#مدحت_وسمر الجزء الثاني
الواد مدحت ده انا مفتقداه اووي الصراحة مسلي ابن الايه عاوز ادخل اطمن عليه يارب يكون فاتح
سمر :واد يا مدحت يا مودي
مدحت :سمر عارفه كنت بفكر فيكي النهارده
سمر : وانت والله هفيت على دماغي قلت ادخل اطمن عليك انت فين كده ؟
مدحت: قاعد مع ماما
سمر: بس أوعى تكون بتتفرج على رعب تعملها ع نفسك خلى بالك
مدحت : لا توبه معدش هيحصل تاني انا اعصابي انهارت بتفرج على فيلم لاڤ استوري بس يجنن
سمر: اها كده ممكن انت عيل طري
مدحت : بس دموعي مش بتوقف
سمر :ليه يا حيلتها مالك
مدحت : البطله بتموت يا سمر وانا قلبي بيتقطع علشانها ومخبيه عن البطل
سمر : يا محنو وماما بتعمل ايه وانت بتعيط كده
مدحت : بطبطب عليا
سمر : ولاااااا انا بكلمك علشان اضحك مش علشان تفرسني انا عندي فرح النهارده دخلت اطمن عليك
مدحت : فرح بجد ومين المطربين اوعي تقولي تامر حسني او عمرو دياب بموت فيهم
سمر : مين يا اختي ده. فرح في الشارع عندنا وجايبين السيد كباكا وفرقه المساطيل فرح شعبي يعني
مدحت : الله نفسي احضر فرح كده بجد ممكن اجي اتفرج
سمر : تتفرج ايه انت اللي هتفرج الناس علينا شيل الفكره دي من دماغك
مدحت : بليز يا سمر مش هعمل شقاوه والله علشان خاطري
سمر : انت عبيط ياض ده انت عاوز تيجي وسط اشقيه البلد كلها ولو حصل حاجه مش هقدر أحميك
مدحت: متخفيش عليا معايا مسدس
سمر : مسدس مايه طبعا ولا خرز
مدحت : يلا قولي العنوان بسرعه هلبس واجي
سمر: يا بن المجنونه تيجي فين هيتعلم عليك يخربيتك
مدحت : يوووه يا سمر متخفيش بقي
سمر: خلاص اكتب عندك شارع النسناس الشقي المتفرع من حاره برغوت وراه جبل المعتيه
مدحت : ده في مصر هنا ؟
سمر : ايوه يا خفيف في مصر صحيح اش عرفك بالمناطق الشعبيه بتاعتنا
مدحت : طب هلبس واجي وللامان ابعتي شير لوكيشن
سمر: حاضر بس ابعتلي صورتك علشان استناك ع اول الشارع
مدحت : حالا هبعتلك سيلفي
سمر : صورتك دي؟؟؟... يخربيتك ده انت احلى مني بكتير كنت خايفه عليك من الرجاله دلوقتي بقي البنات كمان استر يارب
مدحت : يلا باي هلبس واجي سلام
سمر : استر يارب انت يااض بلاش تلبس موڤ ولا احمر مش ناقصين يلا مستنياك
يا ربي عديها ع خير الواد زي القمر
هيتعمل عليه حفله اما البس وانزل استناه على اول الشارع
الواد ده اتاخر كده ليه ؟ انت فين يا منيل فيه عربيه جايه على اول الشارع يمكن يكون هو
سائق العربيه : لو سمحت فين شارع القرد اللي بيطنطط
سمر : لو سمحت هو مفيش نظر كده خالص انا سمر يا مدحت ثم اسمه شارع النسناس الشقي يا خفيف
مدحت: ايه ده انتي سمر ايه اللي على دماغك ده ؟
سمر : كاب مش شايف ولا ايه يلا انزل من العربيه واقفلها كويس وريني لابس ايه
مدحت : حاضر لا متخفيش لابس بنطلون وقميص
سمر: ايه ده يخربيتك دول ضايقين اوي
مدحت : الموضه كده يا سمر الله بقي
سمر: طب احنا داخلين على الفرح اوعي نفتح بوقك خالص وافرد صدرك كده
مدحت : حاضر متخفيش عليا
صديقه سمر : بت ا سمر مين الحلو ده
سمر : ده صاحبي يا انوش
انوش : طب ما تسبيه وتاخدي عرقه الواد موز
مدحت : تاخد عرقي ازاي انا لسه مستحمي
سمر : اخرس متفتح بوقك ايه يا انوش هتعلمي عليه وهو معايا ده يصح بردوا
انوش : م الاخر كده الواد ده يلزمني اعمل عليه حفله
مدحت : الله عاوز اروح الحفله يا سمر
سمر : هترجع بعيل على ايدك اسكت مسمعش صوتك
سمر : احنا طول عمرنا اخوات يا انوش بصراحه ده هيخطبني يعني هيبقي مننا
انوش : لا ادام هيخطبك يبقى بتاعك يا اختي
يااا حاااره احلى تحيه لأختي سمر وخطبهاً اللي نورنا النهارده
سمر : ابويا وامي واقفين في البلكونه يا نهار اسود هقولهم ايه بس اتفضحت
مدحت : هاي عمو هاي طنط
سمر : هاي ايه اخرس بقى ده انا لما اطلع هيعملوا عليا ملوخيه
مدحت : الله مش دي اللي بتشتش عليها عاوز ملوخيه يا سمر
سمر : بتشتش استرها معانا يارب
مدحت : هو انا ممكن اضرب نار
سمر: هطلع نار من بوقك يعني
مدحت : لا معايا المسدس بتاعي نفسي اجربه
سمر : مسدس صوت يعني
مدحت : لا ده بجد وبحق وحقيقي والله
سمر : خلاص احنا نقول انك ظابط كده محدش هيبوصلك
مدحت: ليه هو انا شكلي وحش علشان محدش يبصلي
سمر : يا بني افهم معظم العيال اللي في الفرح مسجلين خطر لو عرفوا انك ظابط هيبعدوا عنك محدش هيقربلك فهمت
مدحت: خلاص انا ظبوطه من النهارده
سمر : ظبوطه ايه ظابط افهم يلا ندخل الفرح بقي ...... ايه يا جماعه مفيش تحيه لحضره الظابط ولا ايه ده جاي يبارك بنفسه
مدحت : ايوه ده جاي يبارك بنفسه
السفروت بلطجي الشارع : اعلى باچا ڤي الدنيا نورت شارع النسانيس تحب تضرب ايه كله موجود
مدحت: مش لازم اضرب حد انا شويه وماشي
سمر: معلش يا معلم سفروت هو جاي يجامل خفيف خفيف كده وماشي على طول
السفروت : عليا الطلاق ما يحصل حشيش بيره جدول كله موجود اقولك اضرب دي من الجدول جتها تحت لسانك
مدحت: ملوش لزوم والله
السفروت : لا ما انت مش هتكسف ايدي
مدحت : لا طبعا مش هكسفها هات
سمر: متبلعهاش خليها في بوقك وبعدين أرميها
مدحت : انا بلعتها خلاص
سمر : يارب استر كان لازم تيجي يعني
مدحت : ههههههههههه ما تجيبي الكاب بتاعك ده شويه
سمر : انت اتسطلت لحقت ده انت اخدها من دقيقتين اومال بعد ربع ساعه هتعمل ايه
مدحت : انا هقوم ارقص بحيره البجع يا سمر
سمر : بجع ايه اسكت خالص ابوس ايدك تعالى اوصلك العربيه كفايه كده
مدحت : لا انا هقعد شويه اتفرج على فرقه المساطيل
سمر : ده انت بقيت المساطيل نفسهم هو يوم اسود يلا يا منيل