهدوء
او يمكن هاي حوبة رافد وطلعت بية او يمكن عقاب من رب العالمين على فعلتي القذرة
جنت امددة على المرجوحة ورجل بلكاع وهز نفسي على كيف اباوع النجوم
الله هنيالجن بعيدات عن هموم البشر واذيتهم
شيسوي حبيبي؟؟
ضليت على نومتي وجاوبت ببرود وجمود
ولا شي
وسكتت وهوة تعود على هذة اسلوبي ويا من يوم زواجة اندكت الباب وراح قيصر فتحهة جانت زهراء تكولة
امي وابوية يصيحوك
طلع وياهة واني ضليت على نومتي غمضت عيوني واني ادعي رب العالمين يصبر كلبي واعرف على شنو دزو عليه
راح قيصر والروحة روحة لحد التحق ماوصلني واني بدوري ماسألت عليه ولا كلت وتلفوني غلقتة ومافتحت بابي بعد ابد
يومي اكضي شغل ونوم اكل وجبة وحدة وهم اتقيئهة
بطني صارت بارزة عن جسمي لان دخلت نص الخامس
والي يونسني حركات الطفل الي توهة بدت اضل اسولف ويا واشكيلة من همي
ورة عشر ايام نزل قيصر واجة عليية كبل دك الباب طلعت امشي واني جنت ابجي وامسح بدموعي
حجيت بصوت ناصي
منو ؟؟
اني دنياي وروحي وعمري افتحي الباب
روح قيصر روح البيت يتعذرك من غبت عنة ثلاث ايام بدون ماتسأل
دنيا خلي افهمج الموضوع خلي نحجي
كتلك روح قيصصر بس اتحملني هلاربع اشهر وراهة راح اطلع من حياتك عفتة بلباب ودخلت للمطبخ وكفت اصب جاي الية حسيت طبة شي وكع بلحديقة طلعت اركض شفت قيصر شامر جنطتة من السياج وهوة صاعد دينزل علحديقة
انت تخبلت قيصر شدتسوي
اطلع من حياتي خلاص افهم اني بطلت احبك روح للي فضلتهة علية
دنيا ولج والله اعشقج
سؤال واحد بس اسألك ومن بعدهة ماريد منك شي
اعرف سؤالج صدكي مجبور اسويهة ومرة وحدة بس بدون نفس بس اخذت نيشانهة
خلاص هذة هوة افتهمت
كلتهة ودخلت للمطبخ بهدوء دخل وراية وهوة ينزع حذائة
دنيا اوكفي لحضة شنو شو سكتي دنيا اني ماطلكج ابد كطنة وشيليهة من اذنج ..
واني كتلك انت انتهيت قيصر حتى طفل منك ماريد كل الاريدة بس اجيب طلكنني واطلع منا بدون ماخذ منك شي كلشي ماريددد غير راححت بالي وهدوء حياتي الي سلبتهن مني
دنيا اني قيصر حبيبج
جنت
لا ومازلت اعرف تحبيني مثل مااني احبج بلضبط
متوهم حيل متوهم
اخذت كلاصي ورحت للصالة وهوة سكت
شوية وطلع من المطبخ بيدة جنطتة اخذهة وصعد بعد مانزل الا وهوة غاسل ومبدل
روح للماما مالتك خاف قلقت عليك لا اروح اغتصبك
وين يحسرة حتى لو تغتصبيني قابل بس كون المج الحضني
امشي اطلع وروح لبيت اهلك
هوة هم هيج اروح عندي شغلة هناك
الله وياك سد الباب وراك ولتجي بعد البيت يخنك صار
باوعلي بغضب وطلع واني شلت حاجز القوة وحل بمكانة الضعف وكعدت ابجي وايدي على خدي
وهاي صارلي ١٣ يوم غالقة جهازي محد ذكرني ولا احد عبرني لا ام لا ابد ولا اخ ولا اخت بس نيزك اجتني مرتين غيرهة محد يسأل علية ابد
كمت وصعدت للغرفة سبحت وطلعت بدلت وكفت امشط شعري تعبت منة حيل
فتحت المجر وجريت المكص
مشطتة وعدلتة توني حطيتة وكصيت خصلة منة دخل قيصر باوع على ايدي واجة يركض وهوة ينهرني
لج غبية شسويتي؟؟؟
جر المكص من ايدي كعد يتفحص شعري والخصلة الي كصيتهة بايدة صار عصبي وكام يصيح لان كصيتة
لج انتي غبية وثولة وطايحة حظ شلون هيج تسوين شلون هيج تكصي؟؟؟
انتة شعليك
حجيتهة ابرود واني اباوعلة بكره وتحدي
وسواهة قيصر رفع ايدة وضربني راشدي بقوة على وجهي
سحبني من شعري ويصيح بعصبية بوجهي
لتباوعين الية بهاي النظراتتتت لتباوعين
وشعرج لتوصلي غبيةةةةة
اكرهك
تركتني واني مشيت بدون ماحجي بعد حرف وكعدت كدام الشباك علكرسي
ونار مشتعل كلبي سواهة وضربني ايدة انمدت علية الي جان واعدني يعيشني ملكة دمرني وخلاني بلحضيض
ضليت بس ساكتة ودمعتي تنزل بهدوء وهوة ساكت كاعد على طرف الجرباية
حجة بعتب
ليش هيج خليتينة نوصل لهلمرحلة ليش صعبتي حياتي وياج
اكرهك
بس اني احبج اعشقج ارجف عليج
اكرهك
حجيت كلامي بصوت مهضوم
اكرهك وماحبك ونفسي طابت منك بعد واعوفك يعني اعوفك
ماخليج دنيا انتي باقية وياية شئتي ام ابيتي
باوعتلة بغضب والنار كامت تطلع من راسي
كوم اطلع من بيتي كوم روح لعروستك الحبيبة الي لفاهة حضنك كوم اطلع
بررررررةةة صرخت بقوةة وشلت الطبلة كزاز وشمرهة على مميز المراية
لج دنيا تخبلتي ؟؟؟
اي اي اني تخبلت كوم اطلع من بيتي كوووم شلت تيبلام وشمرتة علحايط شلت المخاديد وشمرتهن علية وهوة يحاول يوصل الية صرخت صرخت غلطت فشرت وحتى كفران كفرت فقدت وطلعت كل سكتي وحسرتي هذيج الايام
يمكن اوتاري الصوتية تكطعت من الصراخ ماخليت شي صاحي الكزاز متناثر بلكاع واني كاعدة علكرسي وايدي على راسي ابجي ماعرف شسوي نار بكلبي مداتخمد شي بداخلي يدفعني للموت واني روحي معاندة ومتعوف جسمي
جان هوة مقرفص كدامي ولازم ايدي بيدة واني رافعة الثانية على راسي ابجي يمكن من كد مابجيت عيوني راح تعمى
شنو حسيت وانتة تعرف اني كلبي يحترك وانت تنام يمهة طولك انمد وية طولهة؟؟؟ بستهة مثل من تبوسني؟؟؟ هم هم تغزلت بعيونك الكحيلة لو دفوا جسمك لف جسمهة
ليش هيج ليش
صدكي مو بيدي امي حصرتني من كل الزوايا تخيلي تهددني لو اتقرب الهة لو تفضح بعرضج وتكول اني ماكدر اتقرب لمرة وانتي حامل من واحد ثاني
ماكدرت بعد اسوي شي من عاندتهة رايحة كايلة لعمامي اني مو رجال وانتي حامل من واحد ثاني واطريت اتقرب لهلقذرة لخاطرر اثبت اني رجال
الله ياخذك وياخذ امك وياك انشالله يوم الي اشوفهة زر ممدود وزر للدود
دنيا هاي امي ماقبل تحجين هيج
وكفت بعصبية اصيح وادفع بي
كوم اطلع روحلهة كووووم اطلع
اطلع ماريد بحياتي اطلع
دفعتة وطلعتة برة الغرفة وطبكت الباب وقفلتة ضليت كاعدة وحدي وابجي وادري بي هوة كاعدة ورة الباب بس مافتحت الباب ابد تقريبا ساعة ونزل كمت فتحت الباب وطلعت نزلت ورا شفتة ماهوة وسيارتة مطلعهة من الكراج
سديت الباب ودخلت فتحت الثلاجة طلعت لبن وكعدت اشرب واني ساكتة جريت تلفوني وفتحتة اجتني رسائل من خواتي وكل وحدة مكالمتين وسجاد متصل فوك ال٥٠ مكالمة ورسائل دكيت علية فتح خط وهوة يحجي بعصبية
لج دنيا وينج صدك جذب والله خبلتيني
ها سجاد شكو
شنو الشكو ولج خبلتيني واني ادك عليج وماحصلج ومن اسأل خواتج ميعرفن شي عنج
س سجاد اني محتاجتك
شكو دنيا ليش هيج صوتج فتحي كامرة خلي اشوفج كلبي مامطمن
فتحت كامرة
هاي هاي شصاير بيج ليش هيج ذبلانة ووجهج اصفر
قيصر اتزوج علية سجاد وخواتي ميسألن علية ماعندي احد اني
خرب****** شوكت تزوج هل*****
من شهر ونص
شهر ونص وماكلتي
لكيت نفسي اسولف لسجاد عن ضيمي وقهري مثل طفلة وتلكت ابوهة تشكيلة من اذية اخوتهة
اني هيج حالي .
اشكيلة حبي لقيصر وكسرتي من تزوج وحيريتي بزماني وطعن عمتي بسمعتي
كلشي سولفتلة بدون خجل ولا تكلف لكيت نفسي احجيلة شنو احساسي من راح لوحدة ثانية
اني اعلمة هل*****اليوم ا***** امة خلي بس يصبرلي اني باجر حاجز وجاي اخذج هنا يمي وانعل ابو لابو الخلفة ابن الزانية
وهذني الادبسزيات اني اتصرف وياهن بعد كل شي سويتي علمودهن يعوفنج اني اعلمهن
سديت الخط وارتاحيت وكلبي عصرني شلون راح اعوفة بس اني طابت نفسي منة
ندك الباب وجان حسن
ها خوية
ابوية يصيحج
يلا جاية طلعت ويا ورحت لبيتهم دخلت ماسلمت ولا حجيت جان عمي كاعد بلصالة
تعالي بابا تعالي
نعم عمو
ليش هيج كطعتي وبعد ماجيتي شهر ونص ومانشوفج ابد
مامحتاجين شوفتي عمو انتو اختاريتو جنة الكم واني كعدتي هنا مؤقتة باجر جاي سجاد واني رايحة ويا ومثل مادخلنة بلمعروف نطلع منة
اي عيني ليش لا نخلص من شكولج الزفرة بس مو عبالج اعوفلج حفيدي لا عيني اخذة منج وصلي انتي ام الرجولة
وداد امشي ولي لا بارك الله بيج ولا بوجهج ارتاحيتي من هجمتي بيت ابنج
وجبتي وحدة متسوة اضفر دنيا لا بلجمال ولا بلاخلاق ولا النظافة
اهم شي كسرت هاي
ماعاش الي يكسر دنيا
هلا بلعريس هلا بوليدي السبع وينج ماما زينة تعالي لرجلج اخذي خلي يرتاح
من رخصتك عمو ماعتقد اكو بعد شي تريدة مني ؟؟
بابا استهدوا بلرحمان وقيصر يحبج بنيتي وانتي ام بيتة وام ابنة
الله كريم الله كريم من رخصتك عمو
وصلت لباب المطبخ الداخلي لاكتني زينة
ها ضرتي شلونج
باوعتلهة وتجاهلتهة وردت امشي لكن استوقفني كلامهة
اوفف دنيا حقج مجلبة لقيصر لج عيني يذوب الصخر برومنسيتة عيشني ليلة بعمري مانساهة ووعدني يطلكج لان هوة ميرتاح الا وياية يكول هذيج فاهية مو مثلج جمرة
رجعت خطوة ليورة وباوعتلهة بتحدي
انتي شنو يعني تغوريني عيني اني حبيبيتة مو بس زوجتة وانتي مجرد زوجة تتبدل علمزاج لتخليني اخلي عقلي وياج واخليج تتمني وماتحصلي
لاحبيبتي غلطانة انتي الي تتبدل علمزاج والدليل بدلج بية
دكيت على متنهة خفيف وحجيت بستهزاء
لعد بلعافية عليج يروحي اشبعي بي قبل ليبدلج انتي هم
وكملت خطواتي بثقة واني اشوف زهراء تحوم تريد تحجي وياية بس اني كارهتهم كلهم
دنيا اوكفي حبابة ليش متحجين وياية اني مالي ذنب وحتى اني وقيصر منتحاجة
متهموني كلكم
دنيا حبابة انتي من صرتي لقيصر اني اعتبرتج اخت الية
واني جنت معتبرتج
حضنتني وبجت
والله كلبي محترك عليج وحتى قيصر ترة يحبج بس امي متدرين شسوت بي وشلون اذتة هوة حتى مرة وحدة بس صعد لغرفتة وبعد ماصعد بس امي وزينة يحومن عليه تخيلي حتى يجيبن غراضة ويخلنههة بغرفتة حتى من يدخل ياخذهن متخلي يطلع علمود تصير علاقة بينهم بس قيصر يلزمنة ينهيهة كتل
ميهموني ابد ابد اني رايحة وبعد مستحيل ارجع لتعاستي
لا دنيا حبابة لترحين والله قيصر يحبج
حبابة ترة تعبانة ودايخة كلش عوفيني
عفتهة ومشيت ورحت لبيتي دخلت جان قيصر كاعد بلصالة
تعديتة وصعدت انضف حطام الغرفة
صعد وراية
مخابرة سجاد ؟؟
ماجاوبت ولا حجيت ويا
احاجيج مخابرتة وهوة خابر يهدد صدك تردين تعوفيني وترحين ؟؟
وهوة الصح مكاني غلط هنا اني
لا دنيا متوهمة متخيلةة اعوفج ترحين
راح تعوفني قيصر راح تعوفني
لان مستحيل اصير مرة الك
دنيا وروح كل شخص راحلي ماخليج ترحين وطلاك ماطلك
انتة ليش تسوي هيج وياية انت مو تزوجت وسمعت كلام امك ومشيت بلغلط وانت تعرف اذا تزوجت شنو نهاية زواجنة ؟؟؟
جاوبني صح لو لا اني مو كتلك اذا سويتهة اني وياك ننتهي وتصير انتة لاشيء بحياتي بس انتة شكلت كلت هاي اخوهة بعيد وخواتهة مو بحالها وامهة وابوهة ميعرفون هية وين اصلا
بس ها شفت اني مو وحدي جنت دوم اكول لو سجاد هنا جان ماخلاكم تخلون دموعي تخالط ضحكتي لا والله لجان حرك الاخضر واليابس
خليك حاير بمرتك ام الرومنسية وامك خرابة البيوت ونام رغد
واني اعيش حياتي بعيد عن حقد امك وانانيتهة وحقارتهة
دنيا حبيبتي اني احبج تعرفين هلشي وزواجي من هاي بضغط من اني
الرجال مينضغط علية قيصر مينضغط بس انت ضعيف وراغب هلزواجة كلهة
الله يبعدني عنك وميخليني اشوفك بعد ابد
والله اكسر رجلج وماخليج ترحين متطلعين اذا تردين مااجي لهنا بعد عادي مااجي بس لترحين
مستحيل ابقى هنا والله يخليك روح منا ترة راسي صار يوجعني مالي خلك تصعد ضغطي وتمرمر كلبي
تنهد بيأس وهوة يباوعلي بقهر
وطلع تركت المكناسة من ايدي وكعدت على الجرباية ابجي واني اشوف حياتي انهدمت وبسبب حقارة انسانة متخاف الله
كمت كملت الغرفة وتنضيفهة لميت الكزاز وخربت شكلهة ضلت عورة
ميز المراية تكسر والزاوية وجزء من باب الكنتور
لميت غراضي وخليتهن بجنط ماخليت شي ابد
نزلت لكيتة كاعد وحدة على القنفة الي بلصالة
وصافن علحايط من نزلت هوة باوعلي وكام اخذ من ايدي الجيس الي بي الزبل والكزاز
انطيتهيا وحجيت من دون ماباوعلة
عود الغرفة تكسرت تريد تشمرهة تريد تخليهة بقت يمك
لا ختولي باجر اخذج نروح واختاري الي تعجبج
باوعتلة بستهزاء وعفتة وكملت طريقي للمطبخ فتحت الثلاجة وطلعت بطل لبن دك تلفوني نيزك
هلا حبيبتي دندن شلونج
هلا بيج يكلبي ابخير انتي شلونج
الحمد لله شون صحتج خو متأذيتي بعد او تخربطتي
لا الحمد لله محد يستاهل اتأذة علمودة
اي عفية هيج خليج قوية واسندي نفسج بنفسج وخليج صخر ودوسي على كلبج لخاطر الي ابطنج وصحتج لان لو وكعتي محد يفيدج
انشالله
اكلج هم خابرتي خواتج ؟؟؟ خابرنج هنة
لا يختي محد بيهن شالت تلفون وسألت وخابرت بس سجاد وكال راح يحجز ويجي ياخذني
شنو؟؟؟ ترحين صدك تحجين لا تخبلتيي
باوعت وراية قيصر خام عيونة ويباوعلي من الصالة درت وجهي وطلعت من المطبخ
ولج نيزك اني ماتحمل بعد قيصر تقرب لهذيج القذرة واني ماكدر اتقبلة بعد
لج دنيا وتعوفين بيتج الهن يسرحن ويمرحن بي ؟؟؟
ميمهني بعد اني بس اجيب ارفع دعوة علية واطلك ماكدر اكمل ويا بعد نيزك انتي من خطب وسام اشصار بيج
وانتي جنت بس حبيبتة فكيف اني عروس مصارلي الا كم شهر من مزوجة وحامل وتزوج علية وكسر كلبي الي سلمتة الة انتي تعرفين اني ماحبيت احد غير قيصر الي هوة اول حب بحياتي واول رجال اثق بي لهدرجة تالي خان الثقة وكسر كلبي
تتصورين ماجنت متوقعة راح يستسلم الامة بس خاب ضني بي
دنيا حبيبتي لتعوفين بيتج حارربي ولج اكتليهن تعاركي كلشي سوي انتي ليش هيج ساكتة
ساكتة لان تعبت وانتي تعرفين الي مريت بي
ماكدر اتحمل مصايب اكثر كافي الي شفتة والي عشتة وخلي هوة يعيش وية مرتة وامة استكثروا عيشتي ويا وفرحتي كسروهة الله يكسر فرحتهم انشالله
لتهتمين الهم خلي يولن واذا الله كاتبلج تعيشين ويا لو مو يزوجنة لو يسحرنة الله الي يحلهة
لا يختي بعد النفس طابت من العيشة هنا مرورة العيشة هنا امر من العلقم
الله كريم الله كريم
شسويتي على سالفتج وية وسام
نفسج كاعدة هنا وساكتة رفعت دعوة طلاك علية انرفضت لان اجة وكال مرتي واريدهة ماطلكهةة
والقاضي رفضهة
والله مادري شكلج بس ارجعي الة ترة عادي مصار شي هوة مو ذنبة ذنب هذاك الحقير كل البلة من جوة راسة
دولي تنصحني وهية تريد تسوي الانكس
دمشي ولي يلا طاحضج اكثر من ما هوة طايح
ههههههه عابتلج اي والله روحي يلا بباي
سديتة منهة وجانت اول مرة ابتسم من بعد شهور قهر وتعب درت وجهي ارجع للبيت
يمة اسم الله دخيلك ربي انت شتسوي هنا
منو وسام ومنو الحقير
عفتة ومشيت بدون ماجاوبة ودخلت للبيت
انتي مو احجي وياج جاوبي منو هذولة
باوعتلة وكتفت ايدي
ناس انذال حقراء غدرو بصديقتي وزوجهة تزوج عليهة ورافعة قضية طلاك علية
والله تفتهم راح اسوي نفس ماسوت
عفتة ومشيت ابرود ودخلت للغرفة الجوة وطبكت الباب
فتح الباب ودخل وراية
لا اله الا الله يعني انت شلون بيك بابا كافييي حل عني رحمة الامك الهجامة للبيوت
احترمي نفسج
لا اشو ماحترم نفسي وامك هجامة بيوت وحية وعكربة واطلع روح يمهة لا ادير نفط عليك واحركك انت وياهة
بلحضة سريعة تقرب وسحب راسي من شعري وصرخ بوجهي
مو معناهة اسكتلج مرة الباقي هم اسكت ترة الروح بيهة صبر وباقي شوية صبر وياج لتختبري واحترمي نفسج لا والله العظيم انهيج واكضي بيج التوبة
باوعتلة بحقد وحجيت واني راصة اسناني بغضب
اكرهك اكررررهك
دفعني حيل وصاح
لتكوليييين اكرهك لتكولين اكرهك انتي متكرهيني انتي تحبيني رجع ولزم وجهي بيدة حيل ويحجي بغضب
انتي متكرهيني اذا عدتيهة هلحجاية مارحمج
اكرهك قيصر اكرهك
تحول وحش واني صدك اختبرت صبرة مثل ماكال صار يضرب بية بقوة ماعرف شلون ابعد عنة فضليت بين ايدة وهوة نهاني كتل حسيت صرت انزف واني واكعة بلكاع وهوة كدامي راكع على ركباتة ويباوعلي بغضب
نزل نضرة على رجلية وتبدلت نضراتة للخوف والرهبة والقلق
د دنيا حبيبتي شتحسين
باوعي انتي صاحية وياية ؟؟ مو انتي مابيج شي
غمضت عيني ونزلت دمعتي ووياهة كحيت ودمم طفر من خشمي وحلكي ووجع صار ابطني كمت اون من الوجع وهوة ركض راح ماتأخر شوية ورجع هوة وحسن وجواد من شافني جواد هيج راد يهد يضرب قيصر بس حسن لزمة وكلة.
مو وكتهة البنية دتنزف خلي نلحك عليهة لتموت
شالني قيصر وركض قبلة حسن اخذوني ووياهم زهراء للمستشفى
وصلت لهناك اني فاقدة من الالم
بين الصاحية وبين النايمة اسمع صوت سوالف بعيدة
دكتورة وهسة شلون صحتهة
هية تعبانة لان الجنين جان جبير وبسعوبة كدرنة نطلعة ودم هواي خسرت وحسب التحليل دمهة ٧ ونص كتبتلهة ابر فقر دم ولازم تاكل اكل كلة حديد حتى يستقر دمهة
انشا لله انشا لله
يعني شنو ابني راح خلاص حتى هذة اتخلة عني فتحت عيني من سمعت صوت ضربة جواد لقيصر وهوة يغلط علية.
تفو عليك ولك ليش هيج ضيعت نفسك وضيعت مرتك وابنك لو اني منك ماتردد لحضة وحدة واخذهة واطلع من يم امي الضالمة انتة ضالم مثلهة بلضبط
باوعولي ثلاثتهم وزهراء ركضت قبلهم يمي
دنيا الحمد لله على السلامة خو ميوجعج شي يروحي
مي اريد مي عطشانة اخذت البطل وشربتي شوية رأسا معدتي كامت تكلب رفعت نفسي وضليت اتقيء بلسلة الي بصفي
تعبت بشكل واني وحدي اعاني بين ايد ضلام ماعرف شتصرف بضعف ايمان وكفر من اركوني وحدي كمت جريت شفرة بلمجر مالت الغرفة يفتحون بيهة الخياط وكصيت اوردة ايدي
ضليت كاعدة واباوع لايدي وهية تنزف والدم ينزل بلكاع شوية شوية فقدت واخر شي سمعتة
الحكوني راحت راحت وينكم قيصر جواد تعالو
بعد ماحسيت ....
🌹🌹🌹🌹🌹🌹🌹🌹.
متابعة شيقة .
وللحكاية بقية .
صگعه عله صگعه ارداف!!
واشگف بديه.
والدهر حيل اثگال عملاته بيه!